[171] Atha kho aññataro bhikkhu acirapakkantassa bhagavato
yenāyasmā ānando tenupasaṅkami upasaṅkamitvā āyasmantaṁ
ānandaṁ etadavoca ehāvuso 1 ānanda bhagavā sāmaṁ senāsanaṁ
saṁsāmetvā pattacīvaramādāya anāmantetvā upaṭṭhāke anapaloketvā
bhikkhusaṅghaṁ eko adutiyo cārikaṁ pakkantoti. Yasmiṁ āvuso
samaye bhagavā sāmaṁ senāsanaṁ saṁsāmetvā pattacīvaramādāya
anāmantetvā upaṭṭhāke anapaloketvā bhikkhusaṅghaṁ eko adutiyo
cārikaṁ pakkamati 2 ekova bhagavā tasmiṁ samaye viharitukāmo hoti
na bhagavā tasmiṁ samaye kenaci anubandhitabbo hotīti.

[172] Atha kho bhagavā anupubbena cārikaṁ caramāno yena
pālileyyakaṁ 3 tadavasari. Tatra sudaṁ bhagavā pālileyyake viharati
bhaddasālamūle. Atha kho sambahulā bhikkhū yenāyasmā ānando
tenupasaṅkamiṁsu upasaṅkamitvā āyasmatā ānandena saddhiṁ sammodiṁsu
sammodanīyaṁ kathaṁ sārāṇīyaṁ vītisāretvā ekamantaṁ nisīdiṁsu. Ekamantaṁ
nisinnā kho te bhikkhū āyasmantaṁ ānandaṁ etadavocuṁ cirassutā 4
1 Ma. Yu. esāvuso. 2 Yu. pakkāmi. 3 Sī. pārileyyakaṁ.
4 Ma. cirassaṁ sutā.
Kho no āvuso ānanda bhagavato sammukhā dhammī kathā icchāma
mayaṁ āvuso ānanda bhagavato sammukhā dhammiṁ kathaṁ sotunti. Atha kho
āyasmā ānando tehi bhikkhūhi saddhiṁ yena pālileyyakaṁ bhaddasālamūlaṁ
yena bhagavā tenupasaṅkami upasaṅkamitvā bhagavantaṁ abhivādetvā
ekamantaṁ nisīdi. Ekamantaṁ nisinne kho te bhikkhū bhagavā dhammiyā
kathāya sandassesi samādapesi samuttejesi sampahaṁsesi.

[173] Tena kho pana samayena aññatarassa bhikkhuno evañcetaso
parivitakko udapādi kathaṁ nu kho jānato kathaṁ passato
anantarā āsavānaṁ khayo hotīti. Atha kho bhagavā tassa bhikkhuno
cetasā cetoparivivitakkamaññāya bhikkhū 1 āmantesi vicayaso desito
bhikkhave mayā dhammo vicayaso desitā cattāro satipaṭṭhānā
vicayaso desitā cattāro sammappadhānā vicayaso desitā cattāro
iddhipādā vicayaso desitāni pañcindriyāni vicayaso desitāni
pañca balāni vicayaso desitā satta bojjhaṅgā vicayaso desito
ariyo aṭṭhaṅgiko maggo. Evaṁ vicayaso [2]- desito bhikkhave mayā
dhammo evaṁ vicayaso desito 3 kho bhikkhave mayā dhammo. Atha
ca panidhekaccassa bhikkhuno evaṁ cetaso parivitakko udapādi kathaṁ
nu kho jānato kathaṁ passato anantarā āsavānaṁ khayo hotīti.

[174] Kathañca bhikkhave jānato kathaṁ passato anantarā āsavānaṁ
khayo hoti. Idha bhikkhave assutavā puthujjano ariyānaṁ adassāvī
1 Po. bhikkhuṁ. 2 Yu. khosaddo dissati. 3 Ma. Yu. desite- dhamme.
Ariyadhammassa akovido ariyadhamme avinīto sappurisānaṁ adassāvī
.pe. Sappurisadhamme avinīto rūpaṁ attato samanupassati. Yā
kho pana sā bhikkhave samanupassanā saṅkhāro so. So pana
saṅkhāro kiṁnidāno kiṁsamudayo kiṁjātiko kiṁpabhavo 1 . Avijjāsamphassajena
bhikkhave vedayitena phuṭṭhassa assutavato puthujjanassa uppannā taṇhā
tatojo so saṅkhāro. Iti kho bhikkhave sopi [2]- saṅkhāro anicco
saṅkhato paṭiccasamuppanno sāpi taṇhā aniccā saṅkhatā paṭiccasamuppannā
sāpi vedanā. Sopi phasso. Sāpi avijjā aniccā
saṅkhatā paṭiccasamuppannā. Evaṁpi kho bhikkhave jānato evaṁ
passato anantarā āsavānaṁ khayo hoti.

[175] Na heva kho 3 rūpaṁ attato samanupassati apica kho
rūpavantaṁ attānaṁ samanupassati. Yā kho pana sā bhikkhave samanupassanā
saṅkhāro so. So pana saṅkhāro kiṁnidāno kiṁsamudayo kiṁjātiko
kiṁpabhavo. Avijjāsamphassajena bhikkhave vedayitena phuṭṭhassa assutavato
puthujjanassa uppannā taṇhā tatojo so saṅkhāro. Iti kho
bhikkhave sopi saṅkhāro anicco saṅkhato paṭiccasamuppanno sāpi
taṇhā. Sāpi vedanā. Sopi phasso. Sāpi avijjā aniccā
saṅkhatā paṭiccasamuppannā. Evaṁpi kho bhikkhave jānato evaṁ
passato anantarā āsavānaṁ khayo hoti.

[176] Na heva kho rūpaṁ attato samanupassati na rūpavantaṁ
1 Yu. kiṁpabhavoti. 2 Yu. khosaddo dissati. 3 Po. na so ca kho.
Attānaṁ samanupassati apica kho attani rūpaṁ samanupassati. Yā
kho pana sā bhikkhave samanupassanā saṅkhāro so. So pana saṅkhāro
kiṁnidāno kiṁsamudayo kiṁjātiko kiṁpabhavo. Avijjāsamphassajena bhikkhave
vedayitena phuṭṭhassa assutavato puthujjanassa uppannā taṇhā tatojo
so saṅkhāro. Iti kho bhikkhave sopi saṅkhāro anicco saṅkhato
paṭiccasamuppanno sāpi taṇhā. Sāpi vedanā. Sopi phasso.
Sāpi avijjā aniccā saṅkhatā paṭiccasamuppannā. Evaṁpi kho
bhikkhave jānato evaṁ passato anantarā āsavānaṁ khayo hoti.

[177] Na heva kho rūpaṁ attato samanupassati na rūpavantaṁ
attānaṁ samanupassati na attani rūpaṁ samanupassati apica kho rūpasmiṁ
attānaṁ samanupassati. Yā kho pana sā bhikkhave samanupassanā
saṅkhāro so. So pana saṅkhāro kiṁnidāno kiṁsamudayo kiṁjātiko
kiṁpabhavo. Avijjāsamphassajena bhikkhave vedayitena phuṭṭhassa assutavato
puthujjanassa uppannā taṇhā tatojo so saṅkhāro. Iti kho
bhikkhave sopi saṅkhāro anicco saṅkhato paṭiccasamuppanno sāpi
taṇhā. Sāpi vedanā. Sopi phasso. Sāpi avijjā
aniccā saṅkhatā paṭiccasamuppannā. Evaṁpi kho bhikkhave jānato
evaṁ passato anantarā āsavānaṁ khayo hoti.

[178] Na heva kho rūpaṁ attato samanupassati na rūpavantaṁ
attānaṁ na attani rūpaṁ na rūpasmiṁ attānaṁ samanupassati apica
Kho vedanaṁ attato samanupassati. Apica kho vedanāvantaṁ attānaṁ
samanupassati. Apica kho attani vedanaṁ samanupassati. Apica
kho vedanāya attānaṁ samanupassati. Apica kho saññaṁ attato.
Apica kho saṅkhāre attato samanupassati. Apica kho saṅkhāravantaṁ
attānaṁ samanupassati. Apica kho attani saṅkhāre samanupassati.
Apica kho saṅkhāresu attānaṁ samanupassati. Apica kho viññāṇaṁ
attato samanupassati. Apica kho viññāṇavantaṁ attānaṁ.
Apica kho attani viññāṇaṁ. Apica kho viññāṇasmiṁ attānaṁ
samanupassati. Yā kho pana sā bhikkhave samanupassanā saṅkhāro
so. So pana saṅkhāro kiṁnidāno .pe. Kiṁpabhavo. Avijjāsamphassajena
bhikkhave vedayitena phuṭṭhassa assutavato puthujjanassa
uppannā taṇhā tatojo so saṅkhāro. Iti kho bhikkhave
sopi saṅkhāro anicco saṅkhato paṭiccasamuppanno. Sāpi
taṇhā. Sāpi vedanā. Sopi phasso. Sāpi avijjā
aniccā saṅkhatā paṭiccasamuppannā. Evaṁpi kho bhikkhave jānato
evaṁ passato anantarā āsavānaṁ khayo hoti.

[179] Na heva kho rūpaṁ attato samanupassati. Na vedanaṁ.
Na saññaṁ. Na saṅkhāre. Na viññāṇaṁ attato samanupassati
apica kho evaṁdiṭṭhī hoti so attā so loko so pecca
bhavissāmi nicco dhuvo sassato avipariṇāmadhammoti. Yā kho
Pana sā bhikkhave sassatadiṭṭhi saṅkhāro so. So pana saṅkhāro
kiṁnidāno .pe. Evaṁpi kho bhikkhave jānato evaṁ passato
anantarā āsavānaṁ khayo hoti.

[180] Na heva kho rūpaṁ attato samanupassati. Na vedanaṁ. Na
saññaṁ. Na saṅkhāre. Na viññāṇaṁ attato samanupassati
nāpi evaṁdiṭṭhī hoti so attā so loko so pecca
bhavissāmi nicco dhuvo sassato avipariṇāmadhammoti apica kho
evaṁdiṭṭhī hoti no cassaṁ no ca me siyā na bhavissāmi 1
na me bhavissatīti 2 . Yā kho pana sā bhikkhave ucchedadiṭṭhi
saṅkhāro so. So pana saṅkhāro kiṁnidāno kiṁsamudayo kiṁjātiko
kiṁpabhavo. Avijjāsamphassajena bhikkhave vedayitena phuṭṭhassa assutavato
puthujjanassa uppannā taṇhā tatojo so saṅkhāro. Iti
kho bhikkhave sopi saṅkhāro anicco .pe. Evaṁpi kho bhikkhave
jānato evaṁ passato anantarā āsavānaṁ khayo hoti.