[4] Sārammaṇaṁ dhammaṁ paṭicca sārammaṇo dhammo uppajjati
nahetupaccayā: ahetukaṁ sārammaṇaṁ ekaṁ khandhaṁ paṭicca tayo khandhā
dve khandhe ... Ahetukapaṭisandhikkhaṇe vicikicchāsahagate uddhaccasahagate
khandhe paṭicca vicikicchāsahagato uddhaccasahagato moho. Sārammaṇaṁ
dhammaṁ paṭicca anārammaṇo dhammo uppajjati nahetupaccayā: ahetuke
sārammaṇe khandhe paṭicca cittasamuṭṭhānaṁ rūpaṁ ahetukapaṭisandhi.
Sārammaṇaṁ dhammaṁ paṭicca sārammaṇo ca anārammaṇo ca dhammā
uppajjanti nahetupaccayā: ahetukaṁ sārammaṇaṁ ekaṁ khandhaṁ paṭicca tayo
khandhā cittasamuṭṭhānañca rūpaṁ dve khandhe ... Ahetukapaṭisandhi.
Anārammaṇaṁ dhammaṁ paṭicca anārammaṇo dhammo uppajjati nahetupaccayā:
ekaṁ mahābhūtaṁ ... Asaññasattānaṁ ekaṁ mahābhūtaṁ ....
Anārammaṇaṁ dhammaṁ paṭicca sārammaṇo dhammo uppajjati nahetupaccayā:
ahetukapaṭisandhikkhaṇe vatthuṁ paṭicca sārammaṇā khandhā.
Anārammaṇaṁ dhammaṁ paṭicca sārammaṇo ca anārammaṇo ca dhammā
Uppajjanti nahetupaccayā: ahetukapaṭisandhikkhaṇe vatthuṁ paṭicca
sārammaṇā khandhā mahābhūte paṭicca kaṭattārūpaṁ. Sārammaṇañca
anārammaṇañca dhammaṁ paṭicca sārammaṇo dhammo uppajjati nahetupaccayā:
ahetukapaṭisandhikkhaṇe sārammaṇaṁ ekaṁ khandhañca vatthuñca
paṭicca tayo khandhā dve khandhe .... Sārammaṇañca anārammaṇañca
dhammaṁ paṭicca anārammaṇo dhammo uppajjati nahetupaccayā: ahetuke
sārammaṇe khandhe ca mahābhūte ca paṭicca cittasamuṭṭhānaṁ rūpaṁ
ahetukapaṭisandhi. Sārammaṇañca anārammaṇañca dhammaṁ paṭicca
sārammaṇo ca anārammaṇo ca dhammā uppajjanti nahetupaccayā:
ahetukapaṭisandhikkhaṇe sārammaṇaṁ ekaṁ khandhañca vatthuñca paṭicca
tayo khandhā dve khandhe ... Sārammaṇe khandhe ca mahābhūte ca
paṭicca kaṭattārūpaṁ.

[5] Sārammaṇaṁ dhammaṁ paṭicca anārammaṇo dhammo uppajjati
nāarammaṇapaccayā: sārammaṇe khandhe paṭicca cittasamuṭṭhānaṁ rūpaṁ
paṭisandhikkhaṇe .pe. Anārammaṇaṁ dhammaṁ paṭicca anārammaṇo
dhammo uppajjati nāarammaṇapaccayā: yāva asaññasattā.
Sārammaṇañca anārammaṇañca dhammaṁ paṭicca anārammaṇo dhammo
uppajjati nāarammaṇapaccayā: sārammaṇe khandhe ca mahābhūte ca
paṭicca cittasamuṭṭhānaṁ rūpaṁ paṭisandhi. Saṅkhittaṁ.

[6] Nahetuyā nava nāarammaṇe tīṇi nādhipatiyā nava
Nānantare tīṇi nasamanantare tīṇi nāññamaññe tīṇi naupanissaye
tīṇi napurejāte nava napacchājāte nava nāasevane nava
nakamme dve navipāke pañca nāahāre ekaṁ naindriye ekaṁ
najhāne dve namagge nava nasampayutte tīṇi navippayutte
dve nonatthiyā tīṇi novigate tīṇi.

[7] Hetupaccayā nāarammaṇe tīṇi ... Nādhipatiyā nava.
Saṅkhittaṁ.

[8] Nahetupaccayā ārammaṇe tīṇi ... Sahajāte nava. Saṅkhittaṁ.
... Magge nava avigate nava.
Sahajātavāropi paṭiccavārasadiso.
Paccayavāro

[9] Sārammaṇaṁ dhammaṁ paccayā sārammaṇo dhammo uppajjati
hetupaccayā: tīṇi paṭiccasadisā. Anārammaṇaṁ dhammaṁ paccayā
anārammaṇo dhammo uppajjati hetupaccayā: ekaṁ mahābhūtaṁ .pe.
Mahābhūte paccayā cittasamuṭṭhānaṁ rūpaṁ kaṭattārūpaṁ upādārūpaṁ.
Anārammaṇaṁ dhammaṁ paccayā sārammaṇo dhammo uppajjati hetupaccayā:
vatthuṁ paccayā sārammaṇā khandhā paṭisandhikkhaṇe vatthuṁ paccayā
sārammaṇā khandhā. Anārammaṇaṁ dhammaṁ paccayā sārammaṇo ca
anārammaṇo ca dhammā uppajjanti hetupaccayā: vatthuṁ paccayā
sārammaṇā khandhā mahābhūte paccayā cittasamuṭṭhānaṁ rūpaṁ
Paṭisandhi. Sārammaṇañca anārammaṇañca dhammaṁ paccayā sārammaṇo
dhammo uppajjati hetupaccayā: sārammaṇaṁ ekaṁ khandhañca vatthuñca
paccayā tayo khandhā dve khandhe ... Paṭisandhi. Sārammaṇañca
anārammaṇañca dhammaṁ paccayā anārammaṇo dhammo uppajjati
hetupaccayā: sārammaṇe khandhe ca mahābhūte ca paccayā cittasamuṭṭhānaṁ
rūpaṁ paṭisandhi. Sārammaṇañca anārammaṇañca dhammaṁ paccayā
sārammaṇo ca anārammaṇo ca dhammā uppajjanti hetupaccayā:
sārammaṇaṁ ekaṁ khandhañca vatthuñca paccayā tayo khandhā dve
khandhe ... Sārammaṇe khandhe ca mahābhūte ca paccayā cittasamuṭṭhānaṁ
rūpaṁ paṭisandhi.

[10] Sārammaṇaṁ dhammaṁ paccayā sārammaṇo dhammo uppajjati
ārammaṇapaccayā: sārammaṇaṁ ekaṁ khandhaṁ paccayā tayo khandhā dve
khandhe ... Paṭisandhi. Anārammaṇaṁ dhammaṁ paccayā sārammaṇo dhammo
uppajjati ārammaṇapaccayā: cakkhāyatanaṁ paccayā cakkhuviññāṇaṁ
kāyāyatanaṁ paccayā kāyaviññāṇaṁ vatthuṁ paccayā sārammaṇā
khandhā paṭisandhi. Sārammaṇañca anārammaṇañca dhammaṁ paccayā
sārammaṇo dhammo uppajjati ārammaṇapaccayā: cakkhuviññāṇasahagataṁ
ekaṁ khandhañca cakkhāyatanañca paccayā tayo khandhā dve khandhe ...
Kāyaviññāṇasahagataṁ .pe. Sārammaṇaṁ ekaṁ khandhañca vatthuñca
paccayā tayo khandhā dve khandhe ... Paṭisandhi. Saṅkhittaṁ.

[11] Hetuyā nava ārammaṇe tīṇi adhipatiyā nava anantare
tīṇi samanantare tīṇi sahajāte nava aññamaññe cha nissaye
nava upanissaye tīṇi purejāte tīṇi āsevane tīṇi kamme
nava vipāke nava āhāre nava indriye nava jhāne nava
magge nava sampayutte tīṇi vippayutte nava atthiyā nava
natthiyā tīṇi vigate tīṇi avigate nava.

[12] Sārammaṇaṁ dhammaṁ paccayā sārammaṇo dhammo uppajjati
nahetupaccayā: tīṇi paṭiccasadisā. Anārammaṇaṁ dhammaṁ paccayā
anārammaṇo dhammo uppajjati nahetupaccayā: ekaṁ mahābhūtaṁ ...
Asaññasattānaṁ ekaṁ mahābhūtaṁ .... Anārammaṇaṁ dhammaṁ paccayā
sārammaṇo dhammo uppajjati nahetupaccayā: cakkhāyatanaṁ paccayā
cakkhuviññāṇaṁ kāyāyatanaṁ paccayā kāyaviññāṇaṁ vatthuṁ paccayā
ahetukā sārammaṇā khandhā paṭisandhikkhaṇe vatthuṁ paccayā
vicikicchāsahagato uddhaccasahagato moho. Anārammaṇaṁ dhammaṁ
paccayā sārammaṇo ca anārammaṇo ca dhammā uppajjanti
nahetupaccayā: vatthuṁ paccayā sārammaṇā khandhā mahābhūte paccayā
cittasamuṭṭhānaṁ rūpaṁ paṭisandhi. Sārammaṇañca anārammaṇañca
dhammaṁ paccayā sārammaṇo dhammo uppajjati nahetupaccayā:
cakkhuviññāṇasahagataṁ ekaṁ khandhañca cakkhāyatanañca paccayā tayo khandhā
dve khandhe ... Kāyaviññāṇasahagataṁ .pe. Sārammaṇaṁ ekaṁ
Khandhañca vatthuñca paccayā tayo khandhā dve khandhe ... Paṭisandhi.
Sārammaṇañca anārammaṇañca dhammaṁ paccayā anārammaṇo dhammo
uppajjati nahetupaccayā: sārammaṇe khandhe ca mahābhūte ca paccayā
cittasamuṭṭhānaṁ rūpaṁ paṭisandhi. Sārammaṇañca anārammaṇañca dhammaṁ
paccayā sārammaṇo ca anārammaṇo ca dhammā uppajjanti
nahetupaccayā: sārammaṇaṁ ekaṁ khandhañca vatthuñca paccayā tayo
khandhā dve khandhe ... Sārammaṇe khandhe ca mahābhūte ca paccayā
cittasamuṭṭhānaṁ rūpaṁ paṭisandhikkhaṇe sārammaṇaṁ ekaṁ khandhañca
vatthuñca paccayā tayo khandhā dve khandhe ... Sārammaṇe khandhe ca
mahābhūte ca paccayā kaṭattārūpaṁ. Saṅkhittaṁ.

[13] Nahetuyā nava nāarammaṇe tīṇi nādhipatiyā nava
nānantare tīṇi nasamanantare tīṇi nāññamaññe tīṇi naupanissaye
tīṇi napurejāte nava napacchājāte nava nāasevane nava
nakamme cattāri navipāke nava nāahāre ekaṁ naindriye ekaṁ
najhāne cattāri namagge nava nasampayutte tīṇi navippayutte
dve nonatthiyā tīṇi novigate tīṇi.