[449] Idamavoca bhagavā attamanā te bhikkhū bhagavato bhāsitaṁ
abhinanduṁ 2 . Imasmiñca pana veyyākaraṇasmiṁ bhaññamāne
tiṁsamattānaṁ pāveyyakānaṁ bhikkhūnaṁ anupādāya āsavehi cittāni
vimucciṁsūti. Tatiyaṁ.

[450] Sāvatthiyaṁ viharati ... Tatra kho bhagavā ... Anamataggoyaṁ
bhikkhave saṁsāro .pe. Na so bhikkhave satto sulabharūpo yo na
mātā bhūtapubbo iminā dīghena addhunā taṁ kissa hetu anamataggoyaṁ
bhikkhave saṁsāro .pe. Alaṁ vimuccitunti. Catutthaṁ.
[sabbesaṁ evaṁ peyyālo]

[451] Sāvatthiyaṁ viharati ... Tatra kho bhagavā ... Anamataggoyaṁ
bhikkhave saṁsāro .pe. Na so bhikkhave satto sulabharūpo yo
1 Ma. Yu. kukkuṭa ... sūkara .... 2 Po. Ma. Yu. abhinandunti.
Na pitā bhūtapubbo .pe. Pañcamaṁ.

[452] Sāvatthiyaṁ viharati ... Tatra kho bhagavā ... Anamataggoyaṁ
bhikkhave saṁsāro .pe. Na so bhikkhave satto sulabharūpo yo
na bhātā bhūtapubbo .pe. Chaṭṭhaṁ.

[453] Sāvatthiyaṁ viharati ... Tatra kho bhagavā ... Anamataggoyaṁ
bhikkhave saṁsāro .pe. Na so bhikkhave satto sulabharūpo yo
na bhaginī bhūtapubbo .pe. Sattamaṁ.

[454] Sāvatthiyaṁ viharati ... Tatra kho bhagavā ... Anamataggoyaṁ
bhikkhave saṁsāro .pe. Na so bhikkhave satto sulabharūpo yo
na putto bhūtapubbo .pe. Aṭṭhamaṁ.

[455] Sāvatthiyaṁ viharati ... Tatra kho bhagavā ... Anamataggoyaṁ
bhikkhave saṁsāro pubbā koṭi na paññāyati avijjānīvaraṇānaṁ
sattānaṁ taṇhāsaññojanānaṁ sandhāvataṁ saṁsarataṁ. Na so bhikkhave
satto sulabharūpo yo na dhītā bhūtapubbo iminā dīghena addhunā
taṁ kissa hetu anamataggoyaṁ bhikkhave saṁsāro pubbā koṭi na
paññāyati avijjānīvaraṇānaṁ sattānaṁ taṇhāsaññojanānaṁ sandhāvataṁ
saṁsarataṁ. Evaṁ dīgharattaṁ vo bhikkhave dukkhaṁ paccanubhūtaṁ
tippaṁ paccanubhūtaṁ byasanaṁ paccanubhūtaṁ kaṭasī vaḍḍhitā. Yāvañcidaṁ
bhikkhave alameva sabbasaṅkhāresu nibbindituṁ alaṁ virajjituṁ alaṁ
vimuccitunti. Navamaṁ.

[456] Ekaṁ samayaṁ bhagavā rājagahe viharati gijjhakūṭe pabbate.
Tatra kho bhagavā bhikkhū āmantesi bhikkhavoti. Bhadanteti te
bhikkhū bhagavato paccassosuṁ.

[457] Bhagavā etadavoca anamataggoyaṁ bhikkhave saṁsāro
pubbā koṭi na paññāyati avijjānīvaraṇānaṁ sattānaṁ taṇhāsaññojanānaṁ
sandhāvataṁ saṁsarataṁ. Bhūtapubbaṁ bhikkhave imassa vepullassa
pabbatassa pācīnavaṁsotveva samaññā udapādi. Tena kho pana
bhikkhave samayena manussānaṁ tivarātveva samaññā udapādi.
Tivarānaṁ bhikkhave manussānaṁ cattāḷīsavassasahassāni āyuppamāṇaṁ
ahosi. Tivarā bhikkhave manussā pācīnavaṁsaṁ pabbataṁ catūhena
ārohanti catūhena orohanti. Tena kho pana bhikkhave samayena
kakusandho bhagavā arahaṁ sammāsambuddho loke uppanno hoti.
Kakusandhassa bhikkhave bhagavato arahato sammāsambuddhassa vidhūrasañjīvannāma
sāvakayugaṁ ahosi aggaṁ bhaddayugaṁ. Passatha bhikkhave
sā cevimassa pabbatassa samaññā antarahitā te ca manussā
kālakatā so ca bhagavā parinibbuto. Evaṁ aniccā bhikkhave
saṅkhārā evaṁ addhuvā bhikkhave saṅkhārā evaṁ anassāsikā bhikkhave
saṅkhārā. Yāvañcidaṁ bhikkhave alameva sabbasaṅkhāresu nibbindituṁ
alaṁ virajjituṁ alaṁ vimuccituṁ.

[458] Bhūtapubbaṁ bhikkhave imassa vepullassa pabbatassa
Vaṅkatotveva samaññā udapādi. Tena kho pana bhikkhave samayena
manussānaṁ rohitassātveva samaññā udapādi. Rohitassānaṁ
bhikkhave manussānaṁ tiṁsavassasahassāni āyuppamāṇaṁ ahosi.
Rohitassā bhikkhave manussā vaṅkataṁ pabbataṁ tīhena ārohanti tīhena
orohanti. Tena kho pana bhikkhave samayena konāgamano bhagavā
arahaṁ sammāsambuddho loke uppanno hoti. Konāgamanassa bhikkhave
bhagavato arahato sammāsambuddhassa bhiyyosuttaraṁ nāma sāvakayugaṁ
ahosi aggaṁ bhaddayugaṁ. Passatha bhikkhave sā cevimassa pabbatassa
samaññā antarahitā te ca manussā kālakatā so ca bhagavā
parinibbuto. Evaṁ aniccā bhikkhave saṅkhārā .pe. Alaṁ vimuccituṁ.