[1797] Hetuyā ekaṁ ārammaṇe dve avigate dve.
Sahajātavāropi pañhāvāropi sabbattha vitthāretabbā.

[1798] Saraṇaṁ adukkhamasukhāyavedanāyasampayuttaṁ dhammaṁ paṭicca
saraṇo adukkhamasukhāyavedanāyasampayutto dhammo uppajjati hetupaccayā:.
Araṇaṁ adukkhamasukhāyavedanāyasampayuttaṁ dhammaṁ paṭicca
araṇo adukkhamasukhāyavedanāyasampayutto dhammo uppajjati hetupaccayā:.

[1799] Hetuyā dve ārammaṇe dve avigate dve.
Sahajātavāropi pañhāvāropi sabbattha vitthāretabbā.
Saraṇadukavedanāttikaṁ niṭṭhitaṁ.
---------
Saraṇadukavipākattikaṁ

[1800] Araṇaṁ vipākaṁ dhammaṁ paṭicca araṇo vipāko dhammo
uppajjati hetupaccayā:.

[1801] Hetuyā ekaṁ ārammaṇe ekaṁ avigate ekaṁ.
Sahajātavārepi pañhāvārepi sabbattha ekaṁ.

[1802] Saraṇaṁ vipākadhammadhammaṁ paṭicca saraṇo vipākadhammadhammo
uppajjati hetupaccayā:. Araṇaṁ vipākadhammadhammaṁ paṭicca
araṇo vipākadhammadhammo uppajjati hetupaccayā:.

[1803] Hetuyā dve ārammaṇe dve avigate dve.
Sahajātavāropi pañhāvāropi vitthāretabbā.

[1804] Araṇaṁ nevavipākanavipākadhammadhammaṁ paṭicca araṇo
Nevavipākanavipākadhammadhammo uppajjati hetupaccayā:.

[1805] Hetuyā ekaṁ ārammaṇe ekaṁ avigate ekaṁ.
Sahajātavārepi pañhāvārepi sabbattha ekaṁ.
Saraṇadukavipākattikaṁ niṭṭhitaṁ.
---------
Saraṇadukaupādinnattikaṁ

[1806] Araṇaṁ upādinnupādāniyaṁ dhammaṁ paṭicca araṇo
upādinnupādāniyo dhammo uppajjati hetupaccayā:.