พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Suttantapiṭake majjhimanikāyassa tatiyo bhāgo (เล่ม 14)

[723] Seyyathāpi bhante sārīputta balavā puriso tiṇhena
1 Ma. etthantare teti dissati.
Sikharena muddhānaṁ 1 abhimattheyya evameva kho me bhante sārīputta
adhimattā vātā muddhānaṁ 1 ohananti 2 na me bhante sārīputta
khamanīyaṁ na yāpanīyaṁ bāḷhā me dukkhā vedanā abhikkamanti no
paṭikkamanti abhikkamo sānaṁ paññāyati no paṭikkamoti.

Suttantapiṭake majjhimanikāyassa tatiyo bhāgo (เล่ม 14)

[724] Seyyathāpi bhante sārīputta balavā puriso daḷhena
varattakkhaṇḍena sīse sīsaveṭṭhanaṁ dadeyya evameva kho me bhante
sārīputta adhimattā vātā sīsaṁ parikantanti na me bhante khamanīyaṁ
na yāpanīyaṁ bāḷhā me dukkhā vedanā abhikkamanti no paṭikkamanti
abhikkamo sānaṁ paññāyati no paṭikkamoti.

Suttantapiṭake majjhimanikāyassa tatiyo bhāgo (เล่ม 14)

[725] Seyyathāpi bhante sārīputta dakkho goghātako vā
goghātakantevāsī vā tiṇhena govikantanena kucchiṁ parikanteyya
evameva kho me bhante sārīputta adhimattā vātā kucchiṁ parikantanti
na me bhante sārīputta khamanīyaṁ na yāpanīyaṁ bāḷhā me dukkhā vedanā
abhikkamanti no paṭikkamanti abhikkamo sānaṁ paññāyati no
paṭikkamoti.

Suttantapiṭake majjhimanikāyassa tatiyo bhāgo (เล่ม 14)

[726] Seyyathāpi bhante sārīputta dve balavanto purisā
dubbalataraṁ purisaṁ nānābāhāsu gahetvā aṅgārakāsuyā
santāpeyyuṁ samparitāpeyyuṁ evameva kho me bhante sārīputta
adhimatto kāyasmiṁ ḍāho na me bhante sārīputta khamanīyaṁ na
yāpanīyaṁ bāḷhā me dukkhā vedanā abhikkamanti no paṭikkamanti
1-2 Ma. muddhani ūhananti.
Abhikkamo sānaṁ paññāyati no paṭikkamoti.

Suttantapiṭake majjhimanikāyassa tatiyo bhāgo (เล่ม 14)

[727] Tasmātiha te gahapati evaṁ sikkhitabbaṁ na cakkhuṁ
upādiyissāmi na ca me cakkhunissitaṁ viññāṇaṁ bhavissatīti evañhi
te gahapati sikkhitabbaṁ. Tasmātiha te gahapati evaṁ sikkhitabbaṁ
na sotaṁ upādiyissāmi na ca me sotanissitaṁ viññāṇaṁ bhavissatīti
evañhi te gahapati sikkhitabbaṁ. Tasmātiha te gahapati evaṁ
sikkhitabbaṁ na ghānaṁ upādiyissāmi na ca me ghānanissitaṁ
viññāṇaṁ bhavissatīti evañhi te gahapati sikkhitabbaṁ. Tasmātiha
te gahapati evaṁ sikkhitabbaṁ na jivhaṁ upādiyissāmi na ca me
jivhānissitaṁ viññāṇaṁ bhavissatīti evañhi te gahapati sikkhitabbaṁ.
Tasmātiha te gahapati evaṁ sikkhitabbaṁ na kāyaṁ upādiyissāmi
na ca me kāyanissitaṁ viññāṇaṁ bhavissatīti evañhi te gahapati
sikkhitabbaṁ. Tasmātiha te gahapati evaṁ sikkhitabbaṁ na manaṁ
upādiyissāmi na ca me manonissitaṁ viññāṇaṁ bhavissatīti evañhi
te gahapati sikkhitabbaṁ.

Suttantapiṭake majjhimanikāyassa tatiyo bhāgo (เล่ม 14)

[728] Tasmātiha te gahapati evaṁ sikkhitabbaṁ na rūpaṁ
upādiyissāmi na ca me rūpanissitaṁ viññāṇaṁ bhavissatīti evañhi
te gahapati sikkhitabbaṁ. Tasmātiha te gahapati evaṁ sikkhitabbaṁ
na saddaṁ upādiyissāmi ... Na gandhaṁ upādiyissāmi ... Na rasaṁ
upādiyissāmi ... Na phoṭṭhabbaṁ upādiyissāmi ... Na dhammaṁ upādiyissāmi
Na ca me dhammanissitaṁ viññāṇaṁ bhavissatīti evañhi te gahapati
sikkhitabbaṁ.

Suttantapiṭake majjhimanikāyassa tatiyo bhāgo (เล่ม 14)

[729] Tasmātiha te gahapati evaṁ sikkhitabbaṁ na cakkhuviññāṇaṁ
upādiyissāmi na ca me cakkhuviññāṇanissitaṁ viññāṇaṁ bhavissatīti
evañhi te gahapati sikkhitabbaṁ. Tasmātiha te gahapati evaṁ
sikkhitabbaṁ na sotaviññāṇaṁ upādiyissāmi ... Na ghānaviññāṇaṁ
upādiyissāmi ... Na jivhāviññāṇaṁ upādiyissāmi ... Na kāyaviññāṇaṁ
upādiyissāmi ... Na manoviññāṇaṁ upādiyissāmi na
ca me manoviññāṇanissitaṁ viññāṇaṁ bhavissatīti evañhi te
gahapati sikkhitabbaṁ.

Suttantapiṭake majjhimanikāyassa tatiyo bhāgo (เล่ม 14)

[730] Tasmātiha te gahapati evaṁ sikkhitabbaṁ na cakkhusamphassaṁ
upādiyissāmi na ca me cakkhusamphassanissitaṁ viññāṇaṁ bhavissatīti
evañhi te gahapati sikkhitabbaṁ. Tasmātiha te gahapati evaṁ
sikkhitabbaṁ na sotasamphassaṁ upādiyissāmi ... Na ghānasamphassaṁ
upādiyissāmi ... Na jivhāsamphassaṁ upādiyissāmi ... Na kāyasamphassaṁ
upādiyissāmi ... Na manosamphassaṁ upādiyissāmi na ca me manosamphassanissitaṁ
viññāṇaṁ bhavissatīti evañhi te gahapati sikkhitabbaṁ.

Suttantapiṭake majjhimanikāyassa tatiyo bhāgo (เล่ม 14)

[731] Tasmātiha te gahapati evaṁ sikkhitabbaṁ na
cakkhusamphassajaṁ vedanaṁ upādiyissāmi na ca me cakkhusamphassajavedanānissitaṁ
viññāṇaṁ bhavissatīti evañhi te gahapati sikkhitabbaṁ. Tasmātiha
Te gahapati evaṁ sikkhitabbaṁ na sotasamphassajaṁ vedanaṁ
upādiyissāmi ... Na ghānasamphassajaṁ vedanaṁ upādiyissāmi ... Na
jivhāsamphassajaṁ vedanaṁ upādiyissāmi ... Na kāyasamphassajaṁ vedanaṁ
upādiyissāmi ... Na manosamphassajaṁ vedanaṁ upādiyissāmi na ca
me manosamphassajavedanānissitaṁ viññāṇaṁ bhavissatīti evañhi
te gahapati sikkhitabbaṁ.

Suttantapiṭake majjhimanikāyassa tatiyo bhāgo (เล่ม 14)

[732] Tasmātiha te gahapati evaṁ sikkhitabbaṁ na paṭhavīdhātuṁ
upādiyissāmi na ca me paṭhavīdhātunissitaṁ viññāṇaṁ bhavissatīti
evañhi te gahapati sikkhitabbaṁ. Tasmātiha te gahapati evaṁ
sikkhitabbaṁ na āpodhātuṁ upādiyissāmi ... Na tejodhātuṁ upādiyissāmi ...
Na vāyodhātuṁ upādiyissāmi ... Na ākāsadhātuṁ upādiyissāmi ...
Na viññāṇadhātuṁ upādiyissāmi na ca me viññāṇadhātunissitaṁ
viññāṇaṁ bhavissatīti evañhi te gahapati sikkhitabbaṁ.