[345] 74 Cha bhikkhave dhamme appahāya abhabbo paṭhamaṁ ṭhānaṁ upasampajja
viharituṁ katame cha kāmavitakkaṁ byāpādavitakkaṁ vihiṁsāvitakkaṁ
kāmasaññaṁ byāpādasaññaṁ vihiṁsāsaññaṁ ime kho
bhikkhave cha dhamme appahāya abhabbo paṭhamaṁ jhānaṁ upasampajja viharituṁ.
Cha bhikkhave dhamme pahāya paṭhamaṁ jhānaṁ upasampajja viharituṁ
katame cha kāmavitakkaṁ bayāpādavitakkaṁ vihiṁsāvitakkaṁ kāmasaññaṁ
byāpādasaññaṁ vihiṁsāsaññaṁ ime kho bhikkhave cha dhamme pahāya
bhabbo paṭhamaṁ jhānaṁ upasampajja viharitunti.
Devatāvaggo dutiyo.
Tassuddānaṁ
anāgāmi ahaṁ [1]- mittā devatā 2 satisakkhibalaṁ 3
taṁ jhānaṁ 4 apare duveti 5 .
--------
Arahantavaggo tatiyo

[346] 75 Chahi bhikkhave dhammehi samannāgato bhikkhu diṭṭheva dhamme
dukkhaṁ viharati savighātaṁ saupāyāsaṁ sapariḷāhaṁ kāyassa bhedā parammaraṇā
duggati pāṭikaṅkhā katamehi chahi kāmavitakkena byāpādavitakkena
vihiṁsāvitakkena kāmasaññāya byāpādasaññāya vihiṁsāsaññāya imehi kho
bhikkhave chahi dhammehi samannāgato bhikkhu diṭṭheva dhamme dukkhaṁ viharati savighātaṁ
saupāyāsaṁ sapariḷāhaṁ kāyassa bhedā parammaraṇā duggati pāṭikaṅkhā.
1 Yu. ca. 2 Ma. saṅgaṇikārāmadevatā. 3 Ma. samādhisakkhibhabbaṁ balaṁ.
Yu. so vata sakkhi balataṁ .... 4 Po. tajjhānaṁ. Ma. tajjhānā. Yu. jhānaṁ
ca. ... 5 Ma. ... duvepi cāti.
Chahi bhikkhave dhammehi samannāgato bhikkhu diṭṭheva dhamme sukhaṁ
viharati avighātaṁ anupāyāsaṁ apariḷāhaṁ kāyassa bhedā parammaṇā sugati
pāṭikaṅkhā katamehi chahi nekkhammavitakkena abyāpādavitakkena
avihiṁsāvitakkena nekkhammasaññāya abyāpādasaññāya avihiṁsāsaññāya
imehi kho bhikkhave chahi dhammehi samannāgato bhikkhu
diṭṭheva dhamme sukhaṁ viharati avighātaṁ anupāyāsaṁ apariḷāhaṁ kāyassa
bhedā parammaraṇā sugati pāṭikaṅkhāti.

[347] 76 Cha bhikkhave dhamme appahāya abhabbo arahattaṁ sacchikātuṁ
katame cha mānaṁ omānaṁ atimānaṁ adhimānaṁ thambhaṁ atinipātaṁ 1
ime kho bhikkhave cha dhamme appahāya abhabbo arahattaṁ
sacchikātuṁ.
Cha bhikkhave dhamme pahāya bhabbo arahattaṁ sacchikātuṁ katame cha
mānaṁ omānaṁ atimānaṁ adhimānaṁ thambhaṁ atinipātaṁ 1 ime
kho bhikkhave cha dhamme pahāya bhabbo arahattaṁ sacchikātunti.

[348] 77 Cha bhikkhave dhamme appahāya abhabbo uttarimanussadhammā 2
alamariyañāṇadassanavisesaṁ sacchikātuṁ katame cha muṭṭhasaccaṁ asampajaññaṁ
indriyesu aguttadvārataṁ bhojane amattaññutaṁ kuhanaṁ
lapanaṁ ime kho bhikkhave cha dhamme appahāya abhabbo uttarimanussadhammā
alamariyañāṇadassanavisesaṁ sacchikātuṁ.
Cha bhikkhave dhamme pahāya bhabbo uttarimanussadhammā
1 Po. atithambhaṁ. 2 Ma. ..ḍhammaṁ.
Alamariyañāṇadassanavisesaṁ sacchikātuṁ katame cha muṭṭhasaccaṁ asampajaññaṁ
indriyesu aguttadvārataṁ bhojane amattaññutaṁ kuhanaṁ lapanaṁ
ime kho bhikkhave cha dhamme pahāya bhabbo uttarimanussadhammā 1
alamariyañāṇadassanavisesaṁ sacchikātunti.

[349] 78 Chahi bhikkhave dhammehi samannāgato bhikkhu diṭṭheva dhamme
sukhasomanassabahulo viharati yoni cassa āraddho 2 hoti āsavānaṁ
khayāya katamehi chahi idha bhikkhave bhikkhu dhammārāmo hoti
bhāvanārāmo hoti pahānārāmo hoti pavivekārāmo hoti
abyāpajjhārāmo hoti nippapañcārāmo hoti imehi kho bhikkhave
chahi dhammehi samannāgato bhikkhu diṭṭheva dhamme sukhasomanassabahulo
viharati yoni cassa āraddho 2 hoti āsavānaṁ khayāyāti.

[350] 79 Chahi bhikkhave dhammehi samannāgato bhikkhu abhabbo
anadhigataṁ vā kusalaṁ dhammaṁ adhigantuṁ adhigataṁ vā kusalaṁ dhammaṁ phātikātuṁ 3
katamehi chahi idha bhikkhave bhikkhu na āyakusalo hoti 4 na apāyakusalo
hoti 4 na upāyakusalo hoti anadhigatānaṁ kusalānaṁ dhammānaṁ
adhigamāya na chandaṁ janeti adhigate kusale dhamme na sārakkhati 5
sātaccakiriyāya na sampādeti imehi kho bhikkhave chahi dhammehi
samannāgato bhikkhu abhabbo anadhigataṁ vā kusalaṁ dhammaṁ adhigantuṁ adhigataṁ
vā kusalaṁ dhammaṁ phātikātuṁ 3 .
1 Ma. .. dhammaṁ. 2 Ma. Yu. āraddhā. 3 Ma. yātiṁ kātuṁ. 4 Ma. ca hoti.
5 Ma. na ārakkhati.
Chahi bhikkhave dhammehi samannāgato bhikkhu bhabbo anadhigataṁ vā
kusalaṁ dhammaṁ adhigantuṁ adhigataṁ vā kusalaṁ dhammaṁ phātikātuṁ katamehi
chahi idha bhikkhave bhikkhu āyakusalo ca hoti apāyakusalo ca hoti
upāyakusalo ca hoti anadhigatānaṁ kusalānaṁ dhammānaṁ adhigamāya chandaṁ
janeti adhigate kusale dhamme sārakkhati 1 sātaccakiriyāya sampādeti
imehi kho bhikkhave chahi dhammehi samannāgato bhikkhu bhabbo anadhigataṁ
vā kusalaṁ dhammaṁ adhigantuṁ adhigataṁ vā kusalaṁ dhammaṁ phātikātunti.

[351] 80 Chahi bhikkhave dhammehi samannāgato bhikkhu na cirasseva
mahattaṁ 2 vepullattaṁ pāpuṇāti dhammesu katamehi chahi idha bhikkhave
bhikkhu ālokabahulo ca hoti yogabahulo ca hoti 3 vedabahulo ca
hoti 3 asantuṭṭhibahulo ca anikkhittadhuro ca kusalesu dhammesu
uttariñca patāreti imehi kho bhikkhave chahi dhammehi samannāgato
bhikkhu na cirasseva mahattaṁ 2 vepullattaṁ pāpuṇāti dhammesūti.

[352] 81 Chahi bhikkhave dhammehi samannāgato yathābhataṁ nikkhitto
evaṁ niraye katamehi chahi pāṇātipātī hoti adinnādāyī hoti
kāmesu micchācārī hoti musāvādī hoti pāpiccho ca micchādiṭṭhi
ca imehi kho bhikkhave chahi dhammehi samannāgato yathābhataṁ
nikkhitto evaṁ niraye.
Chahi bhikkhave dhammehi samannāgato yathābhataṁ nikkhitto evaṁ sagge
katamehi chahi pāṇātipātā paṭivirato hoti adinnādānā paṭivirato
1 Ma. ārakkhati. 2 Ma. Yu. mahantataṁ. 3 Ma. ime pāṭhā natthi.
Hoti kāmesu micchācārā paṭivirato hoti musāvādā paṭivirato
hoti appiccho ca sammādiṭṭhi ca imehi kho bhikkhave chahi
dhammehi samannāgato yathābhataṁ nikkhitto evaṁ saggeti.

[353] 82 Chahi bhikkhave dhammehi samannāgato yathābhataṁ nikkhitto
evaṁ niraye katamehi chahi musāvādī 1 hoti pisuṇāvāco hoti
pharusāvāco hoti samphappalāpī hoti luddho ca pagabbho ca
imehi kho bhikkhave chahi dhammehi samannāgato yathābhataṁ nikkhitto evaṁ
niraye.
Chahi bhikkhave dhammehi samannāgato yathābhataṁ nikkhitto evaṁ sagge
katamehi chahi musāvādā 2 paṭivirato hoti pisuṇāya vācāya paṭivirato
hoti pharusāya vācāya paṭivirato hoti samphappalāpā paṭivirato
hoti aluddho ca appagabbho ca imehi kho bhikkhave chahi
dhammehi samannāgato yathābhataṁ nikkhitto evaṁ saggeti.

[354] 83 Chahi bhikkhave dhammehi samannāgato bhikkhu abhabbo aggaṁ
dhammaṁ arahattaṁ sacchikātuṁ katamehi chahi idha bhikkhave bhikkhu asaddho
hoti ahiriko hoti anottappī hoti kusīto hoti duppañño hoti
kāye ca jīvite ca sāpekkho hoti imehi kho bhikkhave chahi
dhammehi samannāgato bhikkhu abhabbo aggaṁ dhammaṁ arahattaṁ sacchikātuṁ.
Chahi bhikkhave dhammehi samannāgato bhikkhu bhabbo aggaṁ dhammaṁ
1 Ma. pāṇātipātī hoti adinnādāyī hoti kāmesu micchācārī hoti musāvādī hoti
luddhoca .... 2 Ma. pāṇātipātā paṭivirato hoti adinnādānā paṭivirato hoti kāmesu
micchācārā paṭivirato hoti musāvādā paṭivirato hoti aluddho ca ....
Arahattaṁ sacchikātuṁ katamehi chahi idha bhikkhave bhikkhu saddho hoti
hirīmā hoti ottappī hoti āraddhaviriyo hoti paññavā
hoti kāye ca jīvite ca anapekkho hoti imehi kho bhikkhave
chahi dhammehi samannāgato bhikkhu bhabbo aggaṁ dhammaṁ arahattaṁ
sacchikātunti.