[1000] Dasa āghātavatthūni. Dasa āghātapaṭivinayā. Dasa
vinītavatthūni. Dasavatthukā micchādiṭṭhi. Dasavatthukā sammādiṭṭhi.
Dasa antaggāhikā diṭṭhi. Dasa micchattā. Dasa sammattā.
Dasa akusalakammapathā. Dasa kusalakammapathā. Dasa adhammikā
salākagāhā. Dasa adhammikā salākagāhā. Sāmaṇerānaṁ dasa
sikkhāpadāni. Dasahaṅgehi samannāgato sāmaṇero nāsetabbo.

[1001] Dasahaṅgehi samannāgato vinayadharo bālotveva saṅkhaṁ
gacchati attano bhāsapariyantaṁ na uggaṇhāti parassa bhāsapariyantaṁ
na uggaṇhāti attano bhāsapariyantaṁ anuggahetvā parassa
bhāsapariyantaṁ anuggahetvā adhammena kāreti appaṭiññāya
āpattiṁ na jānāti āpattiyā mūlaṁ na jānāti āpattisamudayaṁ
na jānāti āpattinirodhaṁ na jānāti āpattinirodhagāminiṁ paṭipadaṁ
na jānāti. Dasahaṅgehi samannāgato vinayadharo paṇḍitotveva
saṅkhaṁ gacchati attano bhāsapariyantaṁ uggaṇhāti parassa
bhāsapariyantaṁ uggaṇhāti attano bhāsapariyantaṁ uggahetvā
parassa bhāsapariyantaṁ uggahetvā dhammena kāreti paṭiññāya
āpattiṁ jānāti āpattiyā mūlaṁ jānāti āpattisamudayaṁ
jānāti āpattinirodhaṁ jānāti āpattinirodhagāminiṁ paṭipadaṁ
jānāti. Aparehipi dasahaṅgehi samannāgato vinayadharo bālotveva
saṅkhaṁ gacchati adhikaraṇaṁ na jānāti adhikaraṇassa mūlaṁ na
jānāti adhikaraṇasamudayaṁ na jānāti adhikaraṇanirodhaṁ na jānāti
adhikaraṇanirodhagāminiṁ paṭipadaṁ na jānāti vatthuṁ na jānāti
nidānaṁ na jānāti paññattiṁ na jānāti anuppaññattiṁ na
Jānāti anusandhivacanapathaṁ na jānāti. Dasahaṅgehi samannāgato
vinayadharo paṇḍitotveva saṅkhaṁ gacchati adhikaraṇaṁ jānāti
adhikaraṇassa mūlaṁ jānāti adhikaraṇasamudayaṁ jānāti adhikaraṇanirodhaṁ
jānāti adhikaraṇanirodhagāminiṁ paṭipadaṁ jānāti vatthuṁ jānāti
nidānaṁ jānāti paññattiṁ jānāti anuppaññattiṁ jānāti
anusandhivacanapathaṁ jānāti. Aparehipi dasahaṅgehi samannāgato
vinayadharo bālotveva saṅkhaṁ gacchati ñattiṁ na jānāti ñattiyā
karaṇaṁ na jānāti na pubbakusalo hoti na aparakusalo hoti
akālaññū ca hoti āpattānāpattiṁ na jānāti lahukagarukaṁ
āpattiṁ na jānāti sāvasesānavasesaṁ āpattiṁ na jānāti
duṭṭhullāduṭṭhullaṁ āpattiṁ na jānāti ācariyaparamparā kho
panassa na suggahitā hoti na sumanasikatā na sūpadhāritā.
Dasahaṅgehi samannāgato vinayadharo paṇḍitotveva saṅkhaṁ gacchati
ñattiṁ jānāti ñattiyā karaṇaṁ jānāti pubbakusalo hoti
aparakusalo hoti kālaññū ca hoti āpattānāpattiṁ jānāti
lahukagarukaṁ āpattiṁ jānāti sāvasesānavasesaṁ āpattiṁ jānāti
duṭṭhullāduṭṭhullaṁ āpattiṁ jānāti ācariyaparamparā kho panassa
suggahitā hoti sumanasikatā sūpadhāritā. Aparehipi dasahaṅgehi
samannāgato vinayadharo bālotveva saṅkhaṁ gacchati āpattānāpattiṁ
na jānāti lahukagarukaṁ āpattiṁ na jānāti sāvasesānavasesaṁ āpattiṁ
Na jānāti duṭṭhullāduṭṭhullaṁ āpattiṁ na jānāti ubhayāni kho
panassa pātimokkhāni vitthārena na svāgatāni honti na suvibhattāni
na suppavattīni na suvinicchitāni suttaso anubyañjanaso āpattānāpattiṁ
na jānāti lahukagarukaṁ āpattiṁ na jānāti sāvasesānavasesaṁ
āpattiṁ na jānāti duṭṭhullāduṭṭhullaṁ āpattiṁ na jānāti adhikaraṇe
ca na 1 vinicchayakusalo hoti. Dasahaṅgehi samannāgato vinayadharo
paṇḍitotveva saṅkhaṁ gacchati āpattānāpattiṁ jānāti lahukagarukaṁ
āpattiṁ jānāti sāvasesānavasesaṁ āpattiṁ jānāti duṭṭhullāduṭṭhullaṁ
āpattiṁ jānāti ubhayāni kho panassa pātimokkhāni
vitthārena svāgatāni honti suvibhattāni suppavattīni suvinicchitāni
suttaso anubyañjanaso āpattānāpattiṁ jānāti lahukagarukaṁ
āpattiṁ jānāti sāvasesānavasesaṁ āpattiṁ jānāti duṭṭhullāduṭṭhullaṁ
āpattiṁ jānāti adhikaraṇe ca vinicchayakusalo hoti.

[1002] Dasahaṅgehi samannāgato bhikkhu ubbāhikāya sammannitabbo.
Dasa atthavase paṭicca tathāgatena sāvakānaṁ sikkhāpadaṁ
paññattaṁ. Dasa ādīnavā rājantepurappavesane. Dasa dānavatthūni.
Dasa ratanāni. Dasavaggo bhikkhusaṅgho. Dasavaggena gaṇena
upasampādetabbaṁ. Dasa paṁsukūlāni. Dasa cīvaradhāraṇāni 2 .
Dasāhaparamaṁ atirekacīvaraṁ dhāretabbaṁ. Dasa sukkāni. Dasa itthiyo.
1 Po. Yu. na ca. 2 Ma. Yu. cīvaradhāraṇā.
Dasa bhariyāyo. Vesāliyaṁ 1 dasa vatthūni dīpenti. Dasa puggalā
avandiyā. Dasa akkosavatthūni. Dasahākārehi pesuññaṁ
upasaṁharati. Dasa senāsanāni. Dasa varāni yāciṁsu. Dasa
adhammikāni pātimokkhaṭṭhapanāni. Dasa dhammikāni pātimokkhaṭṭhapanāni.
Dasānisaṁsā yāguyā. Dasa maṁsā akappiyā. Dasa
paramāni. Dasavassena bhikkhunā byattena paṭibalena pabbājetabbaṁ
upasampādetabbaṁ nissayo dātabbo sāmaṇero upaṭṭhāpetabbo.
Dasavassāya bhikkhuniyā byattāya paṭibalāya pabbājetabbaṁ
upasampādetabbaṁ nissayo dātabbo sāmaṇerī upaṭṭhāpetabbā.
Dasavassāya bhikkhuniyā byattāya paṭibalāya vuṭṭhāpanasammati
sāditabbā. Dasavassāya [2]- gihigatāya sikkhā dātabbāti.
Dasakaṁ niṭṭhitaṁ.
Tassuddānaṁ

[1003] Āghātavinayā 3 vatthu micchā sammā ca antagā
micchattā ceva sammattā akusalā kusalāpi ca
salākādhammadhammā ca sāmaṇerā ca nāsanā
bhāsādhikaraṇañceva ñatti lahukameva ca
lahukā garukā ete kaṇhasukkā vijānatha
ubbāhikā ca sikkhā ca antepurā 4 ca vatthūni
1 Ma. Yu. vesāliyā. 2 Po. bhikkhuniyā. 3 Ma. Yu. āghātaṁ vinayaṁ.
4 Ma. antepure.
Ratanaṁ dasavaggo ca tatheva upasampadā
paṁsukūladhāraṇā ca dasāhasukkaitthiyo
bhariyā dasa vatthūni avandiyakkosena ca
pesuññañceva 1 senā ca 2 varāni ca adhammikā
dhammikā yāgu maṁsā ca paramā bhikkhu bhikkhunī
vuṭṭhāpanā gihigatā dasakā suppakāsitāti.

[1004] Ekādasa puggalā anupasampannā na upasampādetabbā
upasampannā nāsetabbā. Ekādasa pādukā akappiyā.
Ekādasa pattā akappiyā. Ekādasa cīvarāni akappiyāni.
Ekādasa yāvatatiyakā. Bhikkhunīnaṁ ekādasa antarāyikā dhammā
pucchitabbā. Ekādasa cīvarāni adhiṭṭhātabbāni. Ekādasa
cīvarāni na vikappetabbāni. Ekādase aruṇuggamane nissaggiyaṁ
hoti. Ekādasa gaṇṭhikā kappiyā. Ekādasa vīthā 3 kappiyā.
Ekādasa paṭhaviyo akappiyā. Ekādasa paṭhaviyo kappiyā.
Ekādasa nissayapaṭippassaddhiyo. Ekādasa puggalā avandiyā.
Ekādasa paramāni. Ekādasa varāni yāciṁsu. Ekādasa sīmādosā.
Akkosakaparibhāsake puggale ekādasa ādīnavā pāṭikaṅkhā.
Mettāya cetovimuttiyā āsevitāya bhāvitāya bahulīkatāya yānīkatāya
vatthukatāya anuṭṭhitāya paricitāya susamāraddhāya ekādasānisaṁsā
1 Yu. pesuññā. Sī. pesuñño. 2 Ma. senāni. 3 Po. Ma. Yu. vidhā.
Pāṭikaṅkhā sukhaṁ supati sukhaṁ paṭibujjhati na pāpakaṁ supinaṁ
passati manussānaṁ piyo hoti amanussānaṁ piyo hoti devatā
rakkhanti nāssa aggi vā visaṁ vā satthaṁ vā kamati tuvaṭaṁ cittaṁ
samādhiyati mukhavaṇṇo vippasīdati asammūḷho kālaṁ karoti uttariṁ
appaṭivijjhanto brahmalokūpago hoti mettāya cetovimuttiyā
āsevitāya bhāvitāya bahulīkatāya yānīkatāya vatthukatāya anuṭṭhitāya
paricitāya susamāraddhāya ime ekādasānisaṁsā pāṭikaṅkhāti.
Ekādasakaṁ niṭṭhitaṁ.
Tassuddānaṁ

[1005] Nāsetabbā pādukā ca pattā ca cīvarāni ca
tatiyā pucchitabbā ca adhiṭṭhānavikappanā
aruṇā gaṇṭhikā vīthā 1 akappiyā ca kappiyaṁ
nissayāvandiyā ceva paramāni varāni ca
sīmādosā ca akkosā mettāyekādasā katāti 2 .
Ekuttarikaṁ niṭṭhitaṁ.
Tassuddānaṁ

[1006] Ekakā ca dukā ceva tikā ca catupañcakā
chasattaṭṭhanavakā ca dasaekādasāni ca
hitāya sabbasattānaṁ ñātadhammena tādinā
ekuttarikā vimalā mahāvīrena desitāti.
1 Po. Ma. Yu. vidhā. 2 Po. mettāyekādasakkatāti.
Uposathādipucchāvissajjanā

[1007] Uposathakammassa ko ādi kiṁ majjhe kiṁ pariyosānaṁ.
Pavāraṇākammassa ko ādi kiṁ majjhe kiṁ pariyosānaṁ.
Tajjanīyakammassa .pe. Niyassakammassa .pe. Pabbājanīyakammassa
.pe. Paṭisāraṇīyakammassa .pe. Ukkhepanīyakammassa .pe.
Parivāsadānassa .pe. Mūlāya paṭikassanāya .pe. Mānattadānassa
.pe. Abbhānassa .pe. Upasampadākammassa ko ādi kiṁ majjhe
kiṁ pariyosānaṁ. Tajjanīyakammassa paṭippassaddhiyā ko ādi
kiṁ majjhe kiṁ pariyosānaṁ. Niyassakammassa paṭippassaddhiyā .pe.
Pabbājanīyakammassa paṭippassaddhiyā .pe. Paṭisāraṇīyakammassa
paṭippassaddhiyā .pe. Ukkhepanīyakammassa paṭippassaddhiyā ko
ādi kiṁ majjhe kiṁ pariyosānaṁ. Sativinayassa ko ādi
kiṁ majjhe kiṁ pariyosānaṁ .pe. Amūḷhavinayassa .pe. Tassapāpiyasikāya
.pe. Tiṇavatthārakassa .pe. Bhikkhunovādakasammatiyā
.pe. Ticīvarena avippavāsasammatiyā .pe. Santhatasammatiyā
.pe. Rūpiyacchaḍḍakasammatiyā .pe. Sāṭiyagāhāpakasammatiyā .pe.
Pattagāhāpakasammatiyā .pe. Daṇḍasammatiyā .pe. Sikkāsammatiyā
.pe. Daṇḍasikkāsammatiyā ko ādi kiṁ majjhe
kiṁ pariyosānaṁ.

[1008] Uposathakammassako ādi kiṁ majjhe kiṁ pariyosānanti.
Uposathakammassa sāmaggī ādi kiriyā majjhe niṭṭhānaṁ pariyosānaṁ.
Pavāraṇākammassa ko ādi kiṁ majjhe kiṁ pariyosānanti.
Pavāraṇākammassa sāmaggī ādi kiriyā majjhe niṭṭhānaṁ
pariyosānaṁ. Tajjanīyakammassa ko ādi kiṁ majjhe kiṁ pariyosānanti.
Tajjanīyakammassa vatthu ca puggalo ca ādi ñatti majjhe
kammavācā pariyosānaṁ. Niyassakammassa .pe. Pabbājanīyakammassa
paṭisāraṇīyakammassa ukkhepanīyakammassa parivāsadānassa mūlāya
paṭikassanāya mānattadānassa abbhānassa ko ādi kiṁ majjhe
kiṁ pariyosānanti. Abbhānassa vatthu ca puggalo ca ādi ñatti
majjhe kammavācā pariyosānaṁ. Upasampadākammassa ko ādi
kiṁ majjhe kiṁ pariyosānanti. Upasampadākammassa puggalo
ādi ñatti majjhe kammavācā pariyosānaṁ. Tajjanīyakammassa
paṭippassaddhiyā ko ādi kiṁ majjhe kiṁ pariyosānanti.
Tajjanīyakammassa paṭippassaddhiyā sammāvattanā ādi ñatti majjhe
kammavācā pariyosānaṁ. Niyassakammassa .pe. Pabbājanīyakammassa
paṭisāraṇīyakammassa ukkhepanīyakammassa paṭippassaddhiyā ko ādi
kiṁ majjhe kiṁ pariyosānanti. Ukkhepanīyakammassa paṭippassaddhiyā
sammāvattanā ādi ñatti majjhe kammavācā pariyosānaṁ.
Sativinayassa ko ādi kiṁ majjhe kiṁ pariyosānanti. Sativinayassa
Vatthu ca puggalo ca ādi ñatti majjhe kammavācā pariyosānaṁ.
Amūḷhavinayassa .pe. Tassapāpiyasikāya tiṇavatthārakassa bhikkhunovādakasammatiyā
ticīvarena avippavāsasammatiyā santhatasammatiyā
rūpiyacchaḍḍakasammatiyā sāṭiyagāhāpakasammatiyā pattagāhāpakasammatiyā
daṇḍasammatiyā sikkāsammatiyā daṇḍasikkāsammatiyā
ko ādi kiṁ majjhe kiṁ pariyosānanti. Daṇḍasikkāsammatiyā
vatthu ca puggalo ca ādi ñatti majjhe kammavācā pariyosānaṁ.
-------------
Atthavasepakaraṇaṁ

[1009] Dasa atthavase paṭicca tathāgatena sāvakānaṁ sikkhāpadaṁ
paññattaṁ. Saṅghasuṭṭhutāya saṅghaphāsutāya dummaṅkūnaṁ puggalānaṁ
niggahāya pesalānaṁ bhikkhūnaṁ phāsuvihārāya diṭṭhadhammikānaṁ āsavānaṁ
saṁvarāya samparāyikānaṁ āsavānaṁ paṭighātāya appasannānaṁ
pasādāya pasannānaṁ bhiyyobhāvāya saddhammaṭṭhitiyā vinayānuggahāya.