[887] Sāvatthīnidānaṁ. Bhūtapubbaṁ bhikkhave sakkassa
devānamindassa rahogatassa paṭisallīnassa evaṁ cetaso parivitakko
udapādi yopi me assa paccatthiko tassapāhaṁ na dubbheyyanti.
Atha kho bhikkhave vepacitti asurindo sakkassa devānamindassa cetasā
1 Ma. Yu. vikulāvakā.
Cetoparivitakkamaññāya yena sakko devānamindo tenupasaṅkami.

[888] Addasā kho bhikkhave sakko devānamindo vepacittiṁ
asurindaṁ dūratova āgacchantaṁ disvāna vepacittiṁ asurindaṁ etadavoca
tiṭṭha vepacitti gahitosīti. Yadeva te mārisa pubbe cittaṁ tadeva
tvaṁ mārisa jahāsīti 1 . Sapassu ca me vepacitti adubbhāyāti.

[889] Yaṁ musā bhaṇato pāpaṁ yaṁ ariyūpavādino
mittadduno ca yaṁ pāpaṁ yaṁ pāpaṁ akataññuno
tameva pāpaṁ phusatu 2 yo te dubbhe sujampatīti.
Aṭṭhamaṁ virocanāsurindasuttaṁ

[890] Ekaṁ samayaṁ bhagavā sāvatthiyaṁ viharati jetavane anāthapiṇḍikassa
ārāme. Tena kho pana samayena bhagavā divāvihāragato
hoti paṭisallīno. Atha kho sakko ca devānamindo verocano
ca asurindo yena bhagavā tenupasaṅkamiṁsu upasaṅkamitvā paccekaṁ
dvārabāhaṁ nissāya aṭṭhaṁsu.

[891] Atha kho verocano asurindo bhagavato santike imaṁ
gāthaṁ abhāsi
vāyametheva puriso yāva atthassa nippadā
nipphannasobhano attho verocanavaco idanti.

[892] Vāyametheva puriso yāva atthassa nippadā
nipphannasobhino atthā 3 khantyā bhiyyo na vijjatīti.
1 Ma. mā pajahāsi. Yu. pahāsi. 2 Yu. phusati. 3 po ... sobhaṇā. Ma. yu ... sobhano.

[893] Sabbe sattā atthajātā tattha tattha yathārahaṁ
saṁyogaparamātveva sambhogā sabbapāṇinaṁ
nipphannasobhino atthā verocanavaco idanti.

[894] Sabbe sattā atthajātā tattha tattha yathārahaṁ
saṁyogaparamātveva sambhogā sabbapāṇinaṁ
nipphannasobhino atthā khantyā bhiyyo na vijjatīti.
Navamaṁ āraññakasuttaṁ

[895] Sāvatthīnidānaṁ. Bhūtapubbaṁ bhikkhave sambahulā isayo
sīlavanto kalyāṇadhammā araññāyatane paṇṇakuṭīsu sammanti.
Atha kho bhikkhave sakko ca devānamindo vepacitti ca asurindo
yena te isayo sīlavanto kalyāṇadhammā tenupasaṅkamiṁsu.

[896] Atha kho bhikkhave vepacitti asurindo aṭaliyo 1 upāhanā
ārohitvā khaggaṁ olaggetvā chattena dhāriyamānena aggadvārena
assamaṁ pavisitvā te isayo sīlavante kalyāṇadhamme apabyāmato
karitvā atikkami. Atha kho bhikkhave sakko devānamindo aṭaliyo
upāhanā orohitvā khaggaṁ aññesaṁ datvā chattaṁ apaṇāmetvā
dvāreneva assamaṁ pavisitvā te isayo sīlavante kalyāṇadhamme
anuvātaṁ pañjaliko namassamāno aṭṭhāsi.