[725] Hetupaccayā nāarammaṇe cattāri ... Nādhipatiyā cattāri
Nānantare cattāri nasamanantare cattāri namaññamaññe dve naupanissaye
cattāri sabbattha cattāri namagge cattāri nasampayutte
dve navippayutte dve nonatthiyā cattāri novigate cattāri.

[726] Nahetupaccayā ārammaṇe cattāri ... Adhipatiyā pañca
anulomamātikā kātabbā ... Avigate satta.
Parāmāsasampayuttadukaṁ niṭṭhitaṁ.
-----------
Parāmāsaparāmaṭṭhadukaṁ
paṭiccavāro

[727] Parāmāsañcevaparāmaṭṭhañca dhammaṁ paṭicca
parāmaṭṭhocevanocaparāmāso dhammo uppajjati hetupaccayā: parāmāsaṁ paṭicca
sampayuttakā khandhā cittasamuṭṭhānañca rūpaṁ. Parāmaṭṭhañcevanocaparāmāsaṁ
dhammaṁ paṭicca parāmaṭṭhocevanocaparāmāso dhammo
uppajjati hetupaccayā: parāmaṭṭhañcevanocaparāmāsaṁ ekaṁ khandhaṁ
paṭicca tayo khandhā cittasamuṭṭhānañca rūpaṁ dve khandhe ... Paṭisandhikkhaṇe
yāva ajjhattikā mahābhūtā. Parāmaṭṭhañcevanocaparāmāsaṁ
dhammaṁ paṭicca parāmāsocevaparāmaṭṭhoca dhammo uppajjati
hetupaccayā: parāmaṭṭhecevanocaparāmāse khandhe paṭicca parāmāso.
Parāmaṭṭhañcevanocaparāmāsaṁ dhammaṁ paṭicca parāmāsocevaparāmaṭṭhoca
parāmaṭṭhocevanocaparāmāso ca dhammā uppajjanti hetupaccayā:
Parāmaṭṭhañcevanocaparāmāsaṁ ekaṁ khandhaṁ paṭicca tayo khandhā parāmāso
ca cittasamuṭṭhānañca rūpaṁ dve khandhe .... Parāmāsañcevaparāmaṭṭhañca
parāmaṭṭhañcevanocaparāmāsañca dhammaṁ paṭicca
parāmaṭṭhocevanocaparāmāso dhammo uppajjati hetupaccayā:
parāmaṭṭhañcevanocaparāmāsaṁ ekaṁ khandhañca parāmāsañca paṭicca
tayo khandhā cittasamuṭṭhānañca rūpaṁ dve khandhe .... Saṅkhittaṁ.
Sabbe vārā yathā parāmāsadukaṁ evaṁ kātabbaṁ ninnānākaraṇaṁ.
Pañhāvāro

[728] Parāmaṭṭhocevanocaparāmāso dhammo parāmaṭṭhassaceva-
nocaparāmāsassa dhammassa hetupaccayena paccayo: parāmaṭṭhāceva-
nocaparāmāsā hetū sampayuttakānaṁ khandhānaṁ cittasamuṭṭhānānañca
rūpānaṁ hetupaccayena paccayo paṭisandhi. Parāmaṭṭhocevanocaparāmāso
dhammo parāmāsassacevaparāmaṭṭhassaca dhammassa hetupaccayena
paccayo: parāmaṭṭhācevanocaparāmāsā hetū parāmāsassa
hetupaccayena paccayo. Parāmaṭṭhocevanocaparāmāso dhammo
parāmāsassacevaparāmaṭṭhassaca parāmaṭṭhassacevanocaparāmāsassa ca
dhammassa hetupaccayena paccayo: parāmaṭṭhācevanocaparāmāsā hetū
sampayuttakānaṁ khandhānaṁ parāmāsassa ca cittasamuṭṭhānānañca rūpānaṁ
hetupaccayena paccayo.

[729] Parāmāsocevaparāmaṭṭhoca dhammo parāmāsassacevaparāmaṭṭhassaca
Dhammassa ārammaṇapaccayena paccayo: tīṇi ārabbha
kātabbā parāmāsadukasadisā. Parāmaṭṭhocevanocaparāmāso
dhammo parāmaṭṭhassacevanocaparāmāsassa dhammassa ārammaṇapaccayena
paccayo: dānaṁ ... Sīlaṁ ... Uposathakammaṁ katvā taṁ paccavekkhati
assādeti abhinandati taṁ ārabbha rāgo vicikicchā uddhaccaṁ
domanassaṁ uppajjati pubbe ... Jhānā ... Ariyā gotrabhuṁ paccavekkhanti
vodānaṁ paccavekkhanti pahīne kilese ... Vikkhambhite
kilese ... Pubbe ... Cakkhuṁ ... Vatthuṁ ... Parāmaṭṭhecevanocaparāmāse
khandhe aniccato ... Domanassaṁ uppajjati dibbena cakkhunā rūpaṁ
passati yāva āvajjanāya sabbaṁ kātabbaṁ. Parāmaṭṭhocevanocaparāmāso
dhammo parāmāsassacevaparāmaṭṭhassaca dhammassa
ārammaṇapaccayena paccayo: dānaṁ ... Sīlaṁ ... Uposathakammaṁ ... Pubbe
... Jhānā ... Cakkhuṁ ... Vatthuṁ ... Parāmaṭṭhecevanocaparāmāse khandhe
assādeti abhinandati taṁ ārabbha diṭṭhi .... Parāmaṭṭhocevanocaparāmāso
dhammo parāmāsassacevaparāmaṭṭhassaca parāmaṭṭhassacevanocaparāmāsassa
ca dhammassa ārammaṇapaccayena paccayo: dānaṁ ... Sīlaṁ ...
Uposathakammaṁ ... Pubbe ... Jhānā ... Cakkhuṁ ... Vatthuṁ ...
Parāmaṭṭhecevanocaparāmāse khandhe aniccato ... Vipassati assādeti
abhinandati taṁ ārabbha parāmāso ca sampayuttakā ca khandhā uppajjanti.
Evaṁ itarepi tīṇi ārabbha kātabbā. Imaṁ dukaṁ parāmāsadukasadisaṁ.
Lokuttaraṁ yamhi na labbhati tamhi na kātabbaṁ.
Parāmāsaparāmaṭṭhadukaṁ niṭṭhitaṁ.
-------------
Parāmāsavippayuttaparāmaṭṭhadukaṁ
paṭiccavāro

[730] Parāmāsavippayuttaṁparāmaṭṭhaṁ dhammaṁ paṭicca
parāmāsavippayuttoparāmaṭṭho dhammo uppajjati hetupaccayā:
parāmāsavippayuttaṁparāmaṭṭhaṁ ekaṁ khandhaṁ paṭicca tayo khandhā cittasamuṭṭhānañca
rūpaṁ dve khandhe .... Parāmāsavippayuttaṁaparāmaṭṭhaṁ dhammaṁ paṭicca
parāmāsavippayuttoaparāmaṭṭho dhammo uppajjati hetupaccayā:.
Saṅkhittaṁ.
Yathā cūḷantaraduke lokiyadukaṁ evaṁ kātabbaṁ ninnānākaraṇaṁ.
Parāmāsavippayuttaparāmaṭṭhadukaṁ niṭṭhitaṁ.
Anulomadukapaṭṭhānaṁ purimaṁ

Abhidhammapiṭake paṭṭhānaṁ
catuttho bhāgo
anulomadukapaṭṭhānaṁ pacchimaṁ
---------
namo tassa bhagavato arahato sammāsambuddhassa.
Sārammaṇadukaṁ
paṭiccavāro

[1] Sārammaṇaṁ dhammaṁ paṭicca sārammaṇo dhammo uppajjati
hetupaccayā: sārammaṇaṁ ekaṁ khandhaṁ paṭicca tayo khandhā dve khandhe ...
Paṭisandhikkhaṇe .pe. Sārammaṇaṁ dhammaṁ paṭicca anārammaṇo dhammo
uppajjati hetupaccayā: sārammaṇe khandhe paṭicca cittasamuṭṭhānaṁ
rūpaṁ paṭisandhikkhaṇe .pe. Sārammaṇaṁ dhammaṁ paṭicca sārammaṇo ca
anārammaṇo ca dhammā uppajjanti hetupaccayā: sārammaṇaṁ ekaṁ
khandhaṁ paṭicca tayo khandhā cittasamuṭṭhānañca rūpaṁ dve khandhe ...
Paṭisandhikkhaṇe .pe. Anārammaṇaṁ dhammaṁ paṭicca anārammaṇo dhammo
uppajjati hetupaccayā: ekaṁ mahābhūtaṁ .pe. Mahābhūte paṭicca
cittasamuṭṭhānaṁ rūpaṁ kaṭattārūpaṁ upādārūpaṁ. Anārammaṇaṁ dhammaṁ
paṭicca sārammaṇo dhammo uppajjati hetupaccayā: paṭisandhikkhaṇe
Vatthuṁ paṭicca sārammaṇā khandhā. Anārammaṇaṁ dhammaṁ paṭicca
sārammaṇo ca anārammaṇo ca dhammā uppajjanti hetupaccayā:
paṭisandhikkhaṇe vatthuṁ paṭicca sārammaṇā khandhā mahābhūte paṭicca
kaṭattārūpaṁ. Sārammaṇañca anārammaṇañca dhammaṁ paṭicca sārammaṇo
dhammo uppajjati hetupaccayā: paṭisandhikkhaṇe sārammaṇaṁ ekaṁ
khandhañca vatthuñca paṭicca tayo khandhā dve khandhe .... Sārammaṇañca
anārammaṇañca dhammaṁ paṭicca anārammaṇo dhammo uppajjati
hetupaccayā: sārammaṇe khandhe ca mahābhūte ca paṭicca cittasamuṭṭhānaṁ
rūpaṁ paṭisandhikkhaṇe .pe. Sārammaṇañca anārammaṇañca
dhammaṁ paṭicca sārammaṇo ca anārammaṇo ca dhammā uppajjanti
hetupaccayā: paṭisandhikkhaṇe sārammaṇaṁ ekaṁ khandhañca vatthuñca
paṭicca tayo khandhā dve khandhe ... Sārammaṇe khandhe ca mahābhūte
ca paṭicca kaṭattārūpaṁ.

[2] Sārammaṇaṁ dhammaṁ paṭicca sārammaṇo dhammo uppajjati
ārammaṇapaccayā: sārammaṇaṁ ekaṁ khandhaṁ paṭicca tayo khandhā dve
khandhe ... Paṭisandhi. Anārammaṇaṁ dhammaṁ paṭicca sārammaṇo dhammo
uppajjati ārammaṇapaccayā: paṭisandhikkhaṇe vatthuṁ paṭicca sārammaṇā
khandhā. Sārammaṇañca anārammaṇañca dhammaṁ paṭicca sārammaṇo
dhammo uppajjati ārammaṇapaccayā: paṭisandhikkhaṇe sārammaṇaṁ ekaṁ
khandhañca vatthuñca paṭicca tayo khandhā dve khandhe ... Saṅkhittaṁ.

[3] Hetuyā nava ārammaṇe tīṇi adhipatiyā pañca
anantare tīṇi samanantare tīṇi sahajāte nava aññamaññe cha
nissaye nava upanissaye tīṇi purejāte ekaṁ āsevane ekaṁ
kamme nava vipāke nava āhāre nava indriye nava jhāne
nava magge nava sampayutte tīṇi vippayutte nava atthiyā nava
natthiyā tīṇi vigate tīṇi avigate nava.