พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Suttantapiṭake saṁyuttanikāyassa dutiyo bhāgo (เล่ม 16)

[609] Evaṁ passaṁ rāhula sutavā ariyasāvako cakkhusamphassajāvedanāyapi
nibbindati sotasamphassajāvedanāyapi nibbindati ghānasamphassajāvedanāyapi
nibbindati jivhāsamphassajāvedanāyapi nibbindati
kāyasamphassajāvedanāyapi nibbindati manosamphassajāvedanāyapi
nibbindati .pe. Pajānātīti. Pañcamaṁ.

Suttantapiṭake saṁyuttanikāyassa dutiyo bhāgo (เล่ม 16)

[610] Sāvatthiyaṁ viharati ... Taṁ kiṁ maññasi rāhula rūpasaññā
niccā vā aniccā vāti. Aniccā bhante ... Saddasaññā ...
Gandhasaññā ... Rasasaññā ... Phoṭṭhabbasaññā ... Dhammasaññā
niccā vā aniccā vāti. Aniccā bhante ....

Suttantapiṭake saṁyuttanikāyassa dutiyo bhāgo (เล่ม 16)

[611] Evaṁ passaṁ rāhula sutavā ariyasāvako rūpasaññāyapi
nibbindati saddasaññāyapi nibbindati gandhasaññāyapi nibbindati
rasasaññāyapi nibbindati phoṭṭhabbasaññāyapi nibbindati
dhammasaññāyapi nibbindati .pe. Pajānātīti. Chaṭṭhaṁ.

Suttantapiṭake saṁyuttanikāyassa dutiyo bhāgo (เล่ม 16)

[612] Sāvatthiyaṁ viharati ... Taṁ kiṁ maññasi rāhula
rūpasañcetanā niccā vā aniccā vāti. Aniccā bhante ...
Saddasañcetanā ... Gandhasañcetanā ... Rasasañcetanā ...
Phoṭṭhabbasañcetanā ... Dhammasañcetanā niccā vā aniccā vāti. Aniccā
bhante ....

Suttantapiṭake saṁyuttanikāyassa dutiyo bhāgo (เล่ม 16)

[613] Evaṁ passaṁ rāhula sutavā ariyasāvako rūpasañcetanāyapi
nibbindati saddasañcetanāyapi nibbindati gandhasañcetanāyapi nibbindati
rasasañcetanāyapi nibbindati phoṭṭhabbasañcetanāyapi nibbindati
dhammasañcetanāyapi nibbindati .pe. Pajānātīti. Sattamaṁ.

Suttantapiṭake saṁyuttanikāyassa dutiyo bhāgo (เล่ม 16)

[614] Sāvatthiyaṁ viharati ... Taṁ kiṁ maññasi rāhula rūpataṇhā
niccā vā aniccā vāti. Aniccā bhante ... Saddataṇhā ...
Gandhataṇhā ... Rasataṇhā ... Phoṭṭhabbataṇhā ... Dhammataṇhā niccā
vā aniccā vāti. Aniccā bhante ....

Suttantapiṭake saṁyuttanikāyassa dutiyo bhāgo (เล่ม 16)

[615] Evaṁ passaṁ rāhula sutavā ariyasāvako rūpataṇhāyapi
nibbindati saddataṇhāyapi nibbindati gandhataṇhāyapi nibbindati
rasataṇhāyapi nibbindati phoṭṭhabbataṇhāyapi nibbindati
dhammataṇhāyapi nibbindati .pe. Pajānātīti. Aṭṭhamaṁ.

Suttantapiṭake saṁyuttanikāyassa dutiyo bhāgo (เล่ม 16)

[616] Sāvatthiyaṁ viharati ... Taṁ kiṁ maññasi rāhula paṭhavīdhātu
niccā vā aniccā vāti. Aniccā bhante ... Āpodhātu ...
Tejodhātu ... Vāyodhātu ... Ākāsadhātu ... Viññāṇadhātu niccā vā
aniccā vāti. Aniccā bhante ....

Suttantapiṭake saṁyuttanikāyassa dutiyo bhāgo (เล่ม 16)

[617] Evaṁ passaṁ rāhula sutavā ariyasāvako paṭhavīdhātuyāpi
nibbindati āpodhātuyāpi nibbindati tejodhātuyāpi nibbindati
Vāyodhātuyāpi nibbindati ākāsadhātuyāpi nibbindati viññāṇadhātuyāpi
nibbindati .pe. Pajānātīti. Navamaṁ.

Suttantapiṭake saṁyuttanikāyassa dutiyo bhāgo (เล่ม 16)

[618] Sāvatthiyaṁ viharati ... Taṁ kiṁ maññasi rāhula rūpaṁ niccaṁ
vā aniccaṁ vāti. Aniccaṁ bhante ... Vedanā ... Saññā ...
Saṅkhārā ... Viññāṇaṁ niccaṁ vā aniccaṁ vāti. Aniccaṁ bhante.
Yaṁ panāniccaṁ dukkhaṁ vā taṁ sukhaṁ vāti. Dukkhaṁ bhante. Yaṁ
panāniccaṁ dukkhaṁ vipariṇāmadhammaṁ kallaṁ nu taṁ samanupassituṁ etaṁ
mama esohamasmi eso me attāti. No hetaṁ bhante.