[60] Tena kho pana samayena aññataro bhikkhu sāratto lepacittassa
nimittaṁ aṅgajātena chupi. Tassa kukkuccaṁ ahosi .pe.
Anāpatti bhikkhu pārājikassa āpatti dukkaṭassāti. Tena kho
pana samayena aññataro bhikkhu sāratto dārudhītalikāya nimittaṁ
aṅgajātena chupi. Tassa kukkuccaṁ ahosi .pe. Anāpatti
bhikkhu pārājikassa āpatti dukkaṭassāti.

[61] Tena kho pana samayena sundaro nāma bhikkhu rājagahā
pabbajito rathikāya gacchati. Aññatarā itthī taṁ passitvā
etadavoca 1 muhuttaṁ bhante āgamehi vandissāmīti. Sā vandantī
antaravāsakaṁ ukkhipitvā mukhena aṅgajātaṁ aggahesi. Tassa kukkuccaṁ
ahosi .pe. Sādiyi tvaṁ bhikkhūti. Nāhaṁ bhagavā sādiyinti.
Anāpatti bhikkhu asādiyantassāti.

[62] Tena kho pana samayena aññatarā itthī bhikkhuṁ passitvā
etadavoca ehi bhante methunaṁ dhammaṁ paṭisevāti. Alaṁ bhagini netaṁ
kappatīti. Ehi bhante ahaṁ vāyamissāmi tvaṁ mā vāyami
evante anāpatti bhavissatīti. So bhikkhu tathā akāsi. Tassa
1 taṁ passitvā etadavocāti yuropiyamarammapotthakesu na dissati.
Kukkuccaṁ ahosi .pe. Āpattiṁ tvaṁ bhikkhu āpanno pārājikanti.
Tena kho pana samayena aññatarā itthī bhikkhuṁ passitvā etadavoca
ehi bhante methunaṁ dhammaṁ paṭisevāti. Alaṁ bhagini netaṁ kappatīti.
Ehi bhante tvaṁ vāyamāhi ahaṁ na vāyamissāmi evante
anāpatti bhavissatīti. So bhikkhu tathā akāsi. Tassa kukkuccaṁ
ahosi .pe. Āpattiṁ tvaṁ bhikkhu āpanno pārājikanti. Tena kho
pana samayena aññatarā itthī bhikkhuṁ passitvā etadavoca ehi
bhante methunaṁ dhammaṁ paṭisevāti. Alaṁ bhagini netaṁ kappatīti.
Ehi bhante abbhantaraṁ ghaṭṭetvā bahi mocehi .pe. Bahi
ghaṭṭetvā abbhantaraṁ mocehi evante anāpatti bhavissatīti.
So bhikkhu tathā akāsi. Tassa kukkuccaṁ ahosi .pe. Āpattiṁ
tvaṁ bhikkhu āpanno pārājikanti.

[63] Tena kho pana samayena aññataro bhikkhu sīvathikaṁ gantvā
akkhāyitaṁ 1 sarīraṁ passitvā tasmiṁ methunaṁ dhammaṁ paṭisevi. Tassa
kukkuccaṁ ahosi .pe. Āpattiṁ tvaṁ bhikkhu āpanno pārājikanti.
Tena kho pana samayena aññataro bhikkhu sīvathikaṁ gantvā yebhuyyena
akkhāyitaṁ sarīraṁ passitvā tasmiṁ methunaṁ dhammaṁ paṭisevi. Tassa
kukkuccaṁ ahosi .pe. Āpattiṁ tvaṁ bhikkhu āpanno pārājikanti.
Tena kho pana samayena aññataro bhikkhu sīvathikaṁ gantvā yebhuyyena
1 Yu. Ma. akkhayitaṁ.
Khāyitaṁ 1 sarīraṁ passitvā tasmiṁ methunaṁ dhammaṁ paṭisevi. Tassa
kukkuccaṁ ahosi .pe. Anāpatti bhikkhu pārājikassa āpatti
thullaccayassāti. Tena kho pana samayena aññataro bhikkhu sīvathikaṁ
gantvā chinnasīsaṁ passitvā vivaṭṭakate 2 mukhe chupantaṁ aṅgajātaṁ
pavesesi. Tassa kukkuccaṁ ahosi .pe. Āpattiṁ tvaṁ bhikkhu
āpanno pārājikanti. Tena kho pana samayena aññataro bhikkhu
sīvathikaṁ gantvā chinnasīsaṁ passitvā vivaṭṭakate mukhe acchupantaṁ
aṅgajātaṁ pavesesi. Tassa kukkuccaṁ ahosi .pe. Anāpatti
bhikkhu pārājikassa āpatti dukkaṭassāti. Tena kho pana samayena
aññataro bhikkhu aññatarissā itthiyā paṭibaddhacitto hoti.
Sā kālakatā 3 susāne chaḍḍitā 4 . Aṭṭhikāni vippakiṇṇāni honti.
Athakho so bhikkhu sīvathikaṁ gantvā aṭṭhikāni saṅkaḍḍhitvā nimitte
aṅgajātaṁ paṭipādesi. Tassa kukkuccaṁ ahosi .pe. Anāpatti
bhikkhu pārājikassa āpatti dukkaṭassāti.

[64] Tena kho pana samayena aññataro bhikkhu nāgiyā methunaṁ
dhammaṁ paṭisevi. Tassa kukkuccaṁ ahosi .pe. Āpattiṁ tvaṁ
bhikkhu āpanno pārājikanti. Tena kho pana samayena aññataro
bhikkhu yakkhiniyā methunaṁ dhammaṁ paṭisevi .pe. Petiyā methunaṁ dhammaṁ
1 Yu. Ma. khayitaṁ. 2 Yu. Ma. vattakate. 3 Yu. Ma. Rā. kālaṅkatā.
4 Yu. Ma. chaḍḍitāni.
Paṭisevi .pe. Paṇḍakassa methunaṁ dhammaṁ paṭisevi. Tassa kukkuccaṁ
ahosi .pe. Āpattiṁ tvaṁ bhikkhu āpanno pārājikanti.

[65] Tena kho pana samayena aññataro bhikkhu upahatindriyo
hoti. So nāhaṁ vediyāmi sukhaṁ vā dukkhaṁ vā anāpatti 1 me
bhavissatīti methunaṁ dhammaṁ paṭisevi .pe. Bhagavato etamatthaṁ
ārocesuṁ. Vedayi vā so bhikkhave moghapuriso na vā vedayi
āpatti pārājikassāti.

[66] Tena kho pana samayena aññataro bhikkhu itthiyā methunaṁ
dhammaṁ paṭisevissāmīti chupitamatte vippaṭisārī ahosi. Tassa
kukkuccaṁ ahosi .pe. Anāpatti bhikkhu pārājikassa āpatti
dukkaṭassāti.

[67] Tena kho pana samayena aññataro bhikkhu bhaddiye 2 jātiyāvane
divāvihāragato nipanno hoti. Tassa aṅgamaṅgāni vātupatthaddhāni
honti. Aññatarā itthī passitvā aṅgajāte abhinisīditvā
yāvadatthaṁ katvā pakkāmi. Bhikkhu kilinnaṁ passitvā bhagavato
etamatthaṁ ārocesi 3 . Pañcahi bhikkhave ākārehi aṅgajātaṁ
kammaniyaṁ 4 hoti rāgena vaccena passāvena vātena uccāliṅgapāṇakadaṭṭhena
imehi kho bhikkhave pañcahākārehi aṅgajātaṁ kammaniyaṁ
1 Yu. Ma. evaṁ anāpatti. 2 Ma. bhaddiyanagare. 3 ayamattho
yuropiyamarammapotthakesu bahuvacanavasena kato. 4 Yu. kammaṇiyaṁ.
Hoti aṭṭhānametaṁ bhikkhave anavakāso yaṁ tassa bhikkhuno rāgena
aṅgajātaṁ kammaniyaṁ assa arahaṁ so bhikkhave bhikkhu anāpatti
bhikkhave tassa bhikkhunoti.

[68] Tena kho pana samayena aññataro bhikkhu sāvatthiyaṁ andhavane
divāvihāragato nipanno hoti. Aññatarā gopālikā passitvā
aṅgajāte abhinisīdi. So bhikkhu pavesanaṁ sādiyi paviṭṭhaṁ sādiyi ṭhitaṁ
sādiyi uddharaṇaṁ sādiyi. Tassa kukkuccaṁ ahosi .pe. Āpattiṁ
tvaṁ bhikkhu āpanno pārājikanti. Tena kho pana samayena aññataro
bhikkhu sāvatthiyaṁ andhavane divāvihāragato nipanno hoti. Aññatarā
ajapālikā passitvā .pe. Aññatarā kaṭṭhahārikā passitvā .pe.
Aññatarā gomayahārikā passitvā aṅgajāte abhinisīdi. So bhikkhu
pavesanaṁ sādiyi paviṭṭhaṁ sādiyi ṭhitaṁ sādiyi uddharaṇaṁ sādiyi. Tassa
kukkuccaṁ ahosi .pe. Āpattiṁ tvaṁ bhikkhu āpanno pārājikanti.

[69] Tena kho pana samayena aññataro bhikkhu vesāliyaṁ mahāvane
divāvihāragato nipanno hoti. Aññatarā itthī passitvā aṅgajāte
abhinisīditvā yāvadatthaṁ katvā sāmantā hasamānā ṭhitā hoti. So
bhikkhu paṭibujjhitvā taṁ itthiṁ etadavoca tuyhidaṁ kammanti. Āma
mayhidaṁ 1 kammanti. Tassa kukkuccaṁ ahosi .pe. Jānāsi 2 tvaṁ
bhikkhūti. Nāhaṁ bhagavā jānāmīti. Anāpatti bhikkhu ajānantassāti.
1 Yu. Ma. mayhaṁ. 2 Yu. Ma. sādiyi.
Tena kho pana samayena aññataro bhikkhu vesāliyaṁ mahāvane divāvihāragato
rukkhaṁ apassāya nipanno hoti. Aññatarā itthī
passitvā aṅgajāte abhinisīdi. So bhikkhu sahasā vuṭṭhāsi.
Tassa kukkuccaṁ ahosi .pe. Sādiyi tvaṁ bhikkhūti. Nāhaṁ bhagavā
sādiyinti. Anāpatti bhikkhu asādiyantassāti. Tena kho pana samayena
aññataro bhikkhu vesāliyaṁ mahāvane divāvihāragato rukkhaṁ apassāya
nipanno hoti. Aññatarā itthī passitvā aṅgajāte abhinisīdi.
So bhikkhu akkamitvā pavaṭṭesi. Tassa kukkuccaṁ ahosi .pe.
Sādiyi tvaṁ bhikkhūti. Nāhaṁ bhagavā sādiyinti. Anāpatti bhikkhu
asādiyantassāti.