[539] Seyyathāpi bhikkhave bāḷisiko āmisagataṁ baḷisaṁ gambhīre
udakarahade pakkhipeyya tamenaṁ aññataro āmisacakkhu maccho
gileyya evañhi so bhikkhave maccho gilabaḷiso bāḷisikassa anayaṁ
āpanno byasanaṁ āpanno yathākāmakaraṇīyo bāḷisikassa.

[540] Bāḷisikoti kho bhikkhave mārassetaṁ pāpimato adhivacanaṁ.
Baḷisanti kho bhikkhave lābhasakkārasilokassetaṁ adhivacanaṁ. Yo hi
Koci bhikkhave bhikkhu uppannaṁ lābhasakkārasilokaṁ assādeti nikāmeti
ayaṁ vuccati bhikkhave bhikkhu gilabaḷiso mārassa anayaṁ āpanno byasanaṁ
āpanno yathākāmakaraṇīyo pāpimato. Evaṁ dāruṇo kho bhikkhave
lābhasakkārasiloko kaṭuko pharuso antarāyiko anuttarassa
yogakkhemassa adhigamāya.

[541] Tasmātiha bhikkhave evaṁ sikkhitabbaṁ uppannaṁ
lābhasakkārasilokaṁ pajahissāma na ca no uppanno lābhasakkārasiloko
cittaṁ pariyādāya ṭhassatīti evañhi vo bhikkhave
sikkhitabbanti. Dutiyaṁ.

[542] Sāvatthiyaṁ viharati ... Dāruṇo bhikkhave lābhasakkārasiloko
.pe. Adhigamāya.

[543] Bhūtapubbaṁ bhikkhave aññatarasmiṁ udakarahade mahākummakulaṁ
ciranivāsi ahosi. Atha kho bhikkhave aññataro kummo yena
aññataro kummo tenupasaṅkami aññataraṁ kummaṁ etadavoca mā
kho tvaṁ tāta kumma etaṁ padesaṁ agamāsīti. Agamāsi kho
bhikkhave so kummo taṁ padesaṁ tamenaṁ luddho papatāya vijjhi.
Atha kho bhikkhave so kummo yena so kummo tenupasaṅkami.
Addasā kho bhikkhave so kummo taṁ kummaṁ dūratova āgacchantaṁ
disvāna taṁ kummaṁ etadavoca kacci tvaṁ tāta kumma na taṁ
padesaṁ agamāsīti. Agamāsiṁ khvāhaṁ tāta kumma taṁ padesanti.
Kacci panāpi 1 tāta kumma akkhato anupahatoti. Akkhato khomhi
tāta kumma anupahato atthi pana me idaṁ suttakaṁ piṭṭhito
piṭṭhito anubandhanti. Taggha hi 2 tāta kumma akkhato 3 taggha
upahato etena hi te tāta kumma suttakena pitaro ca
pitāmahā ca anayaṁ āpannā byasanaṁ āpannā gacchadāni tvaṁ tāta
kumma nadāni tvaṁ amhākanti.

[544] Luddhoti kho bhikkhave mārassetaṁ pāpimato adhivacanaṁ.
Papatāyāti 4 kho bhikkhave lābhasakkārasilokassetaṁ adhivacanaṁ. Suttakanti
kho bhikkhave nandirāgassetaṁ adhivacanaṁ. Yo hi koci bhikkhave bhikkhu
uppannaṁ lābhasakkārasilokaṁ assādeti nikāmeti ayaṁ vuccati
bhikkhave bhikkhu [5]- papatāya anayaṁ āpanno byasanaṁ āpanno yathākāmakaraṇīyo
pāpimato. Evaṁ dāruṇo kho bhikkhave lābhasakkārasiloko
.pe. Evañhi vo bhikkhave sikkhitabbanti. Tatiyaṁ.

[545] Sāvatthiyaṁ viharati ... Dāruṇo bhikkhave lābhasakkārasiloko
.pe. Adhigamāya.

[546] Seyyathāpi bhikkhave dīghalomikā eḷakā kaṇṭakagahanaṁ
paviseyya sā tatra tatra sajjeyya tatra tatra gaṇheyya 6 tatra
tatra bajjheyya tatra tatra anayabyasanaṁ āpajjeyya evameva kho
bhikkhave idhekacco bhikkhu lābhasakkārasilokena abhibhūto pariyādinnacitto
pubbaṇhasamayaṁ nivāsetvā pattacīvaramādāya gāmaṁ vā nigamaṁ
1 Ma. Yu. panāsi. 2 Ma. Yu. tagghasi. 3 Ma. Yu. khato. 4 Ma. papatāti.
5 Ma. Yu. giddho. 6 Ma. gayheyya.
Vā piṇḍāya pavisati so tatra tatra sajjati tatra tatra gayhati
tatra tatra bajjhati tatra tatra anayabyasanaṁ āpajjati. Evaṁ
dāruṇo kho bhikkhave lābhasakkārasiloko .pe. Evañhi vo
bhikkhave sikkhitabbanti. Catutthaṁ.

[547] Sāvatthiyaṁ viharati ... Dāruṇo bhikkhave lābhasakkārasiloko
.pe. Adhigamāya.

[548] Seyyathāpi bhikkhave kaṁsaḷakā 1 gūthādī gūthapūrā puṇṇā
gūthassa pūrato cassa mahāgūthapuñjo sā tena aññā kaṁsaḷakā 1
atimaññeyya ahamhi gūthādī gūthapūrā puṇṇā gūthassa pūrato
ca myāyaṁ mahāgūthapuñjoti. Evameva kho bhikkhave idhekacco
bhikkhu lābhasakkārasilokenābhibhūto pariyādinnacitto pubbaṇhasamayaṁ
nivāsetvā pattacīvaramādāya gāmaṁ vā nigamaṁ vā piṇḍāya pavisati
so tattha bhuttāvī ca hoti yāvadattho nimantito ca svātanāya
piṇḍapātopassa 2 pūro so ārāmaṁ gantvā bhikkhugaṇassa majjheva
vikattheti 3 bhuttāvī camhi yāvadattho nimantito camhi svātanāya
piṇḍapāto ca myāyaṁ pūro lābhī camhi cīvarapiṇḍapātasenāsana-
gilānapaccayabhesajjaparikkhārānaṁ ime pana aññe bhikkhū appapuññā
appesakkhā na lābhino cīvarapiṇḍapātasenāsanagilānapaccaya-
bhesajjaparikkhārānanti. So tena lābhasakkārasilokena abhibhūto
pariyādinnacitto aññe pesale bhikkhū atimaññati. Tañhi tassa
1 Ma. mīḷahakā. Yu. piḷahakā. 2 Ma. Yu. piṇḍapāto cassa. 3 Ma. vikatthati.
Bhikkhave moghapurisassa hoti dīgharattaṁ ahitāya dukkhāya. Evaṁ
dāruṇo kho bhikkhave lābhasakkārasiloko .pe. Evañhi vo
bhikkhave sikkhitabbanti. Pañcamaṁ.