[1010] Yaṁ saṅghasuṭṭhu taṁ saṅghaphāsu yaṁ saṅghaphāsu taṁ dummaṅkūnaṁ
puggalānaṁ niggahāya yaṁ dummaṅkūnaṁ puggalānaṁ niggahāya taṁ
pesalānaṁ bhikkhūnaṁ phāsuvihārāya yaṁ pesalānaṁ bhikkhūnaṁ phāsuvihārāya
taṁ diṭṭhadhammikānaṁ āsavānaṁ saṁvarāya yaṁ diṭṭhadhammikānaṁ āsavānaṁ
saṁvarāya taṁ samparāyikānaṁ āsavānaṁ paṭighātāya yaṁ samparāyikānaṁ
āsavānaṁ paṭighātāya taṁ appasannānaṁ pasādāya yaṁ appasannānaṁ
pasādāya taṁ pasannānaṁ bhiyyobhāvāya yaṁ pasannānaṁ bhiyyobhāvāya
taṁ saddhammaṭṭhitiyā yaṁ saddhammaṭṭhitiyā taṁ vinayānuggahāya.

[1011] Yaṁ saṅghasuṭṭhu taṁ saṅghaphāsu yaṁ saṅghasuṭṭhu taṁ dummaṅkūnaṁ
puggalānaṁ niggahāya yaṁ saṅghasuṭṭhu taṁ pesalānaṁ bhikkhūnaṁ phāsuvihārāya
yaṁ saṅghasuṭṭhu taṁ diṭṭhadhammikānaṁ āsavānaṁ saṁvarāya
yaṁ saṅghasuṭṭhu taṁ samparāyikānaṁ āsavānaṁ paṭighātāya yaṁ saṅghasuṭṭhu
Taṁ appasannānaṁ pasādāya yaṁ saṅghasuṭṭhu taṁ pasannānaṁ bhiyyobhāvāya
yaṁ saṅghasuṭṭhu taṁ saddhammaṭṭhitiyā yaṁ saṅghasuṭṭhu taṁ vinayānuggahāya.

[1012] Yaṁ saṅghaphāsu taṁ dummaṅkūnaṁ puggalānaṁ niggahāya yaṁ
saṅghaphāsu taṁ pesalānaṁ bhikkhūnaṁ phāsuvihārāya yaṁ saṅghaphāsu
taṁ diṭṭhadhammikānaṁ āsavānaṁ saṁvarāya yaṁ saṅghaphāsu taṁ samparāyikānaṁ
āsavānaṁ paṭighātāya yaṁ saṅghaphāsu taṁ appasannānaṁ pasādāya
yaṁ saṅghaphāsu taṁ pasannānaṁ bhiyyobhāvāya yaṁ saṅghaphāsu taṁ
saddhammaṭṭhitiyā yaṁ saṅghaphāsu taṁ vinayānuggahāya yaṁ saṅghaphāsu
taṁ saṅghasuṭṭhu.

[1013] Yaṁ dummaṅkūnaṁ puggalānaṁ niggahāya .pe. Yaṁ pesalānaṁ
bhikkhūnaṁ phāsuvihārāya .pe. Yaṁ diṭṭhadhammikānaṁ āsavānaṁ
saṁvarāya .pe. Yaṁ samparāyikānaṁ āsavānaṁ paṭighātāya .pe. Yaṁ
appasannānaṁ pasādāya .pe. Yaṁ pasannānaṁ bhiyyobhāvāya .pe. Yaṁ
saddhammaṭṭhitiyā .pe. Yaṁ vinayānuggahāya taṁ saṅghasuṭṭhu yaṁ
vinayānuggahāya taṁ saṅghaphāsu yaṁ vinayānuggahāya taṁ dummaṅkūnaṁ
puggalānaṁ niggahāya yaṁ vinayānuggahāya taṁ pesalānaṁ bhikkhūnaṁ
phāsuvihārāya yaṁ vinayānuggahāya taṁ diṭṭhadhammikānaṁ āsavānaṁ
saṁvarāya yaṁ vinayānuggahāya taṁ samparāyikānaṁ āsavānaṁ
paṭighātāya yaṁ vinayānuggahāya taṁ appasannānaṁ pasādāya yaṁ
vinayānuggahāya taṁ pasannānaṁ bhiyyobhāvāya yaṁ vinayānuggahāya
Taṁ saddhammaṭṭhitiyā [1]-.

[1014] Atthasataṁ dhammasataṁ dve ca niruttisatāni
cattāri ñāṇasatāni atthavase pakaraṇeti.
Atthavasepakaraṇaṁ niṭṭhitaṁ.
Mahāvaggaṁ niṭṭhitaṁ.
Tassuddānaṁ

[1015] Paṭhamaṁ aṭṭha pucchāya paccayesu punaṭṭha ca
bhikkhūnaṁ soḷasā ete bhikkhunīnañca soḷasa
peyyālāntarābhedā ekuttarikameva ca
pavāraṇatthavasikā mahāvaggassa saṅgahoti.
-------------
1 Ma. Yu. itisaddo dissati.
Gāthāsaṅgaṇikaṁ

[1016] Ekaṁsaṁ cīvaraṁ katvā paggaṇhitvāna añjaliṁ
āsiṁsamānarūpo va kissa tvaṁ idhamāgato.
Dvīsu vinayesu [1]- paññattā
uddesaṁ āgacchanti uposathesu
kati te sikkhāpadā honti
katīsu nagaresu paññattā.
Bhaddako te ummaṅgo yoniso paripucchasi
taggha te ahamakkhissaṁ yathāpi 2 kusalo tathā.
Dvīsu vinayesu [1]- paññattā
uddesaṁ āgacchanti uposathesu
aḍḍhuḍḍhasatāni te honti
sattasu nagaresu 3 paññattā.

[1017] Katamesu sattasu nagaresu paññattā.
Iṅgha me tvaṁ 4 byākara naṁ 5 .
Tava 6 vacanapathaṁ nisāmayitvā
paṭipajjema hitāya no siyā 7 .
Vesāliyā rājagahe sāvatthiyā ca āḷaviyā
kosambiyā ca sakkesu bhaggesu ceva paññattā.
1 Ma. ye.. 2 Ma. yathāsi. 3 sattanagaresu ? 4 Yu. taṁ. 5 Yu. byākaraṇaṁ.
6 Sī. ayaṁ pāṭho na dissati. Ma. Yu. taṁ. 7 Po. siyāti.

[1018] Kati vesāliyā paññattā kati rājagahe katā
sāvatthiyā kati honti 1 kati āḷaviyā katā 2
kati kosambiyā paññattā kati sakkesu vuccanti
kati bhaggesu paññattā taṁ me akkhāhi pucchito.
Dasavesāliyā paññattā ekavīsā 3 rājagahe katā
chaūnatīṇi satāni sabbe sāvatthiyā katā
cha āḷaviyā paññattā aṭṭha kosambiyā katā
aṭṭha sakkesu vuccanti tayo bhaggesu paññattā.
Ye vesāliyā paññattā te suṇohi yathākathaṁ 4 .
Methunaṁ viggahuttari 5 atirekañca kāḷakaṁ
bhūtaṁ paramparābhattaṁ dantapoṇena acelako
bhikkhunīsu ca akkoso dasete vesāliyā katā.
Ye rājagahe paññattā te suṇohi yathākathaṁ 4 .
Adinnādānaṁ rājagahe dve ca anuddhaṁsanā 6
dvepi ca bhedā antaravāsakaṁ
rūpiyaṁ suttaṁ ujjhāpanakena ca
1 paññattā ? 2 Yu. tathā. 3 Sī. Yu. ekavīsaṁ. 4 Ma. Yu. yathātathaṁ.
5 Sī. Ma. Yu. methunaviggahuttari.
6 Ma. adinnādānaṁ rājagahe dve anuddhaṁsanā dvepi ca bhedā
antaravāsakaṁ rūpiyaṁ suttaṁ ujjhāpanena ca pācitapiṇḍaṁ
gaṇabhojanaṁ vikāle ca cārittaṁ nhānaṁ ūnavīsati.
Pācitapiṇḍaṁ gaṇabhojanaṁ vikāle
cārittaṁ nhānaṁ ūnavīsa
cīvaraṁ datvā vosāsantī ete rājagahe katā.
Giraggacariyā tattheva 1 chandadānena ekavīsati.
Ye sāvatthiyā paññattā te suṇohi yathākathaṁ.
Pārājikāni cattāri saṅghādisesā bhavanti soḷasa
aniyatā [2]- dve honti nissaggiyā catuvīsati
chappaññāsasatañceva khuddakāni pavuccare 3
dasa gārayhā dvesattati sekhiyā.
Chaūnatīṇi satāni sabbe sāvatthiyā katā.
Ye āḷaviyā paññattā te suṇohi yathākathaṁ.
Kuṭikosiyaseyyā ca khaṇane gaccha devate
sappāṇakañca siñcanti cha ete āḷaviyā katā.
Ye kosambiyā paññattā te suṇohi yathākathaṁ.
Mahāvihāro dovacassaṁ aññaṁ dvāraṁ surāya ca
anādariyaṁ sahadhammo ca payopānena aṭṭhamaṁ.
Ye sakkesu paññattā te suṇohi yathākathaṁ.
Eḷakalomāni patto ca ovādopi ca 4 bhesajjaṁ
sūci āraññako ceva cha ete 5 kāpilavatthave.
1 Sī. Yu. tatheva. 2 Ma. Yu. ca. 3 Ma. Yu. pavuccanti. 4 Ma. Yu. ovādo
ceva. 5 Ma. aṭṭhete.
Udake suddhiyā ovādo bhikkhunīsu pavuccati 1 .
Ye bhaggesu paññattā te suṇohi yathākathaṁ.
Samādahitvā visibbenti sāmisena sasitthakaṁ.
Pārājikāni cattāri saṅghādisesāni bhavanti satta
nissaggiyāni aṭṭha dvattiṁsati ca khuddakā 2
dvegārayhā tayo sekhā chappaññāsa [3]-
chasu nagaresu paññattā buddhenādiccabandhunā
chaūnatīṇi satāni sabbe sāvatthiyā katā
[4]- Gotamena yasassinā.

[1019] Yantvaṁ apucchimhā akittayī no
tantaṁ byākataṁ anaññathā.
Aññantaṁ pucchāma 5 tadiṅgha brūhi.
Garukaṁ lahukaṁ cāpi sāvasesaṁ anavasesaṁ
duṭṭhullañca aduṭṭhullaṁ ye ca yāvatatiyakā
sādhāraṇaṁ asādhāraṇaṁ
vipattiyo ca yehi samathehi sammanti
sabbāni petāni viyākarohi.
Handa vākyaṁ suṇoma te.
Ekatiṁsā ye garukā aṭṭhettha anavasesā
1 Ma. Yu. pavuccanti. 2 Ma. Yu. dvattiṁsa khuddakā. 3 Ma. sikkhāpadā.
4 Ma. kāraṇikena buddhena. 5 Ma. Yu. pucchāmi.
Ye garukā te duṭṭhullā ye duṭṭhullā sā sīlavipatti.
Pārājikaṁ saṅghādiseso sīlavipattīti vuccati.
Thullaccayaṁ pācittiyaṁ pāṭidesanīyaṁ dukkaṭaṁ
dubbhāsitaṁ yocāyaṁ akkosati hassādhippāyo.
Ayaṁ sā ācāravipattisammatā.