[14] Hetupaccayā nāarammaṇe tīṇi ... Nādhipatiyā nava.
Saṅkhittaṁ.

[15] Nahetupaccayā ārammaṇe tīṇi ... Anantare tīṇi samanantare
tīṇi sahajāte nava. Saṅkhittaṁ. ... Magge tīṇi avigate nava.
Nissayavāro paccayavārasadiso.
Saṁsaṭṭhavāro

[16] Sārammaṇaṁ dhammaṁ saṁsaṭṭho sārammaṇo dhammo uppajjati
hetupaccayā: sārammaṇaṁ ekaṁ khandhaṁ saṁsaṭṭhā tayo khandhā .pe.
Dve khandhe saṁsaṭṭhā dve khandhā.

[17] Hetuyā ekaṁ ārammaṇe ekaṁ adhipatiyā ekaṁ
sabbattha ekaṁ avigate ekaṁ.

[18] Sārammaṇaṁ dhammaṁ saṁsaṭṭho sārammaṇo dhammo uppajjati
nahetupaccayā: ahetukaṁ sārammaṇaṁ ekaṁ khandhaṁ saṁsaṭṭhā tayo khandhā
dve khandhe ... Vicikicchāsahagate uddhaccasahagate khandhe saṁsaṭṭho
moho. Saṅkhittaṁ.

[19] Nahetuyā ekaṁ nādhipatiyā ekaṁ napurejāte ekaṁ
napacchājāte ekaṁ nāasevane ekaṁ nakamme ekaṁ navipāke
ekaṁ najhāne ekaṁ namagge ekaṁ navippayutte ekaṁ.
Evaṁ itare dve gaṇanāpi sampayuttavāropi kātabbā.
Pañhāvāro

[20] Sārammaṇo dhammo sārammaṇassa dhammassa hetupaccayena
paccayo: sārammaṇā hetū sampayuttakānaṁ khandhānaṁ hetupaccayena
paccayo paṭisandhi. Sārammaṇo dhammo anārammaṇassa dhammassa
hetupaccayena paccayo: sārammaṇā hetū cittasamuṭṭhānānaṁ rūpānaṁ
hetupaccayena paccayo paṭisandhi. Sārammaṇo dhammo sārammaṇassa
Ca anārammaṇassa ca dhammassa hetupaccayena paccayo: sārammaṇā
hetū sampayuttakānaṁ khandhānaṁ cittasamuṭṭhānānañca rūpānaṁ hetupaccayena
paccayo paṭisandhi.

[21] Sārammaṇo dhammo sārammaṇassa dhammassa ārammaṇapaccayena
paccayo: dānaṁ ... Sīlaṁ ... Uposathakammaṁ ... Taṁ paccavekkhati
assādeti abhinandati taṁ ārabbha .pe. Domanassaṁ uppajjati
pubbe suciṇṇāni ... Jhānā ... Ariyā gotrabhuṁ vodānaṁ paccavekkhanti
ariyā maggā vuṭṭhahitvā maggaṁ paccavekkhanti phalaṁ
paccavekkhanti pahīne kilese paccavekkhanti vikkhambhite kilese
paccavekkhanti pubbe samudāciṇṇe kilese jānanti sārammaṇe
khandhe aniccato .pe. Domanassaṁ uppajjati cetopariyāñāṇena
sārammaṇacittasamaṅgissa cittaṁ jānāti ākāsānañcāyatanaṁ
viññāṇañcāyatanassa ākiñcaññāyatanaṁ nevasaññānāsaññāyatanassa
sārammaṇā khandhā iddhividhañāṇassa cetopariyañāṇassa pubbenivāsānussatiñāṇassa
yathākammupagañāṇassa anāgataṁsañāṇassa āvajjanāya
ārammaṇapaccayena paccayo. Anārammaṇo dhammo sārammaṇassa
dhammassa ārammaṇapaccayena paccayo: ariyā nibbānaṁ paccavekkhanti
nibbānaṁ gotrabhussa vodānassa maggassa phalassa āvajjanāya
ārammaṇapaccayena paccayo cakkhuṁ ... Vatthuṁ aniccato .pe. Domanassaṁ
uppajjati dibbena cakkhunā rūpaṁ passati dibbāya sotadhātuyā
Saddaṁ suṇāti rūpāyatanaṁ cakkhuviññāṇassa phoṭṭhabbāyatanaṁ
kāyaviññāṇassa anārammaṇā khandhā iddhividhañāṇassa cetopariyañāṇassa
pubbenivāsānussatiñāṇassa yathākammupagañāṇassa
anāgataṁsañāṇassa āvajjanāya ārammaṇapaccayena paccayo.

[22] Sārammaṇo dhammo sārammaṇassa dhammassa adhipatipaccayena
paccayo: ārammaṇādhipati sahajātādhipati. Ārammaṇādhipati: dānaṁ ...
Sīlaṁ ... Uposathakammaṁ ... Taṁ garuṁ katvā paccavekkhati assādeti abhinandati
taṁ garuṁ katvā rāgo uppajjati diṭṭhi uppajjati .pe. Pubbe
suciṇṇāni ... Jhānā vuṭṭhahitvā jhānaṁ ... Ariyā maggā vuṭṭhahitvā
maggaṁ garuṁ ... Phalaṁ garuṁ ... Sārammaṇe khandhe garuṁ katvā assādeti
abhinandati taṁ garuṁ katvā rāgo uppajjati diṭṭhi uppajjati .pe.
Sahajātādhipati: sārammaṇā adhipati sampayuttakānaṁ khandhānaṁ adhipatipaccayena
paccayo. Sārammaṇo dhammo anārammaṇassa dhammassa
adhipatipaccayena paccayo: sahajātādhipati: sārammaṇā adhipati
cittasamuṭṭhānānaṁ rūpānaṁ adhipatipaccayena paccayo. Sārammaṇo dhammo
sārammaṇassa ca anārammaṇassa ca dhammassa adhipatipaccayena paccayo:
sahajātādhipati: sārammaṇā adhipati sampayuttakānaṁ khandhānaṁ cittasamuṭṭhānānañca
rūpānaṁ adhipatipaccayena paccayo. Anārammaṇo
dhammo sārammaṇassa dhammassa adhipatipaccayena paccayo: ārammaṇādhipati:
ariyā nibbānaṁ garuṁ katvā paccavekkhanti nibbānaṁ
Gotrabhussa vodānassa maggassa phalassa adhipatipaccayena paccayo
cakkhuṁ ... Vatthuṁ garuṁ katvā assādeti abhinandati taṁ garuṁ katvā
rāgo uppajjati diṭṭhi uppajjati .pe.

[23] Sārammaṇo dhammo sārammaṇassa dhammassa anantarapaccayena
paccayo: purimā purimā sārammaṇā .pe. Phalasamāpattiyā
anantarapaccayena paccayo. Samanantarapaccayena paccayo:
sahajātapaccayena paccayo: satta paṭiccavāre sahajātasadisā
aññamaññapaccayena paccayo: paṭiccavāre aññamaññasadisā cha
nissayapaccayena paccayo: satta paccayavāre nissayasadisā.