[339] Sāvatthiyaṁ viharati ... Tatra kho bhagavā ... Dhātunānattaṁ
bhikkhave paṭicca uppajjati phassanānattaṁ phassanānattaṁ paṭicca
uppajjati vedanānānattaṁ 1 . Katamañca bhikkhave dhātunānattaṁ.
Cakkhudhātu .pe. Manodhātu. Idaṁ vuccati bhikkhave dhātunānattaṁ.

[340] Katamañca bhikkhave dhātunānattaṁ paṭicca uppajjati
phassanānattaṁ phassanānattaṁ paṭicca uppajjati vedanānānattaṁ.
Cakkhudhātuṁ bhikkhave paṭicca uppajjati cakkhusamphasso cakkhusamphassaṁ
paṭicca uppajjati cakkhusamphassajā vedanā .pe. Manodhātuṁ paṭicca
1 Yu. yebhuyyena vedanānattaṁ.
Uppajjati manosamphasso manosamphassaṁ paṭicca uppajjati
manosamphassajā vedanā. Evaṁ kho bhikkhave dhātunānattaṁ paṭicca
uppajjati phassanānattaṁ phassanānattaṁ paṭicca uppajjati
vedanānānattanti. Catutthaṁ.

[341] Sāvatthiyaṁ viharati ... Tatra kho bhagavā ... Dhātunānattaṁ
bhikkhave paṭicca uppajjati phassanānattaṁ phassanānattaṁ paṭicca
uppajjati vedanānānattaṁ no vedanānānattaṁ paṭicca uppajjati
phassanānattaṁ no phassanānattaṁ paṭicca uppajjati dhātunānattaṁ.
Katamañca bhikkhave dhātunānattaṁ. Cakkhudhātu .pe. Manodhātu.
Idaṁ vuccati bhikkhave dhātunānattaṁ.

[342] Katamañca bhikkhave dhātunānattaṁ paṭicca uppajjati
phassanānattaṁ phassanānattaṁ paṭicca uppajjati vedanānānattaṁ no
vedanānānattaṁ paṭicca uppajjati phassanānattaṁ no phassanānattaṁ
paṭicca uppajjati dhātunānattaṁ. Cakkhudhātuṁ bhikkhave paṭicca uppajjati
cakkhusamphasso cakkhusamphassaṁ paṭicca uppajjati cakkhusamphassajā
vedanā no cakkhusamphassajaṁ vedanaṁ paṭicca uppajjati cakkhusamphasso
no cakkhusamphassaṁ paṭicca uppajjati cakkhudhātu .pe. Manodhātuṁ
paṭicca uppajjati manosamphasso manosamphassaṁ paṭicca uppajjati
manosamphassajā vedanā no manosamphassajaṁ vedanaṁ paṭicca uppajjati
manosamphasso no manosamphassaṁ paṭicca uppajjati manodhātu.
Evaṁ kho bhikkhave dhātunānattaṁ paṭicca uppajjati phassanānattaṁ
phassanānattaṁ paṭicca uppajjati vedanānānattaṁ no vedanānānattaṁ
paṭicca uppajjati phassanānattaṁ no phassanānattaṁ paṭicca uppajjati
dhātunānattanti. Pañcamaṁ.

[343] Sāvatthiyaṁ viharati ... Tatra kho bhagavā ... Dhātunānattaṁ vo
bhikkhave desissāmi taṁ suṇātha ... Katamañca bhikkhave dhātunānattaṁ.
Rūpadhātu saddadhātu gandhadhātu rasadhātu phoṭṭhabbadhātu dhammadhātu.
Idaṁ vuccati bhikkhave dhātunānattanti. Chaṭṭhaṁ.

[344] Sāvatthiyaṁ viharati ... Tatra kho bhagavā ... Dhātunānattaṁ
bhikkhave paṭicca uppajjati saññānānattaṁ saññānānattaṁ paṭicca
uppajjati saṅkappanānattaṁ saṅkappanānattaṁ paṭicca uppajjati
chandanānattaṁ chandanānattaṁ paṭicca uppajjati pariḷāhanānattaṁ
pariḷāhanānattaṁ paṭicca uppajjati pariyesanānānattaṁ. Katamañca
bhikkhave dhātunānattaṁ. Rūpadhātu .pe. Dhammadhātu. Idaṁ vuccati
bhikkhave dhātunānattaṁ.

[345] Katamañca 1 bhikkhave dhātunānattaṁ paṭicca uppajjati
saññānānattaṁ saññānānattaṁ paṭicca uppajjati saṅkappanānattaṁ
saṅkappanānattaṁ paṭicca uppajjati chandanānattaṁ chandanānattaṁ
paṭicca uppajjati pariḷāhanānattaṁ pariḷāhanānattaṁ paṭicca
uppajjati pariyesanānānattaṁ. Rūpadhātuṁ bhikkhave paṭicca uppajjati
1 Ma. Yu. kathañca. evamuparipi.
Rūpasaññā rūpasaññaṁ paṭicca uppajjati rūpasaṅkappo rūpasaṅkappaṁ
paṭicca uppajjati rūpacchando rūpacchandaṁ paṭicca uppajjati
rūpapariḷāho rūpapariḷāhaṁ paṭicca uppajjati rūpapariyesanā .pe.
Dhammadhātuṁ paṭicca uppajjati dhammasaññā dhammasaññaṁ paṭicca
uppajjati dhammasaṅkappo dhammasaṅkappaṁ paṭicca uppajjati
dhammacchando dhammacchandaṁ paṭicca uppajjati dhammapariḷāho
dhammapariḷāhaṁ paṭicca uppajjati dhammapariyesanā. Evaṁ kho bhikkhave
dhātunānattaṁ paṭicca uppajjati saññānānattaṁ saññānānattaṁ paṭicca
uppajjati saṅkappanānattaṁ saṅkappanānattaṁ paṭicca uppajjati
chandanānattaṁ chandanānattaṁ paṭicca uppajjati pariḷāhanānattaṁ
pariḷāhanānattaṁ paṭicca uppajjati pariyesanānānattanti. Sattamaṁ.

[346] Sāvatthiyaṁ viharati ... Tatra kho bhagavā ... Dhātunānattaṁ
bhikkhave paṭicca uppajjati saññānānattaṁ saññānānattaṁ paṭicca
uppajjati .pe. Pariyesanānānattaṁ no pariyesanānānattaṁ paṭicca
uppajjati pariḷāhanānattaṁ no pariḷāhanānattaṁ paṭicca uppajjati
chandanānattaṁ no chandanānattaṁ paṭicca uppajjati saṅkappanānattaṁ
no saṅkappanānattaṁ paṭicca uppajjati saññānānattaṁ no
saññānānattaṁ paṭicca uppajjati 1 dhātunānattaṁ. Katamañca bhikkhave
dhātunānattaṁ. Rūpadhātu .pe. Dhammadhātu. Idaṁ vuccati bhikkhave
dhātunānattaṁ.
1 Yu. saññānānattaṁ no saññānānattaṁ paṭicca uppajjatīti ime pāṭhā na dissanti.

[347] Katamañca bhikkhave dhātunānattaṁ paṭicca uppajjati
saññānānattaṁ saññānānattaṁ paṭicca uppajjati .pe.
Pariyesanānānattaṁ no pariyesanānānattaṁ paṭicca uppajjati
pariḷāhanānattaṁ no pariḷāhanānattaṁ paṭicca uppajjati chandanānattaṁ
no chandanānattaṁ paṭicca uppajjati saṅkappanānattaṁ no
saṅkappanānattaṁ paṭicca uppajjati saññānānattaṁ no saññānānattaṁ
paṭicca uppajjati dhātunānattaṁ. Rūpadhātuṁ bhikkhave paṭicca uppajjati
rūpasaññā .pe. Dhammadhātuṁ paṭicca uppajjati dhammasaññā
dhammasaññaṁ paṭicca uppajjati .pe. Dhammapariyesanā no dhammapariyesanaṁ
paṭicca uppajjati dhammapariḷāho no dhammapariḷāhaṁ paṭicca
uppajjati dhammacchando no dhammacchandaṁ paṭicca uppajjati
dhammasaṅkappo no dhammasaṅkappaṁ paṭicca uppajjati dhammasaññā no
dhammasaññaṁ paṭicca uppajjati dhammadhātu. Evaṁ kho bhikkhave
dhātunānattaṁ paṭicca uppajjati saññānānattaṁ saññānānattaṁ paṭicca
uppajjati .pe. Pariyesanānānattaṁ no pariyesanānānattaṁ paṭicca
uppajjati .pe. Saññānānattaṁ no saññānānattaṁ paṭicca
uppajjati dhātunānattanti. Aṭṭhamaṁ.

[348] Sāvatthiyaṁ viharati ... Tatra kho bhagavā ... Dhātunānattaṁ
bhikkhave paṭicca uppajjati saññānānattaṁ saññānānattaṁ paṭicca
uppajjati saṅkappanānattaṁ saṅkappanānattaṁ paṭicca uppajjati
Phassanānattaṁ phassanānattaṁ paṭicca uppajjati vedanānānattaṁ
vedanānānattaṁ paṭicca uppajjati chandanānattaṁ chandanānattaṁ paṭicca
uppajjati pariḷāhanānattaṁ pariḷāhanānattaṁ paṭicca uppajjati
pariyesanānānattaṁ pariyesanānānattaṁ paṭicca uppajjati lābhanānattaṁ.
Katamañca bhikkhave dhātunānattaṁ. Rūpadhātu .pe. Dhammadhātu. Idaṁ
vuccati bhikkhave dhātunānattaṁ.