[141] Sāvatthī. Tatra kho. Ekamantaṁ nisinno kho so bhikkhu
bhagavantaṁ etadavoca sādhu me bhante bhagavā saṅkhittena .pe.
Pahitatto vihareyyanti. Abhinandamāno kho bhikkhu bandho mārassa
anabhinandamāno mutto pāpimatoti. Aññātaṁ bhagavā aññātaṁ
sugatāti. Yathākathaṁ pana tvaṁ bhikkhu mayā saṅkhittena bhāsitassa
vitthārena atthaṁ ājānāsīti. Rūpaṁ kho [1]- bhante abhinandamāno
bandho mārassa anabhinandamāno mutto pāpimato. Vedanaṁ.
Saññaṁ. Saṅkhāre. Viññāṇaṁ abhinandamāno bandho mārassa
anabhinandamāno mutto pāpimato. Imassa khvāhaṁ bhante bhagavatā
saṅkhittena bhāsitassa evaṁ vitthārena atthaṁ ājānāmīti. Sādhu
sādhu bhikkhu sādhu kho tvaṁ bhikkhu mayā saṅkhittena bhāsitassa
vitthārena atthaṁ ājānāsi. Rūpaṁ kho bhikkhu abhinandamāno bandho
mārassa anabhinandamāno mutto pāpimato. Vedanaṁ. Saññaṁ.
1 Yu. etthantare panasaddo dissati.
Saṅkhāre. Viññāṇaṁ abhinandamāno bandho mārassa anabhinandamāno
mutto pāpimato. Imassa kho bhikkhu mayā saṅkhittena bhāsitassa
evaṁ vitthārena attho daṭṭhabboti .pe. Aññataro ca pana
so bhikkhu arahataṁ ahosīti.

[142] Sāvatthiyaṁ. Ārāme. Ekamantaṁ nisinno kho so
bhikkhu bhagavantaṁ etadavoca sādhu me bhante bhagavā saṅkhittena
dhammaṁ desetu .pe. Vihareyyanti. Yaṁ kho bhikkhu aniccaṁ tatra
te 1 chando pahātabboti. Aññātaṁ bhagavā aññātaṁ sugatāti.
Yathākathaṁ pana tvaṁ bhikkhu mayā saṅkhittena bhāsitassa vitthārena
atthaṁ ājānāsīti. Rūpaṁ kho bhante aniccaṁ tatra me chando
pahātabbo. Vedanā. Saññā. Saṅkhārā. Viññāṇaṁ aniccaṁ
tatra [2]- me chando pahātabbo. Imassa khvāhaṁ bhante bhagavatā
saṅkhittena bhāsitassa evaṁ vitthārena atthaṁ ājānāmīti. Sādhu
sādhu bhikkhu sādhu kho tvaṁ bhikkhu mayā saṅkhittena bhāsitassa
vitthārena atthaṁ ājānāsi. Rūpaṁ kho bhikkhu aniccaṁ tatra te [3]-
chando pahātabbo. Vedanā. Saññā. Saṅkhārā. Viññāṇaṁ
aniccaṁ tatra te chando pahātabbo. Imassa kho bhikkhu mayā
saṅkhittena bhāsitassa evaṁ vitthārena attho daṭṭhabboti .pe.
Aññataro ca pana so bhikkhu arahataṁ ahosīti.

[143] Sāvatthī. Ekamantaṁ nisinno kho so bhikkhu bhagavantaṁ
1 Po. vo.. 2 Po. etthantare casaddo dissati.
3 Yu. etthantare khosaddo dissati.
Etadavoca sādhu me bhante bhagavā saṅkhittena dhammaṁ desetu
.pe. Vihareyyanti. Yaṁ kho bhikkhu dukkhaṁ tatra te chando
pahātabboti. Aññātaṁ bhagavā aññātaṁ sugatāti. Yathākathaṁ pana
tvaṁ bhikkhu mayā saṅkhittena bhāsitassa vitthārena atthaṁ
ājānāsīti. Rūpaṁ kho bhante dukkhaṁ tatra me chando pahātabbo.
Vedanā. Saññā. Saṅkhārā. Viññāṇaṁ dukkhaṁ tatra me
chando pahātabbo. Imassa khvāhaṁ bhante bhagavatā saṅkhittena
bhāsitassa evaṁ vitthārena atthaṁ ājānāmīti. Sādhu sādhu bhikkhu
sādhu kho tvaṁ bhikkhu mayā saṅkhittena bhāsitassa vitthārena atthaṁ
ājānāsi. Rūpaṁ kho bhikkhu dukkhaṁ tatra te chando pahātabbo.
Vedanā. Saññā. Saṅkhārā. Viññāṇaṁ dukkhaṁ tatra te
chando pahātabbo. Imassa kho bhikkhu mayā saṅkhittena bhāsitassa
evaṁ vitthārena attho daṭṭhabboti .pe. Aññataro ca pana
so bhikkhu arahataṁ ahosīti.

[144] Sāvatthiyaṁ. Ārāme. Ekamantaṁ nisinno kho so
bhikkhu bhagavantaṁ etadavoca sādhu me bhante bhagavā saṅkhittena
dhammaṁ desetu .pe. Vihareyyanti. Yo kho bhikkhu anattā
tatra te chando pahātabboti. Aññātaṁ bhagavā aññātaṁ
sugatāti. Yathākathaṁ pana tvaṁ bhikkhu mayā saṅkhittena bhāsitassa
vitthārena atthaṁ ājānāsīti. Rūpaṁ kho bhante anattā tatra
Me chando pahātabbo. Vedanā. Saññā. Saṅkhārā. Viññāṇaṁ
anattā tatra me chando pahātabbo. Imassa khvāhaṁ bhante
bhagavatā saṅkhittena bhāsitassa evaṁ vitthārena atthaṁ ājānāmīti.
Sādhu sādhu bhikkhu sādhu kho tvaṁ bhikkhu mayā saṅkhittena bhāsitassa
vitthārena atthaṁ ājānāsi. Rūpaṁ kho bhikkhu anattā tatra te
chando pahātabbo. Vedanā. Saññā. Saṅkhārā. Viññāṇaṁ
anattā tatra te chando pahātabbo. Imassa kho bhikkhu
mayā saṅkhittena bhāsitassa evaṁ vitthārena attho daṭṭhabboti
.pe. Aññataro ca pana so bhikkhu arahataṁ ahosīti.

[145] Sāvatthī. Tatra kho. Ekamantaṁ nisinno kho so
bhikkhu bhagavantaṁ etadavoca sādhu me bhante bhagavā saṅkhittena
dhammaṁ desetu .pe. Vihareyyanti. Yaṁ kho bhikkhu anattaniyaṁ
tatra te chando pahātabboti. Aññātaṁ bhagavā aññātaṁ
sugatāti. Yathākathaṁ pana tvaṁ bhikkhu mayā saṅkhittena bhāsitassa
vitthārena atthaṁ ājānāsīti. Rūpaṁ kho bhante anattaniyaṁ tatra
me chando pahātabbo. Vedanā. Saññā. Saṅkhārā.
Viññāṇaṁ anattaniyaṁ tatra me chando pahātabbo. Imassa
khvāhaṁ bhante bhagavatā saṅkhittena bhāsitassa evaṁ vitthārena atthaṁ
ājānāmīti. Sādhu sādhu bhikkhu sādhu kho tvaṁ bhikkhu mayā
saṅkhittena bhāsitassa vitthārena atthaṁ ājānāsi. Rūpaṁ kho
Bhikkhu anattaniyaṁ tatra te chando pahātabbo. Vedanā.
Saññā. Saṅkhārā. Viññāṇaṁ anattaniyaṁ tatra te chando
pahātabbo. Imassa kho bhikkhu mayā saṅkhittena bhāsitassa evaṁ
vitthārena attho daṭṭhabboti .pe. Aññataro ca pana so
bhikkhu arahataṁ ahosīti.

[146] Sāvatthī. Tatra kho. Ekamantaṁ nisinno kho so
bhikkhu bhagavantaṁ etadavoca sādhu me bhante bhagavā saṅkhittena
dhammaṁ desetu yamahaṁ bhagavato dhammaṁ sutvā .pe. Vihareyyanti.
Yaṁ kho bhikkhu rajaniyasaṇṭhitaṁ 1 tatra te chando pahātabboti.
Aññātaṁ bhagavā aññātaṁ sugatāti. Yathākathaṁ pana tvaṁ bhikkhu
mayā saṅkhittena bhāsitassa vitthārena atthaṁ ājānāsīti. Rūpaṁ
kho bhante rajaniyasaṇṭhitaṁ tatra me chando pahātabbo. Vedanā.
Saññā. Saṅkhārā. Viññāṇaṁ rajaniyasaṇṭhitaṁ tatra me chando
pahātabbo. Imassa khvāhaṁ bhante bhagavatā saṅkhittena bhāsitassa
evaṁ vitthārena atthaṁ ājānāmīti. Sādhu sādhu bhikkhu sādhu
kho tvaṁ bhikkhu mayā saṅkhittena bhāsitassa vitthārena atthaṁ
ājānāsi. Rūpaṁ kho bhikkhu rajaniyasaṇṭhitaṁ tatra te chando
pahātabbo. Vedanā. Saññā. Saṅkhārā. Viññāṇaṁ rajaniyasaṇṭhitaṁ
tatra te chando pahātabbo. Imassa kho bhikkhu mayā saṅkhittena
bhāsitassa evaṁ vitthārena attho daṭṭhabboti .pe. Aññataro
1 Ma. Yu. rajanīyasaṇṭhitaṁ. sabbattha diisameva. Po. rajanīyaṁ saṇṭhi
Ca pana so bhikkhu arahataṁ ahosīti.

[147] Sāvatthī. Tatra kho. Āyasmā rādho yena bhagavā
tenupasaṅkami upasaṅkamitvā bhagavantaṁ etadavoca kathaṁ nu kho
bhante jānato kathaṁ passato imasmiñca saviññāṇake kāye
bahiddhā ca sabbanimittesu ahaṅkāramamaṅkāramānānusayā na hontīti.
Yaṅkiñci rādha rūpaṁ atītānāgatapaccuppannaṁ ajjhattaṁ vā bahiddhā
vā oḷārikaṁ vā sukhumaṁ vā hīnaṁ vā paṇītaṁ vā yaṁ dūre santike
vā sabbaṁ rūpaṁ netaṁ mama nesohamasmi na meso attāti
evametaṁ yathābhūtaṁ sammappaññāya passati. Yā kāci vedanā.
Yā kāci saññā. Ye keci saṅkhārā. Yaṅkiñci viññāṇaṁ
atītānāgatapaccuppannaṁ .pe. Yaṁ dūre santike vā sabbaṁ
viññāṇaṁ netaṁ mama nesohamasmi na meso attāti evametaṁ
yathābhūtaṁ sammappaññāya passati. Evaṁ kho rādha jānato evaṁ
passato imasmiñca saviññāṇake kāye bahiddhā ca sabbanimittesu
ahaṅkāramamaṅkāramānānusayā na hontīti .pe. Aññataro ca
panāyasmā rādho arahataṁ ahosīti.

[148] Sāvatthī. Tatra kho. Āyasmā surādho bhagavantaṁ
etadavoca kathaṁ nu kho bhante jānato kathaṁ passato imasmiñca
saviññāṇake kāye bahiddhā ca sabbanimittesu ahaṅkāramamaṅkāramānāpagataṁ
mānasaṁ hoti vidhā samatikkantaṁ santaṁ 1 suvimuttanti.
1 Po. Yu. santanti natthi.
Yaṅkiñci surādha rūpaṁ atītānāgatapaccuppannaṁ .pe. Yaṁ 1 dūre
santike vā sabbaṁ rūpaṁ netaṁ mama nesohamasmi na meso
attāti evametaṁ yathābhūtaṁ sammappaññāya disvā anupādā
vimutto hoti. Yā kāci vedanā. Yā kāci saññā. Ye
keci saṅkhārā. Yaṅkiñci viññāṇaṁ atītānāgatapaccuppannaṁ .pe.
Yaṁ dūre santike vā sabbaṁ viññāṇaṁ netaṁ mama nesohamasmi
na meso attāti evametaṁ yathābhūtaṁ sammappaññāya disvā
anupādā vimutto hoti. Evaṁ kho surādha jānato evaṁ passato
imasmiñca saviññāṇake kāye bahiddhā ca sabbanimittesu ahaṅkāramamaṅkāra-
mānāpagataṁ mānasaṁ hoti vidhā samatikkantaṁ santaṁ suvimuttanti
.pe. Aññataro ca panāyasmā surādho arahataṁ ahosīti.
Arahantavaggo dutiyo.
Tassuddānaṁ
upādiyamaññamānā athābhinandamāno ca
aniccaṁ dukkhaṁ anattā ca anattaniyaṁ rajaniyasaṇṭhitaṁ
rādhasurādhena te dasāti.
-------------
1 Yu. yaṁ dūre vā.
Khandhasaṁyuttassa majjhimapaṇṇāsake khajjaniyavaggo tatiyo

[149] Sāvatthī. Tatra kho. Assutavā bhikkhave puthujjano
rūpassa assādañca ādīnavañca nissaraṇañca yathābhūtaṁ nappajānāti.
Vedanāya. Saññāya. Saṅkhārānaṁ. Viññāṇassa assādañca
ādīnavañca nissaraṇañca yathābhūtaṁ nappajānāti. Sutavā ca kho
bhikkhave ariyasāvako rūpassa assādañca ādīnavañca nissaraṇañca
yathābhūtaṁ pajānāti. Vedanāya. Saññāya. Saṅkhārānaṁ.
Viññāṇassa assādañca ādīnavañca nissaraṇañca yathābhūtaṁ pajānātīti.

[150] Sāvatthī. Tatra kho. Assutavā bhikkhave puthujjano
rūpassa samudayañca atthaṅgamañca assādañca ādīnavañca nissaraṇañca
yathābhūtaṁ nappajānāti. Vedanāya. Saññāya. Saṅkhārānaṁ.
Viññāṇassa samudayañca atthaṅgamañca assādañca ādīnavañca
nissaraṇañca yathābhūtaṁ nappajānāti. Sutavā ca kho bhikkhave
ariyasāvako rūpassa samudayañca atthaṅgamañca assādañca
ādīnavañca nissaraṇañca yathābhūtaṁ pajānāti. Vedanāya. Saññāya.
Saṅkhārānaṁ. Viññāṇassa samudayañca atthaṅgamañca assādañca
ādīnavañca nissaraṇañca yathābhūtaṁ pajānātīti.