พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Suttantapiṭake majjhimanikāyassa tatiyo bhāgo (เล่ม 14)

[213] Kathaṁrūpaṁ bhante saññāpaṭilābhaṁ sevato akusalā dhammā
abhivaḍḍhanti kusalā dhammā parihāyanti. Idha bhante ekacco
abhijjhālu hoti abhijjhāsahagatāya saññāya viharati byāpādavā
hoti byāpādasahagatāya saññāya viharati vihesavā hoti
vihesāsahagatāya saññāya viharati. Evarūpaṁ bhante saññāpaṭilābhaṁ
Sevato akusalā dhammā abhivaḍḍhanti kusalā dhammā parihāyanti.

Suttantapiṭake majjhimanikāyassa tatiyo bhāgo (เล่ม 14)

[214] Kathaṁrūpaṁ bhante saññāpaṭilābhaṁ sevato akusalā dhammā
parihāyanti kusalā dhammā abhivaḍḍhanti. Idha bhante ekacco
anabhijjhālu hoti anabhijjhāsahagatāya saññāya viharati abyāpādavā
hoti abyāpādasahagatāya saññāya viharati avihesavā hoti
avihesāsahagatāya saññāya viharati. Evarūpaṁ bhante saññāpaṭilābhaṁ
sevato akusalā dhammā parihāyanti kusalā dhammā abhivaḍḍhanti.
Saññāpaṭilābhaṁpahaṁ bhikkhave duvidhena vadāmi sevitabbampi asevitabbampi
tañca aññamaññaṁ saññāpaṭilābhanti iti yantaṁ vuttaṁ bhagavatā
idametaṁ paṭicca vuttaṁ.

Suttantapiṭake majjhimanikāyassa tatiyo bhāgo (เล่ม 14)

[215] Diṭṭhipaṭilābhaṁpahaṁ bhikkhave duvidhena vadāmi sevitabbampi
asevitabbampi tañca aññamaññaṁ diṭṭhipaṭilābhanti iti kho panetaṁ
vuttaṁ bhagavatā kiñcetaṁ paṭicca vuttaṁ. Yathārūpaṁ bhante
diṭṭhipaṭilābhaṁ sevato akusalā dhammā abhivaḍḍhanti kusalā dhammā
parihāyanti evarūpo diṭṭhipaṭilābho na sevitabbo. Yathārūpañca
kho bhante diṭṭhipaṭilābhaṁ sevato akusalā dhammā parihāyanti kusalā
dhammā abhivaḍḍhanti evarūpo diṭṭhipaṭilābho sevitabbo.

Suttantapiṭake majjhimanikāyassa tatiyo bhāgo (เล่ม 14)

[216] Kathaṁrūpaṁ bhante diṭṭhipaṭilābhaṁ sevato akusalā dhammā
abhivaḍḍhanti kusalā dhammā parihāyanti. Idha bhante ekacco
evaṁdiṭṭhiko hoti natthi dinnaṁ natthi yiṭṭhaṁ natthi hutaṁ natthi
Sukatadukkaṭānaṁ kammānaṁ phalaṁ vipāko natthi ayaṁ loko natthi
paro loko natthi mātā natthi pitā natthi sattā opapātikā
natthi loke samaṇabrāhmaṇā sammaggatā sammāpaṭipannā ye
imañca lokaṁ parañca lokaṁ sayaṁ abhiññā sacchikatvā pavedentīti.
Evarūpaṁ bhante diṭṭhipaṭilābhaṁ sevato akusalā dhammā abhivaḍḍhanti
kusalā dhammā parihāyanti.

Suttantapiṭake majjhimanikāyassa tatiyo bhāgo (เล่ม 14)

[217] Kathaṁrūpaṁ bhante diṭṭhipaṭilābhaṁ sevato akusalā dhammā
parihāyanti kusalā dhammā abhivaḍḍhanti. Idha bhante ekacco
evaṁdiṭṭhiko hoti atthi dinnaṁ atthi yiṭṭhaṁ atthi hutaṁ atthi
sukatadukkaṭānaṁ kammānaṁ phalaṁ vipāko atthi ayaṁ loko atthi
paro loko atthi mātā atthi pitā atthi sattā opapātikā
atthi loke samaṇabrāhmaṇā sammaggatā sammāpaṭipannā ye
imañca lokaṁ parañca lokaṁ sayaṁ abhiññā sacchikatvā pavedentīti.
Evarūpaṁ bhante diṭṭhipaṭilābhaṁ sevato akusalā dhammā parihāyanti
kusalā dhammā abhivaḍḍhanti. Diṭṭhipaṭilābhaṁpahaṁ bhikkhave duvidhena
vadāmi sevitabbampi asevitabbampi tañca aññamaññaṁ
diṭṭhipaṭilābhanti iti yantaṁ vuttaṁ bhagavatā idametaṁ paṭicca vuttaṁ.

Suttantapiṭake majjhimanikāyassa tatiyo bhāgo (เล่ม 14)

[218] Attabhāvapaṭilābhaṁpahaṁ bhikkhave duvidhena vadāmi sevitabbampi
asevitabbampi tañca aññamaññaṁ attabhāvapaṭilābhanti iti kho
panetaṁ vuttaṁ bhagavatā kiñcetaṁ paṭicca vuttaṁ. Yathārūpaṁ bhante
Attabhāvapaṭilābhaṁ sevato akusalā dhammā abhivaḍḍhanti kusalā
dhammā parihāyanti evarūpo attabhāvapaṭilābho na sevitabbo.
Yathārūpañca kho bhante attabhāvapaṭilābhaṁ sevato akusalā dhammā
parihāyanti kusalā dhammā abhivaḍḍhanti evarūpo attabhāvapaṭilābho
sevitabbo.

Suttantapiṭake majjhimanikāyassa tatiyo bhāgo (เล่ม 14)

[219] Kathaṁrūpaṁ bhante attabhāvapaṭilābhaṁ sevato akusalā dhammā
abhivaḍḍhanti kusalā dhammā parihāyanti. Sabyāpajjhaṁ bhante
attabhāvapaṭilābhaṁ abhinibbattassa 1 yato apariniṭṭhitabhāvāya akusalā
dhammā abhivaḍḍhanti kusalā dhammā parihāyanti.

Suttantapiṭake majjhimanikāyassa tatiyo bhāgo (เล่ม 14)

[220] Kathaṁrūpaṁ bhante attabhāvapaṭilābhaṁ sevato akusalā dhammā
parihāyanti kusalā dhammā abhivaḍḍhanti. Abyāpajjhaṁ bhante
attabhāvapaṭilābhaṁ abhinibbattassa yato pariniṭṭhitabhāvāya akusalā
dhammā parihāyanti kusalā dhammā abhivaḍḍhanti. Attabhāvapaṭilābhaṁpahaṁ
bhikkhave duvidhena vadāmi sevitabbampi asevitabbampi tañca
aññamaññaṁ attabhāvapaṭilābhanti iti yantaṁ vuttaṁ bhagavatā idametaṁ
paṭicca vuttaṁ. Imassa kho [2]- bhante bhagavatā saṅkhittena bhāsitassa
vitthārena atthaṁ avibhattassa evaṁ vitthārena atthaṁ ājānāmīti.

Suttantapiṭake majjhimanikāyassa tatiyo bhāgo (เล่ม 14)

[221] Sādhu sādhu sārīputta sādhu [3]- tvaṁ sārīputta imassa
mayā saṅkhittena bhāsitassa vitthārena atthaṁ avibhattassa evaṁ
vitthārena atthaṁ ājānāsi. Kāyasamācāraṁpahaṁ bhikkhave duvidhena
1 Po. Ma. Yu. abhinibbattayato. 2 Po. Ma. Yu. haṁ. 3 Ma. Yu. etthantare
khosaddo atthi.
Vadāmi sevitabbampi asevitabbampi tañca aññamaññaṁ
kāyasamācāranti iti kho panetaṁ vuttaṁ mayā kiñcetaṁ paṭicca
vuttaṁ. Yathārūpaṁ sārīputta kāyasamācāraṁ sevato akusalā dhammā
abhivaḍḍhanti kusalā dhammā parihāyanti evarūpo kāyasamācāro
na sevitabbo. Yathārūpañca kho sārīputta kāyasamācāraṁ sevato
akusalā dhammā parihāyanti kusalā dhammā abhivaḍḍhanti evarūpo
kāyasamācāro sevitabbo.

Suttantapiṭake majjhimanikāyassa tatiyo bhāgo (เล่ม 14)

[222] Kathaṁrūpaṁ sārīputta kāyasamācāraṁ sevato akusalā dhammā
abhivaḍḍhanti kusalā dhammā parihāyanti. Idha sārīputta ekacco
pāṇātipātī hoti luddo lohitapāṇī hatapahate niviṭṭho
adayāpanno pāṇabhūtesu adinnādāyī kho pana hoti yantaṁ
parassa paravittūpakaraṇaṁ gāmagataṁ vā araññagataṁ vā taṁ adinnaṁ
theyyasaṅkhātaṁ ādātā hoti kāmesu micchācārī kho pana hoti yā
tā māturakkhitā piturakkhitā mātāpiturakkhitā bhāturakkhitā
bhaginirakkhitā ñātirakkhitā sassāmikā saparidaṇḍā antamaso
mālāguṇaparikkhittāpi tathārūpāsu cārittaṁ āpajjitā hoti.
Evarūpaṁ sārīputta kāyasamācāraṁ sevato akusalā dhammā abhivaḍḍhanti
kusalā dhammā parihāyanti.