[1777] Aniyataṁ abyākataṁ dhammaṁ paṭicca aniyato abyākato
dhammo uppajjati hetupaccayā:.

[1778] Hetuyā ekaṁ ārammaṇe ekaṁ.
Sahajātavārepi pañhāvārepi sabbattha ekaṁ.
Niyatadukakusalattikaṁ niṭṭhitaṁ.
---------
Sauttaradukakusalattikaṁ

[1779] Sauttaraṁ kusalaṁ dhammaṁ paṭicca sauttaro kusalo dhammo
uppajjati hetupaccayā:. Anuttaraṁ kusalaṁ dhammaṁ paṭicca anuttaro
kusalo dhammo uppajjati hetupaccayā:.

[1780] Hetuyā dve ārammaṇe dve avigate dve.
Sahajātavāropi pañhāvāropi sabbattha vitthāretabbā.

[1781] Sauttaraṁ akusalaṁ dhammaṁ paṭicca sauttaro akusalo
dhammo uppajjati hetupaccayā:.

[1782] Hetuyā ekaṁ ārammaṇe ekaṁ avigate ekaṁ.
Sahajātavārepi pañhāvārepi sabbattha ekaṁ.

[1783] Sauttaraṁ abyākataṁ dhammaṁ paṭicca sauttaro abyākato
Dhammo uppajjati hetupaccayā:. Anuttaraṁ abyākataṁ dhammaṁ paṭicca
anuttaro abyākato dhammo uppajjati hetupaccayā:.

[1784] Hetuyā pañca ārammaṇe dve avigate pañca.
Sahajātavāropi pañhāvāropi sabbattha vitthāretabbā.
Lokiyalokuttaradukābyākatasadisaṁ.
Sauttaradukakusalattikaṁ niṭṭhitaṁ.
--------
Saraṇadukakusalattikaṁ

[1785] Araṇaṁ kusalaṁ dhammaṁ paṭicca araṇo kusalo dhammo
uppajjati hetupaccayā:.

[1786] Hetuyā ekaṁ ārammaṇe ekaṁ avigate ekaṁ.
Sahajātavārepi pañhāvārepi sabbattha ekaṁ.