[357] Atha kho āyasmā vaṅgīso uṭṭhāyāsanā ekaṁsaṁ
cīvaraṁ katvā yena bhagavā tenañjalimpaṇāmetvā bhagavantaṁ
etadavoca paṭibhāti maṁ bhagavā paṭibhāti maṁ sugatāti. Paṭibhātu
taṁ vaṅgīsāti bhagavā avoca. Atha kho āyasmā vaṅgīso [4]- sammukhā
sāruppāhi gāthāhi abhitthavi
tameva vācaṁ bhāseyya yāyattānaṁ na tāpaye
1 Ma. Yu. bhikkhave bhikkhu. 2 Ma. no. 3 Ma. Yu. nādhammaṁ nāppayaṁ.
4 Ma. Yu. bhagavantaṁ.
Pare ca na vihiṁseyya sā ve vācā subhāsitā.
Piyavācameva bhāseyya yā vācā patinanditā
yaṁ anādāya pāpāni paresaṁ bhāsate piyaṁ.
Saccaṁ ve amatā vācā esa dhammo sanantano
sacce atthe ca dhamme ca ahu santo patiṭṭhitā.
Yaṁ buddho bhāsati vācaṁ khemaṁ nibbānapattiyā
dukkhassantakiriyāya sā ve vācānamuttamāti.
Subhāsitasuttaṁ tatiyaṁ.
------------
Suttanipāte tatiyassa mahāvaggassa catutthaṁ sundarikasuttaṁ

[358] 4 Evamme sutaṁ. Ekaṁ samayaṁ bhagavā kosalesu
viharati sundarikāya nadiyā tīre. Tena kho pana samayena sundarikabhāradvājo
brāhmaṇo sundarikāya nadiyā tīre aggiṁ juhati
aggihutaṁ paricarati. Atha kho sundarikabhāradvājo brāhmaṇo aggiṁ
juhitvā aggihutaṁ paricaritvā uṭṭhāyāsanā samantā catuddisā
anuvilokesi ko nu kho imaṁ habyasesaṁ bhuñjeyyāti. Addasā kho
sundarikabhāradvājo brāhmaṇo bhagavantaṁ avidūre aññatarasmiṁ
rukkhamūle sasīsaṁ pārutaṁ nisinnaṁ disvāna vāmena hatthena habyasesaṁ
gahetvā dakkhiṇena hatthena kamaṇḍaluṁ [1]- yena bhagavā tenupasaṅkami.
Atha kho bhagavā sundarikabhāradvājassa brāhmaṇassa padasaddena
1 Ma. Yu. gahetvā.
Sīsaṁ vivari. Atha kho sundarikabhāradvājo brāhmaṇo muṇḍo
ayaṁ bhavaṁ muṇḍako ayaṁ bhavanti tato puna nivattitukāmo ahosi.
Atha kho sundarikabhāradvājassa brāhmaṇassa etadahosi muṇḍāpi
hidhekacce brāhmaṇā bhavanti yannūnāhaṁ upasaṅkamitvā jātiṁ
puccheyyanti. Atha kho sundarikabhāradvājo brāhmaṇo yena
bhagavā tenupasaṅkami upasaṅkamitvā bhagavantaṁ etadavoca kiṁjacco
bhavanti. Atha kho bhagavā sundarikabhāradvājaṁ brāhmaṇaṁ gāthāya 1
ajjhabhāsi

[359] Na brāhmaṇo nomhi na rājaputto
na vessāyano uda koci nomhi
gottaṁ pariññāya puthujjanānaṁ
akiñcano manta carāmi loke
saṅghāṭivāsī agaho carāmi
nivuttakeso abhinibbutatto
alimpamāno idha māṇavehi
akallaṁ 2 maṁ (brāhmaṇa) pucchasi gottapañhaṁ
pucchanti ve bho brāhmaṇā brāhmaṇehi
saha brāhmaṇo no bhavanti.
Brāhmaṇo ce tvaṁ brūsi mañca brūsi abrāhmaṇaṁ
taṁ taṁ sāvittiṁ pucchāmi tipadaṁ catuvīsatakkharaṁ.
1 Ma. Yu. gāthāhi. 2 Po. Yu. akalla.
Kiṁ nissitā isayo manujā
khattiyā brāhmaṇā devatānaṁ
yaññamakappiṁsu puthūdha loke.
Yadantagū vedagū yaññakāle
yassāhutiṁ labhe tassijjheti brūmi.
Addhā hi tassa hutamijjhe (ti brāhmaṇo)
yaṁ tādisaṁ vedaguṁ addasāma
tumhādisānañhi adassanena
añño jano bhuñjati pūraḷāsaṁ.
Tasmā tiha tvaṁ brāhmaṇa atthena
atthiko upasaṅkamma puccha
santaṁ vidhūmaṁ anighaṁ nirāsaṁ
appevidha abhivinde sumedhaṁ
yaññe ratohaṁ 1 (bho gotama) yaññaṁ yiṭṭhukāmo 2
nāhaṁ pajānāmi anusāsatu maṁ bhavaṁ
yattha hutaṁ ijjhate brūhi metaṁ.
Tena hi tvaṁ brāhmaṇa odahassu sotaṁ
dhammaṁ te desissāmi
mā jātiṁ puccha 3 caraṇañca puccha
kaṭṭhā have jāyati jātavedo
1 Yu. ratāhaṁ. 2 Yu. yaṭṭhukāmo. 3 Ma. pucchi.
Nīcākulīnopi munī dhitīmā
ājāniyo hoti hirīnisedho.
Saccena danto damasā upeto
vedantagū vūsitabrahmacariyo
kālena tamhi habyaṁ pavecche
yo brāhmaṇo puññapekkho yajetha.
Ye kāme hitvā agahā caranti
susaññatattā tasaraṁva ujjuṁ 1
kālena tesu habyaṁ pavecche
yo brāhmaṇo puññapekkho yajetha.
Ye vītarāgā susamāhitindriyā
candova rāhugahaṇā pamutto 2
kālena tesu habyaṁ pavecche
yo brāhmaṇo puññapekkho yajetha.
Āsajjamānā vicaranti loke
sadā satā hitvā mamāyitāni
kālena tesu habyaṁ pavecche
yo brāhmaṇo puññapekkho yajetha.
Yo kāme hitvā abhibhuyyacārī
yo vedi jātīmaraṇassa antaṁ
parinibbuto udakarahadova sīto
tathāgato arahati pūraḷāsaṁ.
1 Po. Yu. ujju. 2 Po. Ma. Yu. pamuttā.
Samo samehi visamehi dūre
tathāgato hoti anantapañño
anūpalitto idha vā huraṁ vā
tathāgato arahati pūraḷāsaṁ.
Yamhi na māyā vasatī na māno
yo vītalobho amamo nirāso
panunnakodho abhinibbutatto
yo brāhmaṇo sokamalaṁ ahāsi
tathāgato arahati pūraḷāsaṁ.
Nivesanaṁ yo manaso ahāsi
pariggahā yassa na santi keci
anupādiyāno idha vā huraṁ vā
tathāgato arahati pūraḷāsaṁ.
Samāhito yo udatāri oghaṁ
dhammañca ñāsi 1 paramāya diṭṭhiyā
khīṇāsavo antimadehadhārī
tathāgato arahati pūraḷāsaṁ.
Bhavāsavā yassa vacī kharā ca
vidhūpitā atthagatā na santi
sa vedagū sabbadhi vippamutto
1 Ma. dhammaṁ caññāsi.
Tathāgato arahati pūraḷāsaṁ.
Saṅgātigo yassa na santi saṅgā
yo mānasattesu amānasatto
dukkhaṁ pariññāya sakhettavatthuṁ
tathāgato arahati pūraḷāsaṁ.
Āsaṁ anissāya vivekadassī
paravediyaṁ diṭṭhimupātivatto
ārammaṇā yassa na santi keci
tathāgato arahati pūraḷāsaṁ.
Paroparā yassa samecca dhammā
vidhūpitā atthagatā na santi
santo upādānakkhaye vimutto
tathāgato arahati pūraḷāsaṁ.
Saṁyojanaṁ jātikhayantadassī
yo pānudī rāgapathaṁ asesaṁ
suddho niddoso vimalo akāmo 1
tathāgato arahati pūraḷāsaṁ.
Yo attanāttānaṁ 2 nānupassati
samāhito ujugato ṭhitatto
sa ve anejo akhilo 3 akaṅkho
1 Ma. Yu. akāco. 2 Ma. attano attānaṁ. 3 Po. avilo.
Tathāgato arahati pūraḷāsaṁ.
Mohantarā yassa na santi keci
sabbesu dhammesu ca ñāṇadassī
sarīrañca antimaṁ dhāreti
patto ca sambodhimanuttaraṁ sivaṁ
ettāvatā yakkhassa suddhi
(tathāgato 1 arahati pūraḷāsaṁ .)
hutañca mayhaṁ hutamatthu saccaṁ
yaṁ tādisaṁ vedagunaṁ alatthaṁ
brahmā hi sakkhi paṭigaṇhātu me bhagavā
bhuñjatu me bhagavā pūraḷāsaṁ.
Gāthābhigītaṁ me abhojaneyyaṁ
samphassataṁ brāhmaṇa nesa dhammo
gāthābhigītaṁ panudanti buddhā
dhamme sati brāhmaṇa vuttiresā.
Aññena ca kevalinaṁ mahesiṁ
khīṇāsavaṁ kukkuccavūpasantaṁ
annena pānena upaṭṭhahassu
khettañhi taṁ puññapekkhassa hoti.
1 Yu. ayaṁ pāṭho dissati.
Sādhāhaṁ bhagavā tathā vijaññaṁ
yo dakkhiṇaṁ bhuñjeyya mādisassa
yaṁ yaññakāle pariyesamāno
pappuyya tava sāsanaṁ.
Sārambhā yassa vigatā cittaṁ yassa anāvilaṁ
vippamutto ca kāmehi thīnaṁ yassa panūditaṁ
sīmantānaṁ vinetāraṁ jātimaraṇakovidaṁ
muniṁ moneyyasampannaṁ tādisaṁ yaññamāgataṁ
bhakuṭiṁ vinayitvāna pañjalikā namassatha
pūjetha annapānena evaṁ ijjhanti dakkhiṇā.
Buddho bhavaṁ arahati pūraḷāsaṁ puññakkhettamanuttaraṁ
āyāgo sabbalokasmiṁ 1 bhoto dinnaṁ mahapphalanti.

[360] Atha kho sundarikabhāradvājo brāhmaṇo bhagavantaṁ
etadavoca abhikkantaṁ bho gotama abhikkantaṁ bho gotama
seyyathāpi bho gotama nikkujjitaṁ vā ukkujjeyya paṭicchannaṁ vā
vivareyya mūḷhassa vā maggaṁ ācikkheyya andhakāre vā
telapajjotaṁ dhāreyya cakkhumanto rūpāni dakkhantīti evamevaṁ
bhotā gotamena anekapariyāyena dhammo pakāsito esāhaṁ bhavantaṁ
gotamaṁ saraṇaṁ gacchāmi dhammañca bhikkhusaṅghañca labheyyāhaṁ bhoto
gotamassa santike pabbajjaṁ labheyyaṁ upasampadanti. Alattha
1 Ma. Yu. sabbalokassa.
Kho sundarikabhāradvājo brāhmaṇo bhagavato santike pabbajjaṁ
alattha upasampadaṁ. .pe. Aññataro kho panāyasmā
sundarikabhāradvājo arahataṁ ahosīti.
Sundarikabhāradvājasuttaṁ catutthaṁ.
-------------
Suttanipāte tatiyassa mahāvaggassa pañcamaṁ māghasuttaṁ

[361] 5 Evamme sutaṁ. Ekaṁ samayaṁ bhagavā rājagahe
viharati gijjhakūṭe pabbate. Atha kho māgho māṇavo yena
bhagavā tenupasaṅkami upasaṅkamitvā bhagavatā saddhiṁ sammodi
sammodanīyaṁ kathaṁ sārāṇīyaṁ vītisāretvā ekamantaṁ nisīdi. Ekamantaṁ
nisinno kho māgho māṇavo bhagavantaṁ etadavoca ahañhi bho
gotama dāyako dānapati vadaññū yācayogo dhammena bhoge
pariyesāmi dhammena bhoge pariyesitvā dhammaladdhehi bhogehi
dhammādhigatehi ekassapi dadāmi dvinnampi dadāmi tiṇṇampi dadāmi
catunnampi dadāmi pañcannampi dadāmi channampi dadāmi
sattannampi dadāmi aṭṭhannampi dadāmi navannampi dadāmi
dasannampi dadāmi vīsāyapi dadāmi tiṁsāyapi dadāmi cattāḷīsāyapi
dadāmi paññāsāyapi dadāmi satassapi dadāmi bhiyyopi dadāmi
kaccāhaṁ 1 bho gotama evaṁ dadanto evaṁ yajento 2 bahuṁ puññaṁ
1 Po. sakkaccāhaṁ. 2 Ma. Yu. sabbattha yajantoti dissati.
Pasavāmīti. Taggha tvaṁ māṇava evaṁ dadanto evaṁ yajento
bahuṁ puññaṁ pasavasi. Yo kho māṇava dāyako dānapati vadaññū
yācayogo dhammena bhoge pariyesati dhammena bhoge pariyesitvā
dhammaladdhehi bhogehi dhammādhigatehi ekassapi dadāti .pe. Satassapi
dadāti bhiyyopi dadāti bahuṁ so puññaṁ pasavatīti. Atha
kho māgho māṇavo bhagavantaṁ gāthāya ajjhabhāsi

[362] Pucchāmahaṁ gotamaṁ vadaññuṁ (iti māgho māṇavo)
kāsāyavāsiṁ agahaṁ 1 carantaṁ
yo yācayogo dānapatī gahaṭṭho
puññatthiko yajati puññapekkho
dadaṁ paresaṁ idha annapānaṁ
kathaṁ hutaṁ yajamānassa sujjhe.
(yo) yācayogo dānapatī gahaṭṭho (māghāti bhagavā)
puññatthiko yajati puññapekkho
dadaṁ paresaṁ idha annapānaṁ
ārādhaye dakkhiṇeyyehi tādi.
(yo) yācayogo dānapatī gahaṭṭho (iti māgho māṇavo)
puññatthiko yajati puññapekkho
dadaṁ paresaṁ idha annapānaṁ
akkhāhi me bhagavā dakkhiṇeyye.
1 Po. abhiṇhaṁ. Yu. agihaṁ.
Ye ve alaggā 1 vicaranti loke
akiñcanā kevalino yatattā
kālena tesu habyaṁ pavecche
yo brāhmaṇo puññapekkho yajetha.
Ye sabbasaṁyojanabandhanacchidā
dantā vimuttā anighā nirāsā
kālena tesu habyaṁ pavecche
yo brāhmaṇo puññapekkho yajetha.
Ye sabbasaññojanavippamuttā
dantā vimuttā anighā nirāsā
kālena tesu habyaṁ pavecche.
Rāgañca dosañca pahāya mohaṁ
khīṇāsavā vūsitabrahmacariyā
kālena tesu habyaṁ pavecche.
Yesu na māyā vasatī na māno
khīṇāsavā vūsitabrahmacariyā
kālena tesu habyaṁ pavecche.
Ye vītalobhā amamā nirāsā
khīṇāsavā vūsitabrahmacariyā
kālena tesu habyaṁ pavecche.
1 Ma. Yu. asattā.
Ye ve na taṇhāsu upātipannā 1
vitareyya oghaṁ amamā caranti
kālena tesu habyaṁ pavecche.
Yesaṁ [2]- taṇhā natthi kuhiñci loke
bhavābhavāya idha vā huraṁ vā
kālena tesu habyaṁ pavecche.
Ye kāme hitvā agahā caranti
susaññatattā tasaraṁva ujjuṁ
kālena tesu habyaṁ pavecche.
Ye vītarāgā susamāhitindriyā
candova rāhugahaṇā pamutto
kālena tesu habyaṁ pavecche.
Samitāvino vītarāgā akopā
yesaṁ gatī natthi idha vippahāya
kālena tesu habyaṁ pavecche.
Jahetvā jātimaraṇaṁ asesaṁ
kathaṅkathaṁ sabbamupātivattā
kālena tesu habyaṁ pavecche.
Ye attadīpā vicaranti loke
akiñcanā sabbadhi vippamuttā
1 Po. ye vītataṇhāsu upātivattā. 2 Yu. tu.
Kālena tesu habyaṁ pavecche.
Ye hettha jānanti yathātathā idaṁ
ayamantimā natthi punabbhavoti
kālena tesu habyaṁ pavecche.
Yo vedagū jhānarato satīmā
sambodhipatto saraṇaṁ bahunnaṁ
kālena tesu habyaṁ pavecche
yo brāhmaṇo puññapekkho yajetha.
Addhā amoghā mama pucchanā ahu
akkhāsi me bhagavā dakkhiṇeyye
tvaṁ hettha jānāsi yathātathā idaṁ
tathā hi te vidito esa dhammo.
(yo) yācayogo dānapatī gahaṭṭho (iti māgho māṇavo)
puññatthiko yajati puññapekkho
dadaṁ paresaṁ idha annapānaṁ
akkhāhi me bhagavā yaññasampadaṁ.
Yajassu yajamāno māghāti bhagavā
sabbattha ca vippasādehi cittaṁ
ārammaṇaṁ yajamānassa yañño
ettha patiṭṭhāya jahāti dosaṁ
So vītarāgo ca vineyya dosaṁ
mettacittaṁ bhāvayaṁ appamāṇaṁ
rattindivaṁ satataṁ appamatto
sabbā disā pharate appamaññaṁ.
Ko sujjhatī muñcati bajjhatī ca
kenattanā gacchati brahmalokaṁ
ajānato me muni brūhi puṭṭho
bhagavā hi me sakkhi brahmajja diṭṭho
tvañhi 1 no brahmasamosi saccaṁ
kathaṁ upapajjati brahmalokaṁ (jutima 2 ).
Yo yajati tividhaṁ yaññasampadaṁ (māghāti bhagavā)
ārādhaye dakkhiṇeyyehi tādi
evaṁ yajitvā sammā yācayogo
upapajjati brahmalokanti brūmīti.

[363] Evaṁ vutte māgho māṇavo bhagavantaṁ etadavoca
abhikkantaṁ bho gotama .pe. Ajjatagge pāṇupetaṁ saraṇaṅgatanti.
Māghasuttaṁ pañcamaṁ
----------
1 Ma. tuvaṁ. 2 Yu. jutīmā.
Suttanipāte tatiyassa mahāvaggassa chaṭṭhaṁ sabhiyasuttaṁ

[364] 6 Evamme sutaṁ. Ekaṁ samayaṁ bhagavā rājagahe
viharati veḷuvane kalandakanivāpe. Tena kho pana samayena sabhiyassa
paribbājakassa purāṇasālohitāya devatāya pañhā udiṭṭhā honti
yo te sabhiya samaṇo vā brāhmaṇo vā ime pañhe puṭṭho
byākaroti tassa santike brahmacariyaṁ careyyāsīti. Atha kho
sabhiyo paribbājako tassā devatāya santike [1]- pañhe uggahetvā
ye te samaṇabrāhmaṇā saṅghino gaṇino gaṇācariyā ñātā
yasassino titthakarā sādhusammatā bahujanassa seyyathīdaṁ pūraṇo
kassapo makkhali gosālo ajito kesakambalo 2 pakuddho 3 kaccāyano
sañjayo veḷaṭṭhaputto 4 nigantho nāṭaputto te upasaṅkamitvā
te pañhe pucchati. Te sabhiyena paribbājakena pañhe puṭṭhā
na sampāyanti asampāyantā kopañca dosañca appaccayañca
pātukaronti api ca sabhiyaṁ 5 paribbājakaṁ paṭipucchanti. Atha
kho sabhiyassa paribbājakassa etadahosi ye kho te bhonto
samaṇabrāhmaṇā saṅghino gaṇino gaṇācariyā ñātā yasassino
titthakarā sādhusammatā bahujanassa seyyathīdaṁ pūraṇo kassapo .pe.
Nigantho nāṭaputto te mayā pañhe puṭṭhā na sampāyanti
asampāyantā kopañca dosañca appaccayañca pātukaronti
1 Po. Ma. Yu. etthantare teti dissati. 2 Yu. kesakambali. 3 Ma. pakudho
kaccāno. Yu. pakudho. 4 Ma. belaṭṭhaputto. Yu. belaṭṭhiputto.
5 Ma. Yu. sabhiyaññeva.
Api ca maññevettha paṭipucchanti yannūnāhaṁ hīnāyāvattitvā
kāme paribhuñjeyyanti. Atha kho sabhiyassa paribbājakassa
etadahosi ayaṁ 1 kho samaṇo gotamo saṅghī ceva gaṇī ca
gaṇācariyo ñāto yasassī titthakaro sādhusammato bahujanassa.
Yannūnāhaṁ samaṇaṁ gotamaṁ upasaṅkamitvā ime pañhe puccheyyanti.
Atha kho sabhiyassa paribbājakassa etadahosi ye 2 kho te bhonto
samaṇabrāhmaṇā jiṇṇā vuḍḍhā mahallakā addhagatā vayo
anuppattā therā rattaññū cirapabbajitā saṅghino gaṇino gaṇācariyā
ñātā yasassino titthakarā sādhusammatā bahujanassa seyyathīdaṁ
pūraṇo kassapo .pe. Nigantho nāṭaputto tepi 3 mayā pañhe
puṭṭhā na sampāyanti asampāyantā kopañca dosañca
appaccayañca pātukaronti api ca maññevettha paṭipucchanti.
Kiṁ pana me samaṇo gotamo ime pañhe puṭṭho byākarissati.
Samaṇo hi gotamo daharo ceva jātiyā navo ca pabbajjāyāti.
Atha kho sabhiyassa paribbājakassa etadahosi samaṇo kho
gotamo 4 daharoti na uññātabbo na paribhotabbo 5 daharopi
ce samaṇo hoti so ca mahiddhiko hoti mahānubhāvo. Yannūnāhaṁ
samaṇaṁ gotamaṁ upasaṅkamitvā ime pañhe puccheyyanti.
1 Ma. ayampi. 2 Ma. yepi. 3 Yu. pisaddo natthi. 4 Ma. ayaṁ pāṭho
natthi. 5 ito paraṁ marammapotthake daharopi cesa samaṇo gotamo mahiddhiko
hoti mahānubhāvoti dissati.
Atha kho sabhiyo paribbājako yena rājagahaṁ tena cārikaṁ pakkāmi
anupubbena cārikañcaramāno yena rājagahaṁ veḷuvanaṁ kalandakanivāpo
yena bhagavā tenupasaṅkami upasaṅkamitvā bhagavatā saddhiṁ sammodi
sammodanīyaṁ kathaṁ sārāṇīyaṁ vītisāretvā ekamantaṁ nisīdi.
Ekamantaṁ nisinno kho sabhiyo paribbājako bhagavantaṁ gāthāya ajjhabhāsi

[365] Kaṅkhī vecikicchī āgamaṁ (iti sabhiyo)
pañhe pucchituṁ abhikaṅkhamāno
tesantakaro bhavāhi pañhe me puṭṭho
anupubbaṁ anudhammaṁ byākarohi me.
Dūrato āgatosi sabhiyāti bhagavā
pañhe pucchituṁ abhikaṅkhamāno
tesantakaro bhavāmi pañhe te puṭṭho
anupubbaṁ anudhammaṁ byākaromi te.
Puccha maṁ sabhiya pañhaṁ yaṅkiñci manasicchasi
tassa tasseva pañhassa ahaṁ antaṁ karomi teti.

[366] Atha kho sabhiyassa paribbājakassa etadahosi acchariyaṁ
vata bho abbhūtaṁ vata bho yaṁ vatāhaṁ aññesu samaṇabrāhmaṇesu
okāsakammamattampi nālatthaṁ tamme idaṁ samaṇena gotamena
okāsakammaṁ katanti attamano pamudito 1 udaggo pītisomanassajāto
1 Yu. modito.
Bhagavantaṁ pañhaṁ apucchi
kiṁpattinamāhu bhikkhunaṁ (iti sabhiyo)
sorataṁ kena kathañca dantamāhu
buddhoti kathaṁ pavuccati
puṭṭho me bhagavā byākarohi 1 .
Pajjena katena attanā (sabhiyāti bhagavā)
parinibbānagato vitiṇṇakaṅkho
vibhavañca bhavañca vippahāya
vusitavā khīṇapunabbhavo sa bhikkhu.
Sabbattha upekkhako satīmā
na so hiṁsati kañci sabbaloke
tiṇṇo samaṇo anāvilo
ussadā yassa na santi sorato so
yassindriyāni bhāvitāni
ajjhattaṁ bahiddhā ca sabbaloke
nibbijjimaṁ 2 parañca lokaṁ
kālaṁ kaṅkhati bhāvito sa danto.
Kappāni viceyya kevalāni
saṁsāraṁ dubhayaṁ 3 cutūpapātaṁ
1 Yu. vayākarohi. 2 Ma. nibbijja imaṁ. 3 vaṇṇanāyaṁ tadubhayaṁ.
Vigatarajamanaṅgaṇaṁ visuddhaṁ
pattaṁ jātikkhayaṁ tamāhu buddhanti.