[540] Sāvatthī. Ekamantaṁ nisinno kho so bhikkhu bhagavantaṁ
etadavoca ko nu kho bhante hetu ko paccayo yena midhekacco
kāyassa bhedā paraṁ maraṇā mūlagandhe adhivatthānaṁ devānaṁ sahabyataṁ
upapajjatīti. Idha bhikkhu ekacco kāyena sucaritaṁ carati vācāya
sucaritaṁ carati manasā sucaritaṁ carati tassa sutaṁ hoti mūlagandhe
adhivatthā devā dīghāyukā vaṇṇavanto sukhabahulāti. Tassa evaṁ
hoti aho vatāhaṁ kāyassa bhedā paraṁ maraṇā mūlagandhe
adhivatthānaṁ devānaṁ sahabyataṁ upapajjeyyanti. So annaṁ deti pānaṁ
deti vatthaṁ deti yānaṁ deti mālaṁ deti gandhaṁ deti vilepanaṁ deti
seyyaṁ deti āvasathaṁ deti padīpeyyaṁ deti. So kāyassa bhedā
paraṁ maraṇā mūlagandhe adhivatthānaṁ devānaṁ sahabyataṁ upapajjati.
Ayaṁ kho bhikkhu hetu ayaṁ paccayo yena midhekacco kāyassa bhedā
paraṁ maraṇā mūlagandhe adhivatthānaṁ devānaṁ sahabyataṁ upapajjatīti.

[541] Sāvatthī. Ekamantaṁ nisinno kho so bhikkhu bhagavantaṁ
etadavoca ko nu kho bhante hetu ko paccayo yena
midhekacco kāyassa bhedā paraṁ maraṇā sāragandhe adhivatthānaṁ devānaṁ
.pe. Pheggugandhe adhivatthānaṁ devānaṁ. Tacagandhe adhivatthānaṁ
Devānaṁ. Papaṭikagandhe adhivatthānaṁ devānaṁ. Pattagandhe
adhivatthānaṁ devānaṁ. Pupphagandhe adhivatthānaṁ devānaṁ. Phalagandhe
adhivatthānaṁ devānaṁ. Rasagandhe adhivatthānaṁ devānaṁ. Gandhagandhe
adhivatthānaṁ devānaṁ sahabyataṁ upapajjatīti. Idha bhikkhu ekacco
kāyena sucaritaṁ carati vācāya sucaritaṁ carati manasā sucaritaṁ carati
tassa sutaṁ hoti gandhagandhe adhivatthā devā dīghāyukā vaṇṇavanto
sukhabahulāti. Tassa evaṁ hoti aho vatāhaṁ kāyassa
bhedā paraṁ maraṇā gandhagandhe adhivatthānaṁ devānaṁ sahabyataṁ
upapajjeyyanti. So annaṁ deti pānaṁ deti vatthaṁ deti yānaṁ
deti mālaṁ deti gandhaṁ deti vilepanaṁ deti seyyaṁ deti āvasathaṁ
deti padīpeyyaṁ deti. So kāyassa bhedā paraṁ maraṇā gandhagandhe
adhivatthānaṁ devānaṁ sahabyataṁ upapajjati. Ayaṁ kho bhikkhu hetu
ayaṁ paccayo yena midhekacco kāyassa bhedā paraṁ maraṇā gandhagandhe
adhivatthānaṁ devānaṁ sahabyataṁ upapajjatīti. (evaṁ ekapiṇḍikena
ekasatañca dvādasa ca suttantā bhavanti).
Gandhabbakāyasaṁyuttaṁ niṭṭhitaṁ.
Tassuddānaṁ
suddhakaṁ ca sucaritaṁ 1 dātā hi apare tayo 2
dānūpakārā dasadhā 3 gandhabbā suppakāsitāti.
------------
1 Po. suddhakaṁ ca sucaritaṁ ca. 2 Ma. Yu. dasa.. 3 Ma. satamā.
Valāhakasaṁyuttaṁ

[542] Sāvatthī. Valāhakakāyike deve vo bhikkhave desissāmi 1
taṁ suṇātha .pe. Katame ca bhikkhave valāhakakāyikā devā. Santi
bhikkhave sītavalāhakā devā santi bhikkhave uṇhavalāhakā devā
santi bhikkhave abbhavalāhakā devā santi bhikkhave vātavalāhakā
devā santi bhikkhave vassavalāhakā devā. Ime vuccanti
bhikkhave valāhakakāyikā devāti.

[543] Sāvatthī. Atha kho aññataro bhikkhu yena bhagavā
tenupasaṅkami upasaṅkamitvā bhagavantaṁ abhivādetvā ekamantaṁ nisīdi.
Ekamantaṁ nisinno kho so bhikkhu bhagavantaṁ etadavoca ko nu
kho bhante hetu ko paccayo yena midhekacco kāyassa bhedā
paraṁ maraṇā valāhakakāyikānaṁ devānaṁ sahabyataṁ upapajjatīti. Idha
bhikkhu ekacco kāyena sucaritaṁ carati vācāya sucaritaṁ carati manasā
sucaritaṁ carati tassa sutaṁ hoti valāhakakāyikā devā dīghāyukā
vaṇṇavanto sukhabahulāti. Tassa evaṁ hoti aho vatāhaṁ
kāyassa bhedā paraṁ maraṇā valāhakakāyikānaṁ devānaṁ sahabyataṁ
upapajjeyyanti. So annaṁ deti pānaṁ deti vatthaṁ deti yānaṁ
deti mālaṁ deti gandhaṁ deti vilepanaṁ deti seyyaṁ deti āvasathaṁ
deti padīpeyyaṁ deti. So kāyassa bhedā paraṁ maraṇā valāhakakāyikānaṁ
1 Ma. vo bhikkhave deve desessāmi.
Devānaṁ sahabyataṁ upapajjati. Ayaṁ kho bhikkhu hetu ayaṁ
paccayo yena midhekacco kāyassa bhedā paraṁ maraṇā valāhakakāyikānaṁ
devānaṁ sahabyataṁ upapajjatīti.

[544] Sāvatthī. Ekamantaṁ nisinno kho so bhikkhu bhagavantaṁ
etadavoca ko nu kho bhante hetu ko paccayo yena midhekacco
kāyassa bhedā paraṁ maraṇā sītavalāhakānaṁ devānaṁ sahabyataṁ
upapajjatīti. Idha bhikkhu ekacco kāyena sucaritaṁ carati vācāya
sucaritaṁ carati manasā sucaritaṁ carati tassa sutaṁ hoti sītavalāhakā
devā dīghāyukā vaṇṇavanto sukhabahulāti. Tassa evaṁ hoti aho
vatāhaṁ kāyassa bhedā paraṁ maraṇā sītavalāhakānaṁ devānaṁ sahabyataṁ
upapajjeyyanti. So annaṁ deti pānaṁ deti vatthaṁ deti yānaṁ
deti mālaṁ deti gandhaṁ deti vilepanaṁ deti seyyaṁ deti āvasathaṁ
deti padīpeyyaṁ deti. So kāyassa bhedā paraṁ maraṇā sītavalāhakānaṁ
devānaṁ sahabyataṁ upapajjati. Ayaṁ kho bhikkhu hetu ayaṁ paccayo
yena midhekacco kāyassa bhedā paraṁ maraṇā sītavalāhakānaṁ devānaṁ
sahabyataṁ upapajjatīti.

[545] Sāvatthī. Ekamantaṁ nisinno kho so bhikkhu bhagavantaṁ
etadavoca ko nu kho bhante hetu ko paccayo yena midhekacco
kāyassa bhedā paraṁ maraṇā uṇhavalāhakānaṁ devānaṁ sahabyataṁ
upapajjatīti.

[546] Abbhavalāhakānaṁ devānaṁ sahabyataṁ upapajjatīti.

[547] Vātavalāhakānaṁ devānaṁ sahabyataṁ upapajjatīti.

[548] Vassavalāhakānaṁ devānaṁ sahabyataṁ upapajjatīti. Idha
bhikkhu ekacco kāyena sucaritaṁ carati vācāya sucaritaṁ carati manasā
sucaritaṁ carati tassa sutaṁ hoti vassavalāhakā devā dīghāyukā
vaṇṇavanto sukhabahulāti. Tassa evaṁ hoti aho vatāhaṁ kāyassa
bhedā paraṁ maraṇā vassavalāhakānaṁ devānaṁ sahabyataṁ upapajjeyyanti.
So annaṁ deti pānaṁ deti vatthaṁ deti yānaṁ deti mālaṁ deti
gandhaṁ deti vilepanaṁ deti seyyaṁ deti āvasathaṁ deti padīpeyyaṁ
deti. So kāyassa bhedā paraṁ maraṇā vassavalāhakānaṁ devānaṁ
sahabyataṁ upapajjati. Ayaṁ kho bhikkhu hetu ayaṁ paccayo yena
midhekacco kāyassa bhedā paraṁ maraṇā vassavalāhakānaṁ devānaṁ
sahabyataṁ upapajjatīti.

[549] Sāvatthī. Ekamantaṁ nisinno kho so bhikkhu bhagavantaṁ
etadavoca ko nu kho bhante hetu ko paccayo yenekadā
sītaṁ hotīti. Santi bhikkhu sītavalāhakā nāma devā tesaṁ yadā
evaṁ hoti yannūna mayaṁ sakāya ratiyā rameyyāmāti 1 tesantaṁ
cetopaṇidhimanvāya sītaṁ hoti. Ayaṁ kho bhikkhu hetu ayaṁ paccayo
yenekadā sītaṁ hotīti.
1 Ma. sabbasuttesu vaseyyāmāti pāṭho dissati.