[277] Puna caparaṁ bhikkhave bhikkhu imameva kāyaṁ uddhaṁ pādatalā
adho kesamatthakā tacapariyantaṁ pūrannānappakārassa asucino
paccavekkhati atthi imasmiṁ kāye kesā lomā nakhā dantā taco
maṁsaṁ nahārū aṭṭhī aṭṭhimiñjaṁ vakkaṁ hadayaṁ yakanaṁ kilomakaṁ pihakaṁ
papphāsaṁ antaṁ antaguṇaṁ udariyaṁ karīsaṁ pittaṁ semhaṁ pubbo
lohitaṁ sedo medo assu vasā kheḷo siṅghāṇikā lasikā
muttanti. Seyyathāpi bhikkhave ubhatomukhā mūtoḷī 1 pūrā
nānāvihitassa dhaññassa seyyathīdaṁ sālīnaṁ vīhīnaṁ muggānaṁ māsānaṁ
1 pūtoḷītipi pāṭho. Ma. putoḷi Yu. mutoli.
Tilānaṁ taṇḍulānaṁ tamenaṁ cakkhumā puriso muñcitvā paccavekkheyya
ime sālī ime vīhī ime muggā ime māsā ime tilā
ime taṇḍulāti evameva kho bhikkhave bhikkhu imameva kāyaṁ uddhaṁ
pādatalā adho kesamatthakā tacapariyantaṁ pūrannānappakārassa asucino
paccavekkhati atthi imasmiṁ kāye kesā lomā nakhā dantā taco
maṁsaṁ nahārū aṭṭhī aṭṭhimiñjaṁ vakkaṁ hadayaṁ yakanaṁ kilomakaṁ pihakaṁ
papphāsaṁ antaṁ antaguṇaṁ udariyaṁ karīsaṁ pittaṁ semhaṁ pubbo
lohitaṁ sedo medo assu vasā kheḷo siṅghāṇikā lasikā
muttanti. Iti ajjhattaṁ vā kāye kāyānupassī viharati bahiddhā
vā kāye kāyānupassī viharati ajjhattabahiddhā vā kāye kāyānupassī
viharati samudayadhammānupassī vā kāyasmiṁ viharati vayadhammānupassī
vā kāyasmiṁ viharati samudayavayadhammānupassī vā kāyasmiṁ
viharati. Atthi kāyoti vā panassa sati paccupaṭṭhitā hoti yāvadeva
ñāṇamattāya paṭissatimattāya. Anissito ca viharati na ca kiñci
loke upādiyati. Evampi bhikkhave bhikkhu kāye kāyānupassī viharati.
Paṭikūlamanasikārapabbaṁ niṭṭhitaṁ.

[278] Puna caparaṁ bhikkhave bhikkhu imameva kāyaṁ yathāṭhitaṁ
yathāpaṇihitaṁ dhātuso paccavekkhati atthi imasmiṁ kāye paṭhavīdhātu
āpodhātu tejodhātu vāyodhātūti. Seyyathāpi bhikkhave dakkho
goghātako vā goghātakantevāsī vā gāviṁ vadhitvā cātummahāpathe
Vilaso paṭivibhajitvā nisinno assa evameva kho bhikkhave bhikkhu
imameva kāyaṁ yathāṭhitaṁ yathāpaṇihitaṁ dhātuso paccavekkhati atthi
imasmiṁ kāye paṭhavīdhātu āpodhātu tejodhātu vāyodhātūti. Iti
ajjhattaṁ vā .pe. Viharati.
Dhātumanasikārapabbaṁ niṭṭhitaṁ.

[279] Puna caparaṁ bhikkhave bhikkhu seyyathāpi passeyya sarīraṁ
sīvathikāya 1 chaḍḍitaṁ ekāhamataṁ vā dvīhamataṁ vā tīhamataṁ vā uddhumātakaṁ
vinīlakaṁ vipubbakajātaṁ. So imameva kāyaṁ upasaṁharati ayampi kho
kāyo evaṁdhammo evaṁbhāvī evaṁanatītoti. Iti ajjhattaṁ vā .pe.
Viharati.

[280] Puna caparaṁ bhikkhave bhikkhu seyyathāpi passeyya sarīraṁ
sīvathikāya chaḍḍitaṁ kākehi vā khajjamānaṁ kulalehi vā khajjamānaṁ
gijjhehi vā khajjamānaṁ [2]- suvānehi vā khajjamānaṁ sigālehi vā
khajjamānaṁ vividhehi vā pāṇakajātehi khajjamānaṁ. So imameva
kāyaṁ upasaṁharati ayampi kho kāyo evaṁdhammo evaṁbhāvī evaṁanatītoti.
Iti ajjhattaṁ vā kāye kāyānupassī viharati bahiddhā vā
kāye kāyānupassī viharati ajjhattabahiddhā vā kāye kāyānupassī
viharati samudayadhammānupassī vā kāyasmiṁ viharati vayadhammānupassī
vā kāyasmiṁ viharati samudayavayadhammānupassī vā kāyasmiṁ
viharati. Atthi kāyoti vā panassa sati paccupaṭṭhitā hoti yāvadeva
1 Ma. sabbattha sivathikāya. 2 Ma. kaṅkehi vā khajjamānaṁ sunakhehi vā khajjamānaṁ
byagghehi vā khajjamānaṁ dīpīhi vā khajjamānaṁ siṅgālehi vā ....
Ñāṇamattāya paṭissatimattāya. Anissito ca viharati na ca kiñci
loke upādiyati. Evampi bhikkhave bhikkhu kāye kāyānupassī viharati.

[281] Puna caparaṁ bhikkhave bhikkhu seyyathāpi passeyya sarīraṁ
sīvathikāya chaḍḍitaṁ aṭṭhisaṅkhalikaṁ 1 samaṁsalohitaṁ nahārusambandhaṁ .pe.

[282] Aṭṭhisaṅkhalikaṁ nimmaṁsalohitamakkhitaṁ nahārusambandhaṁ .pe.

[283] Aṭṭhisaṅkhalikaṁ apagatamaṁsalohitaṁ nahārusambandhaṁ .pe.

[284] Aṭṭhikāni apagatanahārusambandhāni 2 disāvidisāvikkhittāni
aññena hatthaṭṭhikaṁ aññena pādaṭṭhikaṁ [3]- aññena jaṅghaṭṭhikaṁ aññena
ūruṭṭhikaṁ aññena kaṭaṭṭhikaṁ 4 aññena piṭṭhaṭṭhikaṁ aññena kaṇṭakaṭṭhikaṁ
aññena phāsukaṭṭhikaṁ aññena uraṭṭhikaṁ aññena aṁsaṭṭhikaṁ
aññena bāhuṭṭhikaṁ aññena gīvaṭṭhikaṁ aññena hanukaṭṭhikaṁ aññena
dantaṭṭhikaṁ aññena sīsakaṭāhaṁ. So imameva kāyaṁ upasaṁharati
ayampi kho kāyo evaṁdhammo evaṁbhāvī evaṁanatītoti. Iti ajjhattaṁ
vā kāye kāyānupassī viharati bahiddhā vā kāye kāyānupassī
viharati ajjhattabahiddhā vā kāye kāyānupassī viharati
samudayadhammānupassī vā kāyasmiṁ viharati vayadhammānupassī vā kāyasmiṁ
viharati samudayavayadhammānupassī vā kāyasmiṁ viharati. Atthi kāyoti
1 Ma. aṭṭhikasaṅkhalikaṁ. ito paraṁ īdisameva. 2 Sī. apakatasambandhāni. imasmiñca
pabbe hatthaṭṭhikaṁ pādaṭṭhikaṁ jaṅghaṭṭhikaṁ uraṭṭhikaṁ kaṭaṭṭhikaṁ piṭṭhikaṇṭakanti evaṁ
pāṭhakkamo dissati. 3 Ma. gopphakaṭṭhikaṁ .... 4 Ma. kaṭiṭṭhaṁ ... phāsukaṭṭhikaṁ
piṭṭhiṭṭhikaṁ ... khandhaṭṭhikaṁ ... aññena gīvaṭṭhikaṁ ....
Vā panassa sati paccupaṭṭhitā hoti yāvadeva ñāṇamattāya
paṭissatimattāya. Anissito ca viharati na ca kiñci loke
upādiyati. Evampi bhikkhave bhikkhu kāye kāyānupassī viharati.

[285] Puna caparaṁ bhikkhave bhikkhu seyyathāpi passeyya sarīraṁ
sīvathikāya chaḍḍitaṁ aṭṭhikāni setāni saṅkhavaṇṇasannibhāni 1 .pe.

[286] Aṭṭhikāni puñjakitāni terovassikāni .pe.