[48] Sabbaṁ bhikkhave anattā.

[49] Sabbaṁ bhikkhave abhiññeyyaṁ.

[50] Sabbaṁ bhikkhave pariññeyyaṁ.

[51] Sabbaṁ bhikkhave pahātabbaṁ.

[52] Sabbaṁ bhikkhave sacchikātabbaṁ.

[53] Sabbaṁ bhikkhave abhiññā pariññeyyaṁ.

[54] Sabbaṁ bhikkhave upaddutaṁ.

[55] Sabbaṁ bhikkhave upassaṭṭhaṁ. Kiñca bhikkhave sabbaṁ 1 upassaṭṭhaṁ
cakkhuṁ bhikkhave upassaṭṭhaṁ rūpā upassaṭṭhā cakkhuviññāṇaṁ upassaṭṭhaṁ
cakkhusamphasso upassaṭṭho yampidaṁ cakkhusamphassapaccayā uppajjati
vedayitaṁ sukhaṁ vā dukkhaṁ vā adukkhamasukhaṁ vā tampi upassaṭṭhaṁ .pe.
Jivhā upassaṭṭhā rasā upassaṭṭhā jivhāviññāṇaṁ upassaṭṭhaṁ
jivhāsamphasso upassaṭṭho yampidaṁ jivhāsamphassapaccayā
uppajjati vedayitaṁ sukhaṁ vā dukkhaṁ vā adukkhamasukhaṁ vā tampi
upassaṭṭhaṁ. Mano upassaṭṭho dhammā upassaṭṭhā manoviññāṇaṁ
upassaṭṭhaṁ manosamphasso upassaṭṭho yampidaṁ manosamphassapaccayā
uppajjati vedayitaṁ sukhaṁ vā dukkhaṁ vā adukkhamasukhaṁ vā tampi
upassaṭṭhaṁ. Evaṁ passaṁ bhikkhave sutavā ariyasāvako cakkhusmiṁpi
nibbindati .pe. Nāparaṁ itthattāyāti pajānātīti.
Aniccavaggo pañcamo.
Tassuddānaṁ
aniccaṁ dukkhaṁ anattā ca 2 abhiññeyyaṁ pariññeyyaṁ
pahātabbaṁ sacchikātabbaṁ abhiññeyyaṁ 3 pariññeyyaṁ
upaddutaṁ upassaṭṭhaṁ vaggo tena pavuccatīti.
Saḷāyatanavagge paṇṇāsakaṁ paṭhamaṁ 4 .
1 Yu. ayaṁ pāṭho natthi. 2 Ma. Yu. casaddo natthi. 3 Yu. abhiññātaṁ.
4 Ma. Yu. paṇṇāsako paṭhamo.
Tassuddānaṁ
suddhavaggo yamako ca sabbavaggajarāni ca
aniccavaggo paññāsaṁ 1 pañcamo tena pavuccatīti.
--------------
1 Ma. aniccavaggaṁ yamakaṁ sabbaṁ vaggaṁ jātidhammaṁ
aniccavaggena paññāsaṁ ... ... ... ....
Yu. sutavaggaṁ ca no cetaṁ sabbaṁ vaggaṁ janāni ca.
... ... ... ... ... ... ... ....
Avijjāvaggo paṭhamo

[56] Sāvatthiyaṁ .pe. Atha kho aññataro bhikkhu yena bhagavā
tenupasaṅkami upasaṅkamitvā bhagavantaṁ abhivādetvā ekamantaṁ nisīdi.
Ekamantaṁ nisinno kho so bhikkhu bhagavantaṁ etadavoca kathaṁ nu kho
bhante jānato kathaṁ passato avijjā pahīyati vijjā uppajjatīti.
Cakkhuṁ kho bhikkhu aniccato jānato passato avijjā pahīyati
vijjā uppajjati rūpe aniccato jānato passato avijjā
pahīyati vijjā uppajjati cakkhuviññāṇaṁ cakkhusamphassaṁ yampidaṁ
cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ
vā tampi aniccato jānato passato avijjā pahīyati vijjā
uppajjati. Sotaṁ ghānaṁ jivhaṁ kāyaṁ manaṁ aniccato jānato
passato avijjā pahīyati vijjā uppajjati dhamme manoviññāṇaṁ
manosamphassaṁ yampidaṁ manosamphassapaccayā uppajjati vedayitaṁ sukhaṁ
vā dukkhaṁ adukkhamasukhaṁ vā tampi aniccato jānato passato
avijjā pahīyati vijjā uppajjati. Evaṁ kho bhikkhu jānato
evaṁ passato avijjā pahīyati vijjā uppajjatīti. Paṭhamaṁ.

[57] Kathaṁ nu kho bhante jānato kathaṁ passato saññojanā
pahīyantīti. Cakkhuṁ kho bhikkhave 1 aniccato jānato passato
saññojanā pahīyanti rūpe aniccato jānato passato saññojanā
1 Ma. Yu. bhikkhu. evamuparipi.
Pahīyanti cakkhuviññāṇaṁ aniccato jānato passato saññojanā
pahīyanti cakkhusamphassaṁ aniccato jānato passato saññojanā
pahīyanti .pe. Yampidaṁ manosamphassapaccayā uppajjati vedayitaṁ
sukhaṁ vā dukkhaṁ vā adukkhamasukhaṁ vā tampi aniccato jānato
passato saññojanā pahīyanti. Evaṁ kho bhikkhave 1 jānato evaṁ
passato saññojanā pahīyantīti. Dutiyaṁ.