[1634] Cattārome bhikkhave dhammā bhāvitā bahulīkatā
sotāpattiphalasacchikiriyāya saṁvattanti. Katame cattāro. Sappurisasaṁsevo
1 Ma. Yu. upasaṁharāmīti. 2 Ma. Yu. āsavā. 3 Ma. Yu. vimuttinti.
Saddhammassavanaṁ yonisomanasikāro dhammānudhammapaṭipatti. Ime kho
bhikkhave cattāro dhammā bhāvitā bahulīkatā sotāpattiphalasacchikiriyāya
saṁvattantīti.

[1635] Cattārome bhikkhave dhammā bhāvitā bahulīkatā
sakadāgāmiphalasacchikiriyāya saṁvattantīti.

[1636] Anāgāmiphalasacchikiriyāya saṁvattantīti.

[1637] Arahattaphalasacchikiriyāya saṁvattantīti.

[1638] Paññāpaṭilābhāya saṁvattantīti.

[1639] Paññāvuḍḍhiyā saṁvattantīti.

[1640] Paññāvepullāya saṁvattantīti.
Sappaññavaggo chaṭṭho.
Tassuddānaṁ
sagāthakaṁ vassavutthaṁ dhammadinnagilāyanaṁ 1
caturo phalā paṭilābho vuḍḍhi vepullatāya cāti.
-------------
1 Ma. dhammadinnañca gilānaṁ.
Mahāpaññavaggo sattamo
[1]-

[1641] Mahāpaññatāya saṁvattantīti.

[1642] Puthupaññatāya saṁvattantīti.

[1643] Vipulapaññatāya saṁvattantīti.