[168] Santi ca kho bhikkhave cakkhuviññeyyā rūpā iṭṭhā
kantā manāpā piyarūpā kāmūpasañhitā rajaniyā tañce bhikkhu
nābhinandati nābhivadati na ajjhosāya tiṭṭhati. Ayaṁ vuccati
Bhikkhave bhikkhu mutto cakkhuviññeyyehi rūpehi na āvāsagato
mārassa na mārassa vasaṁ gato na yathākāmakaraṇīyo pāpimato .pe.
Santi bhikkhave jivhāviññeyyā rasā .pe. Santi bhikkhave
manoviññeyyā dhammā iṭṭhā kantā manāpā piyarūpā kāmūpasañhitā
rajaniyā tañce bhikkhu na abhinandati na abhivadati na ajjhosāya
tiṭṭhati. Ayaṁ vuccati bhikkhave bhikkhu mutto manoviññeyyehi
dhammehi na āvāsagato mārassa na mārassa vasaṁ gato na
yathākāmakaraṇīyo pāpimatoti. Dutiyaṁ.

[169] Nāhaṁ bhikkhave gamanena lokassa antaṁ ñāteyyaṁ diṭṭheyyaṁ 1
patteyyanti vadāmi. Na ca panāhaṁ bhikkhave appatvā lokassa
antaṁ dukkhassantakiriyaṁ vadāmīti. Idaṁ vatvā bhagavā uṭṭhāyāsanā
vihāraṁ pāvisi. Atha kho tesaṁ bhikkhūnaṁ acirapakkantassa bhagavato
etadahosi idaṁ kho no āvuso bhagavā saṅkhittena uddesaṁ
uddisitvā vitthārena atthaṁ avibhajitvā uṭṭhāyāsanā vihāraṁ
paviṭṭho nāhaṁ bhikkhave gamanena lokassa antaṁ ñāteyyaṁ diṭṭheyyaṁ
patteyyanti vadāmi na ca panāhaṁ bhikkhave appatvā lokassa
antaṁ dukkhassantakiriyaṁ vadāmīti. Ko nu kho imassa bhagavatā
saṅkhittena uddesassa uddiṭṭhassa vitthārena atthaṁ avibhattassa
vitthārena atthaṁ vibhajeyyāti. Atha kho tesaṁ bhikkhūnaṁ etadahosi
ayaṁ kho āyasmā ānando satthu ceva saṁvaṇṇito sambhāvito
1 Ma. Yu. daṭṭheyyaṁ. evamuparipi.
Ca viññūnaṁ sabrahmacārīnaṁ pahoti cāyasmā ānando imassa
bhagavatā saṅkhittena uddesassa uddiṭṭhassa vitthārena atthaṁ
avibhattassa vitthārena atthaṁ vibhajituṁ yannūna mayaṁ yenāyasmā
ānando tenupasaṅkameyyāma upasaṅkamitvā āyasmantaṁ ānandaṁ
etamatthaṁ paṭipuccheyyāmāti.

[170] Atha kho te bhikkhū yena āyasmā ānando tenupasaṅkamiṁsu
upasaṅkamitvā āyasmatā ānandena saddhiṁ sammodiṁsu sammodanīyaṁ
kathaṁ sārāṇīyaṁ vītisāretvā ekamantaṁ nisīdiṁsu. Ekamantaṁ nisinnā
kho te bhikkhū āyasmantaṁ ānandaṁ etadavocuṁ idaṁ kho no āvuso
ānanda bhagavā saṅkhittena uddesaṁ uddisitvā vitthārena atthaṁ
avibhajitvā uṭṭhāyāsanā vihāraṁ paviṭṭho nāhaṁ bhikkhave gamanena
lokassa antaṁ ñāteyyaṁ diṭṭheyyaṁ patteyyanti vadāmi na ca
panāhaṁ bhikkhave appatvā lokassa antaṁ dukkhassantakiriyaṁ vadāmi 1 .
Tesanno āvuso amhākaṁ 2 acirapakkantassa bhagavato etadahosi
idaṁ kho no āvuso bhagavā saṅkhittena uddesaṁ uddisitvā
vitthārena atthaṁ avibhajitvā uṭṭhāyāsanā vihāraṁ paviṭṭho nāhaṁ
bhikkhave gamanena lokassa antaṁ ñāteyyaṁ diṭṭheyyaṁ patteyyanti
vadāmi na ca panāhaṁ bhikkhave appatvā lokassa antaṁ
dukkhassantakiriyaṁ vadāmīti. Ko nu kho imassa bhagavatā saṅkhittena
uddesassa uddiṭṭhassa vitthārena atthaṁ avibhattassa vitthārena atthaṁ
1 Ma. Yu. vadāmīti. 2 Yu. ayaṁ pāṭho natthi.
Vibhajeyyāti. Tesanno āvuso amhākaṁ etadahosi ayaṁ kho [1]- āyasmā
ānando satthu ceva saṁvaṇṇito sambhāvito ca viññūnaṁ sabrahmacārīnaṁ
pahoti cāyasmā ānando imassa bhagavatā saṅkhittena
uddesassa uddiṭṭhassa vitthārena atthaṁ avibhattassa vitthārena
atthaṁ vibhajituṁ yannūna mayaṁ yenāyasmā ānando tenupasaṅkameyyāma
upasaṅkamitvā āyasmantaṁ ānandaṁ etamatthaṁ paṭipuccheyyāmāti.
Vibhajatāyasmā ānandoti. Seyyathāpi nāma āvuso puriso
sāratthiko sāragavesī sārapariyesanaṁ caramāno mahato rukkhassa
tiṭṭhato sāravato atikkammeva mūlaṁ atikkamma khandhaṁ sākhāpalāse
sāraṁ pariyesitabbaṁ maññeyya evaṁ sampadamidaṁ āyasmantānaṁ
satthari sammukhībhūtaṁ 2 bhagavantaṁ atisitvā tumhe 3 etamatthaṁ paṭipucchitabbaṁ
maññatha. So hāvuso bhagavā jānaṁ jānāti passaṁ passati
cakkhubhūto ñāṇabhūto dhammabhūto brahmabhūto vattā pavattā
atthassa ninnetā amatassa dātā dhammasāmī tathāgato so ceva
panetassa kālo ahosi yaṁ bhagavantaṁyeva etamatthaṁ paṭipuccheyyātha
yathā vo bhagavā byākareyya tathā naṁ dhāreyyāthāti.
Addhāvuso ānanda bhagavā jānaṁ jānāti passaṁ passati
cakkhubhūto ñāṇabhūto dhammabhūto brahmabhūto vattā pavattā
atthassa ninnetā amatassa dātā dhammasāmī tathāgato so
ceva panetassa kālo ahosi yaṁ bhagavantaññeva etamatthaṁ
1 Ma. Yu. āvuso. 2 Ma. Yu. sammukhībhūte taṁ. 3 Ma. Yu. amhe.
Paṭipuccheyyāma yathā no bhagavā byākareyya tathā naṁ dhāreyyāma
api cāyasmā ānando satthu ceva saṁvaṇṇito sambhāvito ca
viññūnaṁ sabrahmacārīnaṁ pahoti cāyasmā ānando imassa bhagavatā
saṅkhittena uddesassa uddiṭṭhassa vitthārena avibhattassa vitthārena
atthaṁ vibhajituṁ vibhajatāyasmā ānando agaruṁ karitvāti.

[171] Tenahāvuso suṇātha sādhukaṁ manasikarotha bhāsissāmīti.
Evamāvusoti kho te bhikkhū āyasmato ānandassa paccassosuṁ.
Āyasmā ānando etadavoca yaṁ kho vo āvuso bhagavā saṅkhittena
uddesaṁ uddisitvā vitthārena atthaṁ avibhajitvā uṭṭhāyāsanā
vihāraṁ paviṭṭho nāhaṁ bhikkhave gamanena lokassa antaṁ ñāteyyaṁ
diṭṭheyyaṁ patteyyanti vadāmi. Na ca panāhaṁ bhikkhave appatvā
lokassa antaṁ dukkhassantakiriyaṁ vadāmīti. Imassa khvāhaṁ āvuso
bhagavatā saṅkhittena uddesassa uddiṭṭhassa vitthārena atthaṁ
avibhattassa vitthārena atthaṁ ājānāmi. Yena kho āvuso lokasmiṁ
lokasaññī hoti lokamānī ayaṁ vuccati ariyassa vinaye loko.
Kenevāvuso 1 lokasmiṁ lokasaññī hoti lokamānī. Cakkhunā kho
āvuso lokasmiṁ lokasaññī hoti lokamānī. Sotena kho āvuso.
Ghānena kho āvuso. Jivhāya kho āvuso lokasmiṁ lokasaññī
hoti lokamānī. Kāyena kho āvuso. Manena kho āvuso
lokasmiṁ lokasaññī hoti lokamānī. Yena kho āvuso lokasmiṁ
1 Ma. Yu. kenacāvuso.
Lokasaññī hoti lokamānī ayaṁ vuccati ariyassa vinaye loko.
Yaṁ kho vo āvuso bhagavā saṅkhittena uddesaṁ uddisitvā vitthārena
atthaṁ avibhajitvā uṭṭhāyāsanā vihāraṁ paviṭṭho nāhaṁ bhikkhave
gamanena lokassa antaṁ ñāteyyaṁ diṭṭheyyaṁ patteyyanti vadāmi
na ca panāhaṁ bhikkhave appatvā lokassa antaṁ dukkhassantakiriyaṁ
vadāmīti. Imassa khvāhaṁ āvuso bhagavatā saṅkhittena uddesassa
uddiṭṭhassa vitthārena atthaṁ avibhattassa evaṁ vitthārena atthaṁ
ājānāmi. Ākaṅkhamānā ca pana tumhe āyasmanto bhagavantaññeva
upasaṅkamitvā etamatthaṁ paṭipuccheyyātha yathā vo bhagavā
byākaroti tathā naṁ dhāreyyāthāti.

[172] Evamāvusoti kho te bhikkhū āyasmato ānandassa
paṭissutvā uṭṭhāyāsanā yena bhagavā tenupasaṅkamiṁsu upasaṅkamitvā
bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho
te bhikkhū bhagavantaṁ etadavocuṁ yaṁ kho no 1 bhante bhagavā saṅkhittena
uddesaṁ uddisitvā vitthārena atthaṁ avibhajitvā uṭṭhāyāsanā
vihāraṁ paviṭṭho nāhaṁ bhikkhave gamanena lokassa antaṁ ñāteyyaṁ
diṭṭheyyaṁ 2 patteyyanti vadāmi na ca panāhaṁ bhikkhave appatvā
lokassa antaṁ dukkhassantakiriyaṁ vadāmīti. Tesaṁ no bhante
amhākaṁ acirapakkantassa bhagavato etadahosi idaṁ kho no āvuso
bhagavā saṅkhittena uddesaṁ uddisitvā vitthārena atthaṁ avibhajitvā
1 Yu. pana. 2 Ma. Yu. sabbatthu daṭṭheyyaṁ.
Uṭṭhāyāsanā vihāraṁ paviṭṭho nāhaṁ bhikkhave gamanena lokassa
antaṁ ñāteyyaṁ diṭṭheyyaṁ pagteyyanti vadāmi na ca panāhaṁ
bhikkhave appatvā lokassa antaṁ dukkhassantakiriyaṁ vadāmīti.
Ko nu kho imassa bhagavatā saṅkhittena uddesassa uddiṭṭhassa
vitthārena atthaṁ avibhattassa vitthārena atthaṁ vibhajeyyāti. Tesaṁ
no bhante amhākaṁ etadahosi ayaṁ kho āyasmā ānando
satthu ceva saṁvaṇṇito sambhāvito ca viññūnaṁ sabrahmacārīnaṁ
pahoti cāyasmā ānando imassa bhagavatā saṅkhittena uddesassa
uddiṭṭhassa vitthārena atthaṁ avibhattassa vitthārena atthaṁ vibhajituṁ
yannūna mayaṁ yenāyasmā ānando tenupasaṅkameyyāma upasaṅkamitvā
āyasmantaṁ ānandaṁ etamatthaṁ paṭipuccheyyāmāti. Atha kho mayaṁ
bhante yenāyasmā ānando tenupasaṅkamimhā 1 upasaṅkamitvā
āyasmantaṁ ānandaṁ etamatthaṁ paṭipucchimhā. Tesaṁ no bhante
āyasmatā ānandena imehi ākārehi imehi padehi imehi
byañjanehi attho vibhattoti. Paṇḍito bhikkhave ānando
mahāpañño bhikkhave ānando mañcepi tumhe bhikkhave etamatthaṁ
paṭipuccheyyātha ahampi taṁ evameva byākareyyaṁ yathā taṁ
ānandena byākataṁ eso ceva tassa attho evañca naṁ
dhāreyyāthāti. Tatiyaṁ.

[173] Pubbe me bhikkhave sambodhā anabhisambuddhassa
1 Ma. paṭipucchimha.
Bodhisattasseva sato etadahosi ye mayhaṁ pañca kāmaguṇā cetaso
samphuṭṭhapubbā atītā niruddhā vipariṇatā tatra me cittaṁ bahulaṁ
gacchamānaṁ gaccheyya paccuppannesu vā appaṁ vā anāgatesu.
Tassa mayhaṁ bhikkhave etadahosi ye mayhaṁ bhikkhave pañca kāmaguṇā
cetaso samphuṭṭhapubbā atītā niruddhā vipariṇatā tatra me
attarūpena appamādo saticetaso ārakkho karaṇīyo. Tasmā
tiha bhikkhave tumhākampi ye te pañca kāmaguṇā cetaso samphuṭṭhapubbā
atītā niruddhā vipariṇatā tatra vo cittaṁ bahulaṁ gacchamānaṁ
gaccheyya paccuppannesu vā appaṁ vā anāgatesu. Tasmā tiha
bhikkhave tumhākampi ye te 1 pañca kāmaguṇā cetaso samphuṭṭhapubbā
atītā niruddhā vipariṇatā tatra vo attarūpena 2 appamādo
saticetaso ārakkho karaṇīyoti 3 . Tasmā tiha bhikkhave se 4 āyatane
veditabbe. Yattha cakkhu 5 nirujjhati rūpasaññā ca virajjati se 4
āyatane veditabbe .pe. Yattha jivhā [6]- nirujjhati rasasaññā
ca virajjati .pe. Se 4 āyatane veditabbe. Yattha mano ca
nirujjhati dhammasaññā ca virajjati 7 se 4 āyatane veditabbeti.
Idaṁ vatvā bhagavā uṭṭhāyāsanā vihāraṁ pāvisi. Atha kho tesaṁ
bhikkhūnaṁ acirapakkantassa bhagavato etadahosi idaṁ kho no āvuso
bhagavā saṅkhittena uddesaṁ uddisitvā vitthārena atthaṁ avibhajitvā
uṭṭhāyāsanā vihāraṁ paviṭṭho tasmā tiha bhikkhave se 4 āyatane
1 Yu. vo. 2 Ma. Yu. attarūpehi. 3 Ma. Yu. itisaddo natthi. 4 Yu. ye.
evamuparipi. 5 Ma. cakkhu ca. Yu. cakkhuṁ ca. evamuparipi. 6 Ma. Yu. ca.
7 Ma. nirujjhati. evamuparipi.
Veditabbe yattha cakkhu ca nirujjhati rūpasaññā ca virajjati se
āyatane veditabbe .pe. Yattha jivhā ca nirujjhati rasasaññā ca
virajjati se āyatane veditabbe .pe. Yattha mano ca nirujjhati
dhammasaññā ca virajjati se āyatane veditabbeti. Ko nu kho
imassa bhagavatā saṅkhittena uddesassa uddiṭṭhassa vitthārena
atthaṁ avibhattassa vitthārena atthaṁ vibhajeyyāti. Atha kho tesaṁ
bhikkhūnaṁ etadahosi ayaṁ kho āyasmā ānando satthu ceva saṁvaṇṇito
sambhāvito ca viññūnaṁ sabrahmacārīnaṁ pahoti cāyasmā ānando
imassa bhagavatā saṅkhittena uddesassa uddiṭṭhassa vitthārena
atthaṁ avibhattassa vitthārena atthaṁ vibhajituṁ yannūna mayaṁ yenāyasmā
ānando tenupasaṅkameyyāma upasaṅkamitvā āyasmantaṁ ānandaṁ
etamatthaṁ paṭipuccheyyāmāti.

[174] Atha kho te bhikkhū yenāyasmā ānando tenupasaṅkamiṁsu
upasaṅkamitvā āyasmatā ānandena saddhiṁ sammodiṁsu sammodanīyaṁ
kathaṁ sārāṇīyaṁ vītisāretvā ekamantaṁ nisīdiṁsu. Ekamantaṁ nisinnā
kho te bhikkhū āyasmantaṁ ānandaṁ etadavocuṁ idaṁ kho no āvuso
ānanda bhagavā saṅkhittena uddesaṁ uddisitvā vitthārena atthaṁ
avibhajitvā uṭṭhāyāsanā vihāraṁ paviṭṭho tasmā tiha bhikkhave
se āyatane veditabbe yattha cakkhu ca nirujjhati rūpasaññā
ca virajjati 1 se āyatane veditabbe .pe. Yattha jivhā ca
1 Yu. nirujjhati. evamuparipi.
Nirujjhati rasasaññā ca virajjati se āyatane veditabbe .pe.
Yattha mano ca nirujjhati dhammasaññā ca virajjati se āyatane
veditabbeti. Tesaṁ no āvuso amhākaṁ acirapakkantassa bhagavato
etadahosi idaṁ kho no āvuso bhagavā saṅkhittena uddesaṁ
uddisitvā vitthārena atthaṁ avibhajitvā uṭṭhāyāsanā vihāraṁ paviṭṭho
tasmā tiha bhikkhave se āyatane veditabbe yattha cakkhu ca
nirujjhati rūpasaññā ca virajjati se āyatane veditabbe .pe.
Yattha jivhā ca nirujjhati rasasaññā ca virajjati se āyatane
veditabbe .pe. Yattha mano ca nirujjhati dhammasaññā ca
virajjati se āyatane veditabbeti. Ko nu kho imassa bhagavatā
saṅkhittena uddesassa uddiṭṭhassa vitthārena atthaṁ avibhattassa
vitthārena atthaṁ vibhajeyyāti. Tesaṁ no āvuso amhākaṁ etadahosi
ayaṁ kho āyasmā ānando satthu ceva saṁvaṇṇito sambhāvito
ca viññūnaṁ sabrahmacārīnaṁ pahoti cāyasmā ānando imassa
bhagavatā saṅkhittena uddesassa uddiṭṭhassa vitthārena atthaṁ
avibhattassa vitthārena atthaṁ vibhajituṁ yannūna mayaṁ yenāyasmā ānando
tenupasaṅkameyyāma upasaṅkamitvā āyasmantaṁ ānandaṁ etamatthaṁ
paṭipuccheyyāmāti. Vibhajatāyasmā ānandoti. Seyyathāpi nāma 1
āvuso puriso sāratthiko sāragavesī sārapariyesanaṁ caramāno mahato
rukkhassa .pe. Vibhajatāyasmā ānando agaruṁ karitvāti.
1 Ma. Yu. nāmasaddo natthi.

[175] Tenahāvuso 1 suṇātha sādhukaṁ manasikarotha bhāsissāmīti.
Evamāvusoti kho te bhikkhū āyasmato ānandassa paccassosuṁ.
Āyasmā ānando etadavoca yaṁ kho vo 2 āvuso bhagavā saṅkhittena
uddesaṁ uddisitvā vitthārena atthaṁ avibhajitvā uṭṭhāyāsanā
vihāraṁ paviṭṭho tasmā tiha bhikkhave se āyatane veditabbe
yattha cakkhu ca nirujjhati rūpasaññā ca virajjati se āyatane
veditabbe .pe. Yattha mano ca nirujjhati dhammasaññā ca
virajjati se āyatane veditabbeti. Imassa khvāhaṁ āvuso
bhagavatā saṅkhittena uddesassa uddiṭṭhassa vitthārena atthaṁ
avibhattassa vitthārena atthaṁ ājānāmi. Saḷāyatananirodhaṁ kho 3 etaṁ
āvuso bhagavatā sandhāya bhāsitaṁ tasmā tiha bhikkhave se āyatane
veditabbe yattha cakkhu ca nirujjhati rūpasaññā ca virajjati
se āyatane veditabbe .pe. Yattha mano ca nirujjhati
dhammasaññā ca virajjati se āyatane veditabbeti. Yaṁ kho āvuso
bhagavā saṅkhittena uddesaṁ uddisitvā vitthārena atthaṁ avibhajitvā
uṭṭhāyāsanā vihāraṁ paviṭṭho tasmā tiha bhikkhave se āyatane
veditabbe yattha cakkhu ca nirujjhati rūpasaññā ca virajjati se
āyatane veditabbe .pe. Yattha mano ca nirujjhati dhammasaññā
ca virajjati se āyatane veditabbeti. Imassa khvāhaṁ āvuso
bhagavatā saṅkhittena uddesassa uddiṭṭhassa vitthārena atthaṁ
1 Yu. tena āvuso. 2 Yu. ayaṁ pāṭho natthi. 3 Ma. no.
Avibhattassa evaṁ vitthārena atthaṁ ājānāmi. Ākaṅkhamānā ca
pana tumhe āyasmanto bhagavantaṁyeva upasaṅkamatha upasaṅkamitvā
etamatthaṁ paṭipuccheyyātha yathā vo bhagavā byākaroti tathā naṁ
dhāreyyāthāti.

[176] Evamāvusoti kho te bhikkhū āyasmato ānandassa
paṭissutvā uṭṭhāyāsanā yena bhagavā tenupasaṅkamiṁsu upasaṅkamitvā
bhagavantaṁ abhivādetvā ekamantaṁ nisīdiṁsu. Ekamantaṁ nisinnā kho
te bhikkhū bhagavantaṁ etadavocuṁ yaṁ kho no bhante bhagavā saṅkhittena
uddesaṁ uddisitvā vitthārena atthaṁ avibhajitvā uṭṭhāyāsanā
vihāraṁ paviṭṭho tasmā tiha bhikkhave se āyatane veditabbe yattha
cakkhu ca nirujjhati rūpasaññā ca virajjati se āyatane veditabbe
.pe. Yattha jivhā ca nirujjhati rasasaññā ca virajjati se
āyatane veditabbe .pe. Yattha mano ca nirujjhati dhammasaññā
ca virajjati se āyatane veditabbe. Tesaṁ no bhante amhākaṁ
acirapakkantassa bhagavato etadahosi idaṁ kho no āvuso
bhagavā saṅkhittena uddesaṁ uddisitvā vitthārena atthaṁ avibhajitvā
uṭṭhāyāsanā vihāraṁ paviṭṭho tasmā tiha bhikkhave se āyatane
veditabbe yattha cakkhu ca nirujjhati rūpasaññā ca virajjati se
āyatane veditabbe .pe. Yattha mano ca nirujjhati dhammasaññā
ca virajjati se āyatane veditabbe 1 . Ko nu kho imassa bhagavatā
1 Ma. Yu. itisaddo atthi.
Saṅkhittena uddesassa uddiṭṭhassa vitthārena atthaṁ avibhattassa
vitthārena atthaṁ vibhajeyyāti. Tesaṁ no bhante amhākaṁ etadahosi
ayaṁ kho āyasmā ānando satthu ceva saṁvaṇṇito sambhāvito ca
viññūnaṁ sabrahmacārīnaṁ pahoti cāyasmā ānando imassa bhagavatā
saṅkhittena uddesassa uddiṭṭhassa vitthārena atthaṁ avibhattassa
vitthārena atthaṁ vibhajituṁ yannūna mayaṁ yenāyasmā ānando
tenupasaṅkameyyāma upasaṅkamitvā āyasmantaṁ ānandaṁ etamatthaṁ
paṭipuccheyyāmāti. Atha kho mayaṁ bhante yenāyasmā ānando
tenupasaṅkamimhā 1 upasaṅkamitvā āyasmantaṁ ānandaṁ etamatthaṁ
paṭipucchimhā 2 . Tesaṁ no bhante āyasmatā ānandena imehi
ākārehi imehi liṅgehi 3 imehi byañjanehi attho vibhattoti.
Paṇḍito bhikkhave ānando mahāpañño bhikkhave ānando
mañcepi tumhe bhikkhave etamatthaṁ paṭipuccheyyātha ahampi taṁ
evameva byākareyyaṁ yathā 4 taṁ ānandena byākataṁ eso cevassa 5
attho evañca naṁ dhāreyyāthāti. Catutthaṁ.

[177] Ekaṁ samayaṁ bhagavā rājagahe viharati gijjhakūṭe pabbate.
Atha kho sakko devānamindo yena bhagavā tenupasaṅkami
upasaṅkamitvā bhagavantaṁ abhivādetvā ekamantaṁ aṭṭhāsi. Ekamantaṁ
ṭhito kho sakko devānamindo bhagavantaṁ etadavoca ko nu kho
1 Ma. Yu. tenupasaṅkamimha. 2 Ma. Yu. paṭipucchimha. 3 Sī. Ma. Yu. padehi.
4 Yu. yathāpi. 5 Sī. Ma. cevetassa. Yu. ceva tassa.
Bhante hetu ko paccayo yena midhekacce sattā diṭṭhe va dhamme
no parinibbāyanti. Ko pana bhante hetu ko paccayo yena
midhekacce sattā diṭṭhe va dhamme parinibbāyantīti.