[559] Idamavoca bhagavā idaṁ vatvāna sugato athāparaṁ
etadavoca satthā
Yassa sakkariyamānassa asakkārena cūbhayaṁ
samādhi na vikampati appamāṇavihārino 1
taṁ jhāyinaṁ sātatikaṁ sukhumadiṭṭhivipassakaṁ
upādānakkhayārāmaṁ āhu sappuriso itīti. Dasamaṁ.
Paṭhamavaggo paṭhamo.
Tassa uddānaṁ
suddhakaṁ 2 baḷisaṁ kummaṁ dīghalomaṁ puneḷakaṁ 3
asani diṭṭhi sigālaṁ verambhena sagayhakanti 4 .
-------
1 Yu. appamādavihārino. 2 Ma. Yu. dāruṇo. 3 Ma. Yu. dīghalomi ca mīḷhakaṁ.
4 Ma. sagāthakanti.
Dutiyavaggo dutiyo

[560] Sāvatthiyaṁ viharati ... Dāruṇo bhikkhave lābhasakkārasiloko
.pe. Adhigamāya.

[561] Idhāhaṁ bhikkhave ekaccaṁ puggalaṁ evaṁ cetasā ceto
paricca pajānāmi na vāyamāyasmā 1 suvaṇṇapātiyāpi rūpiyacuṇṇaparipūrāya
hetu sampajānamusā bhāseyyāti tamenaṁ passāmi aparena
samayena lābhasakkārasilokena abhibhūtaṁ pariyādinnacittaṁ sampajānamusā
bhāsantaṁ. Evaṁ dāruṇo kho bhikkhave lābhasakkārasiloko .pe.
Evañhi vo bhikkhave sikkhitabbanti. Paṭhamaṁ.

[562] Sāvatthiyaṁ viharati ... Dāruṇo bhikkhave lābhasakkārasiloko
.pe. Adhigamāya.

[563] Idhāhaṁ bhikkhave ekaccaṁ puggalaṁ evaṁ cetasā ceto
paricca pajānāmi na vāyamāyasmā rūpiyapātiyāpi suvaṇṇacuṇṇaparipūrāya
hetu sampajānamusā bhāseyyāti tamenaṁ passāmi aparena
samayena lābhasakkārasilokena abhibhūtaṁ pariyādinnacittaṁ sampajānamusā
bhāsantaṁ. Evaṁ dāruṇo kho bhikkhave lābhasakkārasiloko .pe.
Evañhi vo bhikkhave sikkhitabbanti. Dutiyaṁ.

[564] Sāvatthiyaṁ viharati ... Idhāhaṁ bhikkhave ekaccaṁ puggalaṁ
evaṁ cetasā ceto paricca pajānāmi na vāyamāyasmā suvaṇṇanikkhassapi
1 Ma. Yu. cāyamāyasmā. evamuparipi.
Hetu ... Suvaṇṇanikkhasatassapi hetu ... Siṅginikkhassapi
hetu ... Siṅginikkhasatassapi hetu ... Paṭhaviyāpi jātarūpaparipūrāya hetu ...
Āmisakiñcikkhahetupi ... Jīvitahetupi ... Janapadakalyāṇiyāpi hetu
sampajānamusā bhāseyyāti tamenaṁ passāmi aparena samayena
lābhasakkārasilokena abhibhūtaṁ pariyādinnacittaṁ sampajānamusā
bhāsantaṁ. Evaṁ dāruṇo kho bhikkhave lābhasakkārasiloko .pe.
Evañhi vo bhikkhave sikkhitabbanti. Dasamaṁ.
Dutiyavaggo dutiyo.
Tassa uddānaṁ
dve pātī dveva suvaṇṇā [1]- siṅgīhi apare duve
paṭhavī kiñcikkhajīvita- 2 janapadakalyāṇiyā dasāti.
--------
1 Ma. Yu. ca. 2 Ma. Yu. kiñcikkhajīvitaṁ.
Tatiyavaggo tatiyo

[565] Sāvatthiyaṁ viharati ... Tatra kho bhagavā ... Dāruṇo
bhikkhave lābhasakkārasiloko .pe. Adhigamāya.

[566] Na tassa bhikkhave mātugāmo eko ekassa cittaṁ
pariyādāya tiṭṭhati yassa lābhasakkārasiloko cittaṁ pariyādāya
tiṭṭhati .pe. Evaṁ dāruṇo kho bhikkhave lābhasakkārasiloko
.pe. Evañhi vo bhikkhave sikkhitabbanti. Paṭhamaṁ.

[567] Sāvatthiyaṁ viharati ... Dāruṇo bhikkhave lābhasakkārasiloko
.pe. Adhigamāya.

[568] Na tassa bhikkhave janapadakalyāṇī ekā ekassa cittaṁ
pariyādāya tiṭṭhati yassa lābhasakkārasiloko cittaṁ pariyādāya
tiṭṭhati .pe. Evaṁ dāruṇo kho bhikkhave lābhasakkārasiloko
.pe. Evañhi vo bhikkhave sikkhitabbanti. Dutiyaṁ.