[1787] Saraṇaṁ akusalaṁ dhammaṁ paṭicca saraṇo akusalo dhammo
uppajjati hetupaccayā:.

[1788] Hetuyā ekaṁ ārammaṇe ekaṁ avigate ekaṁ.
Sahajātavārepi pañhāvārepi sabbattha ekaṁ.

[1789] Araṇaṁ abyākataṁ dhammaṁ paṭicca araṇo abyākato
dhammo uppajjati hetupaccayā:.

[1790] Hetuyā ekaṁ ārammaṇe ekaṁ avigate ekaṁ.
Sahajātavārepi sampayuttavārepi sabbattha ekaṁ.

[1791] Araṇo abyākato dhammo araṇassa abyākatassa
dhammassa hetupaccayena paccayo:.

[1792] Hetuyā ekaṁ ārammaṇe ekaṁ avigate ekaṁ.
Yathā kusalattike pañhāvāro evaṁ vitthāretabbo.
Saraṇadukakusalattikaṁ niṭṭhitaṁ.
--------
Saraṇadukavedanāttikaṁ

[1793] Saraṇaṁ sukhāyavedanāyasampayuttaṁ dhammaṁ paṭicca saraṇo
sukhāyavedanāyasampayutto dhammo uppajjati hetupaccayā:. Araṇaṁ
sukhāyavedanāyasampayuttaṁ dhammaṁ paṭicca araṇo sukhāyavedanāyasampayutto
dhammo uppajjati hetupaccayā:.

[1794] Hetuyā dve ārammaṇe dve kamme dve
avigate dve.
Sahajātavāropi pañhāvāropi sabbattha vitthāretabbā.

[1795] Saraṇaṁ dukkhāyavedanāyasampayuttaṁ dhammaṁ paṭicca saraṇo
dukkhāyavedanāyasampayutto dhammo uppajjati hetupaccayā:.

[1796] Saraṇaṁ dukkhāyavedanāyasampayuttaṁ dhammaṁ paṭicca saraṇo
dukkhāyavedanāyasampayutto dhammo uppajjati ārammaṇapaccayā:.