[39] Ye ca kho keci bhikkhave samaṇā vā brāhmaṇā vā
jarāmaraṇaṁ pajānanti jarāmaraṇasamudayaṁ pajānanti jarāmaraṇanirodhaṁ
pajānanti jarāmaraṇanirodhagāminīpaṭipadaṁ pajānanti. Jātiṁ .pe.
Bhavaṁ ... Upādānaṁ ... Taṇhaṁ ... Vedanaṁ ... Phassaṁ ... Saḷāyatanaṁ ...
Nāmarūpaṁ ... Viññāṇaṁ ... Saṅkhāre pajānanti saṅkhārasamudayaṁ pajānanti
saṅkhāranirodhaṁ pajānanti saṅkhāranirodhagāminīpaṭipadaṁ pajānanti. Te
khome bhikkhave samaṇā vā brāhmaṇā vā samaṇesu ceva
samaṇasammatā brāhmaṇesu ca brāhmaṇasammatā te ca panāyasmanto
sāmaññatthañca brāhmaññatthañca diṭṭheva dhamme sayaṁ abhiññā
sacchikatvā upasampajja viharantīti. Tatiyaṁ.
1 Ma. Yu. brahmaññatthaṁ. evamuparipi.

[40] Sāvatthiyaṁ viharati ... Ye hi keci bhikkhave samaṇā vā
brāhmaṇā vā ime dhamme nappajānanti imesaṁ dhammānaṁ samudayaṁ
nappajānanti imesaṁ dhammānaṁ nirodhaṁ nappajānanti imesaṁ dhammānaṁ
nirodhagāminīpaṭipadaṁ nappajānanti. Katame dhamme nappajānanti
katamesaṁ dhammānaṁ samudayaṁ nappajānanti katamesaṁ dhammānaṁ nirodhaṁ
nappajānanti katamesaṁ dhammānaṁ nirodhagāminīpaṭipadaṁ nappajānanti.
Jarāmaraṇaṁ nappajānanti jarāmaraṇasamudayaṁ nappajānanti jarāmaraṇanirodhaṁ
nappajānanti jarāmaraṇanirodhagāminīpaṭipadaṁ nappajānanti.
Jātiṁ .pe. Bhavaṁ ... Upādānaṁ ... Taṇhaṁ ... Vedanaṁ ... Phassaṁ ...
Saḷāyatanaṁ ... Nāmarūpaṁ ... Viññāṇaṁ ... Saṅkhāre nappajānanti saṅkhāra-
samudayaṁ nappajānanti saṅkhāranirodhaṁ nappajānanti saṅkhāranirodhagāminīpaṭipadaṁ
nappajānanti. Ime dhamme nappajānanti imesaṁ dhammānaṁ
samudayaṁ nappajānanti imesaṁ dhammānaṁ nirodhaṁ nappajānanti imesaṁ
dhammānaṁ nirodhagāminīpaṭipadaṁ nappajānanti. Na mete bhikkhave
samaṇā vā brāhmaṇā vā samaṇesu vā samaṇasammatā brāhmaṇesu
vā brāhmaṇasammatā na ca pana te āyasmanto sāmaññatthaṁ
vā brāhmaññatthaṁ vā diṭṭheva dhamme sayaṁ abhiññā sacchikatvā
upasampajja viharanti.

[41] Ye ca kho keci bhikkhave samaṇā vā brāhmaṇā vā
ime dhamme pajānanti imesaṁ dhammānaṁ samudayaṁ pajānanti imesaṁ
Dhammānaṁ nirodhaṁ pajānanti imesaṁ dhammānaṁ nirodhagāminīpaṭipadaṁ
pajānanti. Katame dhamme pajānanti katamesaṁ dhammānaṁ samudayaṁ
pajānanti katamesaṁ dhammānaṁ nirodhaṁ pajānanti katamesaṁ dhammānaṁ
nirodhagāminīpaṭipadaṁ pajānanti. Jarāmaraṇaṁ pajānanti jarāmaraṇasamudayaṁ
pajānanti jarāmaraṇanirodhaṁ pajānanti jarāmaraṇanirodhagāminīpaṭipadaṁ
pajānanti. Jātiṁ .pe. Bhavaṁ ... Upādānaṁ ... Taṇhaṁ ...
Vedanaṁ ... Phassaṁ ... Saḷāyatanaṁ ... Nāmarūpaṁ ... Viññāṇaṁ ... Saṅkhāre
pajānanti saṅkhārasamudayaṁ pajānanti saṅkhāranirodhaṁ pajānanti saṅkhāra-
nirodhagāminīpaṭipadaṁ pajānanti. Ime dhamme pajānanti imesaṁ dhammānaṁ
samudayaṁ pajānanti imesaṁ dhammānaṁ nirodhaṁ pajānanti imesaṁ dhammānaṁ
nirodhagāminīpaṭipadaṁ pajānanti. Te khome bhikkhave samaṇā vā
brāhmaṇā vā samaṇesu ceva samaṇasammatā brāhmaṇesu ca
brāhmaṇasammatā te ca panāyasmanto sāmaññatthañca brāhmaññatthañca
diṭṭheva dhamme sayaṁ abhiññā sacchikatvā upasampajja
viharantīti. Catutthaṁ.

[42] Sāvatthiyaṁ viharati ... Atha kho āyasmā kaccānagotto 1
yena bhagavā tenupasaṅkami upasaṅkamitvā bhagavantaṁ abhivādetvā
ekamantaṁ nisīdi. Ekamantaṁ nisinno kho āyasmā kaccānagotto
bhagavantaṁ etadavoca sammādiṭṭhi sammādiṭṭhīti bhante vuccati
kittāvatā nu kho bhante sammādiṭṭhi hotīti.
1 Yu. kaccāyanagotto. evamuparipi.

[43] Dvayanissito khoyaṁ kaccāna 1 loko yebhuyyena
atthitañceva natthitañca. Lokasamudayaṁ ca 2 kho kaccāna yathābhūtaṁ
sammappaññāya passato yā loke natthitā sā na hoti.
Lokanirodhaṁ kho kaccāna yathābhūtaṁ sammappaññāya passato yā
loke atthitā sā na hoti. Upāyupādānābhinivesavinibandho 3
khvāyaṁ kaccāna loko yebhuyyena tañcāyaṁ upāyupādānaṁ cetaso
adhiṭṭhānaṁ abhinivesānusayaṁ na upeti na upādiyati nādhiṭṭhāti attā
meti. Dukkhameva uppajjamānaṁ uppajjati dukkhaṁ nirujjhamānaṁ
nirujjhatīti na kaṅkhati na vicikicchati. Aparappaccayā ñāṇamevassa ettha
hoti. Ettāvatā kho kaccāna sammādiṭṭhi hoti.

[44] Sabbamatthīti kho kaccāna ayameko anto sabbaṁ natthīti
ayaṁ dutiyo anto. Ete te kaccāna ubho ante anupagamma
majjhena tathāgato dhammaṁ deseti avijjāpaccayā saṅkhārā
saṅkhārapaccayā viññāṇaṁ .pe. Evametassa kevalassa dukkhakkhandhassa
samudayo hoti. Avijjāya tveva asesavirāganirodhā saṅkhāranirodho
saṅkhāranirodhā viññāṇanirodho .pe. Evametassa kevalassa
dukkhakkhandhassa nirodho hotīti. Pañcamaṁ.

[45] Sāvatthiyaṁ viharati ... Atha kho aññataro bhikkhu yena
bhagavā tenupasaṅkami upasaṅkamitvā bhagavantaṁ abhivādetvā ekamantaṁ
nisīdi. Ekamantaṁ nisinno kho so bhikkhu bhagavantaṁ etadavoca
1 Yu. kaccāyana. evamuparipi. 2 Ma. Yu. casaddo natthi. 3 Ma. upayupā ....
Dhammakathiko dhammakathikoti bhante vuccati kittāvatā nu kho bhante
dhammakathiko hotīti.

[46] Jarāmaraṇassa ce bhikkhu nibbidāya virāgāya nirodhāya
dhammaṁ deseti dhammakathiko bhikkhūti alaṁ vacanāya. Jarāmaraṇassa
ce bhikkhu nibbidāya virāgāya nirodhāya paṭipanno hoti
dhammānudhammapaṭipanno bhikkhūti alaṁ vacanāya. Jarāmaraṇassa ce bhikkhu
nibbidā virāgā nirodhā anupādā vimutto hoti diṭṭhadhammanibbānappatto
bhikkhūti alaṁ vacanāya. Jātiyā ce bhikkhu .pe.
Bhavassa ce bhikkhu ... Upādānassa ce bhikkhu ... Taṇhāya ce
bhikkhu ... Vedanāya ce bhikkhu ... Phassassa ce bhikkhu ... Saḷāyatanassa
ce bhikkhu ... Nāmarūpassa ce bhikkhu ... Viññāṇassa ce bhikkhu ...
Saṅkhārānañce bhikkhu ... Avijjāya ce bhikkhu nibbidāya virāgāya
nirodhāya dhammaṁ deseti dhammakathiko bhikkhūti alaṁ vacanāya.
Avijjāya ce bhikkhu nibbidāya virāgāya nirodhāya paṭipanno hoti
dhammānudhammapaṭipanno bhikkhūti alaṁ vacanāya. Avijjāya ce bhikkhu
nibbidā virāgā nirodhā anupādā vimutto hoti diṭṭhadhammanibbānappatto
bhikkhūti alaṁ vacanāyāti. Chaṭṭhaṁ.

[47] Evamme sutaṁ ekaṁ samayaṁ bhagavā rājagahe viharati
veḷuvane kalandakanivāpe. Atha kho bhagavā pubbaṇhasamayaṁ nivāsetvā
pattacīvaramādāya rājagahe 1 piṇḍāya pāvisi. Addasā kho acelo
1 Ma. Yu. rājagahaṁ.
Kassapo bhagavantaṁ dūratova āgacchantaṁ disvāna yena bhagavā
tenupasaṅkami upasaṅkamitvā bhagavatā saddhiṁ sammodi sammodanīyaṁ
kathaṁ sārāṇīyaṁ vītisāretvā ekamantaṁ aṭṭhāsi.

[48] Ekamantaṁ ṭhito kho acelo kassapo bhagavantaṁ etadavoca
puccheyyāma mayaṁ bhavantaṁ gotamaṁ kañcideva 1 desaṁ sace no bhavaṁ
gotamo okāsaṁ karoti pañhassa veyyākaraṇāyāti. Akālo
kho tāva kassapa pañhassa antaragharaṁ paviṭṭhamhāti. Dutiyaṁpi
kho acelo kassapo bhagavantaṁ etadavoca puccheyyāma mayaṁ
bhavantaṁ gotamaṁ kañcideva desaṁ sace no bhavaṁ gotamo okāsaṁ
karoti pañhassa veyyākaraṇāyāti. Akālo kho tāva kassapa
pañhassa antaragharaṁ paviṭṭhamhāti. Tatiyaṁpi kho .pe.
Paviṭṭhamhāti.