[673] Ekamantaṁ nisinnaṁ kho taṁ bhikkhuṁ āyasmā sārīputto
etadavoca kaccāvuso bhagavā arogo ca balavā cāti. Arogo
cāvuso bhagavā balavā cāti. Kacci panāvuso bhikkhusaṅgho arogo
ca balavā cāti. Bhikkhusaṅghopi kho āvuso arogo ca balavā
cāti. Ettha āvuso taṇḍulapāladvārāyaṁ dhanañjāni nāma
brāhmaṇo atthi kaccāvuso dhanañjāni 2 brāhmaṇo arogo
ca balavā cāti. Dhanañjānipi kho āvuso brāhmaṇo arogo
ca balavā cāti. Kacci panāvuso dhanañjāni brāhmaṇo
appamattoti. Kuto no āvuso dhanañjānissa brāhmaṇassa
appamādo dhanañjāni āvuso brāhmaṇo rājānaṁ nissāya
brāhmaṇagahapatike vilumpati brāhmaṇagahapatike nissāya rājānaṁ
1 Yu. dhānañjānisuttaṁ. 2 Yu. dhānañjāni nāma.
Vilumpati yāpissa bhariyā saddhā saddhā kulā ānītā sāpi 1 kālakatā
aññassa bhariyā asaddhā asaddhā kulā ānītāti. Dussutaṁ 2
vatāvuso assumhā [3]- ye mayaṁ dhanañjāniṁ brāhmaṇaṁ pamattaṁ assumhā
appevanāma 4 mayaṁ kadāci karahaci dhanañjāninā brāhmaṇena saddhiṁ
samāgaccheyyāma appevanāma siyā kocideva kathāsallāpoti.
Atha kho āyasmā sārīputto dakkhiṇāgirismiṁ yathābhirantaṁ viharitvā
yena rājagahaṁ tena cārikaṁ pakkāmi anupubbena cārikañcaramāno
yena rājagahaṁ tadavasari.

[674] Tatra sudaṁ āyasmā sārīputto rājagahe viharati
veḷuvane kalandakanivāpe. Atha kho āyasmā sārīputto pubbaṇhasamayaṁ
nivāsetvā pattacīvaramādāya rājagahaṁ [5]- pāvisi. Tena kho
pana samayena dhanañjāni brāhmaṇo bahinagare gāvo goṭṭhe
duhāpeti 6 . Atha kho āyasmā sārīputto rājagahe piṇḍāya
caritvā pacchābhattaṁ piṇḍapātapaṭikkanto yena dhanañjāni brāhmaṇo
tenupasaṅkami. Addasā kho dhanañjāni brāhmaṇo āyasmantaṁ
sārīputtaṁ dūratova āgacchantaṁ disvāna yenāyasmā sārīputto
tenupasaṅkami upasaṅkamitvā āyasmantaṁ sārīputtaṁ etadavoca ito
bho sārīputta payo pīyataṁ tava bhattassa kālo bhavissatīti. Alaṁ
brāhmaṇa kataṁ me ajja bhattakiccaṁ amukasmiṁ me rukkhamūle
divāvihāro bhavissati tatra āgaccheyyāsīti. Evaṁ bhoti kho
1 Yu. sāpissa. 2 Yu. ettha āmeṇḍitaṁ kataṁ. 3 Yu. dussataṁ.
4 Yu. appeva ca nāma. 5 Yu. etthantare piṇḍāyāti dissati.
6 Yu. dohāpeti.
Dhanañjāni 1 brāhmaṇo āyasmato sārīputtassa paccassosi. Atha
kho dhanañjāni 2 brāhmaṇo pacchābhattaṁ bhuttapātarāso yenāyasmā
sārīputto tenupasaṅkami upasaṅkamitvā āyasmatā sārīputtena
saddhiṁ sammodi sammodanīyaṁ kathaṁ sārāṇīyaṁ vītisāretvā ekamantaṁ
nisīdi.

[675] Ekamantaṁ nisinnaṁ kho dhanañjāniṁ brāhmaṇaṁ āyasmā
sārīputto etadavoca kaccisi dhanañjāni appamattoti. Kuto bho
sārīputta amhākaṁ appamādo yesanno mātāpitaro posetabbā
puttadāro posetabbo dāsakammakaraporisaṁ posetabbaṁ mittāmaccānaṁ
mittāmaccakaraṇīyaṁ kātabbaṁ ñātisālohitānaṁ ñātisālohitakaraṇīyaṁ
kātabbaṁ atithīnaṁ atithikaraṇīyaṁ kātabbaṁ pubbapetānaṁ pubbapetakaraṇīyaṁ
kātabbaṁ devatānaṁ devatākaraṇīyaṁ kātabbaṁ rañño rājakaraṇīyaṁ
kātabbaṁ ayampi kāyo piṇetabbo brūhetabboti.

[676] Taṁ kiṁ maññasi dhanañjāni idhekacco mātāpitūnaṁ 3
hetu adhammacārī visamacārī assa tamenaṁ adhammacariyavisamacariyāhetu
nirayaṁ nirayapālā upakaḍḍheyyuṁ labheyya nu kho so ahaṁ
kho mātāpitūnaṁ 4 hetu adhammacārī visamacārī ahosiṁ mā maṁ
nirayaṁ nirayapālāti mātāpitaro vā panassa labheyyuṁ eso kho
amhākaṁ hetu adhammacārī visamacārī ahosi mā naṁ nirayaṁ nirayapālāti.
No hidaṁ bho sārīputta atha kho naṁ vikandantaṁyeva
1-2 Yu. dhānañjāni. 3-4 Yu. mātāpitunnaṁ.
Niraye nirayapālā pakkhipeyyuṁ.

[677] Taṁ kiṁ maññasi dhanañjāni idhekacco puttadārassa
hetu adhammacārī visamacārī assa tamenaṁ adhammacariyavisamacariyāhetu
nirayaṁ nirayapālā upakaḍḍheyyuṁ labheyya nu kho so ahaṁ kho
puttadārassa hetu adhammacārī visamacārī ahosiṁ mā maṁ nirayaṁ
nirayapālāti puttadāro vā panassa labheyya eso kho amhākaṁ
hetu adhammacārī visamacārī ahosi mā naṁ nirayaṁ nirayapālāti.
No hidaṁ bho sārīputta atha kho naṁ vikandantaṁyeva niraye nirayapālā
pakkhipeyyuṁ.

[678] Taṁ kiṁ maññasi dhanañjāni idhekacco dāsakammakaraporisassa
hetu adhammacārī visamacārī assa tamenaṁ adhammacariyavisamacariyāhetu
nirayaṁ nirayapālā upakaḍḍheyyuṁ labheyya nu kho
so ahaṁ kho dāsakammakaraporisassa hetu adhammacārī visamacārī
ahosiṁ mā maṁ nirayaṁ nirayapālāti dāsakammakaraporisaṁ vā panassa
labheyya eso kho amhākaṁ hetu adhammacārī visamacārī ahosi
mā naṁ nirayaṁ nirayapālāti. No hidaṁ bho sārīputta atha kho
naṁ vikandantaṁyeva niraye nirayapālā pakkhipeyyuṁ.

[679] Taṁ kiṁ maññasi dhanañjāni idhekacco mittāmaccānaṁ
hetu adhammacārī visamacārī assa tamenaṁ adhammacariyavisamacariyāhetu
nirayaṁ nirayapālā upakaḍḍheyyuṁ labheyya nu kho so ahaṁ kho
Mittāmaccānaṁ hetu adhammacārī visamacārī ahosiṁ mā maṁ nirayaṁ
nirayapālāti mittāmaccā vā panassa labheyyuṁ eso kho amhākaṁ
hetu adhammacārī visamacārī ahosi mā naṁ nirayaṁ nirayapālāti.
No hidaṁ bho sārīputta atha kho naṁ vikandantaṁyeva niraye nirayapālā
pakkhipeyyuṁ.

[680] Taṁ kiṁ maññasi dhanañjāni idhekacco ñātisālohitānaṁ
hetu adhammacārī visamacārī assa tamenaṁ adhammacariyavisamacariyāhetu
nirayaṁ nirayapālā upakaḍḍheyyuṁ labheyya nu kho so ahaṁ
kho ñātisālohitānaṁ hetu adhammacārī visamacārī ahosiṁ mā maṁ
nirayaṁ nirayapālāti ñātisālohitā vā panassa labheyyuṁ eso
kho amhākaṁ hetu adhammacārī visamacārī ahosi mā naṁ nirayaṁ
nirayapālāti. No hidaṁ bho sārīputta atha kho naṁ vikandantaṁyeva
niraye nirayapālā pakkhipeyyuṁ.

[681] Taṁ kiṁ maññasi dhanañjāni idhekacco atithīnaṁ hetu
adhammacārī visamacārī assa tamenaṁ adhammacariyavisamacariyāhetu nirayaṁ
nirayapālā upakaḍḍheyyuṁ labheyya nu kho so ahaṁ kho atithīnaṁ
hetu adhammacārī visamacārī ahosiṁ mā maṁ nirayaṁ nirayapālāti
atithino vā panassa labheyyuṁ eso kho amhākaṁ hetu adhammacārī
visamacārī ahosi mā naṁ nirayaṁ nirayapālāti. No hidaṁ bho
sārīputta atha kho naṁ vikandantaṁyeva niraye nirayapālā pakkhipeyyuṁ.

[682] Taṁ kiṁ maññasi dhanañjāni idhekacco pubbapetānaṁ
hetu adhammacārī visamacārī assa tamenaṁ adhammacariyavisamacariyāhetu
nirayaṁ nirayapālā upakaḍḍheyyuṁ labheyya nu kho so ahaṁ kho
pubbapetānaṁ hetu adhammacārī visamacārī ahosiṁ mā maṁ nirayaṁ
nirayapālāti pubbapetā vā panassa labheyyuṁ eso kho amhākaṁ
hetu adhammacārī visamacārī ahosi mā naṁ nirayaṁ nirayapālāti.
No hidaṁ bho sārīputta atha kho naṁ vikandantaṁyeva niraye nirayapālā
pakkhipeyyuṁ.