[38] Saṅkhittaṁ sabbaṁ bhikkhave byādhidhammaṁ. Evaṁ passaṁ bhikkhave.

[39] Saṅkhittaṁ sabbaṁ bhikkhave maraṇadhammaṁ.

[40] Saṅkhittaṁ sabbaṁ bhikkhave sokadhammaṁ.

[41] Saṅkhittaṁ sabbaṁ bhikkhave saṅkilesadhammaṁ.
1 Ma. Yu. ayaṁ pāṭho natthi.

[42] Saṅkhittaṁ sabbaṁ bhikkhave khayadhammaṁ.

[43] Saṅkhittaṁ sabbaṁ bhikkhave vayadhammaṁ.

[44] Saṅkhittaṁ sabbaṁ bhikkhave samudayadhammaṁ.

[45] Saṅkhittaṁ sabbaṁ bhikkhave nirodhadhammaṁ. Kiñca bhikkhave sabbaṁ
nirodhadhammaṁ 1 cikkhuṁ bhikkhave nirodhadhammaṁ rūpā nirodhadhammā
cakkhuviññāṇaṁ nirodhadhammaṁ cakkhusamphasso nirodhadhammo yampidaṁ
cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā
tampi nirodhadhammaṁ .pe. Jivhā nirodhadhammā rasā nirodhadhammā
jivhāviññāṇaṁ nirodhadhammaṁ jivhāsamphasso nirodhadhammo yampidaṁ
jivhāsamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ
vā tampi nirodhadhammaṁ .pe. Mano nirodhadhammo dhammā
nirodhadhammā manoviññāṇaṁ nirodhadhammaṁ yampidaṁ manosamphassapaccayā
uppajjati vedayitaṁ sukhaṁ vā dukkhaṁ vā adukkhamasukhaṁ vā
tampi nirodhadhammaṁ. Evaṁ passaṁ bhikkhave sutavā ariyasāvako
cakkhusmiṁpi nibbindati .pe. Nāparaṁ itthattāyāti pajānātīti.
Jātidhammavaggo catuttho
tassuddānaṁ
jātijarābyādhimaraṇaṁ sokā ca saṅkilesā ca khayadhammañca
vayadhammañca samudayadhammaṁ nirodhadhammena te dasāti 2 .
1 Ma. Yu. kiñca bhikkhave .pe. itthattāyāti pajānātīti ime pāṭhā natthi.
2 Ma. jāti ... soko ca saṅkilesikaṁ khayavayasamudayaṁ ... ti. Yu. jāti ... soko ca
saṅkileso ca.
Aniccavaggo pañcamo

[46] Sāvatthiyaṁ. Tatra kho sabbaṁ bhikkhave aniccaṁ. Kiñca
bhikkhave sabbaṁ aniccaṁ cakkhuṁ bhikkhave aniccaṁ rūpā aniccā
cakkhuviññāṇaṁ aniccaṁ cakkhusamphasso anicco yampidaṁ
cakkhusamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā
tampi aniccaṁ .pe. Jivhā aniccā rasā aniccā jivhāviññāṇaṁ
aniccaṁ jivhāsamphasso anicco yampidaṁ jivhāsamphassapaccayā
uppajjati vedayitaṁ sukhaṁ vā dukkhaṁ vā adukkhamasukhaṁ
vā tampi aniccaṁ .pe. Mano anicco dhammā aniccā
manoviññāṇaṁ aniccaṁ manosamphasso anicco yampidaṁ
manosamphassapaccayā uppajjati vedayitaṁ sukhaṁ vā dukkhaṁ vā adukkhamasukhaṁ vā
tampi aniccaṁ. Evaṁ passaṁ bhikkhave sutavā ariyasāvako cakkhusmiṁpi
nibbindati .pe. Nāparaṁ itthattāyāti pajānātīti.

[47] Sabbaṁ bhikkhave dukkhaṁ.