[842] Sāvatthīnidānaṁ. Tena kho pana samayena chabbaggiyā
bhikkhū bhuñjamānā sabbaṁ hatthaṁ mukhe pakkhipanti .pe. Na bhuñjamāno
sabbaṁ hatthaṁ mukhe pakkhipissāmīti sikkhā karaṇīyā.
Na bhuñjamānena sabbo hattho mukhe pakkhipitabbo. Yo
anādariyaṁ paṭicca bhuñjamāno sabbaṁ hatthaṁ mukhe pakkhipati āpatti
dukkaṭassa.
Anāpatti asañcicca asatiyā ajānantassa gilānassa
āpadāsu ummattakassa ādikammikassāti.

[843] Sāvatthīnidānaṁ. Tena kho pana samayena chabbaggiyā
bhikkhū sakabaḷena mukhena byāharanti .pe. Na sakabaḷena mukhena
byāharissāmīti sikkhā karaṇīyā.
Na sakabaḷena mukhena byāharitabbaṁ. Yo anādariyaṁ paṭicca
Sakabaḷena mukhena byāharati āpatti dukkaṭassa.
Anāpatti asañcicca asatiyā ajānantassa gilānassa
āpadāsu ummattakassa ādikammikassāti.

[844] Sāvatthīnidānaṁ. Tena kho pana samayena chabbaggiyā
bhikkhū piṇḍukkhepakaṁ bhuñjanti .pe. Na piṇḍukkhepakaṁ bhuñjissāmīti
sikkhā karaṇīyā.
Na piṇḍukkhepakaṁ bhuñjitabbaṁ. Yo anādariyaṁ paṭicca piṇḍukkhepakaṁ
bhuñjati āpatti dukkaṭassa.
Anāpatti asañcicca asatiyā ajānantassa gilānassa
khajjake phalāphale āpadāsu ummattakassa ādikammikassāti.

[845] Sāvatthīnidānaṁ. Tena kho pana samayena chabbaggiyā bhikkhū
kabaḷāvacchedakaṁ bhuñjanti .pe. Na kabaḷāvacchedakaṁ bhuñjissāmīti
sikkhā karaṇīyā.
Na kabaḷāvacchedakaṁ bhuñjitabbaṁ. Yo anādariyaṁ paṭicca
kabaḷāvacchedakaṁ bhuñjati āpatti dukkaṭassa.
Anāpatti asañcicca asatiyā ajānantassa gilānassa
khajjake phalāphale uttaribhaṅge āpadāsu ummattakassa
ādikammikassāti.

[846] Sāvatthīnidānaṁ. Tena kho pana samayena chabbaggiyā bhikkhū
avagaṇḍakārakaṁ bhuñjanti .pe. Na avagaṇḍakārakaṁ bhuñjissāmīti
Sikkhā karaṇīyā.
Na avagaṇḍakārakaṁ bhuñjitabbaṁ. Yo anādariyaṁ paṭicca ekato
vā ubhato vā gaṇḍaṁ katvā bhuñjati āpatti dukkaṭassa.
Anāpatti asañcicca asatiyā ajānantassa gilānassa
phalāphale āpadāsu ummattakassa ādikammikassāti.

[847] Sāvatthīnidānaṁ. Tena kho pana samayena chabbaggiyā
bhikkhū hatthaniddhūnakaṁ 1 bhuñjanti .pe. Na hatthaniddhūnakaṁ bhuñjissāmīti
sikkhā karaṇīyā.
Na hatthaniddhūnakaṁ bhuñjitabbaṁ. Yo anādariyaṁ paṭicca hatthaniddhūnakaṁ
bhuñjati āpatti dukkaṭassa.
Anāpatti asañcicca asatiyā ajānantassa gilānassa
kacavaraṁ chaḍḍento hatthaṁ niddhūnati 2 āpadāsu ummattakassa
ādikammikassāti.

[848] Sāvatthīnidānaṁ. Tena kho pana samayena chabbaggiyā
bhikkhū sitthāvakārakaṁ bhuñjanti .pe. Na sitthāvakārakaṁ bhuñjissāmīti
sikkhā karaṇīyā.
Na sitthāvakārakaṁ bhuñjitabbaṁ. Yo anādariyaṁ paṭicca sitthāvakārakaṁ
bhuñjati āpatti dukkaṭassa.
Anāpatti asañcicca asatiyā ajānantassa gilānassa
kacavaraṁ chaḍḍento sitthaṁ chaḍḍayati 3 āpadāsu ummattakassa
1 Ma. Yu. hatthaniddhunakaṁ. evamuparipi. 2 Ma. Yu. niddhunati.
3 Ma. Yu. chaḍḍiyyati.
Ādikammikassāti.

[849] Sāvatthīnidānaṁ. Tena kho pana samayena chabbaggiyā bhikkhū
jivhānicchārakaṁ bhuñjanti .pe. Na jivhānicchārakaṁ bhuñjissāmīti
sikkhā karaṇīyā.
Na jivhānicchārakaṁ bhuñjitabbaṁ. Yo anādariyaṁ paṭicca
jivhānicchārakaṁ bhuñjati āpatti dukkaṭassa.
Anāpatti asañcicca asatiyā ajānantassa gilānassa
āpadāsu ummattakassa ādikammikassāti.

[850] Sāvatthīnidānaṁ. Tena kho pana samayena chabbaggiyā
bhikkhū capucapukārakaṁ bhuñjanti .pe. Na capucapukārakaṁ bhuñjissāmīti
sikkhā karaṇīyā.
Na capucapukārakaṁ bhuñjitabbaṁ. Yo anādariyaṁ paṭicca capucapukārakaṁ
bhuñjati āpatti dukkaṭassa.
Anāpatti asañcicca asatiyā ajānantassa gilānassa
āpadāsu ummattakassa ādikammikassāti.
Kabaḷavaggo pañcamo.
---------
Surusuruvaggo

[851] Tena samayena buddho bhagavā kosambiyaṁ viharati ghositārāme.
Tena kho pana samayena aññatarena brāhmaṇena saṅghassa
Payopānaṁ paṭiyattaṁ hoti. Bhikkhū surusurukārakaṁ khīraṁ pivanti.
Aññataro naṭapubbako bhikkhu evamāha sabbāyaṁ maññe saṅgho
sītīkatoti. Ye te bhikkhū appicchā .pe. Te ujjhāyanti
khīyanti vipācenti kathaṁ hi nāma bhikkhu saṅghaṁ ārabbha davaṁ
karissatīti .pe. Saccaṁ kira tvaṁ bhikkhu saṅghaṁ ārabbha davaṁ
akāsīti. Saccaṁ bhagavāti. Vigarahi buddho bhagavā kathaṁ hi nāma
tvaṁ moghapurisa saṅghaṁ ārabbha davaṁ karissasi netaṁ moghapurisa
appasannānaṁ vā pasādāya pasannānaṁ vā bhiyyobhāvāya .pe.
Vigarahitvā dhammiṁ kathaṁ katvā bhikkhū āmantesi na bhikkhave buddhaṁ
vā dhammaṁ vā saṅghaṁ vā ārabbha davo kātabbo yo kareyya
āpatti dukkaṭassāti. Athakho bhagavā taṁ bhikkhuṁ anekapariyāyena
vigarahitvā dubbharatāya .pe. Evañca pana bhikkhave imaṁ sikkhāpadaṁ
uddiseyyātha na surusurukārakaṁ bhuñjissāmīti sikkhā karaṇīyā.
Na surusurukārakaṁ bhuñjitabbaṁ. Yo anādariyaṁ paṭicca surusurukārakaṁ
bhuñjati āpatti dukkaṭassa.
Anāpatti asañcicca asatiyā ajānantassa gilānassa
āpadāsu ummattakassa ādikammikassāti.