[1817] Hetuyā ekaṁ ārammaṇe ekaṁ avigate ekaṁ.
Sahajātavārepi pañhāvārepi sabbattha ekaṁ.
Saraṇadukasaṅkiliṭṭhattikaṁ niṭṭhitaṁ.
-----------
Saraṇadukavitakkattikaṁ

[1818] Saraṇaṁ savitakkasavicāraṁ dhammaṁ paṭicca saraṇo savitakkasavicāro
dhammo uppajjati hetupaccayā:. Araṇaṁ savitakkasavicāraṁ
dhammaṁ paṭicca araṇo savitakkasavicāro dhammo uppajjati hetupaccayā:.

[1819] Hetuyā dve ārammaṇe dve avigate dve.
Sahajātavāropi pañhāvāropi vitthāretabbā.

[1820] Araṇaṁ avitakkavicāramattaṁ dhammaṁ paṭicca araṇo
avitakkavicāramatto dhammo uppajjati hetupaccayā:.

[1821] Hetuyā ekaṁ avigate ekaṁ.
Sahajātavārepi pañhāvārepi sabbattha ekaṁ.

[1822] Araṇaṁ avitakkāvicāraṁ dhammaṁ paṭicca araṇo
avitakkāvicāro dhammo uppajjati hetupaccayā:.

[1823] Hetuyā ekaṁ ārammaṇe ekaṁ sabbattha ekaṁ.
Saraṇadukavitakkattikaṁ niṭṭhitaṁ.
----------
Saraṇadukapītittikaṁ

[1824] Saraṇaṁ pītisahagataṁ dhammaṁ paṭicca saraṇo pītisahagato
dhammo uppajjati hetupaccayā:. Araṇaṁ pītisahagataṁ dhammaṁ paṭicca
Araṇo pītisahagato dhammo uppajjati hetupaccayā:.

[1825] Hetuyā dve ārammaṇe dve avigate dve.
Sahajātavāropi pañhāvāropi sabbattha vitthāretabbā.

[1826] Saraṇaṁ sukhasahagataṁ dhammaṁ paṭicca saraṇo sukhasahagato
dhammo uppajjati hetupaccayā:. Araṇaṁ sukhasahagataṁ dhammaṁ paṭicca
araṇo sukhasahagato dhammo uppajjati hetupaccayā:.