[145] Pañcahi bhikkhave dhammehi samannāgato yathābhataṁ nikkhitto
evaṁ niraye katamehi pañcahi pāṇātipātī hoti adinnādāyī
hoti kāmesu micchācārī hoti musāvādī hoti surāmerayamajjapamādaṭṭhāyī
hoti imehi kho bhikkhave pañcahi dhammehi samannāgato
yathābhataṁ nikkhitto evaṁ niraye. Pañcahi bhikkhave dhammehi samannāgato
yathābhataṁ nikkhitto evaṁ sagge katamehi pañcahi pāṇātipātā
paṭivirato hoti adinnādānā paṭivirato hoti kāmesu micchācārā
paṭivirato hoti musāvādā paṭivirato hoti surāmerayamajjapamādaṭṭhānā
paṭivirato hoti imehi kho bhikkhave pañcahi dhammehi samannāgato
yathābhataṁ nikkhitto evaṁ saggeti.

[146] Pañcahi bhikkhave dhammehi samannāgato bhikkhu mitto na
sevitabbo katamehi pañcahi kammantaṁ kāreti adhikaraṇaṁ ādiyati
pāmokkhesu bhikkhūsu paṭiviruddho hoti dīghacārikaṁ avatthānacārikaṁ 3 anuyutto
viharati na paṭibalo hoti kālena kālaṁ dhammiyā kathāya
1 Ma. kuvacani. 2 Po. Ma. kiñcanaṁ. Yu. kiñcana. 3 Ma. Yu. anavatthacārikaṁ.
Sandassetuṁ samādapetuṁ samuttejetuṁ sampahaṁsetuṁ imehi kho bhikkhave
pañcahi dhammehi samannāgato bhikkhu mitto na sevitabbo. Pañcahi
bhikkhave dhammehi samannāgato bhikkhu mitto sevitabbo katamehi
pañcahi na kammantaṁ kāreti na adhikaraṇaṁ ādiyati na pāmokkhesu
bhikkhūsu paṭiviruddho hoti na dīghacārikaṁ avatthānacārikaṁ 1 anuyutto
viharati paṭibalo hoti kālena kālaṁ dhammiyā kathāya sandassetuṁ
samādapetuṁ samuttejetuṁ sampahaṁsetuṁ imehi kho bhikkhave pañcahi
dhammehi samannāgato bhikkhu mitto sevitabboti.

[147] Pañcimāni bhikkhave asappurisadānāni katamāni pañca
asakkaccaṁ deti acitiṁ katvā 2 deti asahatthā deti apaviṭṭhaṁ 3
deti anāgamanadiṭṭhiko deti imāni kho bhikkhave pañca asappurisadānāni.
Pañcimāni bhikkhave sappurisadānāni katamāni pañca sakkaccaṁ
deti citiṁ katvā 2 deti sahatthā deti anapaviṭṭhaṁ 3 deti
āgamanadiṭṭhiko deti imāni kho bhikkhave pañca sappurisadānānīti.

[148] Pañcimāni bhikkhave sappurisadānāni katamāni pañca
saddhāya dānaṁ deti sakkaccaṁ dānaṁ deti kālena dānaṁ deti
anuggahitacitto dānaṁ deti attānañca parañca anupahacca dānaṁ
deti. Saddhāya kho pana bhikkhave dānaṁ datvā yattha yattha tassa
1 Ma. Yu. anavatthacārikaṁ. 2 Ma. acittīkatvā. Yu. acittikatvā.
3 Ma. Yu. apaviddhaṁ.
Dānassa vipāko nibbattati aḍḍho ca hoti mahaddhano mahābhogo
abhirūpo ca hoti dassanīyo pāsādiko paramāya vaṇṇapokkharatāya
samannāgato. Sakkaccaṁ kho pana bhikkhave dānaṁ datvā yattha yattha
tassa dānassa vipāko nibbattati aḍḍho ca hoti mahaddhano
mahābhogo ye pissa te honti puttāti vā dārāti vā dāsāti
vā pessāti vā kammakarāti vā tepi susussanti 1 sotaṁ odahanti
aññācittaṁ upaṭṭhapenti. Kālena kho pana bhikkhave dānaṁ datvā
yattha yattha tassa dānassa vipāko nibbattati aḍḍho ca hoti
mahaddhano mahābhogo kālāgatā cassa atthā paripūrā 2 honti.
Anuggahitacitto kho pana bhikkhave dānaṁ datvā yattha yattha tassa
dānassa vipāko nibbattati aḍḍho ca hoti mahaddhano mahābhogo
uḷāresu ca pañcasu kāmaguṇesu bhogāya cittaṁ namati. Attānañca
parañca anupahacca kho pana bhikkhave dānaṁ datvā yattha yattha tassa
dānassa vipāko nibbattati aḍḍho ca hoti mahaddhano
mahābhogo na cassa kutoci bhogānaṁ upaghāto āgacchati aggito
vā udakato vā rājato vā corato vā appiyato vā dāyādato
vā 3 . Imāni kho bhikkhave pañca sappurisadānānīti.

[149] Pañcime bhikkhave dhammā samayavimuttassa bhikkhuno
parihānāya saṁvattanti katame pañca kammārāmatā bhassārāmatā
1 Po. susūsanti. Ma. Yu. sussūsanti. 2 Ma. Yu. pacurā. 3 Ma. vāsaddo natthi.
Niddārāmatā saṅgaṇikārāmatā yathāvimuttaṁ cittaṁ na paccavekkhati ime kho
bhikkhave pañca dhammā samayavimuttassa bhikkhuno parihānāya saṁvattanti.
Pañcime bhikkhave dhammā samayavimuttassa bhikkhuno aparihānāya saṁvattanti
katame pañca na kammārāmatā na bhassārāmatā na niddārāmatā
na saṅgaṇikārāmatā yathāvimuttaṁ cittaṁ paccavekkhati ime kho
bhikkhave pañca dhammā samayavimuttassa bhikkhuno aparihānāya saṁvattantīti.

[150] Pañcime bhikkhave dhammā samayavimuttassa bhikkhuno
parihānāya saṁvattanti katame pañca kammārāmatā bhassārāmatā
niddārāmatā indriyesu aguttadvāratā bhojane amattaññutā ime
kho bhikkhave pañca dhammā samayavimuttassa bhikkhuno parihānāya
saṁvattanti. Pañcime bhikkhave dhammā samayavimuttassa bhikkhuno aparihānāya
saṁvattanti katame pañca na kammārāmatā na bhassārāmatā na
niddārāmatā indriyesu guttadvāratā bhojane mattaññutā ime
kho bhikkhave pañca dhammā samayavimuttassa bhikkhuno aparihānāya
saṁvattantīti.
Tikaṇḍakīvaggo pañcamo.
Tassuddānaṁ
datvā avajānāti ārabhati ca sārandadatikaṇḍakinirayena ca 1
mitto asappurisasappurisena samayavimuttaṁ apare dveti.
Tatiyo paṇṇāsako samatto.
1 Po. ārabbhati na ca tikaṇḍanirayena mittā asappurisaṁ sappurisena .... Ma.
... tikaṇḍanirayen ca ... Yu. ... ārabbhatī ....
Catutthapaṇṇāsako
saddhammavaggo paṭhamo
-------

[151] Pañcahi bhikkhave dhammehi samannāgato suṇantopi
saddhammaṁ abhabbo niyāmaṁ okkamituṁ kusalesu dhammesu sammattaṁ katamehi
pañcahi kathaṁ paribhoti kathikaṁ 1 paribhoti attānaṁ paribhoti vikkhittacitto
dhammaṁ suṇāti anekaggacitto ayoniso [2]- manasikaroti
imehi kho bhikkhave pañcahi dhammehi samannāgato suṇantopi saddhammaṁ
abhabbo niyāmaṁ okkamituṁ kusalesu dhammesu sammattaṁ. Pañcahi
bhikkhave dhammehi samannāgato suṇanto 3 saddhammaṁ bhabbo niyāmaṁ okkamituṁ
kusalesu dhammesu sammattaṁ katamehi pañcahi na kathaṁ paribhoti
na kathikaṁ paribhoti na attānaṁ paribhoti avikkhittacitto dhammaṁ
suṇāti ekaggacitto yoniso [2]- manasikaroti imehi kho bhikkhave
pañcahi dhammehi samannāgato suṇanto saddhammaṁ bhabbo niyāmaṁ okkamituṁ
kusalesu dhammesu sammattanti.

[152] Pañcahi bhikkhave dhammehi samannāgato suṇantopi
saddhammaṁ abhabbo niyāmaṁ okkamituṁ kusalesu dhammesu sammattaṁ katamehi
pañcahi kathaṁ paribhoti kathikaṁ paribhoti attānaṁ paribhoti
duppañño hoti jaḷo eḷamūgo anaññāte aññātamānī hoti imehi
1 Po. kathitaṁ. sabbatthavāresu īdisameva. 2 Ma. Yu. etthantare casaddo atthi.
3 Po. suṇantopi. ito paraṁ evaṁ ñātabbaṁ.
Kho bhikkhave pañcahi dhammehi samannāgato suṇantopi saddhammaṁ abhabbo
niyāmaṁ okkamituṁ kusalesu dhammesu sammattaṁ. Pañcahi bhikkhave
dhammehi samannāgato suṇanto saddhammaṁ bhabbo niyāmaṁ okkamituṁ kusalesu
dhammesu sammattaṁ katamehi pañcahi na kathaṁ paribhoti na kathikaṁ
paribhoti na attānaṁ paribhoti paññavā hoti ajaḷo aneḷamūgo
na anaññāte aññātamānī hoti imehi kho bhikkhave pañcahi
dhammehi samannāgato suṇanto saddhammaṁ bhabbo niyāmaṁ okkamituṁ kusalesu
dhammesu sammattanti.

[153] Pañcahi bhikkhave dhammehi samannāgato suṇantopi
saddhammaṁ abhabbo niyāmaṁ okkamituṁ kusalesu dhammesu sammattaṁ katamehi
pañcahi makkhī dhammaṁ suṇāti makkhapariyuṭṭhito saupārambhacitto 1
dhammaṁ suṇāti randhagavesī dhammadesake āhatacitto hoti khilajāto 2
duppañño hoti jaḷo eḷamūgo anaññāte aññātamānī hoti
imehi kho bhikkhave pañcahi dhammehi samannāgato suṇantopi saddhammaṁ
abhabbo niyāmaṁ okkamituṁ kusalesu dhammesu sammattaṁ. Pañcahi bhikkhave
dhammehi samannāgato suṇanto saddhammaṁ bhabbo niyāmaṁ okkamituṁ kusalesu
dhammesu sammattaṁ katamehi pañcahi amakkhī dhammaṁ suṇāti
namakkhapariyuṭṭhito anupārambhacitto dhammaṁ suṇāti narandhagavesī dhammadesake
anāhatacitto hoti akhilajāto paññavā hoti ajaḷo aneḷamūgo
1 Po. Ma. Yu. upārambhacitto. 2 Ma. khīlajāto. ito paraṁ evaṁ ñātabbaṁ.
Na anaññāte aññātamānī hoti imehi kho bhikkhave pañcahi
dhammehi samannāgato suṇanto saddhammaṁ bhabbo niyāmaṁ okkamituṁ kusalesu
dhammesu sammattanti.

[154] Pañcime bhikkhave dhammā saddhammassa sammosāya
antaradhānāya saṁvattanti katame pañca idha bhikkhave bhikkhū na sakkaccaṁ
dhammaṁ suṇanti na sakkaccaṁ dhammaṁ pariyāpuṇanti na sakkaccaṁ dhammaṁ
dhārenti na sakkaccaṁ dhatānaṁ dhammānaṁ atthaṁ upaparikkhanti na sakkaccaṁ
atthamaññāya dhammamaññāya dhammānudhammaṁ paṭipajjanti ime kho
bhikkhave pañca dhammā saddhammassa sammosāya antaradhānāya saṁvattanti.
Pañcime bhikkhave dhammā saddhammassa ṭhitiyā asammosāya anantaradhānāya
saṁvattanti katame pañca idha bhikkhave bhikkhū sakkaccaṁ dhammaṁ suṇanti
sakkaccaṁ dhammaṁ pariyāpuṇanti sakkaccaṁ dhammaṁ dhārenti sakkaccaṁ
dhatānaṁ dhammānaṁ atthaṁ upaparikkhanti sakkaccaṁ atthamaññāya
dhammamaññāya dhammānudhammaṁ paṭipajjanti ime kho bhikkhave pañca dhammā
saddhammassa ṭhitiyā asammosāya anantaradhānāya saṁvattantīti.