พุทธธรรมสงฆ์
📁 หัวข้อธรรม
📁 ฉบับมหามกุฏฯ
📁 ฉบับสยามรัฐ
📁 ฉบับหลวง
📁 ฉบับมหาจุฬาฯ
📁 อรรถกถา
📁 พุทธธรรมสงฆ์
📁 เจดีย์
📁 ฉันหนึ่งมื้อ
📁 ปฏิมาที่ขัดแย้ง
📁 กระทู้
📁 รูปปั้น
📁 อุทเทสิกเจดีย์
📁 ถวายเงินพระบาป
📁 คู่มือการใช้งาน


Suttantapiṭake dīghanikāyassa paṭhamo bhāgo (เล่ม 9)

[213] Āgamissanti kho bhoto yaññaṁ kāmesu micchācārinopi
1 imā khotipi pāṭhena bhavitabbaṁ.
Kāmesu micchācārāpi paṭiviratā ye tattha kāmesu micchācārino
tesaṁyeva tena ye tattha kāmesu micchācārā paṭiviratā te
ārabbha yajataṁ bhavaṁ sajjataṁ bhavaṁ modataṁ bhavaṁ cittameva bhavaṁ antaraṁ
pasādetu.

Suttantapiṭake dīghanikāyassa paṭhamo bhāgo (เล่ม 9)

[214] Āgamissanti kho bhoto yaññaṁ musāvādinopi musāvādā
paṭiviratāpi ye tattha musāvādino tesaṁyeva tena ye tattha musāvādā
paṭiviratā te ārabbha yajataṁ bhavaṁ sajjataṁ bhavaṁ modataṁ bhavaṁ cittameva
bhavaṁ antaraṁ pasādetu.

Suttantapiṭake dīghanikāyassa paṭhamo bhāgo (เล่ม 9)

[215] Āgamissanti kho bhoto yaññaṁ pisuṇavācinopi pisuṇāya
vācāya paṭiviratāpi ye tattha pisuṇavācino tesaṁyeva tena ye tattha
pisuṇāya vācāya paṭiviratā te ārabbha yajataṁ bhavaṁ sajjataṁ bhavaṁ
modataṁ bhavaṁ cittameva bhavaṁ antaraṁ pasādetu.

Suttantapiṭake dīghanikāyassa paṭhamo bhāgo (เล่ม 9)

[216] Āgamissanti kho bhoto yaññaṁ pharusavācinopi pharusāya
vācāya paṭiviratāpi ye tattha pharusavācino tesaṁyeva tena ye tattha
pharusavācāya paṭiviratā te ārabbha yajataṁ bhavaṁ sajjataṁ bhavaṁ modataṁ
bhavaṁ cittameva bhavaṁ antaraṁ pasādetu.

Suttantapiṭake dīghanikāyassa paṭhamo bhāgo (เล่ม 9)

[217] Āgamissanti kho bhoto yaññaṁ samphappalāpinopi
samphappalāpā paṭiviratāpi ye tattha samphappalāpino tesaṁyeva tena
ye tattha samphappalāpā paṭiviratā te ārabbha yajataṁ bhavaṁ sajjataṁ
bhavaṁ modataṁ bhavaṁ cittameva bhavaṁ antaraṁ pasādetu.

Suttantapiṭake dīghanikāyassa paṭhamo bhāgo (เล่ม 9)

[218] Āgamissanti kho bhoto yaññaṁ abhijjhālunopi anabhijjhālunopi
ye tattha abhijjhāluno tesaṁyeva tena ye tattha
anabhijjhāluno te ārabbha yajataṁ bhavaṁ sajjataṁ bhavaṁ modataṁ bhavaṁ
cittameva bhavaṁ antaraṁ pasādetu.

Suttantapiṭake dīghanikāyassa paṭhamo bhāgo (เล่ม 9)

[219] Āgamissanti kho bhoto yaññaṁ byāpannacittāpi
abyāpannacittāpi ye tattha byāpannacittāpi tesaṁyeva tena ye
tattha abyāpannacittā te ārabbha yajataṁ bhavaṁ sajjataṁ bhavaṁ modataṁ
bhavaṁ cittameva bhavaṁ antaraṁ pasādetu.

Suttantapiṭake dīghanikāyassa paṭhamo bhāgo (เล่ม 9)

[220] Āgamissanti kho bhoto yaññaṁ micchādiṭṭhikāpi
sammādiṭṭhikāpi ye tattha micchādiṭṭhikā tesaṁyeva tena ye tattha
sammādiṭṭhikā te ārabbha yajataṁ bhavaṁ sajjataṁ bhavaṁ modataṁ bhavaṁ
cittameva bhavaṁ antaraṁ pasādetūti. Imehi kho brāhmaṇa purohito
brāhmaṇo rañño mahāvijitassa pubbe va yaññā dasahākārehi
paṭiggāhakesu vippaṭisāraṁ paṭivinesi.

Suttantapiṭake dīghanikāyassa paṭhamo bhāgo (เล่ม 9)

[221] Athakho brāhmaṇa purohito brāhmaṇo rañño
mahāvijitassa mahāyaññaṁ yajamānassa soḷasahi ākārehi cittaṁ
sandassesi samādapesi samuttejesi sampahaṁsesi siyā kho pana bhoto
rañño mahāyaññaṁ yajamānassa kocideva vattā rājā kho mahāvijito
mahāyaññaṁ yajati no ca khvassa āmantitā khattiyā anuyantā
negamā ceva jānapadā ca atha ca pana bhavaṁ rājā evarūpaṁ mahāyaññaṁ
Yajatīti. Evaṁpi kho bhoto rañño vattā dhammato natthi.
Bhoto kho pana rañño āmantitā khattiyā anuyantā negamā
ceva jānapadā ca imināpetaṁ bhavaṁ rājā jānātu yajataṁ bhavaṁ sajjataṁ
bhavaṁ modataṁ bhavaṁ cittameva bhavaṁ antaraṁ pasādetu.

Suttantapiṭake dīghanikāyassa paṭhamo bhāgo (เล่ม 9)

[222] Siyā kho pana bhoto rañño mahāyaññaṁ yajamānassa
kocideva vattā rājā kho mahāvijito mahāyaññaṁ yajati no ca
khvassa āmantitā amaccā pārisajjā negamā ceva jānapadā ca
.pe. Brāhmaṇamahāsālā negamā ceva jānapadā ca. Gahapatinecayikā
negamā ceva jānapadā ca atha ca pana bhavaṁ rājā evarūpaṁ
mahāyaññaṁ yajatīti. Evaṁpi kho bhoto rañño vattā dhammato
natthi. Bhoto kho pana rañño āmantitā gahapatinecayikā negamā
ceva jānapadā ca. Imināpetaṁ bhavaṁ rājā jānātu yajataṁ bhavaṁ
sajjataṁ bhavaṁ modataṁ bhavaṁ cittameva bhavaṁ antaraṁ pasādetu.