[227] Pucchāmi brahmānaṁ sanaṅkumāraṁ
kaṅkhī akaṅkhiṁ paravediyesu
katthaṭṭhito kimhi ca sikkhamāno
1 Ma. madhusākañca.
Pappoti macco amataṁ brahmalokanti.
Hitvā mamattaṁ manujesu brahme
ekodibhūto karuṇādhimutto 1
nirāmagandho virato methunasmā
etthaṭṭhito ettha ca sikkhamāno
pappoti macco amataṁ brahmalokanti.

[228] Hitvā mamattanti ahaṁ 2 bhoto ājānāmi. Idhekacco
appaṁ vā bhogakkhandhaṁ pahāya mahantaṁ vā bhogakkhandhaṁ pahāya appaṁ
vā ñātiparivaṭṭaṁ pahāya mahantaṁ vā ñātiparivaṭṭaṁ pahāya kesamassuṁ
ohāretvā kāsāyāni vatthāni acchādetvā agārasmā anagāriyaṁ
pabbajati iti hitvā mamattaṁti sahaṁ 3 bhoto ājānāmi.
Ekodibhūtoti sahaṁ 4 bhoto ājānāmi. Idhekacco vivittaṁ senāsanaṁ
bhajati araññaṁ rukkhamūlaṁ pabbataṁ kandaraṁ giriguhaṁ susānaṁ vanapatthaṁ
abbhokāsaṁ palālapuñjaṁ paṭisallīyati 5 iti ekodibhūtoti sahaṁ 6 bhoto
ājānāmi. Karuṇādhimuttoti sahaṁ bhoto ājānāmi. Idhekacco
karuṇāsahagatena cetasā ekaṁ disaṁ pharitvā viharati tathā dutiyaṁ
tathā tatiyaṁ tathā catutthaṁ iti uddhamadho tiriyaṁ sabbadhi sabbattatāya
sabbāvantaṁ lokaṁ karuṇāsahagatena cetasā vipulena mahaggatena
1 Ma. karuṇedhimutto. ito paraṁ īdisameva. 2 Sī. Yu. mamattaṁtāhaṁ. 3 Sī.
Yu. mamattaṁtāhaṁ. Ma. mamattanti ahaṁ. mamattaṁtipahanti pana pāṭhena bhavitabbaṁ.
4 ekodibhūtotipahanti pāṭhena bhavitabbaṁ Ma. ... ahaṁ. Yu. ... cāhaṁ. 5 Ma. Yu. ayaṁ
pāṭho natthi. 6 Ma. ahaṁ. Yu. pahaṁ. ito paraṁ īdisameva.
Appamāṇena averena abyāpajjhena pharitvā viharati iti karuṇādhimuttoti
sahaṁ bhoto ājānāmi. Āmagandhe ca 1 kho ahaṁ bhoto
bhāsamānassa na ca 2 ājānāmi

[229] Ke āmagandhā manujesu brahme
ete aviddhā 3 idha brūhi dhīra
kenāvuṭā 4 vāti pajā kururū 5
āpāyikā nīvutabrahmalokāti.
Kodho mosavajjaṁ nikati ca dobbho 6
kadariyatā atimāno ussuyā 7
icchā vicikicchā paraheṭhanā ca
lobho ca doso ca mado ca moho
etesu yuttā anirāmagandhā
āpāyikā nīvutabrahmalokāti.

[230] Yathā kho ahaṁ bhoto āmagandhe bhāsamānassa ājānāmi
te na sunimmadayā agāraṁ ajjhāvasatā pabbajissāmahaṁ bho
agāramhā anagāriyanti. Yassadāni bhavaṁ govindo kālaṁ maññatīti.
Athakho bho mahāgovindo brāhmaṇo yena reṇu rājā tenupasaṅkami
upasaṅkamitvā reṇuṁ rājānaṁ etadavoca aññaṁdāni
bhavaṁ purohitaṁ pariyesatu yo bhoto rajjaṁ anusāsissati icchāmahaṁ
1 Yu. va. 2 Ma. Yu. casaddo natthi. 3 Ma. Yu. avidvā. 4 Ma. Yu. kenāvaṭā.
5 Sī. Yu. kruṭṭharū. Ma. kurutu. 6 Ma. dubbho. Yu. dobho. 7 Ma. usūyā.
Yu. asuyayā.
Bho agārasmā anagāriyaṁ pabbajituṁ yathā kho pana me sutaṁ
brahmuno āmagandhe bhāsamānassa te na sunimmadayā agāraṁ
ajjhāvasatā pabbajissāmahaṁ bho agārasmā anagāriyanti.

[231] Āmantayāmi rājānaṁ reṇuṁ bhūmipatiṁ ahaṁ
tvaṁ pajānassu rajjena nāhaṁ porohacce 1 rame.
Sace te ūnakāmehi ahaṁ paripūrayāmi te
yo taṁ hiṁsati vāremi bhūmisenāpatī ahaṁ
tvaṁ pitā 2 ahaṁ putto ca 3 mā no govinda pājahi.
Na matthi ūnakāmehi hiṁsito me na vijjati
amanussavaco sutvā tasmāhaṁ na gahe rame.
Amanusso kathaṁvaṇṇo kante 4 atthaṁ abhāsatha
yañca sutvā jahāsi no gehe amhe ca kevale 5 .
Upavutthassa me pubbe yiṭṭhakāmassa 6 me sato
aggi pajjalito āsi kusapattaparitthato.
Tato me brahmā pāturahu brahmalokā sanantano
so me pañhaṁ viyākāsi taṁ sutvā na gahe rame.
Saddahāmi ahaṁ bhoto yaṁ tvaṁ govinda bhāsasi
amanussavaco sutvā kathaṁ vattetha aññathā
te taṁ anuvattissāma 7 satthā govinda no bhavaṁ 8 .
1 Ma. porohicce. 2 Yu. pitāsi. 3 Ma. Yu. casaddo natthi. 4 Ma. kiṁ
te. 5 Ma. kevalī. 6 Ma. yiṭṭhu .... Yu. yaṭṭhu .... 7 anupabbajissāmātipi
pāṭho. 8 Yu. bhava.
Maṇi yathā veḷuriyo akāso 1 vimalo subho
evaṁ sutvā 2 carissāma govindassānusāsaneti.

[232] Sace bhavaṁ govindo agārasmā anagāriyaṁ pabbajissati
mayampi 3 agārasmā anagāriyaṁ pabbajissāma atha yā te gati
sā no gati bhavissatīti. Athakho bho mahāgovindo brāhmaṇo
yena te cha khattiyā tenupasaṅkami upasaṅkamitvā te cha khattiye
etadavoca aññaṁdāni bho 4 bhavanto purohitaṁ pariyesantu yo
bhavantānaṁ rajje anusāsissati icchāmahaṁ bho agārasmā anagāriyaṁ
pabbajituṁ yathā kho pana me sutaṁ brahmuno āmagandhe bhāsamānassa
te na sunimmadayā agāraṁ ajjhāvasatā pabbajissāmahaṁ bho agārasmā
anagāriyanti. Athakho bho te cha khattiyā ekamantaṁ apakkamma evaṁ
samacintesuṁ ime kho bho 5 brāhmaṇā nāma dhanaluddhā yannūna
mayaṁ mahāgovindaṁ brāhmaṇaṁ dhanena sikkheyyāmāti. Te mahāgovindaṁ
brāhmaṇaṁ upasaṅkamitvā evamāhaṁsu saṁvijjati kho bho imesu sattasu
rajjesu pahūtaṁ sāpateyyaṁ tato bhoto yāvatakena attho tāvatakaṁ
āharīyatanti 6 . Alaṁ bho mamapīdaṁ pahūtaṁ sāpateyyaṁ bhavantānaṁyeva
tathā sāpateyyaṁ 7 ahaṁ sabbaṁ pahāya agārasmā anagāriyaṁ
pabbajissāmi yathā kho pana me sutaṁ brahmuno āmagandhe bhāsamānassa
te na sunimmadayā agāraṁ ajjhāvasatā pabbajissāmahaṁ bho agārasmā
anagāriyanti. Athakho bho te cha khattiyā ekamantaṁ apakkamma evaṁ
1 Ma. Yu. akāco. 2 Ma. Yu. suddhā. 3 Yu. ahaṁpi ... pabbajissāmi. 4-5 Ma. Yu.
bhosaddo natthi. 6 Yu. āhareyyatanti. 7 Ma. vāhasā tamahaṁ sabbaṁ. Yu. vāhasā
tamahaṁ yasaṁ.
Samacintesuṁ ime kho bho 1 brāhmaṇā nāma itthīluddhā yannūna
mayaṁ mahāgovindaṁ brāhmaṇaṁ itthīhi sikkheyyāmāti. Te mahāgovindaṁ
brāhmaṇaṁ upasaṅkamitvā evamāhaṁsu saṁvijjanti kho bho
imesu sattasu rajjesu pahūtā itthiyo tato bhoto yāvatikāhi
attho tāvatikā ānīyatāti 2 . Alaṁ bho mamapīmā 3 cattārīsā
bhariyā sādisiyo tāvāhaṁ 4 sabbā pahāya agārasmā anagāriyaṁ
pabbajissāmi yathā kho pana me sutaṁ brahmuno āmagandhe
bhāsamānassa te na sunimmadayā agāraṁ ajjhāvasatā pabbajissāmahaṁ
bho agārasmā anagāriyanti. Sace bhavaṁ govindo agārasmā
anagāriyaṁ pabbajissati mayampi agārasmā anagāriyaṁ pabbajissāma
atha yā te gati sā no gati bhavissatīti.

[233] Sace pajahatha kāmāni yattha satto puthujjano
ārambhavho daḷhā hotha khantībalasamāhitā.
Esa maggo ujumaggo esa maggo anuttaro
saddhammo sabbhi rakkhito brahmalokūpapattiyāti.

[234] Tenahi bhavaṁ mahāgovindo satta vassāni āgametu
sattannaṁ vassānaṁ accayena mayampi agārasmā anagāriyaṁ pabbajissāma
atha yā te gati sā no gati bhavissatīti. Aticiraṁ kho bho
satta vassāni nāhaṁ sakkomi bhavante satta vassāni āgametuṁ
1 Ma. Yu. bhosaddo natthi. 2 Ma. Yu. ānīyatanti. 3 Ma. mamapitā. 4 Sī.
tāpahaṁ. Ma. Yu. tāpāhaṁ.
Ko nu kho pana bho jānāti jīvitānaṁ gamanīyo samparāyo
mantāya voṭṭhabbaṁ 1 kattabbaṁ kusalaṁ caritabbaṁ brahmacariyaṁ natthi
jātassa amaraṇaṁ yathā kho pana me sutaṁ brahmuno āmagandhe
bhāsamānassa te na sunimmadayā agāraṁ ajjhāvasatā pabbajissāmahaṁ
bho agārasmā anagāriyanti. Tenahi bhavaṁ govindo cha vassāni
āgametu .pe. Pañca vassāni āgametu. Cattāri vassāni
āgametu. Tīṇi vassāni āgametu. Dve vassāni āgametu.
Ekaṁ vassaṁ āgametu ekassa vassassa accayena mayampi agārasmā
anagāriyaṁ pabbajissāma atha yā te gati sā no gati bhavissatīti.
Aticiraṁ kho bho ekaṁ vassaṁ nāhaṁ sakkomi bhavante ekaṁ vassaṁ
āgametuṁ ko nu kho pana bho jānāmi jīvitānaṁ gamanīyo
samparāyo mantāya voṭṭhabbaṁ kattabbaṁ kusalaṁ caritabbaṁ
brahmacariyaṁ natthi jātassa amaraṇaṁ yathā kho pana me sutaṁ
brahmuno āmagandhe bhāsamānassa te na sunimmadayā agāraṁ
ajjhāvasatā pabbajissāmahaṁ bho agārasmā anagāriyanti.
Tenahi bhavaṁ govindo satta māsāni āgametu sattannaṁ māsānaṁ
accayena mayampi agārasmā anagāriyaṁ pabbajissāma atha yā
te gati sā no gati bhavissatīti. Aticiraṁ kho bho satta
māsāni nāhaṁ sakkomi bhavante satta māsāni āgametuṁ ko
nu kho pana bho jānāti jīvitānaṁ gamanīyo samparāyo mantāya
1 Ma. mantāyaṁ boddhabbaṁ. Yu. bodhabbaṁ. ito paraṁ īdisameva.
Voṭṭhabbaṁ kattabbaṁ kusalaṁ caritabbaṁ brahmacariyaṁ natthi jātassa
amaraṇaṁ yathā kho pana me sutaṁ brahmuno āmagandhe bhāsamānassa
te na sunimmadayā agāraṁ ajjhāvasatā pabbajissāmahaṁ bho agārasmā
anagāriyanti. Tenahi bhavaṁ govindo cha māsāni āgametu. Pañca
māsāni āgametu. Cattāri māsāni āgametu. Tīṇi māsāni
āgametu. Dve māsāni āgametu. Ekaṁ māsaṁ āgametu.
Addhamāsaṁ 1 āgametu addhamāsassa accayena mayampi agārasmā
anagāriyaṁ pabbajissāma atha yā te gati sā no gati bhavissatīti.
Aticiraṁ kho bho addhamāso nāhaṁ sakkomi bhavante addhamāsaṁ
āgametuṁ ko nu kho pana bho jānāti jīvitānaṁ gamanīyo
samparāyo mantāya voṭṭhabbaṁ kattabbaṁ kusalaṁ caritabbaṁ
brahmacariyaṁ natthi jātassa amaraṇaṁ yathā kho pana me sutaṁ
brahmuno āmagandhe bhāsamānassa te na sunimmadayā agāraṁ
ajjhāvasatā pabbajissāmahaṁ bho agārasmā anagāriyanti. Tenahi
bhavaṁ govindo sattāhaṁ āgametu yāva mayaṁ sake puttabhātaro
rajje anusāsissāma sattāhassa accayena mayampi agārasmā
anagāriyaṁ pabbajissāma atha yā te gati sā no gati bhavissatīti.
Na ciraṁ kho bho sattāhaṁ āgamissāmahaṁ bhavante sattāhanti.
Athakho bho mahāgovindo brāhmaṇo yena te satta ca brāhmaṇamahāsālā
1 aḍḍhamāsantipi pāṭho.
Satta ca nhātakasatāni tenupasaṅkami upasaṅkamitvā
satta ca brāhmaṇamahāsāle satta ca nhātakasatāni etadavoca
aññaṁdāni bhavanto ācariyaṁ pariyesantu yo bhavantānaṁ mante
vācessati icchāmahaṁ bho agārasmā anagāriyaṁ pabbajituṁ yathā
kho pana me sutaṁ brahmuno āmagandhe bhāsamānassa te na
sunimmadayā agāraṁ ajjhāvasatā pabbajissāmahaṁ bho agārasmā
anagāriyanti. Mā bhavaṁ govindo agārasmā anagāriyaṁ pabbaji
pabbajjā bho appesakkhā ca appalābhā ca brahmaññaṁ
mahesakkhañca mahālābhañcāti. Mā bhavanto evaṁ avacuttha
mā bhavanto evaṁ avacuttha pabbajjā appesakkhā ca appalābhā ca
brahmaññaṁ mahesakkhañca mahālābhañcāti ko nu kho bho aññatra 1
mayā mahesakkhataro vā mahālābhataro vā ahaṁ vo vā 2 etarahi
rājāva 3 raññaṁ brahmāva 4 brāhmaṇānaṁ devatāva 5 gahapatikānaṁ tamahaṁ
sabbaṁ pahāya agārasmā anagāriyaṁ pabbajissāmi yathā kho pana
me sutaṁ brahmuno āmagandhe bhāsamānassa te na sunimmadayā
agāraṁ ajjhāvasatā pabbajissāmahaṁ bho agārasmā anagāriyanti.
Sace bhavaṁ govindo agārasmā anagāriyaṁ pabbajissati mayampi
agārasmā anagāriyaṁ pabbajissāma atha yā te gati sā no gati
bhavissatīti. Athakho bho mahāgovindo brāhmaṇo yena cattārīsā
1 aññoti vā pāṭho. 2 Sī. Ma. Yu. ahaṁ hi bho. 3-4-5 Yu. ... ca.
Bhariyā sādisiyo tenupasaṅkami upasaṅkamitvā cattārīsā bhariyā
sādisiyo etadavoca yā bhoti naṁ icchati sakāni vā ñātikulāni
gacchantu 1 aññaṁ vā bhattāraṁ pariyesantu 2 icchāmahaṁ bhoti
agārasmā anagāriyaṁ pabbajituṁ yathā kho pana me sutaṁ brahmuno
āmagandhe bhāsamānassa te na sunimmadayā agāraṁ ajjhāvasatā
pabbajissāmahaṁ bhoti agārasmā anagāriyanti. Tvaññeva no
ñāti ñātikāmānaṁ tvaṁ pana bhattā bhattukāmānaṁ sace bhavaṁ
bho 3 govindo agārasmā anagāriyaṁ pabbajissati mayampi bho 4
agārasmā anagāriyaṁ pabbajissāma atha yā te gati sā no
gati bhavissatīti. Athakho bho mahāgovindo brāhmaṇo tassa
sattāhassa accayena kesamassuṁ ohāretvā kāsāyāni vatthāni
acchādetvā agārasmā anagāriyaṁ pabbaji. Pabbajitañca pana
mahāgovindaṁ brāhmaṇaṁ satta ca rājāno khattiyā muddhāvasittā
satta ca brāhmaṇamahāsālā satta ca nhātakasatāni cattārīsā ca
bhariyā sādisiyo anekāni ca khattiyasahassāni anekāni ca brāhmaṇasahassāni
anekāni ca gahapatisahassāni anekā 5 ca itthāgārā
itthiyo kesamassuṁ ohāretvā kāsāyāni vatthāni acchādetvā
mahāgovindaṁ brāhmaṇaṁ agārasmā anagāriyaṁ pabbajitaṁ anupabbajiṁsu.
Tāya sudaṁ bho parisāya parivuto mahāgovindo brāhmaṇo gāmanigamarājadhānīsu
cārikaṁ carati. Yaṁ kho pana bho tena samayena mahāgovindo
1 Ma. Yu. gacchatu. 2 Ma. Yu. pariyesatu. 3-4 Ma. Yu. bhosaddo natthi. 5 Ma.
anekehi itthāgārehi.
Brāhmaṇo gāmaṁ vā nigamaṁ vā upasaṅkamati tattha rājāva hoti
raññaṁ brahmāva brāhmaṇānaṁ devatāva gahapatikānaṁ. Ye [1]- kho
pana bho tena samayena manussā khipanti vā upakkhalanti vā te
evamāhaṁsu namatthu mahāgovindassa brāhmaṇassa namatthu sattapurohitassāti.
Mahāgovindo [2]- brāhmaṇo mettāsahagatena cetasā
averena abyāpajjhena ekaṁ disaṁ pharitvā vihāsi tathā dutiyaṁ tathā
tatiyaṁ tathā catutthaṁ iti uddhamadho tiriyaṁ sabbadhi sabbattatāya
sabbāvantaṁ lokaṁ mettāsahagatena cetasā vipulena mahaggatena
appamāṇena averena abyāpajjhena pharitvā vihāsi karuṇāsahagatena
cetasā .pe. Muditāsahagatena cetasā .pe. Upekkhāsahagatena
cetasā .pe. Sāvakānañca brahmalokasahabyatāya maggaṁ
desesi. Ye kho pana bho tena samayena mahāgovindassa brāhmaṇassa
sāvakā sabbena sabbaṁ sāsanaṁ ājāniṁsu te kāyassa bhedā paraṁ
maraṇā sugatiṁ brahmalokaṁ upapajjiṁsu. Ye na sabbena sabbaṁ sāsanaṁ
ājāniṁsu te kāyassa bhedā paraṁ maraṇā appekacce paranimmitavasavattīnaṁ
devānaṁ sahabyataṁ upapajjiṁsu appekacce nimmānaratīnaṁ
devānaṁ sahabyataṁ upapajjiṁsu appekacce tusitānaṁ devānaṁ sahabyataṁ
upapajjiṁsu appekacce yāmānaṁ devānaṁ sahabyataṁ upapajjiṁsu
appekacce tāvatiṁsānaṁ devānaṁ sahabyataṁ upapajjiṁsu appekacce
cātummahārājikānaṁ devānaṁ sahabyataṁ upapajjiṁsu. Ye [3]- sabbanihīnakāyaṁ
1 Yu. ye ca kho pana. Ma. ye kho pana bhoti ime pāṭhā natthi. 2 Ma. Yu. bho.
3 Yu. sabbe.
Paripūresuṁ te gandhabbakāyaṁ paripūresuṁ. Iti kho pana 1 sabbesaṁyeva
tesaṁ kulaputtānaṁ amoghā pabbajjā ahosi avajjā 2 saphalā
saudrayāti 3 . Sarati taṁ bhagavāti. Sarāmahaṁ bho pañcasikha
ahantena samayena mahāgovindo brāhmaṇo ahosiṁ ahaṁ taṁ 4
sāvakānaṁ brahmalokasahabyatāya maggaṁ desesiṁ taṁ kho pana
pañcasikha brahmacariyaṁ na nibbidāya na virāgāya na nirodhāya na
upasamāya na abhiññāya na sambodhāya na nibbānāya saṁvattati
yāvadeva brahmalokūpapattiyā idaṁ kho pana me pañcasikha brahmacariyaṁ
ekantanibbidāya virāgāya nirodhāya upasamāya abhiññāya
sambodhāya nibbānāya saṁvattati. Katamañca 5 taṁ pañcasikha brahmacariyaṁ
ekantanibbidāya virāgāya nirodhāya upasamāya abhiññāya sambodhāya
nibbānāya saṁvattati ayameva ariyo aṭṭhaṅgiko maggo seyyathīdaṁ
sammādiṭṭhi sammāsaṅkappo sammāvācā sammākammanto sammāājīvo
sammāvāyāmo sammāsati sammāsamādhi idaṁ kho taṁ
pana pañcasikha brahmacariyaṁ ekantanibbidāya virāgāya nirodhāya
upasamāya abhiññāya sambodhāya nibbānāya saṁvattati. Ye kho
pana me pañcasikha sāvakā sabbena sabbaṁ sāsanaṁ ājānanti
te āsavānaṁ khayā anāsavaṁ cetovimuttiṁ paññāvimuttiṁ diṭṭhe va
dhamme sayaṁ abhiññā sacchikatvā upasampajja viharanti. Ye na
1 Ma. Yu. bho. 2 avañjhāti vā avajjhāti vā pāṭho. 3 Yu. sauddisāti.
4 Ma. Yu. tesaṁ. 5 Yu. katamañca ... saṁvattatīti ime pāṭhā natthi.
Sabbena sabbaṁ sāsanaṁ ājānanti te 1 pañcannaṁ orambhāgiyānaṁ
saññojanānaṁ parikkhayā opapātikā honti tattha parinibbāyino
anāvattidhammā tasmā lokā. Ye na sabbena sabbaṁ sāsanaṁ
ājānanti appekacce tiṇṇaṁ saññojanānaṁ parikkhayā rāgadosamohānaṁ
tanuttā sakadāgāmino honti sakideva imaṁ lokaṁ
āgantvā dukkhassantaṁ karissanti 2 . Ye na sabbena sabbaṁ sāsanaṁ
ājānanti appekacce tiṇṇaṁ saññojanānaṁ parikkhayā sotāpannā
honti avinipātadhammā niyatā sambodhiparāyanā. Iti kho pañcasikha
sabbesaññeva imesaṁ kulaputtānaṁ amoghā pabbajjā avajjā saphalā
saudrayāti 3 . Idamavoca bhagavā. Attamano pañcasikho gandhabbaputto
bhagavato bhāsitaṁ abhinanditvā anumoditvā bhagavantaṁ abhivādetvā
padakkhiṇaṁ katvā tatthevantaradhāyīti.
Mahāgovindasuttaṁ niṭṭhitaṁ chaṭṭhaṁ.
--------------
1 Yu. appekacce. 2 Yu. karonti. 3 Yu. sauddisāti.
Mahāsamayasuttaṁ

[235] Evamme sutaṁ. Ekaṁ samayaṁ bhagavā sakkesu viharati
kapilavatthusmiṁ mahāvane mahatā bhikkhusaṅghena saddhiṁ pañcamattehi
bhikkhusatehi sabbeheva arahantehi. Dasahi ca lokadhātūhi devatā
yebhuyyena sannipatitā honti bhagavantaṁ dassanāya bhikkhusaṅghañca.
Athakho catunnaṁ suddhāvāsakāyikānaṁ devānaṁ 1 etadahosi ayaṁ kho
bhagavā sakkesu viharati kapilavatthusmiṁ mahāvane mahatā bhikkhusaṅghena
saddhiṁ pañcamattehi bhikkhusatehi sabbeheva arahantehi dasahi ca
lokadhātūhi devatā yebhuyyena sannipatitā honti bhagavantaṁ dassanāya
bhikkhusaṅghañca yannūna mayampi yena bhagavā tenupasaṅkameyyāma
upasaṅkamitvā bhagavato santike paccekagāthaṁ 2 bhāseyyāmāti.
Athakho tā devatā seyyathāpi nāma balavā puraso sammiñjitaṁ
vā bāhaṁ pasāreyya pasāritaṁ vā bāhaṁ sammiñjeyya evameva
suddhāvāsesu devesu antarahitā bhagavato purato pāturahaṁsu. Athakho
tā devatā bhagavantaṁ abhivādetvā ekamantaṁ aṭṭhaṁsu. Ekamantaṁ
ṭhitā kho ekā devatā bhagavato santike imaṁ gāthaṁ abhāsi

[236] Mahāsamayo pavanasmiṁ
devakāyā samāgatā
1 Ma. devatānaṁ. 2 pāyato evaṁ. paccekagāthātipi pāṭhena pana bhavitabbaṁ. Ma.
paccekaṁ gāthaṁ.
Āgatamha imaṁ dhammasamayaṁ
dakkhitāyeva 1 aparājitasaṅghanti.