[669] Evameva kho bhikkhave yassakassaci bhikkhuno mettā
cetovimutti bhāvitā bahulīkatā yānīkatā vatthukatā anuṭṭhitā
paricitā susamāraddhā. Tassa ce amanusso cittaṁ khipitabbaṁ
maññeyya. Atha kho sveva amanusso kilamathassa vighātassa
bhāgī assa. Tasmātiha bhikkhave evaṁ sikkhitabbaṁ mettā
no cetovimutti bhāvitā bhavissati bahulīkatā yānīkatā vatthukatā
1 Ma. Yu. paṭikoṭṭissāmi.
Anuṭṭhitā paricitā susamāraddhāti evañhi vo bhikkhave
sikkhitabbanti. Pañcamaṁ.

[670] Sāvatthiyaṁ viharati ... Seyyathāpi bhikkhave cattāro
daḷhadhammā dhanuggahā susikkhitā katahatthā katūpāsanā catuddisā ṭhitā
assu. Atha puriso āgaccheyya ahaṁ imesaṁ catunnaṁ daḷhadhammānaṁ
dhanuggahānaṁ susikkhitānaṁ katahatthānaṁ katūpāsanānaṁ catuddisā kaṇḍe
khitte appatiṭṭhite paṭhaviyaṁ gahetvā āharissāmīti. Taṁ kiṁ maññatha
bhikkhave javano puriso paramena javena samannāgatoti alaṁ
vacanāyāti. Ekassa cepi bhante daḷhadhammassa dhanuggahassa
susikkhitassa katahatthassa katūpāsanassa kaṇḍaṁ khittaṁ appatiṭṭhitaṁ
paṭhaviyaṁ gahetvā āhareyya javano puriso paramena javena
samannāgatoti alaṁ vacanāya ko pana vādo catunnaṁ daḷhadhammānaṁ
dhanuggahānaṁ susikkhitānaṁ katahatthānaṁ katūpāsanānanti.

[671] Yathā ca bhikkhave tassa purisassa javo yathā ca
candimasuriyānaṁ javo tato sīghataro. Yathā ca bhikkhave tassa
purisassa javo yathā ca candimasuriyānaṁ javo yathā ca yā
devatā candimasuriyānaṁ purato dhāvanti tāsaṁ devatānaṁ javo tato 1
sīghataro. Yathā ca bhikkhave tassa purisassa javo yathā ca
candimasuriyānaṁ javo yathā ca yā devatā candimasuriyānaṁ purato
dhāvanti tāsaṁ devatānaṁ javo tato 2 sīghataraṁ āyusaṅkhārā khīyanti.
1-2 Ma. Yu. tato sīghataro. devatānaṁ javoti pāṭhadvayaṁ natthi.
Tasmātiha bhikkhave evaṁ sikkhitabbaṁ appamattā viharissāmāti
evañhi vo bhikkhave sikkhitabbanti. Chaṭṭhaṁ.

[672] Sāvatthiyaṁ viharati ... Bhūtapubbaṁ bhikkhave dasārahānaṁ
ānako nāma mudiṅgo ahosi. Tassa dasārahā ānake phaḷite
aññaṁ āṇiṁ odahiṁsu. Ahu kho so bhikkhave samayo yaṁ ānakassa
mudiṅgassa porāṇaṁ pokkharaṁ phalakaṁ antaradhāyi āṇisaṅghāto ca 1
avasisayi. Evameva kho bhikkhave bhavissanti bhikkhū anāgatamaddhānaṁ
ye te suttantā tathāgatabhāsitā gambhīrā gambhīratthā lokuttarā
suññatapaṭisaññuttā tesu bhaññamānesu na sussusissanti 2 na
aññācittaṁ upaṭṭhāpessanti na ca te dhamme uggahetabbaṁ
pariyāpuṇitabbaṁ maññissanti. Ye pana te suttantā kavikatā
kāveyyā cittakkharā cittabyañjanā bāhirakā sāvakabhāsitā tesu
bhaññamānesu sussusissanti sotaṁ odahissanti aññācittaṁ
upaṭṭhāpessanti te ca dhamme uggahetabbaṁ pariyāpuṇitabbaṁ
maññissanti.

[673] Evameva tesaṁ bhikkhave suttantānaṁ tathāgatabhāsitānaṁ
gambhīrānaṁ 1 gambhīratthānaṁ lokuttarānaṁ suññatapaṭisaññuttānaṁ
antaradhānaṁ bhavissati. Tasmātiha bhikkhave evaṁ sikkhitabbaṁ ye
te suttantā tathāgatabhāsitā gambhīrā gambhīratthā lokuttarā
suññatapaṭisaññuttā tesu bhaññamānesu sussusissāma sotaṁ
1 Ma. Yu. va. 2 Ma. sussūsissanti. evamuparipi.
Odahissāma aññācittaṁ upaṭṭhāpessāma te ca dhamme
uggahetabbaṁ pariyāpuṇitabbaṁ maññissāmāti evañhi vo bhikkhave
sikkhitabbanti. Sattamaṁ.

[674] Ekaṁ samayaṁ bhagavā vesāliyaṁ viharati mahāvane
kūṭāgārasālāyaṁ. Tatra kho bhagavā bhikkhū āmantesi bhikkhavoti.
Bhadanteti te bhikkhū bhagavato paccassosuṁ.

[675] Bhagavā etadavoca kaliṅgarūpadhānā bhikkhave etarahi
licchavī viharanti appamattā ātāpino upāsanasmiṁ tesaṁ rājā
māgadho ajātasattu vedehiputto na labhati otāraṁ na labhati
ārammaṇaṁ. Bhavissanti bhikkhave anāgatamaddhānaṁ licchavī sukhumālā
mudutalā 1 hatthapādā te mudukāsu seyyāsu thūlabimbohanāsu 2 yāva
suriyuggamanā seyyaṁ kappissanti tesaṁ rājā māgadho ajātasattu
vedehiputto lacchati otāraṁ lacchati ārammaṇaṁ.

[676] Kaliṅgarūpadhānā bhikkhave etarahi bhikkhū viharanti
appamattā ātāpino padhānasmiṁ tesaṁ māro pāpimā na labhati
otāraṁ na labhati ārammaṇaṁ. Bhavissanti bhikkhave anāgatamaddhānaṁ
bhikkhū sukhumālā mudutalā hatthapādā te mudukāsu seyyāsu
thūlabimbohanāsu yāva suriyuggamanā seyyaṁ kappissanti tesaṁ māro
pāpimā lacchati otāraṁ lacchati ārammaṇaṁ. Tasmātiha bhikkhave
1 Sī. mudutaluṇā. Ma. Yu. mudutaluṇahatthapādā. evamuparipi. 2 Ma. tūla ....
evamuparipi.
Evaṁ sikkhitabbaṁ kaliṅgarūpadhānā viharissāma appamattā ātāpino
padhānasminti evañhi vo bhikkhave sikkhitabbanti. Aṭṭhamaṁ.

[677] Evamme sutaṁ ekaṁ samayaṁ bhagavā sāvatthiyaṁ viharati
jetavane anāthapiṇḍikassa ārāme. Tena kho pana samayenāññataro
navo bhikkhu ativelaṁ kulāni upasaṅkamati. Tamenaṁ bhikkhū
evamāhaṁsu mā āyasmā ativelaṁ kulāni upasaṅkamīti. So
bhikkhūhi vuccamāno evamāha ime hi nāma therā bhikkhū kulāni
upasaṅkamitabbaṁ maññissanti kimaṅgaṁ panāhanti. Atha kho sambahulā
bhikkhū yena bhagavā tenupasaṅkamiṁsu upasaṅkamitvā bhagavantaṁ
abhivādetvā ekamantaṁ nisīdiṁsu. Ekamantaṁ nisinnā kho te bhikkhū
bhagavantaṁ etadavocuṁ idha bhante aññataro navo bhikkhu ativelaṁ
kulāni upasaṅkamati tamenaṁ bhikkhū evamāhaṁsu mā āyasmā
ativelaṁ kulāni upasaṅkamīti so bhikkhūhi vuccamāno evamāha
ime hi nāma therā bhikkhū kulāni upasaṅkamitabbaṁ maññissanti
kimaṅgaṁ panāhanti.

[678] Bhūtapubbaṁ bhikkhave araññāyatane mahā sarasi taṁ
nāgā upanissāya viharanti. Te taṁ sarasiṁ ogāhetvā soṇḍāya
bhisamūḷālaṁ 1 abbhuggahetvā 2 suvikkhālitaṁ vikkhāletvā akaddamaṁ
saṅkhāditvā 3 ajjhoharanti tesantaṁ vaṇṇāya ceva hoti balāya ca
na ca tatonidānaṁ maraṇaṁ vā nigacchanti maraṇamattaṁ vā dukkhaṁ.
1 Ma. bhisamuḷālaṁ. Yu. bhisamulālaṁ. evamuparipi. 2 Ma. abbuhetvā. evamuparipi.
3 Yu. saṅkharitvā.
Tesaññeva kho pana bhikkhave mahānāgānaṁ anusikkhamānā taruṇā
bhikacchāpā 1 te taṁ sarasiṁ ogāhetvā soṇḍāya bhisamūḷālaṁ
abbhuggahetvā na suvikkhālitaṁ vikkhāletvā sakaddamaṁ asaṅkhāditvā 2
ajjhoharanti tesantaṁ neva vaṇṇāya hoti na balāya
tatonidānaṁ maraṇaṁ vā nigacchanti maraṇamattaṁ vā dukkhaṁ.