[639] Idhāhaṁ āvuso gijjhakūṭā pabbatā orohanto addasaṁ
aṭṭhisaṅkhalikaṁ vehāsaṁ gacchantiṁ 1 tamenaṁ gijjhāpi kākāpi kulalāpi
anupatitvā anupatitvā [2]- vitudenti vitacchenti virājenti 3 sā 4 sudaṁ
aṭṭassaraṁ karoti tassa mayhaṁ āvuso etadahosi acchariyaṁ vata bho
abbhūtaṁ vata bho evarūpopi nāma satto bhavissati evarūpopi nāma
yakkho bhavissati evarūpopi nāma attabhāvapaṭilābho bhavissatīti.

[640] Atha kho bhagavā bhikkhū āmantesi cakkhubhūtā vata
bhikkhave sāvakā viharanti ñāṇabhūtā vata bhikkhave sāvakā viharanti
yatra hi nāma sāvako evarūpaṁ ñassati vā dakkhati vā sakkhiṁ
vā karissati. Pubbeva 5 me so bhikkhave satto diṭṭho ahosi
apicāhaṁ na byākāsiṁ ahañcetaṁ byākareyyaṁ parepi 6 me na
saddaheyyuṁ ye me na saddaheyyuṁ tesantaṁ assa dīgharattaṁ
ahitāya dukkhāya. Eso bhikkhave satto imasmiññeva rājagahe
1 Yu. gacchantaṁ. 2 Ma. Yu. phāsuḷantarikāhi. 3 Yu. vibhajenti.
4 Yu. sāssudaṁ. evamuparipi. 5 Yu. pubbepi. 6 Ma. Yu. pare ca.
Goghātako ahosi so tassa kammassa vipākena bahūni vassāni
bahūni vassasatāni bahūni vassasahassāni bahūni vassasatasahassāni
niraye pacittha 1 tasseva kammassa vipākāvasesena evarūpaṁ
attabhāvapaṭilābhaṁ paṭisaṁvedayatīti. Paṭhamaṁ.
[sabbesaṁ suttantānaṁ eseva peyyālo]

[641] Idhāhaṁ āvuso gijjhakūṭā pabbatā orohanto addasaṁ
maṁsapesiṁ vehāsaṁ gacchantiṁ 2 tamenaṁ gijjhāpi kākāpi kulalāpi
anupatitvā anupatitvā vitacchenti virājenti 3 sā sudaṁ aṭṭassaraṁ
karoti. Eso bhikkhave satto imasmiññeva rājagahe goghātako
ahosi. Dutiyaṁ.

[642] Idhāhaṁ āvuso gijjhakūṭā pabbatā orohanto addasaṁ
maṁsapiṇḍaṁ vehāsaṁ gacchantaṁ tamenaṁ gijjhāpi kākāpi kulalāpi
anupatitvā anupatitvā vitacchenti virājenti so sudaṁ aṭṭassaraṁ
karoti. Eso bhikkhave satto imasmiññeva rājagahe sākuṇiko
ahosi. Tatiyaṁ.

[643] Idhāhaṁ āvuso gijjhakūṭā pabbatā orohanto addasaṁ
nicchaviṁ purisaṁ vehāsaṁ gacchantaṁ tamenaṁ gijjhāpi kākāpi kulalāpi
anupatitvā anupatitvā vitacchenti virājenti so sudaṁ aṭṭassaraṁ
karoti. Eso bhikkhave satto imasmiññeva rājagahe orabbhiko
ahosi. Catutthaṁ.
1 Ma. paccitvā. Yu. pacitvā. 2 Yu. gacchantaṁ.
3 Yu. vibhajenti. evamuparipi.

[644] Idhāhaṁ āvuso gijjhakūṭā pabbatā orohanto addasaṁ
asilomaṁ purisaṁ vehāsaṁ gacchantaṁ tassa te asī uppatitvā
uppatitvā tasseva kāye nipatanti so sudaṁ aṭṭassaraṁ karoti. Eso
bhikkhave satto imasmiññeva rājagahe sūkariko ahosi. Pañcamaṁ.

[645] Idhāhaṁ āvuso gijjhakūṭā pabbatā orohanto addasaṁ
sattilomaṁ purisaṁ vehāsaṁ gacchantaṁ tassa tā sattiyo uppatitvā
uppatitvā tasseva kāye nipatanti so sudaṁ aṭṭassaraṁ karoti. Eso
bhikkhave satto imasmiññeva rājagahe māgaviko ahosi. Chaṭṭhaṁ.

[646] Idhāhaṁ āvuso gijjhakūṭā pabbatā orohanto addasaṁ
usulomaṁ purisaṁ vehāsaṁ gacchantaṁ tassa te usū uppatitvā uppatitvā
tasseva kāye nipatanti so sudaṁ aṭṭassaraṁ karoti. Eso
bhikkhave satto imasmiññeva rājagahe kāraṇiko ahosi. Sattamaṁ.

[647] Idhāhaṁ āvuso gijjhakūṭā pabbatā orohanto addasaṁ
sūcilomaṁ purisaṁ vehāsaṁ gacchantaṁ tassa tā sūciyo uppatitvā uppatitvā
tasseva kāye nipatanti so sudaṁ aṭṭassaraṁ karoti. Eso
bhikkhave satto imasmiññeva rājagahe suto 1 ahosi. Aṭṭhamaṁ.

[648] Idhāhaṁ āvuso gijjhakūṭā pabbatā orohanto addasaṁ
sūcilomaṁ purisaṁ vehāsaṁ gacchantaṁ tassa tā sūciyo sīse pavisetvā 2
mukhato nikkhamanti mukhe pavisetvā urato nikkhamanti ure pavisetvā
udarato nikkhamanti udare pavisetvā urūhi nikkhamanti urūsu
1 Ma. sūto. Yu. sūcako. 2 Ma. Yu. pavisitvā. evamuparipi.
Pavisetvā jaṅghāhi nikkhamanti jaṅghāsu pavisetvā pādehi nikkhamanti
so sudaṁ aṭṭassaraṁ karoti. Eso bhikkhave satto imasmiññeva
rājagahe sūciko 1 ahosi. Navamaṁ.