[1827] Hetuyā dve ārammaṇe dve avigate dve.
Sahajātavāropi pañhāvāropi vitthāretabbā.

[1828] Saraṇaṁ upekkhāsahagataṁ dhammaṁ paṭicca saraṇo upekkhāsahagato
dhammo uppajjati hetupaccayā:. Araṇaṁ upekkhāsahagataṁ
dhammaṁ paṭicca araṇo upekkhāsahagato dhammo uppajjati
hetupaccayā:.

[1829] Hetuyā dve ārammaṇe dve avigate dve.
Sahajātavārepi pañhāvārepi sabbattha vitthāro.
Saraṇadukapītittikaṁ niṭṭhitaṁ.
----------
Saraṇadukadassanattikaṁ

[1830] Saraṇaṁ dassanenapahātabbaṁ dhammaṁ paṭicca saraṇo
dassanenapahātabbo dhammo uppajjati hetupaccayā:.

[1831] Hetuyā ekaṁ ārammaṇe ekaṁ avigate ekaṁ.
Sahajātavārepi pañhāvārepi sabbattha ekaṁ.

[1832] Saraṇaṁ bhāvanāyapahātabbaṁ dhammaṁ paṭicca saraṇo
bhāvanāyapahātabbo dhammo uppajjati hetupaccayā:.

[1833] Hetuyā ekaṁ ārammaṇe ekaṁ avigate ekaṁ.
Sahajātavārepi pañhāvārepi sabbattha ekaṁ.

[1834] Araṇaṁ nevadassanenanabhāvanāyapahātabbaṁ dhammaṁ paṭicca
araṇo nevadassanenanabhāvanāyapahātabbo dhammo uppajjati
hetupaccayā:.

[1835] Hetuyā ekaṁ sabbattha ekaṁ.
Saraṇadukadassanattikaṁ niṭṭhitaṁ.
---------
Saraṇadukadassanenapahātabbahetukattikaṁ

[1836] Saraṇaṁ dassanenapahātabbahetukaṁ dhammaṁ paṭicca saraṇo
dassanenapahātabbahetuko dhammo uppajjati hetupaccayā:.