[649] Idhāhaṁ āvuso gijjhakūṭā pabbatā orohanto addasaṁ
kumbhaṇḍaṁ purisaṁ vehāsaṁ gacchantaṁ so gacchantopi te ca aṇḍe
khandhe āropetvā gacchati nisīdantopi tesveva aṇḍesu nisīdati
tamenaṁ gijjhāpi kākāpi kulalāpi anupatitvā anupatitvā vitacchenti
virājenti so sudaṁ aṭṭassaraṁ karoti. Eso bhikkhave satto
imasmiññeva rājagahe gāmakūṭo 2 ahosi. Dasamaṁ.
Paṭhamavaggo paṭhamo.
Tassa uddānaṁ
aṭṭhi pesi ubho gāvīghātakā 3
piṇḍo sākuṇiyo 4 nicchavorabbhi
asi [5]- sūkariko satti
usu [5]- kāraṇiko sūci sārathi
yo ca sibbissati 6 sūciko 1 hi so
aṇḍabhārī ahu gāmakūṭakoti 7 .
------
1 Ma. Yu. sūcako. 2 Ma. gāmakūṭako. 3 Ma. Yu. gāvaghātakā. 4 Yu. piṇḍasākuṇiyaṁ.
5 Yu. ca. 6 Ma. Yu. sabbiyati. 7 Yu. ... cāti.
Dutiyavaggo dutiyo

[650] Evamme sutaṁ ekaṁ samayaṁ bhagavā rājagahe viharati
veḷuvane kalandakanivāpe. Idhāhaṁ āvuso gijjhakūṭā pabbatā
orohanto addasaṁ purisaṁ gūthakūpe sīsakā 1 nimuggaṁ. Eso bhikkhave
satto imasmiññeva rājagahe pāradāriko ahosi. Paṭhamaṁ.
[evaṁ peyyālo kātabbo]

[651] Idhāhaṁ āvuso gijjhakūṭā pabbatā orohanto addasaṁ
purisaṁ gūthakūpe nimuggaṁ ubhohi hatthehi gūthaṁ khādantaṁ. Eso bhikkhave
satto imasmiññeva rājagahe brāhmaṇo ahosi. So kassapassa
sammāsambuddhassa pāvacane bhikkhusaṅghaṁ bhattena nimantetvā doṇiyā 2
gūthassa pūrāpetvā kālaṁ ārocāpetvā etadavoca aho bhonto
yāvadatthaṁ bhuñjantu ceva harantu cāti. Dutiyaṁ.

[652] Idhāhaṁ āvuso gijjhakūṭā pabbatā orohanto addasaṁ
nicchaviṁ itthiṁ vehāsaṁ gacchantiṁ tamenaṁ gijjhāpi kākāpi kulalāpi
anupatitvā anupatitvā vitacchenti virājenti sā sudaṁ aṭṭassaraṁ
karoti. Esā bhikkhave itthī imasmiññeva rājagahe aticārinī
ahosi. Tatiyaṁ.

[653] Idhāhaṁ āvuso gijjhakūṭā pabbatā orohanto addasaṁ
itthiṁ duggandhaṁ maṅguḷiṁ vehāsaṁ gacchantiṁ tamenaṁ gijjhāpi kākāpi
1 Ma. Yu. sasīsakanti dissati. 2 Ma. doṇiyo.
Kulalāpi anupatitvā anupatitvā vitacchenti virājenti sā sudaṁ
aṭṭassaraṁ karoti. Esā bhikkhave itthī imasmiññeva rājagahe
ikkhaṇikā ahosi. Catutthaṁ.

[654] Idhāhaṁ āvuso gijjhakūṭā pabbatā orohanto addasaṁ
itthiṁ upakkaṁ okiliniṁ okiriṇiṁ vehāsaṁ gacchantiṁ sā sudaṁ aṭṭassaraṁ
karoti. Esā bhikkhave itthī kaliṅgassa rañño aggamahesī ahosi
sā issāpakatā sapatiṁ aṅgārakaṭāhena okiri. Pañcamaṁ.

[655] Idhāhaṁ āvuso gijjhakūṭā pabbatā orohanto addasaṁ
asīsakabandhaṁ 1 vehāsaṁ gacchantaṁ tassa ure akkhīni ceva honti
mukhañca tamenaṁ gijjhāpi kākāpi kulalāpi anupatitvā anupatitvā
vitacchenti virājenti so sudaṁ aṭṭassaraṁ karoti. Eso
bhikkhave satto imasmiññeva rājagahe hāriko nāma coraghātako
ahosi. Chaṭṭhaṁ.

[656] Idhāhaṁ āvuso gijjhakūṭā pabbatā orohanto addasaṁ
bhikkhuṁ vehāsaṁ gacchantaṁ tassa saṅghāṭipi ādittā sampajjalitā
sañjotibhūtā 2 pattopi āditto sampajjalito sañjotibhūto 2
kāyabandhanampi ādittaṁ sampajjalitaṁ sañjotibhūtaṁ kāyopi āditto
sampajjalito sañjotibhūto so sudaṁ aṭṭassaraṁ karoti. Eso
bhikkhave bhikkhu kassapassa sammāsambuddhassa pāvacane pāpabhikkhu
ahosi. Sattamaṁ.
1 Yu. asīsakaṁ kavandhaṁ. 2 Ma. Yu. sajotibhūtā sajotibhūto. evamuparipi.

[657] Addasaṁ bhikkhuniṁ vehāsaṁ gacchantiṁ tassā saṅghāṭipi
ādittā .pe. Pāpabhikkhunī ahosi. Aṭṭhamaṁ.

[658] Addasaṁ sikkhamānaṁ vehāsaṁ gacchantiṁ tassā saṅghāṭipi
ādittā .pe. Pāpasikkhamānā ahosi. Navamaṁ.