[589] Seyyathāpi bhikkhave naḷo attavadhāya phalaṁ deti parābhavāya
phalaṁ deti. Evameva kho bhikkhave attavadhāya devadattassa
lābhasakkārasiloko udapādi parābhavāya devadattassa lābhasakkārasiloko
udapādi.

[590] Seyyathāpi bhikkhave assatarī attavadhāya gabbhaṁ gaṇhāti
parābhavāya gabbhaṁ gaṇhāti. Evameva kho bhikkhave attavadhāya
devadattassa lābhasakkārasiloko udapādi parābhavāya devadattassa
Lābhasakkārasiloko udapādi. Evaṁ dāruṇo kho bhikkhave lābhasakkārasiloko
udapādi ... Evañhi vo bhikkhave sikkhitabbanti.

[591] Idamavoca bhagavā idaṁ vatvāna sugato athāparaṁ
etadavoca satthā
phalaṁ ve kadaliṁ hanti phalaṁ veḷuṁ phalaṁ naḷaṁ
sakkāro kāpurisaṁ hanti gabbho assatariṁ yathāti. Pañcamaṁ.

[592] Rājagahe viharati veḷuvane kalandakanivāpe. Tena kho
pana samayena devadattassa ajātasattukumāro pañcahi rathasatehi sāyaṁ
pātaṁ upaṭṭhānaṁ gacchati pañca ca thālipākasatāni bhattābhihāro
abhihariyati 1 . Atha kho sambahulā bhikkhū yena bhagavā tenupasaṅkamiṁsu
upasaṅkamitvā bhagavantaṁ abhivādetvā ekamantaṁ nisīdiṁsu. Ekamantaṁ
nisinnā kho te bhikkhū bhagavantaṁ etadavocuṁ devadattassa bhante
ajātasattukumāro pañcahi rathasatehi sāyaṁ pātaṁ upaṭṭhānaṁ gamissati 2
pañca ca thālipākasatāni bhattābhihāro abhihariyissatīti.

[593] Mā bhikkhave devadattassa lābhasakkārasiloko 3 pihayittha 4 .
Yāvakīvañca bhikkhave devadattassa ajātasattukumāro pañcahi rathasatehi
sāyaṁ pātaṁ upaṭṭhānaṁ gamissati pañca ca thālipākasatāni bhattābhihāro
abhihariyissati. Hāniyeva bhikkhave devadattassa pāṭikaṅkhā
kusalesu dhammesu no vuḍḍhi.

[594] Seyyathāpi bhikkhave caṇḍassa kukkurassa nāsāya pittaṁ
1 Ma. abhihariyyati. 2 Ma. Yu. gacchati. 3 Ma. Yu. lābhasakkārasilokaṁ. 4 Yu.
pihāyittha.
Bhindeyyuṁ evañhi vo bhikkhave kukkuro bhiyyoso mattāya caṇḍataro
assa. Evameva kho bhikkhave yāvakīvañca devadattassa ajātasattukumāro
pañcahi rathasatehi sāyaṁ pātaṁ upaṭṭhānaṁ gamissati pañca ca
thālipākasatāni bhattābhihāro abhihariyissati hāniyeva bhikkhave devadattassa
pāṭikaṅkhā kusalesu dhammesu no vuḍḍhi. Evaṁ dāruṇo
kho bhikkhave lābhasakkārasiloko .pe. Sikkhitabbanti. Chaṭṭhaṁ.

[595] Sāvatthiyaṁ viharati ... Dāruṇo bhikkhave lābhasakkārasiloko
kaṭuko pharuso antarāyiko anuttarassa yogakkhemassa adhigamāya.

[596] Idhāhaṁ bhikkhave ekaccaṁ puggalaṁ evaṁ cetasā ceto
paricca pajānāmi na vāyamāyasmā mātupi hetu sampajānamusā
bhāseyyāti tamenaṁ passāmi aparena samayena lābhasakkārasilokena
abhibhūtaṁ pariyādinnacittaṁ sampajānamusā bhāsantaṁ. Evaṁ dāruṇo
kho bhikkhave lābhasakkārasiloko kaṭuko pharuso antarāyiko
anuttarassa yogakkhemassa adhigamāya. Tasmātiha bhikkhave evaṁ
sikkhitabbaṁ uppannaṁ lābhasakkārasilokaṁ pakhahissāma na ca no uppanno
lābhasakkārasiloko cittaṁ pariyādāya ṭhassatīti. Evañhi vo
bhikkhave sikkhitabbanti. Sattamaṁ.

[597] Sāvatthiyaṁ viharati ... Dāruṇo bhikkhave lābhasakkārasiloko
kaṭuko pharuso antarāyiko anuttarassa yogakkhemassa adhigamāya.

[598] Idhāhaṁ bhikkhave ekaccaṁ puggalaṁ evaṁ cetasā ceto
paricca pajānāmi na vāyamāyasmā pitupi hetu [vitthāretabbaṁ]
bhātupi hetu ... Bhaginiyāpi hetu ... Puttassapi hetu ... Dhītuyāpi
hetu ... Pajāpatiyāpi hetu sampajānamusā bhāseyyāti tamenaṁ
passāmi aparena samayena lābhasakkārasilokena abhibhūtaṁ pariyādinnacittaṁ
sampajānamusā bhāsantaṁ. Evaṁ dāruṇo kho bhikkhave lābhasakkārasiloko
kaṭuko pharuso antarāyiko anuttarassa yogakkhemassa
adhigamāya. Tasmātiha bhikkhave evaṁ sikkhitabbaṁ uppannaṁ lābhasakkārasilokaṁ
pajahissāma na ca no uppanno lābhasakkārasiloko
cittaṁ pariyādāya ṭhassatīti. Evañhi vo bhikkhave
sikkhitabbanti. Terasamaṁ.
Catutthavaggo catuttho.
Tassa uddānaṁ
bhindi mūlaṁ dvidhammo ca pakkantaṁ rathamātari 1
pitā ca bhātā bhaginī putto 2 dhītā pajāpatīti.
Lābhasakkārasaṁyuttaṁ pañcamaṁ samattaṁ.
--------
1 Yu. chindi mūlaṁ dhammo sukko pakkantarathamātari. 2 Yu. puttā.
Rāhulasaṁyuttaṁ
----
paṭhamavaggo paṭhamo