[1704] Sāvatthī. Ye hi keci bhikkhave atītamaddhānaṁ arahanto
sammāsambuddhā yathābhūtaṁ abhisambujjhiṁsu sabbe te cattāri
ariyasaccāni yathābhūtaṁ abhisambujjhiṁsu. Yepi 1 hi keci bhikkhave anāgatamaddhānaṁ
arahanto sammāsambuddhā yathābhūtaṁ abhisambujjhissanti sabbe
te cattāri ariyasaccāni yathābhūtaṁ abhisambujjhissanti. Yepi hi keci
bhikkhave etarahi arahanto sammāsambuddhā yathābhūtaṁ abhisambujjhanti
1 Po. Ma. ye hi keci. evamuparipi.
Sabbe te cattāri ariyasaccāni yathābhūtaṁ abhisambujjhanti. Katamāni
cattāri. Dukkhaṁ ariyasaccaṁ dukkhasamudayo ariyasaccaṁ dukkhanirodho
ariyasaccaṁ dukkhanirodhagāminīpaṭipadā ariyasaccaṁ. Yepi hi keci bhikkhave
atītamaddhānaṁ arahanto sammāsambuddhā yathābhūtaṁ abhisambujjhiṁsu
abhisambujjhissanti abhisambujjhanti sabbe te imāni cattāri
ariyasaccāni yathābhūtaṁ abhisambujjhanti. Tasmā tiha bhikkhave idaṁ
dukkhanti yogo karaṇīyo .pe. Ayaṁ dukkhanirodhagāminī paṭipadāti
yogo karaṇīyoti.

[1705] Jānato ahaṁ bhikkhave passato āsavānaṁ khayaṁ vadāmi
no ajānato apassato. Kiñca bhikkhave jānato kiṁ 1 passato
āsavānaṁ khayo hoti. Idaṁ dukkhanti bhikkhave jānato passato
āsavānaṁ khayo hoti ayaṁ dukkhasamudayoti jānato passato āsavānaṁ
khayo hoti ayaṁ dukkhanirodhoti jānato passato āsavānaṁ khayo
hoti ayaṁ dukkhanirodhagāminī paṭipadāti jānato passato āsavānaṁ
khayo hoti. Evaṁ kho bhikkhave jānato evaṁ passato āsavānaṁ
khayo hoti. Tasmā tiha bhikkhave idaṁ dukkhanti yogo karaṇīyo
.pe. Ayaṁ dukkhanirodhagāminī paṭipadāti yogo karaṇīyoti.

[1706] Ye hi keci bhikkhave anukampeyyātha ye ca sotabbaṁ
maññeyyuṁ mittā vā amaccā vā ñātī vā sālohitā vā te
vo bhikkhave catunnaṁ ariyasaccānaṁ yathābhūtaṁ abhisamayāya samādapetabbā
1 Ma. Yu. ayaṁ pāṭho natthi.
Nivesetabbā patiṭṭhāpetabbā. Katamesaṁ catunnaṁ. Dukkhassa ariyasaccassa
dukkhasamudayassa ariyasaccassa dukkhanirodhassa ariyasaccassa
dukkhanirodhagāminīpaṭipadāya ariyasaccassa. Ye hi keci bhikkhave
anukampeyyātha ye ca sotabbaṁ maññeyyuṁ mittā vā amaccā
vā ñātī vā sālohitā vā .pe. Te vo bhikkhave imesaṁ
catunnaṁ ariyasaccānaṁ yathābhūtaṁ abhisamayāya samādapetabbā nivesetabbā
patiṭṭhāpetabbā. Tasmā tiha bhikkhave idaṁ dukkhanti yogo
karaṇīyo .pe. Ayaṁ dukkhanirodhagāminī paṭipadāti yogo karaṇīyoti.

[1707] Cattārīmāni bhikkhave ariyasaccāni. Katamāni cattāri.
Dukkhaṁ ariyasaccaṁ dukkhasamudayo ariyasaccaṁ dukkhanirodho ariyasaccaṁ
dukkhanirodhagāminīpaṭipadā ariyasaccaṁ. Imāni kho bhikkhave cattāri
ariyasaccāni tathāni avitathāni anaññathāni tasmā ariyasaccānīti
vuccanti. Tasmā tiha bhikkhave idaṁ dukkhanti yogo karaṇīyo
.pe. Ayaṁ dukkhanirodhagāminī paṭipadāti yogo karaṇīyoti.

[1708] Cattārīmāni bhikkhave ariyasaccāni. Katamāni cattāri.
Dukkhaṁ ariyasaccaṁ dukkhasamudayo ariyasaccaṁ dukkhanirodho ariyasaccaṁ
dukkhanirodhagāminīpaṭipadā ariyasaccaṁ. Sadevake loke samārake
sabrahmake sassamaṇabrāhmaṇiyā pajāya sadevamanussāya tathāgato
ariyo tasmā ariyasaccānīti vuccanti. Tasmā tiha bhikkhave idaṁ
dukkhanti yogo karaṇīyo .pe. Ayaṁ dukkhanirodhagāminī paṭipadāti
Yogo karaṇīyoti.

[1709] Cattārīmāni bhikkhave ariyasaccāni. Katamāni cattāri.
Dukkhaṁ ariyasaccaṁ dukkhasamudayo ariyasaccaṁ dukkhanirodho ariyasaccaṁ
dukkhanirodhagāminīpaṭipadā ariyasaccaṁ. Imāni kho bhikkhave cattāri
ariyasaccāni. Imesaṁ kho bhikkhave catunnaṁ ariyasaccānaṁ atthi ariyasaccaṁ
pariññeyyaṁ atthi ariyasaccaṁ pahātabbaṁ atthi ariyasaccaṁ sacchikātabbaṁ
atthi ariyasaccaṁ bhāvetabbaṁ. Katamañca bhikkhave ariyasaccaṁ
pariññeyyaṁ. Dukkhaṁ bhikkhave ariyasaccaṁ pariññeyyaṁ dukkhasamudayo
ariyasaccaṁ pahātabbaṁ dukkhanirodho ariyasaccaṁ sacchikātabbaṁ dukkhanirodhagāminīpaṭipadā
ariyasaccaṁ bhāvetabbaṁ. Tasmā tiha bhikkhave idaṁ
dukkhanti yogo karaṇīyo .pe. Ayaṁ dukkhanirodhagāminī paṭipadāti
yogo karaṇīyoti.

[1710] Ekaṁ samayaṁ sambahulā therā bhikkhū cetiyesu 1 viharanti
sahajaniye 2 . Tena kho pana samayena sambahulānaṁ therānaṁ bhikkhūnaṁ
pacchābhattaṁ piṇḍapātapaṭikkantānaṁ maṇḍalamāḷe sannisinnānaṁ sannipatitānaṁ
ayamantarākathā udapādi yo nu kho āvuso dukkhaṁ passati
dukkhasamudayaṁpi so passati dukkhanirodhaṁpi passati dukkhanirodhagāminiṁ
paṭipadaṁpi passatīti.

[1711] Evaṁ vutte āyasmā gavampatitthero 3 bhikkhū etadavoca
1 Sī. cetisu. Ma. Yu. cetesu. 2 Ma. Yu. sahañcanike. 3 Yu. gavampati there.
Sammukhā metaṁ āvuso bhagavato sutaṁ sammukhā paṭiggahitaṁ yo
bhikkhave dukkhaṁ passati dukkhasamudayaṁpi so passati dukkhanirodhaṁpi
passati dukkhanirodhagāminiṁ paṭipadaṁpi passati. Yo dukkhasamudayaṁ
passati dukkhaṁpi so passati dukkhanirodhaṁpi passati dukkhanirodhagāminiṁ
paṭipadaṁpi passati. Yo dukkhanirodhaṁ passati dukkhaṁpi so
passati dukkhasamudayaṁpi passati dukkhanirodhagāminiṁ paṭipadaṁpi passati.
Yo dukkhanirodhagāminiṁ paṭipadaṁ passati dukkhaṁpi so passati dukkhasamudayaṁpi
passati dukkhanirodhaṁpi passatīti.
Koṭigāmavaggo tatiyo.
Tassuddānaṁ
dve vajjī sammāsambuddho arahaṁ āsavakkhayo
mittaṁ 1 tathā ca loko ca abhiññeyyaṁ 2 gavampatīti.
-----------
1 Yu. mittā. 2 Sī. Ma. pariññeyyaṁ.
Sīsapāpaṇṇavaggo catuttho

[1712] Ekaṁ samayaṁ bhagavā kosambiyaṁ viharati sīsapāvane.
Atha kho bhagavā parittāni sīsapāpaṇṇāni pāṇinā gahetvā bhikkhū
āmantesi taṁ kiṁ maññatha bhikkhave katamaṁ nu kho bahutaraṁ.
Yāni vā mayā parittāni sīsapāpaṇṇāni pāṇinā gahitāni yadidaṁ
upari sīsapāvaneti. Appamattakāni bhante bhagavatā parittāni sīsapāpaṇṇāni
pāṇinā gahitāni atha kho etāneva bahutarāni yadidaṁ
upari sīsapāvaneti. Evameva kho bhikkhave etadeva bahutaraṁ yaṁ
vo mayā abhiññāya anakkhātaṁ [1]-. Kasmā cetaṁ bhikkhave mayā
anakkhātaṁ. Na hetaṁ bhikkhave atthasañhitaṁ nādibrahmacariyakaṁ na
nibbidāya na virāgāya na nirodhāya na upasamāya na abhiññāya
na sambodhāya na nibbānāya saṁvattati. Tasmātaṁ mayā anakkhātaṁ.

[1713] Kiñci bhikkhave mayā akkhātaṁ. Idaṁ dukkhanti bhikkhave
mayā akkhātaṁ ayaṁ dukkhasamudayoti mayā akkhātaṁ ayaṁ dukkhanirodhoti
mayā akkhātaṁ ayaṁ dukkhanirodhagāminī paṭipadāti mayā
akkhātaṁ. Kasmā cetaṁ bhikkhave mayā akkhātaṁ. Etañhi bhikkhave
atthasañhitaṁ etaṁ ādibrahmacariyakaṁ etaṁ nibbidāya virāgāya nirodhāya
upasamāya abhiññāya sambodhāya nibbānāya saṁvattati. Tasmātaṁ [2]-
1 Yu. appamattakaṁ akkhātaṁ. 2 Ma. mayā.
Akkhātaṁ. Tasmā tiha bhikkhave idaṁ dukkhanti yogo karaṇīyo
.pe. Ayaṁ dukkhanirodhagāminī paṭipadāti yogo karaṇīyoti.