[582] Kāyena kāyapaṭibaddhaṁ āmasati āpatti dukkaṭassa.
Kāyapaṭibaddhena kāyaṁ āmasati āpatti dukkaṭassa. Kāyapaṭibaddhena
kāyapaṭibaddhaṁ āmasati āpatti dukkaṭassa. Nissaggiyena
kāyaṁ āmasati āpatti dukkaṭassa. Nissaggiyena kāyapaṭibaddhaṁ
āmasati āpatti dukkaṭassa. Nissaggiyena nissaggiyaṁ āmasati
āpatti dukkaṭassa.

[583] Anupasampannaṁ kāyena kāyaṁ āmasati āpatti dukkaṭassa.
Kāyena kāyapaṭibaddhaṁ āmasati āpatti dukkaṭassa. Kāyapaṭibaddhena
kāyaṁ āmasati āpatti dukkaṭassa. Kāyapaṭibaddhena kāyapaṭibaddhaṁ
āmasati āpatti dukkaṭassa. Nissaggiyena kāyaṁ āmasati āpatti
dukkaṭassa. Nissaggiyena kāyapaṭibaddhaṁ āmasati āpatti dukkaṭassa.
Nissaggiyena nissaggiyaṁ āmasati āpatti dukkaṭassa.

[584] Anupasampanne upasampannasaññī āpatti dukkaṭassa.
Anupasampanne vematiko āpatti dukkaṭassa. Anupasampanne
anupasampannasaññī āpatti dukkaṭassa.

[585] Anāpatti na hassādhippāyo 1 sati karaṇīye āmasati
ummattakassa ādikammikassāti.
Dutiyasikkhāpadaṁ niṭṭhitaṁ.
-------
1 Ma. hasādhippāyo. Yu. hāsādhippāyo. evamuparipi.
Tatiyasikkhāpadaṁ

[586] Tena samayena buddho bhagavā sāvatthiyaṁ viharati jetavane
anāthapiṇḍikassa ārāme. Tena kho pana samayena sattarasavaggiyā
bhikkhū aciravatiyā nadiyā udake kīḷanti. Tena kho pana samayena
rājā pasenadi kosalo mallikāya deviyā saddhiṁ uparipāsādavaragato
hoti. Addasā kho rājā pasenadi kosalo sattarasavaggiye
bhikkhū aciravatiyā nadiyā udake kīḷante disvāna mallikaṁ deviṁ
etadavoca ete he 1 mallike arahanto udake kīḷantīti.
Nissaṁsayaṁ kho mahārāja bhagavatā sikkhāpadaṁ appaññattaṁ te vā
bhikkhū appakataññunoti. Athakho rañño pasenadissa kosalassa
etadahosi kena nu kho ahaṁ upāyena bhagavato ca na āroceyyaṁ
bhagavā ca jāneyya ime bhikkhū udake kīḷantīti 2 . Athakho rājā
pasenadi kosalo sattarasavaggiye bhikkhū pakkosāpetvā tesaṁ mahantaṁ
guḷapiṇḍaṁ adāsi imaṁ bhante guḷapiṇḍaṁ bhagavato dethāti.
Sattarasavaggiyā bhikkhū taṁ guḷapiṇḍaṁ ādāya yena bhagavā
tenupasaṅkamiṁsu upasaṅkamitvā bhagavantaṁ etadavocuṁ imaṁ bhante
guḷapiṇḍaṁ rājā [3]- bhagavato detīti. Kahaṁ pana tumhe bhikkhave rājā
addasāti. Aciravatiyā nadiyā bhagavā udake kīḷanteti. Vigarahi
buddho bhagavā kathaṁ hi nāma tumhe moghapurisā udake kīḷissatha
1 Ma. te. 2 Ma. kīḷitāti. 3 Ma. pasenadi kosalo.
Netaṁ moghapurisā appasannānaṁ vā pasādāya pasannānaṁ vā
bhiyyobhāvāya .pe. Evañca pana bhikkhave imaṁ sikkhāpadaṁ
uddiseyyātha udake hassadhamme 1 pācittiyanti.

[587] Udake hassadhammo nāma uparigopphake udake
hassādhippāyo nimujjati vā ummujjati vā palavati vā āpatti
pācittiyassa.

[588] Udake hassadhamme hassadhammasaññī āpatti
pācittiyassa. Udake hassadhamme vematiko āpatti pācittiyassa.
Udake hassadhamme ahassadhammasaññī āpatti pācittiyassa.

[589] Heṭṭhāgopphake udake kīḷati āpatti dukkaṭassa.
[2]- Nāvāya kīḷati āpatti dukkaṭassa. Hatthena vā pādena vā
kaṭṭhena vā kaṭhalāya vā udake hanati 3 āpatti dukkaṭassa.
Bhājanagataṁ udakaṁ vā kañjikaṁ vā khīraṁ vā takkaṁ vā rajanaṁ vā
passāvaṁ vā cikkhallaṁ vā kīḷati āpatti dukkaṭassa.

[590] Udake ahassadhamme hassadhammasaññī āpatti
dukkaṭassa. Udake ahassadhamme vematiko āpatti dukkaṭassa.
Udake ahassadhamme ahassadhammasaññī anāpatti.

[591] Anāpatti na hassādhippāyo sati karaṇīye udakaṁ
otaritvā nimujjati vā ummujjati vā palavati vā pāraṁ gacchanto
1 Ma. hasadhamme. Yu. hāsadhamme. evamuparipi. 2 Ma. udake.
3 Ma. Yu. udakaṁ paharati.
Nimujjati vā ummujjati vā palavati vā āpadāsu ummattakassa
ādikammikassāti.
Tatiyasikkhāpadaṁ niṭṭhitaṁ.
---------
Catutthasikkhāpadaṁ