[549] Sāvatthiyaṁ viharati ... Dāruṇo bhikkhave lābhasakkārasiloko
.pe. Adhigamāya.

[550] Kaṁ 1 bhikkhave asanivicakkaṁ [2]-. Sekkhaṁ 3 appattamānasaṁ
lābhasakkārasiloko anupāpuṇātu 4 . Asanivicakkanti kho bhikkhave
lābhasakkārasilokassetaṁ adhivacanaṁ. Evaṁ dāruṇo kho bhikkhave
lābhasakkārasiloko .pe. Evañhi vo bhikkhave sikkhitabbanti. Chaṭṭhaṁ.

[551] Sāvatthiyaṁ viharati ... Dāruṇo bhikkhave lābhasakkārasiloko
.pe. Adhigamāya.

[552] Kaṁ bhikkhave diṭṭhigatena sallena vijjhatu 5 . Sekkhaṁ 3
appattamānasaṁ lābhasakkārasiloko anupāpuṇātu. Sallanti kho
bhikkhave lābhasakkārasilokassetaṁ adhivacanaṁ. Evaṁ dāruṇo kho
bhikkhave lābhasakkārasiloko .pe. Adhigamāya. Evañhi vo
bhikkhave sikkhitabbanti. Sattamaṁ.

[553] Sāvatthiyaṁ viharati ... Dāruṇo bhikkhave lābhasakkārasiloko
.pe. Adhigamāya.

[554] Passatha 6 no tumhe bhikkhave rattiyā paccūsasamayaṁ jarasigālassa
vasamānassāti. Evaṁ bhante. So kho bhikkhave jarasigālo 7
1 Yu. kiṁ. 2 Ma. āgacchatu. 3 Yu. taṁ sekhaṁ. 4 Yu. anupāpuṇāti.
5 Ma. diddhagatena visallena sallena vijjhatu. Yu. diṭṭhagatena ... vijjhanti.
6 Ma. Yu. assūttha. 7 Ma. Yu. jarasiṅgālo.
Ukkaṇṇakena 1 nāma rogajātena phuṭṭho neva thalagato 2 ramati na
rukkhamūlagato ramati na abbhokāsagato ramati yena yena gacchati
yattha yattha tiṭṭhati yattha yattha nisīdati yattha yattha nipajjati tattha
tattha anayabyasanaṁ āpajjati. Evameva kho bhikkhave idhekacco
bhikkhu lābhasakkārasilokena abhibhūto pariyādinnacitto neva suññāgāragato
ramati na rukkhamūlagato ramati na abbhokāsagato ramati
yena yena gacchati yattha yattha tiṭṭhati yattha yattha nisīdati yattha yattha
nipajjati tattha tattha anayabyasanaṁ āpajjati. Evaṁ dāruṇo kho
bhikkhave lābhasakkārasiloko .pe. Evañhi vo bhikkhave
sikkhitabbanti. Aṭṭhamaṁ.

[555] Sāvatthiyaṁ viharati ... Dāruṇo bhikkhave lābhasakkārasiloko
.pe. Adhigamāya.

[556] Upari bhikkhave ākāse verambhā nāma vātā vāyanti
tattha yo pakkhī gacchati tamenaṁ verambhā vātā khipanti tassa
verambhavātukkhittassa 3 aññeneva pādā gacchanti aññena pakkhā
gacchanti aññena sīsaṁ gacchati aññena kāyo gacchati. Evameva
kho bhikkhave idhekacco bhikkhu lābhasakkārasilokena abhibhūto
pariyādinnacitto pubbaṇhasamayaṁ nivāsetvā pattacīvaramādāya gāmaṁ vā
nigamaṁ vā piṇḍāya pavisati arakkhiteneva kāyena arakkhitāya vācāya
arakkhitena cittena anupaṭṭhitāya satiyā asaṁvutehi indriyehi so
1 Ma. ukkaṇḍakena. 2 Ma. bilagato. Yu. suññāgāragato. 3 Ma. Yu.
verambhavātakkhittassa.
Tattha passati mātugāmaṁ dunnivatthaṁ vā duppārutaṁ vā tassa mātugāmaṁ
disvāna dunnivatthaṁ vā duppārutaṁ vā rāgo cittaṁ anuddhaṁseti
so rāgānuddhaṁsena cittena sikkhaṁ paccakkhāya hīnāyāvattati tassa
aññe cīvaraṁ haranti aññe pattaṁ haranti aññe nisīdanaṁ haranti
aññe sūcigharaṁ haranti verambhavātukkhittasseva sakuṇassa. Evaṁ
dāruṇo kho bhikkhave lābhasakkārasiloko .pe. Evañhi vo
bhikkhave sikkhitabbanti. Navamaṁ.

[557] Sāvatthiyaṁ viharati ... Dāruṇo bhikkhave lābhasakkārasiloko
.pe. Adhigamāya.

[558] Idhāhaṁ bhikkhave ekaccaṁ puggalaṁ passāmi sakkārena
abhibhūtaṁ pariyādinnacittaṁ kāyassa bhedā parammaraṇā apāyaṁ duggatiṁ
vinipātaṁ nirayaṁ upapannaṁ. Idha panāhaṁ bhikkhave ekaccaṁ puggalaṁ
passāmi asakkārena abhibhūtaṁ pariyādinnacittaṁ kāyassa bhedā
parammaraṇā apāyaṁ duggatiṁ vinipātaṁ nirayaṁ upapannaṁ. Idha panāhaṁ
bhikkhave ekaccaṁ puggalaṁ passāmi sakkārena ca asakkārena ca
tadubhayena abhibhūtaṁ pariyādinnacittaṁ kāyassa bhedā parammaraṇā apāyaṁ
duggatiṁ vinipātaṁ nirayaṁ upapannaṁ. Evaṁ dāruṇo kho bhikkhave
lābhasakkārasiloko .pe. Evañhi vo bhikkhave sikkhitabbanti.