[2] Pīṭhante veḷuriyamayaṁ uḷāraṁ
manojavaṁ gacchati yenakāmaṁ
alaṅkate mālyadhare suvatthe
obhāsasi vijjurivabbhakūṭaṁ
kena tetādiso vaṇṇo kena te idhamijjhati
uppajjanti ca te bhogā ye keci manaso piyā
pucchāmi taṁ devi mahānubhāve
manussabhūtā kimakāsi puññaṁ
Kenāsi evañjalitānubhāvā
vaṇṇo ca te sabbadisā pabhāsatīti.
Sā devatā attamanā moggallānena pucchitā
pañhaṁ puṭṭhā viyākāsi yassa kammassidaṁ phalaṁ
ahaṁ manussesu manussabhūtā
abbhāgatānāsanakaṁ adāsiṁ
abhivādayiṁ añjalikaṁ akāsiṁ
yathānubhāvañca adāsi dānaṁ
tena metādiso vaṇṇo tena me idhamijjhati
uppajjanti ca me bhogā ye keci manaso piyā
akkhāmi te bhikkhu mahānubhāva
manussabhūtā yamakāsi puññaṁ
tenamhi evañjalitānubhāvā
vaṇṇo ca me sabbadisā pabhāsatīti.
Pīṭhavimānaṁ dutiyaṁ.

[3] Pīṭhante sovaṇṇamayaṁ uḷāraṁ
manojavaṁ gacchati yenakāmaṁ
alaṅkate mālyadhare suvatthe
obhāsasi vijjurivabbhakūṭaṁ
kena tetādiso vaṇṇo kena te idhamijjhati
Uppajjanti ca te bhogā ye keci manaso piyā
pucchāmi taṁ devi mahānubhāve
manussabhūtā kimakāsi puññaṁ
kenāsi evañjalitānubhāvā
vaṇṇo ca te sabbadisā pabhāsatīti.
Sā devatā attamanā moggalānena pucchitā
pañhaṁ puṭṭhā viyākāsi yassa kammassidaṁ phalaṁ
appassa kammassa phalaṁ mamedaṁ
yenamhi evañjalitānubhāvā
ahaṁ manussesu manussabhūtā
purimāya jātiyā manussaloke
addasaṁ virajaṁ bhikkhuṁ vippasannamanāvilaṁ
tassa adāsihaṁ pīṭhaṁ pasannā sakehi pāṇihi
tena metādiso vaṇṇo tena me idhamijjhati
uppajjanti ca me bhogā ye keci manaso piyā
akkhāmi te bhikkhu mahānubhāva
manussabhūtā yamakāsi puññaṁ
tenamhi evañjalitānubhāvā
vaṇṇo ca me sabbadisā pabhāsatīti.
Pīṭhavimānaṁ tatiyaṁ.

[4] Pīṭhante veḷuriyamayaṁ uḷāraṁ
manojavaṁ gacchati yenakāmaṁ
alaṅkate mālyadhare suvatthe
obhāsasi vijjurivabbhakūṭaṁ
kena tetādiso vaṇṇo kena te idhamijjhati
uppajjanti ca te bhogā ye keci manaso piyā
pucchāmi taṁ devi mahānubhāve
manussabhūtā kimakāsi puññaṁ
kenāsi evañjalitānubhāvā
vaṇṇo ca te sabbadisā pabhāsatīti.
Sā devatā attamanā moggallānena pucchitā
pañhaṁ puṭṭhā viyākāsi yassa kammassidaṁ phalaṁ
appassa kammassa phalaṁ mamedaṁ
yenamhi evañjalitānubhāvā
ahaṁ manussesu manussabhūtā
purimāya jātiyā manussaloke
addasaṁ virajaṁ bhikkhuṁ vippasannamanāvilaṁ
tassa adāsihaṁ pīṭhaṁ pasannā sakehi pāṇihi
tena metādiso vaṇṇo tena me idhamijjhati
uppajjanti ca me bhogā ye keci manaso piyā
Akkhāmi taṁ bhikkhu mahānubhāva
manussabhūtā yamahaṁ 1 akāsiṁ
tenamhi evañjalitānubhāvā
vaṇṇo ca me sabbadisā pabhāsatīti.
Pīṭhavimānaṁ catutthaṁ.

[5] Kuñjaro te varāroho nānāratanakappano
ruciro thāmavā javasampanno ākāsamhi samīhati
padumī padumapattakkhī 2 padumuppalajutindharo 3
padumacuṇṇābhikiṇṇaṅgo 2 sovaṇṇapokkharamālavā
padumānusataṁ maggaṁ padumapattavibhūsitaṁ 2
ṭhitaṁ vaggumanugghāti mitaṁ gacchati vāraṇo
tassa pakkamamānassa sovaṇṇakaṁsā ratissarā
tesaṁ suyyati nigghoso turiye pañcaṅgike yathā
tassa nāgassa khandhamhi sucivatthā alaṅkatā
mahantaṁ accharāsaṅghaṁ vaṇṇena atirocasi
dānassa te idaṁ phalaṁ atho sīlassa vā pana
atho añjalikammassa taṁ me akkhāhi pucchitā (ti .)
sā devatā attamanā moggallānena pucchitā
pañhaṁ puṭṭhā viyākāsi yassa kammassidaṁ phalaṁ
1. Ma. yamakāsi puññaṁ. 2 Ma. Yu. padma -. 3 Ma. Yu. padmuppala -.
Disvāna guṇasampannaṁ jhāyiṁ jhānarataṁ sataṁ
adāsiṁ pupphābhikiṇṇaṁ āsanaṁ dussasanthataṁ
upaḍḍhapadumamālāhaṁ āsanassa samantato
abbhokirissaṁ pattehi pasannā sakehi pāṇihi
tassa kammakusalassa idaṁ me tādisaṁ phalaṁ
sakkāro garukāro ca devānaṁ apacitā ahaṁ
yo ve sammāvimuttānaṁ santānaṁ brahmacārinaṁ
pasanno āsanaṁ dajjā evaṁ nande yathā ahaṁ
tasmā hi attakāmena mahattamabhikaṅkhatā
āsanaṁ dātabbaṁ hoti sarīrantimadhārinanti.
Kuñjaravimānaṁ pañcamaṁ.

[6] Suvaṇṇacchadanaṁ nāvaṁ nāri āruyha tiṭṭhasi
ogāḷhasi 1 pokkharaṇiṁ padumaṁ 2 chindasi pāṇinā
kūṭāgārā nivesā 3 te vibhattā bhāgaso mitā
daddallamānā ābhanti samantā caturo disā 4
kena tetādiso vaṇṇo kena te idhamijjhati
uppajjanti ca te bhogā ye keci manaso piyā
pucchāmi taṁ devi mahānubhāve
manussabhūtā kimakāsi puññaṁ
1 Po. Ma. Yu. ogāhasi. 2 Ma. Yu. padmaṁ. 3 Po. nivāsā. 4 Ma. kūṭāgārā .pe.
caturo disāti ayaṁ gāthā na pākaṭā.
Kenāsi evañjalitānubhāvā
vaṇṇo ca te sabbadisā pabhāsatīti.
Sā devatā attamanā moggallānena pucchitā
pañhaṁ puṭṭhā viyākāsi yassa kammassidaṁ phalaṁ
ahaṁ manussesu manussabhūtā
purimāya 1 jātiyā manussaloke
disvāna bhikkhū tasite kilante
uṭṭhāya pātuṁ udakaṁ adāsiṁ
yo ve kilantāna pipāsitānaṁ
uṭṭhāya pātuṁ udakaṁ dadāti
sītodakā tassa bhavanti najjo
pahūtamalyā bahupuṇḍarīkā
taṁ āpagā anupariyanti sabbadā
sītodakā vālukasanthatā nadī
ambā ca sālā tilakā ca jambuyo
uddālakā pāṭaliyo ca phullā
taṁ bhūmibhāgehi upetarūpaṁ
vimānaseṭṭhaṁ bhusasobhamānaṁ
tasseva kammassa ayaṁ vipāko
etādisaṁ puññakatā 2 labhanti
1 Yu. parimayā. 2 Po. Sī. katapuññā.
Kūṭāgārā nivesā me vibhattā bhāgaso mitā
daddallamānā 1 ābhanti samantā caturo disā
tena metādiso vaṇṇo tena me idhamijjhati
uppajjanti ca me bhogā ye keci manaso piyā
akkhāmi te bhikkhu mahānubhāva
manussabhūtā yamahaṁ 2 akāsiṁ
tenamhi evañjalitānubhāvā
vaṇṇo ca me sabbadisā pabhāsatīti.
Nāvāvimānaṁ chaṭṭhaṁ.

[7] Suvaṇṇacchadanaṁ nāvaṁ nāri āruyha tiṭṭhasi
ogāḷhasi 3 pokkharaṇiṁ padumaṁ 4 chindasi pāṇinā
kūṭāgārā nivesā te vibhattā bhāgaso mitā
daddallamānā ābhanti samantā caturo disā
kena tetādiso vaṇṇo kena te idhamijjhati
uppajjanti ca te bhogā ye keci manaso piyā
pucchāmi taṁ devi mahānubhāve
manussabhūtā kimakāsi puññaṁ
kenāsi evañjalitānubhāvā
vaṇṇo ca te sabbadisā pabhāsatīti.
1 Po. daddaḷhamānā. 2 Ma. Yu. yamakāsi puññaṁ. 3 Po. Ma. Yu. ogāhasi.
4 Ma. Yu. padmaṁ.
Sā 1 devatā attamanā moggallānena pucchitā
pañhaṁ puṭṭhā viyākāsi yassa kammassidaṁ phalaṁ
ahaṁ manussesu manussabhūtā
purimāya jātiyā manussaloke
disvāna bhikkhuṁ tasitaṁ kilantaṁ
uṭṭhāya pātuṁ udakaṁ adāsiṁ
yo ve kilantassa pipāsitassa
uṭṭhāya pātuṁ udakaṁ dadāti
sītodakā tassa bhavanti najjo
pahūtamalyā bahupuṇḍarīkā
taṁ āpagā anupariyanti sabbadā
sītodakā vālukasanthatā nadī
ambā ca sālā tilakā ca jambuyo
uddālakā pāṭaliyo ca phullā
taṁ bhūmibhāgehi upetarūpaṁ
vimānaseṭṭhaṁ bhusasobhamānaṁ
tasseva 2 kammassa ayaṁ vipāko
etādisaṁ puññakatā labhanti
tena metādiso vaṇṇo tena me idhamijjhati
uppajjanti ca me bhogā ye keci manaso piyā
1 Yu. sa. 2 Ma. tassīdha.
Akkhāmi te bhikkhu mahānubhāva
manussabhūtā yamakāsi puññaṁ
tenamhi evañjalitānubhāvā
vaṇṇo ca me sabbadisā pabhāsatīti.
Nāvāvimānaṁ sattamaṁ.

[8] Suvaṇṇacchadanaṁ nāvaṁ nāri āruyha tiṭṭhasi
ogāḷhasi 1 pokkharaṇiṁ padumaṁ 2 chindasi pāṇinā
kūṭāgārā nivesā te vibhattā bhāgaso mitā
daddallamānā ābhanti samantā caturo disā
kena tetādiso vaṇṇo kena te idhamijjhati
uppajjanti ca te bhogā ye keci manaso piyā
pucchāmi taṁ devi mahānubhāve
manussabhūtā kimakāsi puññaṁ
kenāsi evañjalitānubhāvā
vaṇṇo ca te sabbadisā pabhāsatīti.
Sā devatā attamanā sambuddheneva pucchitā
pañhaṁ puṭṭhā viyākāsi yassa kammassidaṁ phalaṁ
ahaṁ manussesu manussabhūtā
purimāya jātiyā manussaloke
1 Yu. ogāhasi. 2 Ma. Yu. padmaṁ.
Disvāna bhikkhū tasite kilante
uṭṭhāya pātuṁ udakaṁ adāsiṁ
yo ve kilantāna pipāsitānaṁ
uṭṭhāya pātuṁ udakaṁ dadāti
sītodakā tassa bhavanti najjo
pahūtamalyā bahupuṇḍarīkā
taṁ āpagā anupariyanti sabbadā
sītodakā vālukasanthatā nadī
ambā ca sālā tilakā ca jambuyo
uddālakā pāṭaliyo ca phullā
taṁ bhūmibhāgehi upetarūpaṁ
vimānaseṭṭhaṁ bhusasobhamānaṁ
tasseva kammassa ayaṁ vipāko
etādisaṁ puññakatā labhanti
kūṭāgārā nivesā me vibhattā bhāgaso mitā
daddallamānā ābhanti samantā caturo disā
tena metādiso vaṇṇo tena me idhamijjhati
uppajjanti ca me bhogā ye keci manaso piyā [1]-
tenamhi evañjalitānubhāvā
vaṇṇo ca me sabbadisā pabhāsatīti
1 Ma. akkhāmi te buddhamahānubhāva manussabhūtā yamakāsi puññaṁ.
Etassa kammassa ayaṁ vipāko 1
uṭṭhāya 2 buddho udakaṁ apāsīti 3 .
Nāvāvimānaṁ aṭṭhamaṁ.

[9] Abhikkantena vaṇṇena yā tvaṁ tiṭṭhasi devate
obhāsentī disā sabbā osadhī viya tārakā
kena tetādiso vaṇṇo kena te idhamijjhati
uppajjanti ca te bhogā ye keci manaso piyā
kena tvaṁ vimalobhāsā atirocasi devate
kena te sabbagattehi sabbā obhāsare disā
pucchāmi taṁ devi mahānubhāve
manussabhūtā kimakāsi puññaṁ
kenāsi evañjalitānubhāvā
vaṇṇo ca te sabbadisā pabhāsatīti.
Sā devatā attamanā moggallānena pucchitā
pañhaṁ puṭṭhā viyākāsi yassa kammassidaṁ phalaṁ
ahaṁ manussesu manussabhūtā
purimāya jātiyā manussaloke
tamandhakāramhi 4 timīsikāyaṁ
padīpakālamhi adaṁ padīpaṁ
yo andhakāramhi timīsikāyaṁ
1 Po. kammassidaṁ phalaṁ. Ma. phalaṁ mamedaṁ. 2 Po. Ma. atthāya. 3 Ma. apāyīti.
4 Po. samandhakāramhi.
Padīpakālamhi dadāti dīpaṁ
uppajjati jotirasaṁ vimānaṁ
pahūtamalyaṁ bahupuṇḍarīkaṁ
tena metādiso vaṇṇo tena me idhamijjhati
uppajjanti ca me bhogā ye keci manaso piyā
tenāhaṁ vimalobhāsā atirocāmi devatā
tena me sabbagattehi sabbā obhāsare disā
akkhāmi te bhikkhu mahānubhāva
manussabhūtā yamakāsi 1 puññaṁ
tenamhi evañjalitānubhāvā
vaṇṇo ca me sabbadisā pabhāsatīti.
Padīpavimānaṁ navamaṁ.

[10] Abhikkantena vaṇṇena yā tvaṁ tiṭṭhasi devate
obhāsentī disā sabbā osadhī viya tārakā
kena tetādiso vaṇṇo kena te idhamijjhati
uppajjanti ca te bhogā ye keci manaso piyā
pucchāmi taṁ devi mahānubhāve
manussabhūtā kimakāsi puññaṁ
kenāsi evañjalitānubhāvā
vaṇṇo ca te sabbadisā pabhāsatīti.
1 Po. yamahaṁ akāsiṁ.
Sā devatā attamanā moggallānena pucchitā
pañhaṁ puṭṭhā viyākāsi yassa kammassidaṁ phalaṁ
ahaṁ manussesu manussabhūtā
purimāya jātiyā manussaloke
addasaṁ virajaṁ buddhaṁ vippasannamanāvilaṁ
āsajja dānaṁ adāsiṁ akāmā tiladakkhiṇaṁ
dakkhiṇeyyassa buddhassa pasannā sakehi pāṇihi
tena metādiso vaṇṇo tena me idhamijjhati
uppajjanti ca me bhogā ye keci manaso piyā
akkhāmi te bhikkhu mahānubhāva
manussabhūtā yamakāsi puññaṁ
tenamhi evañjalitānubhāvā
vaṇṇo ca me sabbadisā pabhāsatīti.
Tiladakkhiṇavimānaṁ dasamaṁ.

[11] Koñcā mayurā diviyā ca haṁsā
vaggussarā kokilā sampatanti
pupphābhikiṇṇaṁ rammamidaṁ vimānaṁ
anekacittaṁ naranārisevitaṁ
tatthacchasi devi mahānubhāve
iddhī vikubbanti anekarūpā
Imā ca te accharāyo samantato
naccanti gāyanti pamodayanti 1
deviddhipattāsi mahānubhāve
manussabhūtā kimakāsi puññaṁ
kenāsi evañjalitānubhāvā
vaṇṇo ca te sabbadisā pabhāsatīti.
Sā devatā attamanā moggallānena pucchitā
pañhaṁ puṭṭhā viyākāsi yassa kammassidaṁ phalaṁ
ahaṁ manussesu manussabhūtā
patibbatā anaññamanā ahosiṁ
mātāva puttaṁ anurakkhamānā
kuddhāpihaṁ nappharusaṁ avocaṁ
sacce ṭhitā mosavajjaṁ pahāya
dāne ratā saṅgahitattabhāvā
annañca pānañca pasannacittā
sakkacca dānaṁ vipulaṁ adāsiṁ
tena metādiso vaṇṇo tena me idhamijjhati
uppajjanti ca me bhogā ye keci manaso piyā
akkhāmi te bhikkhu mahānubhāva
manussabhūtā yamakāsi puññaṁ
1 Po. pamodanti ca. Ma. mamodayanti ca.
Tenamhi evañjalitānubhāvā
vaṇṇo ca me sabbadisā pabhāsatīti.
Patibbatāvimānaṁ ekādasamaṁ.