[1757] Hetuyā cattāri. Ārammaṇe tīṇi: arūpāvacaramūle
dve nārūpāvacare ekaṁ. Adhipatiyā cattāri: arūpāvacaramūle
tīṇi nārūpāvacare ekaṁ. Anantare cattāri .pe. Sahajāte pañca
aññamaññe dve nissaye satta upanissaye cattāri purejāte
dve pacchājāte dve āsevane tīṇi kamme cattāri
vipāke dve .pe. Sampayutte dve vippayutte tīṇi atthiyā
satta natthiyā cattāri .pe.
Arūpāvacaradukakusalattikaṁ niṭṭhitaṁ.
----------
Pariyāpannadukakusalattikaṁ

[1758] Pariyāpannaṁ kusalaṁ dhammaṁ paṭicca pariyāpanno kusalo
dhammo uppajjati hetupaccayā:. Apariyāpannaṁ kusalaṁ dhammaṁ paṭicca
apariyāpanno kusalo dhammo uppajjati hetupaccayā:.

[1759] Hetuyā dve ārammaṇe dve avigate dve.
Lokiyalokuttaradukakusalasadisaṁ.
Sahajātavāropi pañhāvāropi vitthāretabbā.

[1760] Pariyāpannaṁ akusalaṁ dhammaṁ paṭicca pariyāpanno akusalo
dhammo uppajjati hetupaccayā:.

[1761] Hetuyā ekaṁ ārammaṇe ekaṁ avigate ekaṁ.
Sahajātavārepi pañhāvārepi sabbattha ekaṁ.

[1762] Pariyāpannaṁ abyākataṁ dhammaṁ paṭicca pariyāpanno
abyākato dhammo uppajjati hetupaccayā:. Apariyāpannaṁ abyākataṁ
dhammaṁ paṭicca apariyāpanno abyākato dhammo uppajjati hetupaccayā:.

[1763] Hetuyā pañca ārammaṇe dve avigate pañca.
Lokiyalokuttaradukābyākatasadisaṁ.
Sahajātavāropi pañhāvāropi sabbattha vitthāretabbā.
Pariyāpannadukakusalattikaṁ niṭṭhitaṁ.
-----------
Niyyānikadukakusalattikaṁ

[1764] Niyyānikaṁ kusalaṁ dhammaṁ paṭicca niyyāniko kusalo
dhammo uppajjati hetupaccayā:. Aniyyānikaṁ kusalaṁ dhammaṁ paṭicca
aniyyāniko kusalo dhammo uppajjati hetupaccayā:.

[1765] Hetuyā dve ārammaṇe dve.
Lokiyalokuttaradukasadisaṁ.
Sahajātavāropi pañhāvāropi vitthāretabbā.

[1766] Aniyyānikaṁ akusalaṁ dhammaṁ paṭicca aniyyāniko akusalo
dhammo uppajjati hetupaccayā:.