[520] Ekaṁ samayaṁ bhagavā sāvatthiyaṁ viharati jetavane
anāthapiṇḍikassa ārāme. Atha kho aññataro bhikkhu yena bhagavā
tenupasaṅkami upasaṅkamitvā bhagavantaṁ abhivādetvā ekamantaṁ nisīdi.
Ekamantaṁ nisinno kho so bhikkhu bhagavantaṁ etadavoca ko nu
kho bhante hetu ko paccayo yena midhekacce aṇḍajā nāgā
uposathaṁ upavasanti vossaṭṭhakāyā 3 ca bhavantīti. Idha bhikkhu
1 Po. jalambujā. 2 Ma. Yu. opapātikā. 3 Yu. ossaṭṭhakāyā.
Ekaccānaṁ aṇḍajānaṁ nāgānaṁ evaṁ hoti mayaṁ kho pubbe kāyena
dvayakārino ahumha vācāya dvayakārino manasā dvayakārino te
mayaṁ kāyena dvayakārino vācāya dvayakārino manasā dvayakārino
kāyassa bhedā paraṁ maraṇā aṇḍajānaṁ nāgānaṁ sahabyataṁ upapannā
sacajja mayaṁ kāyena sucaritaṁ careyyāma 1 vācāya sucaritaṁ careyyāma
manasā sucaritaṁ careyyāma evaṁ mayaṁ [2]- kāyassa bhedā paraṁ maraṇā
sugatiṁ saggaṁ lokaṁ upapajjeyyāma handa mayaṁ etarahi kāyena
sucaritaṁ carāma vācāya sucaritaṁ carāma manasā sucaritaṁ carāmāti.
Ayaṁ kho bhikkhu hetu ayaṁ paccayo yena midhekacce aṇḍajā
nāgā uposathaṁ upavasanti vossaṭṭhakāyā ca bhavantīti.

[521] Sāvatthī. Atha kho aññataro bhikkhu yena bhagavā
.pe. Ekamantaṁ nisinno kho so bhikkhu bhagavantaṁ etadavoca
ko nu kho bhante hetu ko paccayo yena midhekacce jalābujā
nāgā uposathaṁ upavasanti vossaṭṭhakāyā ca bhavantīti. (sabbaṁ
vitthāretabbaṁ). Ayaṁ kho bhikkhu hetu ayaṁ paccayo yena
midhekacce jalābujā nāgā uposathaṁ upavasanti vossaṭṭhakāyā ca
bhavantīti.

[522] Sāvatthī. Ekamantaṁ nisinno kho so bhikkhu bhagavantaṁ
etadavoca ko nu kho bhante hetu ko paccayo yena midhekacce
saṁsedajā nāgā uposathaṁ upavasanti vossaṭṭhakāyā ca bhavantīti.
1 Po. sabbavāresu carāmāti dissati. 2 Po. khosaddo dissati.
(sabbaṁ vitthāretabbaṁ). Ayaṁ kho bhikkhu hetu ayaṁ paccayo
yena midhekacce saṁsedajā nāgā uposathaṁ upavasanti vossaṭṭhakāyā
ca bhavantīti.

[523] Sāvatthī. Ekamantaṁ nisinno kho so bhikkhu bhagavantaṁ
etadavoca ko nu kho bhante hetu ko paccayo yena midhekacce
upapātikā nāgā uposathaṁ upavasanti vossaṭṭhakāyā ca bhavantīti.
Idha bhikkhu ekaccānaṁ upapātikānaṁ nāgānaṁ evaṁ hoti mayaṁ kho
pubbe kāyena dvayakārino ahumha vācāya dvayakārino manasā
dvayakārino te mayaṁ kāyena dvayakārino vācāya dvayakārino
manasā dvayakārino kāyassa bhedā paraṁ maraṇā upapātikānaṁ
nāgānaṁ sahabyataṁ upapannā sacajja mayaṁ kāyena sucaritaṁ careyyāma
vācāya sucaritaṁ careyyāma manasā sucaritaṁ careyyāma evaṁ mayaṁ
kāyassa bhedā paraṁ maraṇā sugatiṁ saggaṁ lokaṁ upapajjeyyāma
handa mayaṁ etarahi kāyena sucaritaṁ carāma vācāya sucaritaṁ carāma
manasā sucaritaṁ carāmāti. Ayaṁ kho bhikkhu hetu ayaṁ paccayo
yena midhekacce upapātikā nāgā uposathaṁ upavasanti vossaṭṭhakāyā
ca bhavantīti.

[524] Sāvatthī. Ekamantaṁ nisinno kho so bhikkhu bhagavantaṁ
etadavoca ko nu kho bhante hetu ko paccayo yena midhekacco
kāyassa bhedā paraṁ maraṇā aṇḍajānaṁ nāgānaṁ sahabyataṁ
Upapajjatīti. Idha bhikkhu ekacco kāyena dvayakārī hoti vācāya
dvayakārī manasā dvayakārī tassa sutaṁ hoti aṇḍajā nāgā
dīghāyukā vaṇṇavanto sukhabahulāti. Tassa evaṁ hoti aho
vatāhaṁ kāyassa bhedā paraṁ maraṇā aṇḍajānaṁ nāgānaṁ sahabyataṁ
upapajjeyyanti. So kāyassa bhedā paraṁ maraṇā aṇḍajānaṁ
nāgānaṁ sahabyataṁ upapajjati. Ayaṁ kho bhikkhu hetu ayaṁ paccayo
yena midhekacco kāyassa bhedā paraṁ maraṇā aṇḍajānaṁ nāgānaṁ
sahabyataṁ upapajjatīti.

[525] Sāvatthī. Ekamantaṁ nisinno kho so bhikkhu bhagavantaṁ
etadavoca ko nu kho bhante hetu ko paccayo yena midhekacco
kāyassa bhedā paraṁ maraṇā jalābujānaṁ nāgānaṁ sahabyataṁ
upapajjatīti .pe. Ayaṁ kho bhikkhu hetu ayaṁ paccayo yena midhekacco
kāyassa bhedā paraṁ maraṇā jalābujānaṁ nāgānaṁ sahabyataṁ upapajjatīti.

[526] Sāvatthī. Ekamantaṁ nisinno kho so bhikkhu bhagavantaṁ
etadavoca ko nu kho bhante hetu ko paccayo yena midhekacco
kāyassa bhedā paraṁ maraṇā saṁsedajānaṁ nāgānaṁ sahabyataṁ upapajjatīti
.pe. Ayaṁ kho bhikkhu hetu ayaṁ paccayo yena midhekacco
kāyassa bhedā paraṁ maraṇā saṁsedajānaṁ nāgānaṁ sahabyataṁ upapajjatīti.

[527] Sāvatthī. Ekamantaṁ nisinno kho so bhikkhu bhagavantaṁ
etadavoca ko nu kho bhante hetu ko paccayo yena midhekacco
Kāyassa bhedā paraṁ maraṇā upapātikānaṁ nāgānaṁ sahabyataṁ
upapajjatīti. Idha bhikkhu ekacco kāyena dvayakārī hoti vācāya
dvayakārī manasā dvayakārī tassa sutaṁ hoti upapātikā nāgā
dīghāyukā vaṇṇavanto sukhabahulāti. Tassa evaṁ hoti aho
vatāhaṁ kāyassa bhedā paraṁ maraṇā upapātikānaṁ nāgānaṁ sahabyataṁ
upapajjeyyanti. So kāyassa bhedā paraṁ maraṇā upapātikānaṁ
nāgānaṁ sahabyataṁ upapajjati. Ayaṁ kho bhikkhu hetu ayaṁ paccayo
yena midhekacco kāyassa bhedā paraṁ maraṇā upapātikānaṁ nāgānaṁ
sahabyataṁ upapajjatīti.

[528] Sāvatthī. Ekamantaṁ nisinno kho so bhikkhu bhagavantaṁ
etadavoca ko nu kho bhante hetu ko paccayo yena midhekacco
kāyassa bhedā paraṁ maraṇā aṇḍajānaṁ nāgānaṁ sahabyataṁ
upapajjatīti. Idha bhikkhu ekacco kāyena dvayakārī hoti vācāya
dvayakārī manasā dvayakārī tassa sutaṁ hoti aṇḍajā nāgā
dīghāyukā vaṇṇavanto sukhabahulāti. Tassa evaṁ hoti aho
vatāhaṁ kāyassa bhedā paraṁ maraṇā aṇḍajānaṁ nāgānaṁ sahabyataṁ
upapajjeyyanti. So annaṁ deti pānaṁ deti vatthaṁ deti yānaṁ
deti mālaṁ deti gandhaṁ deti vilepanaṁ deti seyyaṁ deti āvasathaṁ
deti padīpeyyaṁ deti. So kāyassa bhedā paraṁ maraṇā aṇḍajānaṁ
nāgānaṁ sahabyataṁ upapajjati. Ayaṁ kho bhikkhu hetu ayaṁ paccayo
Yena midhekacco kāyassa bhedā paraṁ maraṇā aṇḍajānaṁ nāgānaṁ
sahabyataṁ upapajjatīti.

[529] Sāvatthī. Ekamantaṁ nisinno kho so bhikkhu bhagavantaṁ
etadavoca ko nu kho bhante hetu ko paccayo yena midhekacco
kāyassa bhedā paraṁ maraṇā jalābujānaṁ nāgānaṁ .pe. Saṁsedajānaṁ
nāgānaṁ. Upapātikānaṁ nāgānaṁ sahabyataṁ upapajjatīti. Idha bhikkhu
ekacco kāyena dvayakārī hoti vācāya dvayakārī manasā dvayakārī
tassa sutaṁ hoti upapātikā nāgā dīghāyukā vaṇṇavanto
sukhabahulāti. Tassa evaṁ hoti aho vatāhaṁ kāyassa bhedā paraṁ
maraṇā upapātikānaṁ nāgānaṁ sahabyataṁ upapajjeyyanti. So
annaṁ deti pānaṁ deti vatthaṁ deti yānaṁ deti mālaṁ deti
gandhaṁ deti vilepanaṁ deti seyyaṁ deti āvasathaṁ deti padīpeyyaṁ
deti. So kāyassa bhedā paraṁ maraṇā upapātikānaṁ nāgānaṁ
sahabyataṁ upapajjati. Ayaṁ kho bhikkhu hetu ayaṁ paccayo yena
midhekacco kāyassa bhedā paraṁ maraṇā upapātikānaṁ nāgānaṁ
sahabyataṁ upapajjatīti. (iminā peyyālena saha dasa suttantā
vitthārā catūsu yonīsu cattāḷīsaṁ veyyākaraṇā kātabbā dasa
suttantā honti paṇṇāsaṁ suttantā honti).
Nāgasaṁyuttaṁ.
Tassuddānaṁ
suddhakañca 1 paṇītataraṁ caturo ca uposathā
tassa sutaṁ caturo ca dānūpakārā 2 caturo
nāgehi suppakāsitāti.
---------
1 Yu. suddhikaṁ. 2 Ma. dānupakārā ca sāvatthiyaṁ.
Supaṇṇasaṁyuttaṁ