[1614] Catūhi bhikkhave dhammehi samannāgato ariyasāvako aḍḍho
1 Sī. Yu. maccurājagamissatīti. Ma. maccurājāgamanasminti.
Mahaddhano mahābhogo 1 mahāyasoti vuccati. Katamehi catūhi. Idha
bhikkhave ariyasāvako buddhe aveccappasādena samannāgato hoti
itipi so bhagavā .pe. Satthā devamanussānaṁ buddho bhagavāti.
Dhamme saṅghe. Ariyakantehi sīlehi samannāgato hoti akkhaṇḍehi
.pe. Samādhisaṁvattanikehi. Imehi kho bhikkhave catūhi dhammehi
samannāgato ariyasāvako aḍḍho mahaddhano mahābhogo mahāyasoti
vuccatīti.

[1615] Catūhi bhikkhave dhammehi samannāgato ariyasāvako aḍḍho
mahaddhano mahābhogo mahāyasoti vuccati. Katamehi catūhi. Idha
bhikkhave ariyasāvako buddhe aveccappasādena samannāgato hoti
itipi so bhagavā .pe. Satthā devamanussānaṁ buddho bhagavāti.
Dhamme saṅghe. Ariyakantehi sīlehi samannāgato hoti akkhaṇḍehi
.pe. Samādhisaṁvattanikehi. Imehi kho bhikkhave catūhi dhammehi
samannāgato ariyasāvako aḍḍho mahaddhano mahābhogo mahāyasoti
vuccatīti.

[1616] Catūhi bhikkhave dhammehi samannāgato ariyasāvako
sotāpanno hoti avinipātadhammo niyato sambodhiparāyano. Katamehi
catūhi. Idha bhikkhave ariyasāvako buddhe aveccappasādena samannāgato
hoti itipi so bhagavā .pe. Satthā devamanussānaṁ buddho
bhagavāti. Dhamme saṅghe. Ariyakantehi sīlehi samannāgato hoti
1 Ma. mahābhogoti vuccati. evamupari.
Akkhaṇḍehi .pe. Samādhisaṁvattanikehi. Imehi kho bhikkhave catūhi
dhammehi samannāgato ariyasāvako sotāpanno hoti avinipātadhammo
niyato sambodhiparāyanoti.

[1617] Kapilavatthunidānaṁ. Ekamantaṁ nisinnaṁ kho nandiyaṁ sakkaṁ
bhagavā etadavoca catūhi kho nandiya dhammehi samannāgato ariyasāvako
sotāpanno hoti avinipātadhammo niyato sambodhiparāyano. Katamehi
catūhi. Idha nandiya ariyasāvako buddhe aveccappasādena samannāgato
hoti itipi so bhagavā .pe. Satthā devamanussānaṁ buddho
bhagavāti. Dhamme saṅghe. Ariyakantehi sīlehi samannāgato hoti
akkhaṇḍehi .pe. Samādhisaṁvattanikehi. Imehi kho nandiya catūhi
dhammehi samannāgato ariyasāvako sotāpanno hoti avinipātadhammo
niyato sambodhiparāyanoti.

[1618] Kapilavatthunidānaṁ. (upasaṅkamanaṁ kātabbaṁ). Ekamantaṁ
nisinnaṁ kho bhaddiyaṁ sakkaṁ bhagavā etadavoca catūhi kho bhaddiya
dhammehi samannāgato ariyasāvako sotāpanno hoti avinipātadhammo
niyato sambodhiparāyano. Katamehi catūhi. Idha bhaddiya
ariyasāvako buddhe dhamme saṅghe. Ariyakantehi sīlehi samannāgato
hoti akkhaṇḍehi .pe. Samādhisaṁvattanikehi. Imehi kho
bhaddiya catūhi dhammehi samannāgato ariyasāvako sotāpanno hoti
avinipātadhammo niyato sambodhiparāyanoti.

[1619] Kapilavatthunidānaṁ. (upasaṅkamanaṁ kātabbaṁ). Ekamantaṁ
nisinnaṁ kho mahānāmaṁ sakkaṁ bhagavā etadavoca catūhi kho mahānāma
dhammehi samannāgato ariyasāvako sotāpanno hoti avinipātadhammo
niyato sambodhiparāyano. Katamehi catūhi. Idha mahānāma ariyasāvako
buddhe aveccappasādena samannāgato hoti itipi so bhagavā
.pe. Satthā devamanussānaṁ buddho bhagavāti. Dhamme saṅghe.
Ariyakantehi sīlehi samannāgato hoti akkhaṇḍehi .pe. Samādhisaṁvattanikehi.
Imehi kho mahānāma catūhi dhammehi samannāgato
ariyasāvako sotāpanno hoti avinipātadhammo niyato sambodhiparāyanoti.

[1620] Cattārīmāni bhikkhave sotāpattiyaṅgāni. Katamāni
cattāri. Sappurisasaṁsevo saddhammassavanaṁ yonisomanasikāro
dhammānudhammapaṭipatti. Imāni kho bhikkhave cattāri sotāpattiyaṅgānīti.
Sagāthakapuññābhisandavaggo pañcamo.
Tassuddānaṁ
abhisandena tayo vuttā duve mahaddhanena ca
bhikkhu 1 nandiyabhaddiyaṁ mahānāmaṅgena te dasāti.
---------
1 Ma. suddhaṁ nandiyaṁ bhaddiyaṁ.
Sappaññavaggo chaṭṭho

[1621] Catūhi bhikkhave dhammehi samannāgato ariyasāvako
sotāpanno hoti avinipātadhammo niyato sambodhiparāyano. Katamehi
catūhi. Idha bhikkhave ariyasāvako buddhe aveccappasādena samannāgato
hoti itipi so bhagavā .pe. Satthā devamanussānaṁ buddho
bhagavāti. Dhamme saṅghe. Ariyakantehi sīlehi samannāgato hoti
akkhaṇḍehi .pe. Samādhisaṁvattanikehi. Imehi kho bhikkhave catūhi
dhammehi samannāgato ariyasāvako sotāpanno hoti avinipātadhammo
niyato sambodhiparāyanoti. Idamavoca bhagavā

[1622] Yassa saddhā tathāgate acalā suppatiṭṭhitā
sīlañca yassa kalyāṇaṁ ariyakantaṁ pasaṁsitaṁ.
Saṅghe pasādo yassatthi ujubhūtañca dassanaṁ
adaḷiddoti taṁ āhu amoghantassa jīvitaṁ.
Tasmā saddhañca sīlañca pasādaṁ dhammadassanaṁ
anuyuñjetha medhāvī saraṁ buddhānasāsananti.

[1623] Ekaṁ samayaṁ bhagavā sāvatthiyaṁ viharati jetavane anāthapiṇḍikassa
ārāme. Tena kho pana samayena aññataro bhikkhu
sāvatthiyaṁ vassaṁ vuttho kapilavatthuṁ anuppatto hoti kenaci deva
karaṇīyena. Assosuṁ kho kāpilavatthavā sakyā aññataro kira 1
1 Yu. kirasaddo natthi.
Bhikkhu sāvatthiyaṁ vassaṁ vuttho kapilavatthuṁ anuppattoti. Atha kho
kāpilavatthavā sakyā yena so bhikkhu tenupasaṅkamiṁsu upasaṅkamitvā
taṁ bhikkhuṁ abhivādetvā ekamantaṁ nisīdiṁsu. Ekamantaṁ nisinnā kho
kāpilavatthavā sakyā taṁ bhikkhuṁ etadavocuṁ