[349] Katamañca bhikkhave dhātunānattaṁ paṭicca uppajjati
saññānānattaṁ .pe. Pariyesanānānattaṁ paṭicca uppajjati .pe.
Lābhanānattaṁ. Rūpadhātuṁ bhikkhave paṭicca uppajjati rūpasaññā
rūpasaññaṁ paṭicca uppajjati rūpasaṅkappo rūpasaṅkappaṁ paṭicca
uppajjati rūpasamphasso rūpasamphassaṁ paṭicca uppajjati
rūpasamphassajā vedanā rūpasamphassajaṁ vedanaṁ paṭicca uppajjati
rūpacchando rūpacchandaṁ paṭicca uppajjati rūpapariḷāho rūpapariḷāhaṁ
paṭicca uppajjati rūpapariyesanā rūpapariyesanaṁ paṭicca uppajjati 1
rūpalābho .pe. Dhammadhātuṁ paṭicca uppajjati dhammasaññā dhammasaññaṁ
paṭicca uppajjati dhammasaṅkappo dhammasaṅkappaṁ paṭicca uppajjati
dhammasamphasso dhammasamphassaṁ paṭicca uppajjati dhammasamphassajā
vedanā dhammasamphassajaṁ vedanaṁ paṭicca uppajjati dhammacchando
dhammacchandaṁ paṭicca uppajjati dhammapariḷāho dhammapariḷāhaṁ paṭicca
uppajjati dhammapariyesanā dhammapariyesanaṁ paṭicca uppajjati dhammalābho.
1 Yu. rūpapariyesanā rūpapariyesanaṁ paṭicca uppajjatīti ime pāṭhā na dissanti.
Evaṁ kho bhikkhave dhātunānattaṁ paṭicca uppajjati
saññānānattaṁ saññānānattaṁ paṭicca uppajjati .pe.
Pariyesanānānattaṁ paṭicca uppajjati lābhanānattanti. Navamaṁ.

[350] Sāvatthiyaṁ viharati ... Tatra kho bhagavā ... Dhātunānattaṁ
bhikkhave paṭicca uppajjati saññānānattaṁ saññānānattaṁ paṭicca
uppajjati saṅkappanānattaṁ phassa ... Vedanā ... Chanda ... Pariḷāha ...
Pariyesanānānattaṁ paṭicca uppajjati lābhanānattaṁ no lābhanānattaṁ
paṭicca uppajjati pariyesanānānattaṁ no pariyesanānānattaṁ
paṭicca uppajjati pariḷāhanānattaṁ no pariḷāhanānattaṁ paṭicca
uppajjati chandanānattaṁ vedanā ... Phassa ... Saṅkappa ... Saññānānattaṁ
no saññānānattaṁ paṭicca uppajjati dhātunānattaṁ. Katamañca
bhikkhave dhātunānattaṁ. Rūpadhātu .pe. Dhammadhātu. Idaṁ
vuccati bhikkhave dhātunānattaṁ.

[351] Katamañca bhikkhave dhātunānattaṁ paṭicca uppajjati
saññānānattaṁ saññānānattaṁ paṭicca uppajjati saṅkappanānattaṁ
phassa ... Vedanā ... Chanda ... Pariḷāha ... Pariyesanā ...
Lābhanānattaṁ no lābhanānattaṁ paṭicca uppajjati pariyesanānānattaṁ pariḷāha ...
Chanda ... Vedanā ... Phassanānattaṁ no saṅkappanānattaṁ paṭicca
uppajjati saññānānattaṁ no saññānānattaṁ paṭicca uppajjati
dhātunānattaṁ. Rūpadhātuṁ bhikkhave paṭicca uppajjati rūpasaññā .pe.
Dhammadhātuṁ paṭicca uppajjati dhammasaññā dhammasaññaṁ paṭicca
uppajjati .pe. Dhammapariyesanā dhammapariyesanaṁ paṭicca uppajjati
dhammalābho no dhammalābhaṁ paṭicca uppajjati dhammapariyesanā no
dhammapariyesanaṁ paṭicca uppajjati dhammapariḷāho no dhammapariḷāhaṁ
paṭicca uppajjati dhammacchando no dhammacchandaṁ paṭicca uppajjati
dhammasamphassajā vedanā no dhammasamphassajaṁ vedanaṁ paṭicca uppajjati
dhammasamphasso no dhammasamphassaṁ paṭicca uppajjati dhammasaṅkappo
no dhammasaṅkappaṁ paṭicca uppajjati dhammasaññā no dhammasaññaṁ
paṭicca uppajjati dhammadhātu. Evaṁ kho bhikkhave dhātunānattaṁ
paṭicca uppajjati saññānānattaṁ saññānānattaṁ paṭicca
uppajjati saṅkappanānattaṁ phassa ... Vedanā ... Chanda ... Pariḷāha ...
Pariyesanā ... Lābhanānattaṁ no lābhanānattaṁ paṭicca uppajjati
pariyesanānānattaṁ no pariyesanānānattaṁ paṭicca uppajjati
pariḷāhanānattaṁ no pariḷāhanānattaṁ paṭicca uppajjati chandanānattaṁ
no chandanānattaṁ paṭicca uppajjati vedanānānattaṁ no vedanānānattaṁ
paṭicca uppajjati phassanānattaṁ no phassanānattaṁ paṭicca
uppajjati saṅkappanānattaṁ no saṅkappanānattaṁ paṭicca uppajjati
saññānānattaṁ no saññānānattaṁ paṭicca uppajjati dhātunānattanti.
Dasamaṁ.
Nānattavaggo paṭhamo.
Tassa uddānaṁ
dhātu samphassañca 1 no cetaṁ vedanā apare duve
etaṁ ajjhattapañcakaṁ dhātusaññā ca 2 no cetaṁ
phassassa 3 apare duve etaṁ bāhirapañcakaṁ 4 .
---------
1 Ma. phassañca. 2 Yu. casaddo natthi. 3 Yu. phassena. 4 Ma. Yu.
bāhirapañcakanti.
Dutiyavaggo dutiyo

[352] Sāvatthiyaṁ viharati ... Tatra kho bhagavā ... Sattimā
bhikkhave dhātuyo katamā satta ābhādhātu subhādhātu 1 ākāsānañcāyatanadhātu
viññāṇañcāyatanadhātu ākiñcaññāyatanadhātu nevasaññānāsaññāyatanadhātu
saññāvedayitanirodhadhātu imā kho
bhikkhave satta dhātuyoti. Evaṁ vutte aññataro bhikkhu bhagavantaṁ
etadavoca yā cāyaṁ bhante ābhādhātu yā ca subhādhātu yā ca
ākāsānañcāyatanadhātu yā ca viññāṇañcāyatanadhātu yā ca
ākiñcaññāyatanadhātu yā ca nevasaññānāsaññāyatanadhātu yā ca
saññāvedayitanirodhadhātu imā nu kho bhante dhātuyo kiṁ paṭicca
paññāyantīti.

[353] Yāyaṁ bhikkhu ābhādhātu ayaṁ dhātu andhakāraṁ paṭicca
paññāyati. Yāyaṁ bhikkhu subhādhātu ayaṁ dhātu asubhaṁ paṭicca
paññāyati. Yāyaṁ bhikkhu ākāsānañcāyatanadhātu ayaṁ dhātu rūpaṁ
paṭicca paññāyati. Yāyaṁ bhikkhu viññāṇañcāyatanadhātu ayaṁ
dhātu ākāsānañcāyatanaṁ paṭicca paññāyati. Yāyaṁ bhikkhu
ākiñcaññāyatanadhātu ayaṁ dhātu viññāṇañcāyatanaṁ paṭicca
paññāyati. Yāyaṁ bhikkhu nevasaññānāsaññāyatanadhātu ayaṁ
dhātu ākiñcaññāyatanaṁ paṭicca paññāyati. Yāyaṁ bhikkhu
saññāvedayitanirodhadhātu ayaṁ dhātu nirodhaṁ paṭicca paññāyatīti. Yā
1 Ma. Yu. subhadhātu. evamuparipi.
Cāyaṁ bhante ābhādhātu yā ca subhādhātu yā ca ākāsānañcāyatanadhātu
yā ca viññāṇañcāyatanadhātu yā ca ākiñcaññāyatanadhātu
yā ca nevasaññānāsaññāyatanadhātu yā ca saññāvedayitanirodhadhātu
imā nu kho bhante dhātuyo kathaṁ samāpatti
pattabbāti.

[354] Yā cāyaṁ bhikkhu ābhādhātu yā ca subhādhātu yā ca
ākāsānañcāyatanadhātu yā ca viññāṇañcāyatanadhātu yā ca
ākiñcaññāyatanadhātu imā dhātuyo saññāsamāpatti pattabbā.
Yāyaṁ bhikkhu nevasaññānāsaññāyatanadhātu ayaṁ dhātu saṅkhārāvasesasamāpatti
pattabbā. Yāyaṁ bhikkhu saññāvedayitanirodhadhātu ayaṁ
dhātu nirodhasamāpatti pattabbāti. Paṭhamaṁ.

[355] Sāvatthiyaṁ viharati ... Tatra kho bhagavā ... Sanidānaṁ
bhikkhave uppajjati kāmavitakko no anidānaṁ sanidānaṁ uppajjati
byāpādavitakko no anidānaṁ sanidānaṁ uppajjati vihisāvitakko
no anidānaṁ.

[356] Kathañca bhikkhave sanidānaṁ uppajjati kāmavitakko no
anidānaṁ sanidānaṁ uppajjati byāpādavitakko no anidānaṁ sanidānaṁ
uppajjati vihiṁsāvitakko no anidānaṁ. Kāmadhātuṁ bhikkhave paṭicca
uppajjati kāmasaññā kāmasaññaṁ paṭicca uppajjati kāmasaṅkappo
kāmasaṅkappaṁ paṭicca uppajjati kāmacchando kāmacchandaṁ paṭicca
Uppajjati kāmapariḷāho kāmapariḷāhaṁ paṭicca uppajjati
kāmapariyesanā. Kāmapariyesanaṁ bhikkhave pariyesamāno assutavā
puthujjano tīhi ṭhānehi micchā paṭipajjati kāyena vācāya manasā.
Byāpādadhātuṁ bhikkhave paṭicca uppajjati byāpādasaññā byāpādasaṅkappo ...
Byāpādacchando ... Byāpādapariḷāho ... Byāpādapariyesanā.
Byāpādapariyesanaṁ bhikkhave pariyesamāno assutavā
puthujjano tīhi ṭhānehi micchā paṭipajjati kāyena vācāya manasā.
Vihiṁsādhātuṁ bhikkhave paṭicca uppajjati vihiṁsāsaññā vihiṁsāsaṅkappo ...
Vihiṁsāchando ... Vihiṁsāpariḷāho ... Vihiṁsāpariyesanā.
Vihiṁsāpariyesanaṁ bhikkhave pariyesamāno assutavā puthujjano tīhi
ṭhānehi micchā paṭipajjati kāyena vācāya manasā.

[357] Seyyathāpi bhikkhave puriso ādittaṁ tiṇukkaṁ sukkhe
tiṇadāye nikkhipeyya no ce hatthehi ca pādehi ca khippameva
nibbāpeyya evañhi bhikkhave ye tiṇakaṭṭhanissitā pāṇā te
anayabyasanaṁ āpajjeyyuṁ evameva kho bhikkhave yo hi koci samaṇo
vā brāhmaṇo vā uppannaṁ visamagataṁ akusalasaññaṁ 1 na khippameva
pajahati vinodeti byantīkaroti anabhāvaṁ gameti so diṭṭheva 2 dhamme
dukkhaṁ viharati savighātaṁ saupāyāsaṁ sapariḷāhaṁ kāyassa [3]- bhedā
paraṁ maraṇā duggati 4 pāṭikaṅkhā.

[358] Sanidānaṁ bhikkhave uppajjati nekkhammavitakko no anidānaṁ
1 Ma. Yu. saññaṁ. 2 Ma. Yu. diṭṭhe ceva. 3 Ma. Yu. ca. 4 Yu. duggatiṁ.
Sanidānaṁ uppajjati abyāpādavitakko no anidānaṁ sanidānaṁ
uppajjati avihiṁsāvitakko no anidānaṁ.