[569] Sāvatthiyaṁ viharati ... Dāruṇo bhikkhave lābhasakkārasiloko
.pe. Adhigamāya.

[570] Saddhā bhikkhave upāsikā ekaṁ puttakaṁ 1 piyaṁ manāpaṁ
evaṁ sammā āyācamānā āyāceyya tādiso tāta bhavāhi
yādiso citto ca gahapati hatthako ca āḷavakoti. Esā
1 Ma. Yu. ekaputtakaṁ.
Bhikkhave tulā etaṁ pamāṇaṁ mama sāvakānaṁ upāsakānaṁ yadidaṁ
citto ca gahapati hatthako ca āḷavako. Sace kho tvaṁ tāta
agārasmā anagāriyaṁ pabbajasi tādiso tāta bhavāhi yādisā
sārīputtamoggallānāti. Esā bhikkhave tulā etaṁ pamāṇaṁ
mama sāvakānaṁ bhikkhūnaṁ yadidaṁ sārīputtamoggallānā. Mā ca
kho tvaṁ *- tāta sekkhaṁ appattamānasaṁ lābhasakkārasiloko
anupāpuṇātīti 1 . Tañce bhikkhave bhikkhuṁ sekkhaṁ appattamānasaṁ
lābhasakkārasiloko anupāpuṇāti so tassa hoti antarāyāya.
Evaṁ dāruṇo kho bhikkhave lābhasakkārasiloko .pe. Evañhi
vo bhikkhave sikkhitabbanti. Tatiyaṁ.

[571] Sāvatthiyaṁ viharati ... Dāruṇo bhikkhave lābhasakkārasiloko
.pe. Adhigamāya.

[572] Saddhā bhikkhave upāsikā ekaṁ dhītaraṁ piyaṁ manāpaṁ evaṁ
sammā āyācamānā āyāceyya tādisā ayye bhavāhi yādisā
khujjuttarā ca upāsikā veḷukaṇḍakiyā ca nandamātāti. Esā
bhikkhave tulā etaṁ pamāṇaṁ mama sāvikānaṁ upāsikānaṁ yadidaṁ
khujjuttarā ca upāsikā veḷukaṇḍakiyā ca nandamātā. Sace
kho tvaṁ ayye agārasmā anagāriyaṁ pabbajasi tādisā ayye
bhavāhi yādisā khemā ca bhikkhunī uppalavaṇṇā cāti. Esā
bhikkhave tulā etaṁ pamāṇaṁ mama sāvikānaṁ bhikkhunīnaṁ yadidaṁ
1 Ma. Yu. anupāpuṇātūti.
* mīkārkkhag tavaṁ peḌna tvaṁ
Khemā ca bhikkhunī uppalavaṇṇā ca. Mā ca kho tvaṁ *- ayye
sekkhaṁ appattamānasaṁ lābhasakkārasiloko anupāpuṇātīti. Tañce
bhikkhave bhikkhuniṁ sekkhaṁ appattamānasaṁ lābhasakkārasiloko
anupāpuṇāti so tassā hoti antarāyāya. Evaṁ dāruṇo
kho bhikkhave lābhasakkārasiloko .pe. Evañhi vo bhikkhave
sikkhitabbanti. Catutthaṁ.

[573] Sāvatthiyaṁ viharati ... Ye hi keci bhikkhave samaṇā vā
brāhmaṇā vā lābhasakkārasilokassa assādañca ādīnavañca
nissaraṇañca yathābhūtaṁ nappajānanti [evaṁ kātabbaṁ] pajānanti sayaṁ
abhiññā sacchikatvā upasampajja viharantīti. Pañcamaṁ.

[574] Sāvatthiyaṁ viharati ... Ye hi keci bhikkhave samaṇā vā
brāhmaṇā vā lābhasakkārasilokassa samudayañca atthaṅgamañca
assādañca ādīnavañca nissaraṇañca yathābhūtaṁ nappajānanti [evaṁ
kātabbaṁ].

[575] Ye ca kho keci bhikkhave samaṇā vā brāhmaṇā
vā lābhasakkārasilokassa samudayañca atthaṅgamañca assādañca
ādīnavañca nissaraṇañca yathābhūtaṁ pajānanti 1 [evaṁ kātabbaṁ]
viharantīti. Chaṭṭhaṁ.

[576] Sāvatthiyaṁ viharati ... Ye hi keci bhikkhave samaṇā vā
1 Ma. Yu. sayaṁ abhiññā sacchikatvā upasampajja viharantīti.
* mīkārkkhag tavaṁ peḌna tvaṁ
Brāhmaṇā vā lābhasakkārasilokaṁ nappajānanti lābhasakkārasilokasamudayaṁ
nappajānanti lābhasakkārasilokanirodhaṁ nappajānanti lābhasakkārasilokanirodhagāminiṁ
paṭipadaṁ nappajānanti [evaṁ kātabbaṁ]
pajānanti sayaṁ abhiññā sacchikatvā upasampajja viharantīti. Sattamaṁ.

[577] Sāvatthiyaṁ viharati ... Dāruṇo bhikkhave lābhasakkārasiloko.
Lābhasakkārasiloko bhikkhave chaviṁ chindati chaviṁ chetvā
cammaṁ chindati cammaṁ chetvā maṁsaṁ chindati maṁsaṁ chetvā nahāruṁ
chindati nahāruṁ chetvā aṭṭhiṁ chindati aṭṭhiṁ chetvā aṭṭhimiñjaṁ
āhacca tiṭṭhati. Evaṁ dāruṇo kho bhikkhave lābhasakkārasiloko
.pe. Evañhi vo bhikkhave sikkhitabbanti. Aṭṭhamaṁ.

[578] Sāvatthiyaṁ viharati ... Tatra kho bhagavā ... Dāruṇo
bhikkhave lābhasakkārasiloko. Lābhasakkārasiloko bhikkhave chaviṁ
chindati chaviṁ chetvā cammaṁ chindati cammaṁ chetvā maṁsaṁ chindati
maṁsaṁ chetvā nahāruṁ chindati nahāruṁ chetvā aṭṭhiṁ chindati aṭṭhiṁ
chetvā aṭṭhimiñjaṁ āhacca tiṭṭhati.