[1737] Kāmāvacaro abyākato dhammo kāmāvacarassa
abyākatassa dhammassa hetupaccayena paccayo:.

[1738] Hetuyā cattāri ārammaṇe cattāri. Adhipatiyā
cattāri: kāmāvacare ekaṁ nakāmāvacare tīṇi kāmāvacare
sahajātādhipatiyeva. Anantare cattāri samanantare cattāri
sahajāte satta aññamaññe cha nissaye satta upanissaye
cattāri purejāte dve pacchājāte dve āsevane tīṇi
kamme cattāri vipāke cattāri āhāre cattāri sampayutte
dve vippayutte tīṇi atthiyā satta natthiyā cattāri .pe.
Kāmāvacaradukakusalattikaṁ niṭṭhitaṁ.
--------
Rūpāvacaradukakusalattikaṁ

[1739] Rūpāvacaraṁ kusalaṁ dhammaṁ paṭicca rūpāvacaro kusalo
dhammo uppajjati hetupaccayā:. Narūpāvacaraṁ kusalaṁ dhammaṁ paṭicca
narūpāvacaro kusalo dhammo uppajjati hetupaccayā:.

[1740] Hetuyā dve ārammaṇe dve sabbattha dve.

[1741] Nādhipatiyā dve .pe. Napurejāte ekaṁ nāasevane
ekaṁ navippayutte ekaṁ.
Sahajātavārādi vitthāretabbaṁ.

[1742] Rūpāvacaro kusalo dhammo rūpāvacarassa kusalassa
dhammassa hetupaccayena paccayo:.

[1743] Hetuyā dve ārammaṇe cattāri. Adhipatiyā tīṇi:
rūpāvacare ekaṁ sahajātādhipatiyeva narūpāvacare dve. Anantare
tīṇi: rūpāvacare ekaṁ narūpāvacare dve. Samanantare tīṇi sahajāte
dve .pe. Upanissaye cattāri āsevane tīṇi kamme
dve .pe. Atthiyā dve natthiyā tīṇi .pe.

[1744] Narūpāvacaraṁ akusalaṁ dhammaṁ paṭicca narūpāvacaro akusalo
dhammo uppajjati hetupaccayā:. Sabbattha ekaṁ.

[1745] Rūpāvacaraṁ abyākataṁ dhammaṁ paṭicca rūpāvacaro abyākato
dhammo uppajjati hetupaccayā: tīṇi. Narūpāvacaraṁ abyākataṁ dhammaṁ
paṭicca narūpāvacaro abyākato dhammo uppajjati hetupaccayā:.

[1746] Hetuyā nava ārammaṇe cattāri avigate nava.
Yathā kāmāvacaranakāmāvacaradukābyākatasadisaṁ.
Ettakāyeva pañhā heṭṭhuparikaṁ parivattanti.
Sahajātavāropi pañhāvāropi sabbattha vitthāretabbā.
Rūpāvacaradukakusalattikaṁ niṭṭhitaṁ.
---------
Arūpāvacaradukakusalattikaṁ