[348] Seyyathāpi bhikkhave puriso chappāṇake gahetvā nānāvisaye
nānāgocare daḷhāya rajjuyā bandheyya ahiṁ gahetvā
1 Ma. sarapattāni ca gattāni vilekheyyuṁ. 2 Ma. Yu. puriso. 3 Ma. Yu.
paṭisaṁvediyetha. 4 Yu. kho. 5 Yu. itisaddo natthi.
Daḷhāya rajjuyā bandheyya suṁsumāraṁ 1 gahetvā daḷhāya rajjuyā
bandheyya pakkhiṁ gahetvā daḷhāya rajjuyā bandheyya kukkuraṁ
gahetvā daḷhāya rajjuyā bandheyya sigālaṁ gahetvā daḷhāya
rajjuyā bandheyya makkaṭaṁ gahetvā daḷhāya rajjuyā bandheyya
daḷhāya rajjuyā bandhitvā majjhe gaṇṭhiṁ karitvā osajjeyya.
Atha kho te bhikkhave chappāṇakā nānāvisayā nānāgocarā sakaṁ
sakaṁ gocaravisayaṁ āviñcheyyuṁ. Ahi āviñcheyya vammikaṁ
pavekkhāmīti. Suṁsumāro āviñcheyya udakaṁ pavekkhāmīti. Pakkhī
āviñcheyya ākāsaṁ ḍessāmīti. Kukkuro āviñcheyya gāmaṁ
pavekkhāmīti. Sigālo āviñcheyya sīvathikaṁ pavekkhāmīti. Makkaṭo
āviñcheyya vanaṁ pavekkhāmīti. Yadā kho te bhikkhave chappāṇakājjhattā
assu kilantā atha yo nesaṁ 2 pāṇakā balavataro
assa tassa te anuvatteyyuṁ anuvidhāyeyyuṁ 3 vasaṁ gaccheyyuṁ.
Evameva kho bhikkhave yassa kassaci bhikkhuno kāyagatāsati abhāvitā
abahulīkatā taṁ cakkhuṁ āviñchati manāpiyesu rūpesu amanāpiyā
rūpā paṭikūlā honti .pe. Jivhā āviñchati. Kāyo āviñchati.
Mano āviñchati manāpiyesu dhammesu amanāpiyā dhammā paṭikūlā
honti. Evaṁ kho bhikkhave asaṁvaro hoti.

[349] Kathañca bhikkhave saṁvaro hoti. Idha bhikkhave bhikkhu
1 Ma. susumāraṁ. evamuparipi. 2 Ma. Yu. atha kho yo nesaṁ. 3 Yu. anuvidhīyeyyuṁ.
Cakkhunā rūpaṁ disvā piyarūpe rūpe nādhimuccati appiyarūpe rūpe
na byāpajjati upaṭṭhitakāyasati ca viharati appamāṇacetaso tañca
cetovimuttiṁ paññāvimuttiṁ yathābhūtaṁ pajānāti yatthassa te
uppannā pāpakā akusalā dhammā aparisesā nirujjhanti. Sotena
saddaṁ sutvā .pe. Ghānena gandhaṁ ghāyitvā .pe. Jivhāya
rasaṁ sāyitvā .pe. Kāyena phoṭṭhabbaṁ phusitvā .pe. Manasā
dhammaṁ viññāya piyarūpe dhamme nādhimuccati appiyarūpe dhamme na
byāpajjati upaṭṭhitakāyasati ca viharati appamāṇacetaso tañca
cetovimuttiṁ paññāvimuttiṁ yathābhūtaṁ pajānāti yatthassa te
uppannā pāpakā akusalā dhammā aparisesā nirujjhanti.

[350] Seyyathāpi bhikkhave puriso chappāṇake gahetvā nānāvisaye
nānāgocare daḷhāya rajjuyā bandheyya ahiṁ gahetvā .pe.
Suṁsumāraṁ gahetvā .pe. Kukkuraṁ gahetvā. Sigālaṁ gahetvā.
Makkaṭaṁ gahetvā daḷhāya rajjuyā bandheyya daḷhāya rajjuyā
bandhitvā daḷhe khīle vā thambhe vā upanibandheyya. Atha kho te
bhikkhave chappāṇakā nānāvisayā nānāgocarā sakaṁ sakaṁ gocaravisayaṁ
āviñcheyyuṁ. Ahi āviñcheyya vammikaṁ pavekkhāmīti. Suṁsumāro
āviñcheyya udakaṁ pavekkhāmīti. Pakkhī āviñcheyya ākāsaṁ
ḍessāmīti. Kukkuro āviñcheyya gāmaṁ pavekkhāmīti. Sigālo
āviñcheyya sīvathikaṁ pavekkhāmīti. Makkaṭo āviñcheyya vanaṁ
Pavekkhāmīti. Yadā kho te 1 bhikkhave chappāṇakājjhattā assu
kilantā atha tameva khīlaṁ vā thambhaṁ 2 vā upatiṭṭheyyuṁ upanisīdeyyuṁ
upanipajjeyyuṁ. Evameva kho bhikkhave yassa kassaci bhikkhuno
kāyagatāsati bhāvitā bahulīkatā taṁ cakkhu nāviñchati manāpiyesu
rūpesu amanāpiyā rūpā na paṭikūlā honti .pe. Jivhā
nāviñchati .pe. Mano nāviñchati manāpiyesu dhammesu amanāpiyā
dhammā na paṭikūlā honti. Evaṁ kho bhikkhave saṁvaro hoti.
Daḷhe khīle vā thambhe vāti kho bhikkhave kāyagatāsatiyā etaṁ
adhivacanaṁ. Tasmātiha [3]- bhikkhave evaṁ sikkhitabbaṁ kāyagatā no sati
bhāvitā bhavissati bahulīkatā yānīkatā vatthukatā anuṭṭhitā paricitā
susamāraddhāti. Evaṁ hi vo 4 bhikkhave sikkhitabbanti. Dasamaṁ.

[351] Seyyathāpi bhikkhave yavakalāpi 5 cātummahāpathe nikkhittā
assa atha cha purisā āgaccheyyuṁ byābhaṅgihatthā te yena 6
yavakalāpiṁ chahi byābhaṅgīhi haneyyuṁ evaṁ hi sā bhikkhave yavakalāpi
suhatā assa chahi byābhaṅgīhi haññamānā atha sattamo puriso
āgaccheyya byābhaṅgihattho so taṁ yavakalāpiṁ sattamāya
byābhaṅgiyā haneyya evaṁ hi sā bhikkhave yavakalāpi suhatatarā assa
sattamāya byābhaṅgiyā haññamānā. Evameva kho bhikkhave
assutvā puthujjano cakkhusmiṁ haññati manāpāmanāpehi rūpehi
.pe. Jivhāya haññati manāpāmanāpehi rasehi .pe. Manasmiṁ
1 Yu. ayaṁ pāṭho natthi. 2 Yu. khīle vā thambhe vā. 3 Ma. Yu. vo.
4 Ma. Yu. kho. 5 Ma. Yu. yavakalāpī. evamuparipi.
6 Ma. ayaṁ pāṭho natthi. Yu. taṁ.
Haññati manāpāmanāpehi dhammehi. Sace so bhikkhave assutavā
puthujjano āyatiṁ punabbhavāya ceteti. Evaṁ hi so bhikkhave
moghapuriso suhatataro hoti seyyathāpi [1]- sā yavakalāpi sattamāya
byābhaṅgiyā haññamānāti. Ekādasamaṁ.

[352] Bhūtapubbaṁ bhikkhave devāsurasaṅgāmo samupabyūḷho ahosi.
Atha kho bhikkhave vepacitti asurindo asure āmantesi sace mārisā
devāsurasaṅgāme samupabyūḷhe asurā jineyyuṁ devā parājineyyuṁ
yena naṁ sakkaṁ devānamindaṁ kaṇṭhapañcamehi bandhanehi bandhitvā
mama santike āneyyātha asurapuranti. Sakkopi kho bhikkhave
devānamindo deve tāvatiṁse āmantesi sace mārisā
devāsurasaṅgāme samupabyūḷhe devā jineyyuṁ asurā parājineyyuṁ
yena naṁ vepacittiasurindaṁ kaṇṭhapañcamehi bandhanehi bandhitvā mama
santike āneyyātha sudhammaṁ devasabhanti. Tasmiṁ kho pana bhikkhave
saṅgāme devā jiniṁsu. [2]- Atha kho bhikkhave devā tāvatiṁsā
vepacittiasurindaṁ kaṇṭhapañcamehi bandhanehi bandhitvā sakkassa devānamindassa
santike ānesuṁ sudhammaṁ devasabhaṁ.

[353] Tatra sudaṁ bhikkhave vepacitti asurindo kaṇṭhapañcamehi
bandhanehi bandho hoti. Yadā ca kho bhikkhave vepacittissa
asurindassa evaṁ hoti dhammikā kho devā adhammikā asurā
1 Yu. bhikkhave. 2 Ma. Yu. asurā parājiniṁsu.
Idānāhaṁ 1 devapuraṁ gacchāmīti. Atha kaṇṭhapañcamehi bandhanehi muttaṁ
attānaṁ samanupassati dibbehi ca pañcahi kāmaguṇehi samappito
samaṅgībhūto paricāreti. Yadā ca kho bhikkhave vepacittissa
asurindassa evaṁ hoti dhammikā kho asurā adhammikā devā
tatthevadānāhaṁ asurapuraṁ gamissāmīti. Atha kaṇṭhapañcamehi bandhanehi
bandhaṁ attānaṁ samanupassati dibbehi ca pañcahi kāmaguṇehi
parihāyati. Evaṁ sukhumaṁ kho bhikkhave vepacittibandhanaṁ tato
sukhumataraṁ mārabandhanaṁ. Maññamāno kho bhikkhave bandho mārassa
amaññamāno mutto pāpimato.

[354] Asmīti bhikkhave maññitametaṁ ayamahamasmīti maññitametaṁ
bhavissanti maññitametaṁ na bhavissanti maññitametaṁ rūpī bhavissanti
maññitametaṁ arūpī bhavissanti maññitametaṁ saññī bhavissanti
maññitametaṁ asaññī bhavissanti maññitametaṁ nevasaññināsaññī
bhavissanti maññitametaṁ. Maññitaṁ bhikkhave rogo maññitaṁ
gaṇḍo maññitaṁ sallaṁ tasmātiha bhikkhave amaññamānena
cetasā viharissāmīti. Evañhi vo bhikkhave sikkhitabbaṁ.

[355] Asmīti bhikkhave iñjitametaṁ ayamahamasmīti iñjitametaṁ
bhavissanti iñjitametaṁ na bhavissanti iñjitametaṁ rūpī bhavissanti
iñjitametaṁ arūpī bhavissanti iñjitametaṁ saññī bhavissanti
iñjitametaṁ asaññī bhavissanti iñjitametaṁ nevasaññināsaññī
1 Ma. idhevadānāhaṁ.
Bhavissanti iñjitametaṁ. Iñjitaṁ bhikkhave rogo iñjitaṁ gaṇḍo
iñjitaṁ sallaṁ tasmātiha bhikkhave aniñjiyamānena cetasā
viharissāmāti. Evañhi vo bhikkhave sikkhitabbaṁ.

[356] Asmīti bhikkhave phanditametaṁ ayamahamasmīti phanditametaṁ
bhavissanti .pe. Na bhavissanti. Rūpī bhavissanti. Arūpī bhavissanti.
Saññī bhavissanti. Asaññī bhavissanti. Nevasaññināsaññī bhavissanti
phanditametaṁ. Phanditaṁ bhikkhave rogo phanditaṁ gaṇḍo phanditaṁ sallaṁ.
Tasmātiha bhikkhave aphandiyamānena 2 cetasā viharissāmāti. Evañhi
vo bhikkhave sikkhitabbaṁ.

[357] Asmīti bhikkhave papañcitametaṁ ayamahamasmīti papañcitametaṁ
bhavissanti .pe. Na bhavissanti. Rūpī bhavissanti. Arūpī
bhavissanti. Saññī bhavissanti. Asaññī bhavissanti. Nevasaññināsaññī
bhavissanti papañcitametaṁ. Papañcitaṁ bhikkhave rogo
papañcitaṁ gaṇḍo papañcitaṁ sallaṁ. Tasmātiha bhikkhave
nippapañcena cetasā viharissāmāti. Evañhi vo bhikkhave
sikkhitabbaṁ.